حائرة جدااااااا

[مشكلتي]

السلام عليكم
قد تبدو مشلتي بسيطة لكنني عاجزة عن ايجاد الحل،رغم اني أتفنن في ايجاد حلول مشاكل الغير والكل يستشيرني
المهم،مشكلتي ببساطة أنه تقدم الي شاب أشارت عليه عمته أن يتزوجني،لكنه قوبل برفض أبي لأسباب أجهلها والمشكل أنه لم يخبرني لحد الساعة،سمعت فقط من صديقة لي كان يدلاس معها مازالت على اتصال به،هذه المرة الثالثة التي يعيد فيها المحاولة وهو يطلب رأيي أنا،المشكل أنني لا أعرفه ولا مرة رأيته وأنا أرفض تماما أن أبدأ علاقة معه غير شرعية،بامكاني أن أسأل تلك الصديقة لكنني جدا خجولة منها هي دائما تتحدث عنه بكل خير،وكلما تقدم الي آخر ليطلب يدي تقول ان لامجال للمقارنة بين هذا وذاك،أنا جدا حائرة والله علما أنني كلما استخرت ارتحت له
هل من المعقول ان يكون كلام صديقتي قد أثر في؟؟رجاء أرشدوني قالت لي صديقتي أنه يريد الاجابة العاجلة خصوصا أن وقت عطلته قصير وسرعان ما سيعود لعمله
كيف اقنع ابي به؟؟وللعلم انا لم اخبر أمي به أبدا فهل أخبرها وبأي طريقة؟؟
شكرا لكم

[سجل أنا جزائري]

في رأيي زيد اسألي علييه مليييح و استخري الله و اذا كان النتيجة ايجابية خبريه عن طريق صديقتك انك ما عندكش اعتراض لكن القرار الأخير يرجع للأب فإذا كان متمسك بيك سيجاول اقناع والدك أيضا استشري أمك بخصوص هذا الموضوع ممكن هي تعرف الأسباب اللي خلات الأب يرفضو

ربي يوفقك و يقدر ليك الخير ان شاء الله

[soso sirin]

اختي انتي راكي تقولي ماتعرفيهش امالا كيفاه راح تعرفي بلي مليح ولا لالا معنتها راه في يديك هدرة صحبتك برك و راكي تقولي باباك ماقلكش حتا و لا انتي قادرة تقولي ليماك و حشمانة باه تسقسي صحبتك اختي راكي مبلعتها كامل في وجهك هاذي الطفلة صحبتك امالا سقسيها واش قالو باباك و علاه قالو لالا و اهدري مع يماك خير لانو انتي ماراهش عندك حتا معلومة و كلشي بالمكتوب اذا كان مكتوبك راح تديه اذا كان لالا خيرو في غيرو و زيد مادام باباك رفضو بلاك شاف حاجة ماشي نيشان لانو قليل وين تلقاي اب مايبغيش الخير لبنتو لانو مكانش حاجة تفرح الاب قد مايلقى راجل مليح لبنتو عارف بلي يتهلى فيها و يحطها في عينيه اختي روحي سقسي ماماك وزيدي صحبتك و ربي يقدم الي فيها الخير

[منهاج]

السلام عليكم

إن شاء االله ترزقين بالزوج الصالح في القريب العاجل،اما بخصوص انك استخرتي وارتحتي للخاطب ليس الارتياح وحده فقط

وانما يمكن مانع الاستخارة ترجم من خلال رفض والديك عليه

[جزائري وفقط]

كيفاه راح تزوجي واحد

متعرفيهش

[saadi saif]

السلام عليكم انا نعطيك اقتراح مليح اسألي عليه من مصادراخرى غير صديقتك ولا تسألي شخص او اثنان بل اكثري من الاشخاص لانه يوجد الي يشكر ويوجد الي يسب وقارني بين كلام الناس وكلام صديقتك وكلمي امك في الموضوع وربي هو الي خلق وماي يضيعش اي مخلوق واخيرا ربي يفرج عليك وعلى المومنين

[*أمنيآت لآمتنآهية*]

فعلا مشكلة تحير،هو صح يبان باغيك من قلبو كي عاود وعاود بالصح انت ماتقدري تديري والو كي رفض أبوك،قولي لأمك وحاولي تقسيها على السبب لي خلى أبوك يرفض واسألي عليك صديقتك وعلاه الحشمة زعما،وفي نفس الوقت سقسي عليه من جهة أخرى ومن مصادر واحدة اخرى وربي يوفقك ويوريلك عين الصواب

[samir 1990]

أطلبي من أبيك أن يسأل عليه