جزء ****138***من واش طيبتي اليوم ---عيد سعيد وكل عام وانتم بخير ----

[الرجاء الاماني المجد]

مساء الخير دائمة الشكر عندك الحق يكون طفل سالم عيوب ام وابنة غدا نجي نتعش

[x ام رحاب x]

المشاركة الأصلية كتبت بواسطة الريفية

أم إسلام سخفتيني العصير يبرد القلب وانا صايمة يعطيك الربح
نهاري اليوم يتشابه مع البارح
زوجي مسافر ربي يرجعو بخير وسلامة وانا صايمة بقاو الأولاد لي سخفوا عليها اليوم نديرها لهم
البارح جاوني ضياف وهاذي ضيافتي ليهم تارت الفلون والماجور للأخت أم أماني ربي يجازيها عنا كل خير
أنا درتها في أكواب فردية والتزيين تاع الزربة بصح البنة تهبل وعجبتهم

مع عصير القارس والمشماش وفاكهة الفقوس مصورتهمش

وهاذي جابوها هوما

ماشاء الله عليك شاطرة وبصحتك الباتيسري

[x ام رحاب x]

المشاركة الأصلية كتبت بواسطة oum islem

مساء الخييييييير

الرجاء فضيلة سوسو سميرة عازفة ام ساجد الريفية رحمة المعلمة

ان شاء الله راكم لاباس في هاد السخانة ؟؟؟؟؟؟
فضيلة ربي يشفي الصغير ما تتصوريش شحال غاضني مسكين ربي يخفف عليه ويشفيه ويفرح والديه برجوعه للبيت

ام ساجد بالبركة على اختك ربي يهنيها ويسعدها ويرزقها الدرية الصالحة

سميرة لابيري نديرها في كوكوط نقشر البطاطا نقطعها دوائر نزيد نصف كاس ماء والقليل جدا من الملح وحبتين ثوم صغيرة
نغلق الكوكوط ونخليها على نار قليلة ما تديش وقت في الطياب
نحطها في الروبو مع شوية حليب وحبات جبن وقطعة زبدة ورشة فلفل اسود او ابيض وبيضة ونشغل الخلاط بسرعة متوسطة
ونحسن ذوق الملح ونقدمها مع بيض مسلوق وكبدة سوتي او لحم او مرقاز حسب المتوفر

ربي يشفي مرضانا ويرزق كل محروم ويفرح كل المؤمنين

لبنات علاه الكوزينة فارغة ؟ راكم كامل عطلة ؟؟؟

بصحتك حبيبتي كلش هايل وباين كلش بنين

[الرجاء الاماني المجد]

مساء الخير ام رحاب كيف حالك وقيل سخانة عندكم راني انا وانت فقط في القسم ندروا تصبحين على خير

[x ام رحاب x]

المشاركة الأصلية كتبت بواسطة الرجاء الاماني المجد

مساء الخير ام رحاب كيف حالك وقيل سخانة عندكم راني انا وانت فقط في القسم ندروا تصبحين على خير

مساء الخير هادا وين شفت سلامك سامحيني وتصبحي بخير حبيبتي نوم العوافي

[x ام رحاب x]

تصبحون على خير نوم العوافي واحلام سعيدة حبيبات قلبي سلالالالالالالالالالالالالالالالالالالالالالام

[om rym]

يعطيكم الصحة يا الفحلات

[ام طيري الجنة]

السلام عليكن و رحمة الله تعالى و بركاته
عابرة سبيل تمر من هنا لتقول لكم الف تحية و سلام ابعثها لكن حبيبات قلبي و انتن في القلب رغم عدم سؤالكن عن غيابي لكن لا باس اردت ان اطمئنكمن انا عن احوالي و انا التمس لكن العذر لان الغائبات كثر الله يرجعهم جميعا بخير
المهم لقد راجعت تقريبا كل الصفحات و اطمئنيت عليكنم و ربي يهنيكم و نقول لروضة و فضيلة ربي يشفي مرضاكم و يلبسهم لباس الصحة و العافية و لكل المرضى
سلامي للجميع

اماااااانة حبيباتي ادعيو لسلفتي راهي من البارح في المستشفى باش تولد و مازال غي مع ليزاناليز باش يقرو ولادة قيصرية او عادية و بنياتها راهم راقدين معايا الان وهي غي تسقسي عليهم ادعيولها ربي يسلكها و يجيبلها سويعة ساااهلة يا رب و لكل الحوامل

[سوسو المغتربة]

اختي أم طيري الجنة الحمد لله راكي بخير يا رب يسهل لسلفتك ولادتها و يعطيها ساعة ساهلة ويفرحها بمولودها وترجع لبناتها بخير ونتي ربي يجازيك كل خير راكي متهلية في بناتها باش تطمينا على سلفتك كي تولد أن شاء الله

[rahma2014]

صباح الخير عليكم كامل
ام نسرين ربي يعطي سلفتك وقفة ساهلة ويرجعها لبنياتها ويرزقها بالذرية الصالحة يا رب
فظيلة واش راكي حبيبتي ربي يشفي مريضكم ومرضى المسلمين كامل يا رب سوسو ام رحاب الرجاء الاماني صباح الخيرونهاركم مبروك

[ام و ابنة]

صباح الانوار جميعا

غاليتي الريفية سامحيني البارح كتبت المشاركة تاعي و طلعت تمنيت لو كان شفتك و دردشت معاك لك في القلب معزة و الله خير شاهد

ام رحاب راكي معذورة ربي يقدرك و يقويك

قمر العزيزة حسيت بيك لانو و الله تمر علي ايام نتعب لوحد الدرجة ما تتصورش ربي يعينك و طريق السلامة و مبروك عرس خوك ربي يهنيه
بالنسبة للوصفة تع سلفتك كي ترجعي فهمينا وش تقصدي لانو الخمارة عندنا هي لا لوفير تاع القاطو و خميرة الخبز هي اللي نعملوها في البيتزا لانو الفكرة عجبتني و حبيت نجربها

مرحبا بيك اختي الرجاء الأماني المجد تعيشي بالاك تفكري اني بخيلة كنت نتمسخر معاك

ام طيري الجنة ربي يسهل لسلفتك و يعطيها وقفة ساهلة و يحفظلها البيبي و بنياتها

كيف الحال يا سوسو و ام سهام و ام هزار و رحمة

[ام و ابنة]

البارح يما جات بعد 15 يوم غياب واختي رجعت لدارنا
يعني راني عاودت وليت للروتين ديالي انا و وليداتي
اليوم عندي شويا ميناج و ترتيب راكو تعرفو كي يكون عندك ضيف في الدار
الغذاء و العشاء مودرين هاذ الساعة

[الرجاء الاماني المجد]

صباح الخير عليكن كيف الاحوال عزيزتي ام طيري الجنة توحشتك ان شاء الله تسلك سلفتك وتقوم بالسلامة ام وابنة صباح الانوار صباح الفل والياسمين على كل الاخوات بدون استثناء

[دائمة الشكر]

صباح الخير اخواتي العزيزات
ام طيري ربي يعطي سلفتك وقفة ساهلة ويرجعها لبنياتها سالمة اللهم امين
ام وابنة ربي يعينك مع الشغل وبدأنا ثاني مودر ههههه ربي يعينَا
رجاء صباح الفل والورد والياسمين

[oum islem]

صباح الخير جميعا
الرجاء ام وابنة وام رحمة واش غداكم ننقل عليكم ؟

ام رحاب شكرا يا الغالية لي عجبك طيابي عيونك الحلوين يا طيبة

قمورة طريق السلامة ربي يهني خوك ولعقوبة لخويا

ام نسرين ليك وحشة وجيتي في بالي انت وعضوات اخريات توحشنا طلتهم ما حبيتش نذكر الاسماء باه ما تزعف حتى واحدة ننساها
ربي يسهل لسلفتك وترجع تنور دارها ولعقوبة ليك امين يا رب

مع الاسف ما شفتش من الصفحة 92 كامل مغلوقين ما عدا الاخيرة لي عودة للمراجعة

كاش افكار للغدا ؟؟؟