الجزء 73lن واش طيبتي اليوم كوزينة النجاحات

[lyzzabel]

صبا النوووور حبيباتي انشالله راكم قاع غايا
ربي يخليكم و نشكر قاع لي سقسات على حبيبي منصف و تقلقت عليه ،، راه الحمد لله في هاذ الساعة و راني نعس فيه ولا كان عاودت له l'hémorragie نديه للطبيب راه باباه قالي ما نعجلوش ،، نطلب ربي يحفظه و يستره من كل سوء و يحفظ قاع الوليدات و البنيات يارب

درت الطعام بالمرقة و الجاج و الحمد لله على نعمه

ام أمنية كنت حاسبة المازة هي الكبيرة خخخخخ ،، قوليلي عندك خواتاتك وحدخرين ولا غير نتوما زوج ،، ربي يخليكم لبعضكم و يبعد عليكم البلاء

ماري بصحتك لي فريت حبيبتي و ربي يشفيك و يعافيك ما تتخليش على الإرادة هي لي تعطيك القوة باش تواجهي المرض و تشفي بإذن الله

ام انووووستي العزيزة ويييينك يا الحبيبة طمنيني عليك ملي قلتي عندك الإيكو ما بنتيش خير يا ربي

ام ريمة الحنينة تاني عندها مددددة ما بانتش ربي يرجعها بخير هي و كل الغائبات

نخليكم على خير في هاذ الساعة حبيباتي من بعد انشالله نتلاقو،، مع السلامة

اللهم ما اصبح بي من نعمة او بأحد من خلقك فمنك وحدك لا شريك لك فلك الحمد و لك الشكر
سبحان الله و بحمده سبحان الله العظيم

[طالبة الجامعة]

اسعدتم صباحا اليوم

[طالبة الجامعة]

رمضان كريم اعاده الله علينا وعليكم باليمن والبركات

[nihale89]

صباااااااح الانوااااار حببباتي
رمضان كريم وربي يتقبل منا
غدايا محجووووووووبة

[مرام 1987]

أهلا بالملتحقات نهاركم زين ومسعود مبروك

[أم ياسين الزهراء]

صباح الانوار

كنت حابة نلراجع كلش بصح الله غالب ماقدرتش البارح النت تقطعت علينا وهدا وين ولات

اللي مريض الله يشافيه واللي في قلبو حاجة الله يقضيهالو ماري معليش حنونة تبراي وتصومي كاليوم راح تدي اجر كبير كيتفطري مومن اختي

اليوم درت شطيطحة جاج وراني راح ندير قلب اللوز لغدوة ان شاء الله بصح لازم نخبيه عند الجواري لياكلوه جراد افريقيا ههههههههههههههههه وراني نعدل في الحوايج باش كلش يكون قدامي بناتي راح يرقدو للعصر وماكانش اللي نبعثو يييييييييييييييي

[أم ياسين الزهراء]

ليزابيل خير برك مافهمتش واش بيه وليدك اسفة راني روطار بزاف خير برك طمنيني

[مرام 1987]

أهلا أم ياسو يسعد صباحك وبصحتك الشطيطحة وقلب اللوز وربي يعينك على الفريز راه يدوخ تاع الصح
طالبة جامعة و nihal صباح الخير عليكم وبصحتكم الفطور
سبحان الله وبحمده سبحان ربي العظيم

[مرام 1987]

ليزااااا ربي يشفي وليدك مسكين صغيور ربي يشفيه ويعافيه والله من قوة مرضي والسطر والألم تاعو في الجسد وفي نفسيتي والله غير يغيضوني لي نلقاه مريض ايا كان المرض يا لو كان وجع الرأس ربي يشفيه ويعافيه ويشافيني ويشافي ماما ويشافي جميع مرضى المسلمين في هذي الأيام المباركة
اديه للطبيب وسقسيه قولو ياك ما عليش نديرلو زيت الزيتون بويسك حنا هنا يديروه للأولاد في عشيتهم ينوضو يجرو
اللهم رب الناس أذهب البأس واشف أنت الشافي لا شفاء إلا شفاءك شفاء لا يغادر سقما
بسم الله الذي لا يضر مع اسمه شيئ في الأرض ولا في السماء وهو السميع العليم

[omomnia15]

فكرة مليحة انا الطريقة الاولئ موالفة نديرها فكرتيني فينا و2 مليحة شكرا ليكوح نغيس فيها نقيها ومنبعد نرجع
راجلي شرالي بكبوكة يموت عليها سبحان الله كنت كل رمضان تكون اول طبق وهذ العام قلت رحلت ميجيبهاش بصح ربي كتبهاهههههههه هربت منها جاتني نروح نغيس فيها ونقيها منبعد نرجع سوروحد 4 ولا5 كيلو نعرفو راجلي مدمن بكبوكة

[ام محمد و ملاك]

الي الاخت ليزابيل انا عندي 4 ايام من طهرت ولدي و الحمد لله راه رتاح راه قالي الطبيب ديريلو غير زيت الزيتون و كي يبول نغسلو بالسيروم و الحمد لله و ربي يشفي ولدك

[soha1987]

صباح الخير واش راكم
ماري مم واش حطيتي معليش انقلي الوصفة ولاكان تعرفيها اكتبهالي تعيشي حنونة
ليزابيل ربي يشفي ولدك يارب ومبروووك مجددا
ام امنية بصحتك الدوارة نموت عليها احنا مانديرهاش في رمضان مانحبوهاش
غدايا لوبيا نحبها ممممممممم

[مرام 1987]

المشاركة الأصلية كتبت بواسطة soha1987

صباح الخير واش راكم
ماري مم واش حطيتي معليش انقلي الوصفة ولاكان تعرفيها اكتبهالي تعيشي حنونة
ليزابيل ربي يشفي ولدك يارب ومبروووك مجددا
ام امنية بصحتك الدوارة نموت عليها احنا مانديرهاش في رمضان مانحبوهاش
غدايا لوبيا نحبها ممممممممم

صباح النور سهى واش راكي إن شاء الله مليحة
الوصفة والله ما عندي لقيتهم في الفايس هكذا برك لي فوتو بدون وصفة بصح نضن راهي ساهلة من الصور ولا؟؟
ربي يعينك على التوجاد للعرس والله حاسة بيك منين شفت أختي نهار كانت توجد لعرسها وانا نقولها كون قدرت كون عاونتك اييييه الله كريم ربي يعوضلي لي ضاعلي من جهة خلاف يا رب
أستغفر ربي العظيم واتوب إليه

[soha1987]

المشاركة الأصلية كتبت بواسطة mary1987

صباح النور سهى واش راكي إن شاء الله مليحة
الوصفة والله ما عندي لقيتهم في الفايس هكذا برك لي فوتو بدون وصفة بصح نضن راهي ساهلة من الصور ولا؟؟
ربي يعينك على التوجاد للعرس والله حاسة بيك منين شفت أختي نهار كانت توجد لعرسها وانا نقولها كون قدرت كون عاونتك اييييه الله كريم ربي يعوضلي لي ضاعلي من جهة خلاف يا رب
أستغفر ربي العظيم واتوب إليه

ربي يشفيك ماري ادعي فالشهر الفضيل الدعاء مستجاب ومامتنساينيش بدعوة دعائك مستجاب حنونة
مفهمتش المكونات برك اما لطريقة ساهلة
ايه التاني عجينة نقدر ندير المورقة ولا عجينة الشاورما نتاع ام اماني تهبللللللللل

[omomnia15]

سهى الوصفة الاولى موالفة نديرها جيبي لحم مرحي تبليه كيما الدولمة ولا المثوم والبيض حوالي 2 ولا3 حبات باش يتخبز وحضري حشو اما روز مع فرماج معدنوس وعقاقر وحلي اللحم بين 2 ساشيات وديري الحشو زلويه بهاذاك النيلو باش يعاونك ديريه فالمول الي تحبي باش يعطيك الشكل والى الفرن وقدميه مع سلاطة وفريت او صوص يبضا بالشومبينيو ولا سلاطة متنوعة والله تجي خفيفة وبنينة تهبل نشالله نكون عاونتك الوصفة الثانية هذاك الي مالفوق مفهمتوش ديري اللحم من تحت وستفي البيض وعاودي ديري اللحم نضن هديك عجينة ولا ديول والى الفرن
ام ياسين بصحتك التحضيرات
سارة مبروك على وليدك والعقوبة لزواجو