دورة خطواتي الواثقة لأصبح ربّة بيت متألّقة

[ام شمسو محمد]

موضوع عميق ام البنين بالنظر للاخطاء اللي يوقعو فيها الكثير من الاباء و تكون نتائجها كارثية على المدى البعيد
نعرف امهات ينصرو الصغير دائما على اعتبار انو ضعيف و هوما يحميو فيه و النتيجة انو الكبير خرج جبان و انهزامي مع الجميع
و عندي صديقة ما تدخلش بين ولادها لانو في الاخير الاقوى راح ينتصر و الاضعف ما يعاودهاش و لكن اظن ان هذي الطريقة تربي الاحقاد بين الابناء
و انا اظن ان خلافات الابناء مناسبة لتذكيرهم دائما بانهم اخوة وبان الكبير يرحم الصغير و الصغير يحترم الكبير و التسامح في الحقوق اجدها طريقة تطبيقية لتقوية العلاقة الاخوية مع الحكم العادل بينهم

[ام شمسو محمد]

استغفر الله و اتوب اليه

[ام صفصف]

والله يا ام هارون غير حطيتي يدك على الجرح كيما يقولو ههههه
اليوم راني على الصباح ، صبحت مقلقة من هاذ المشكل
انا نعود نعيط ،ومبعد نبقى مشنفا عليهم، باش يفهمو الخطاء تاعهم
لكن هما كي تفوت يرجع يلعبو مع بعض،وانا اعصابي يبقاو محروقين
الي عندها طريقة مجربة في انهاء النزاعات دون حرق الاعصاب تقولهالنا وااااع

[mariamalak]

السلام عليكم كيف حالكم ارواحو هنا حكمتمم زعما كملنو التطبيقات و جيتو تجمعو هههه موضوع فالصميم انا ثاني راني نعاني منو و الحل الوحيد اللي لقيتو خو الفصل بيناتهم حتى يهداو ندير كل وحدة في غرفة و نقفل عليها حتى يبردو يرجعو يلعبو مع بعض هذه فالايام العادية نقدر نتحكم فيهم اما فالعطلة الهربة تسلك هههه
اسمحولي اليوم راني مريضة شوي حاسة روحي مدقدقة و فشلانة و دارتلي حبات تاع حمة نرتاح شوي و نزيدو نكملو البرنامج ويلا تقلقتو نحطلكم واش ديرو و انا كي نريح نلحقكم

[omelbanin]

اناوالله مالقيتش الحل معاهم ، ساعات. نقوللهم اخرجو عليا من شومبرة ما نشوفكمش، غير يخرجو من عندي يولو لاباس عليهم، يحبو يقلقوني برك.
ساعات كيما قالت ماريا، نفصلهم على بعضاهم، حتان يتكالماو.

[خوخة02]

سلاااااااااااااااااااام واش راكم وانا كيفاه ماتسقسوش عليا راهي عشرة بيناتنا ماهيش كبيرة بصح عشرة هههههههههه
اليوم الروتين الديني عذر شرعي
الجمالي تم
اليومي نظفت الصالون وسيقتو ورحت للكوزينة سيقتها وزدت الشمبرة والحمام ودرت فطور خفيف كنا خارجين وبعد الظهر خرجنا وشرينا قضيان الدار هاذي اول مرة يخرجني نشري معاه هادي داخلة فالاضراب ههههههههههههه
قولولي ربي يخليكم الميزانية كيفاه راكم تتحكمو فيه ان شاء الله نديروه موضوع للنقاش انا معرفتش كل شهر نقول يفوت مليح ومانتنجحش

[خوخة02]

في مايخص موضوع الاولاد انا ولدي راه صغير ولكن عندي تجربة من اولاد اخوتي
كاينة اختي اولادها لما يتشاجرو واحد مايسلك منهم يعني زعافها تخرجو فيهم ويخافوها كي تقلهم يقعدو واحد مايتحرك انا الحق ماتعجبنيش هاد التصرف
و لكن في تربيتها يعني قبل نوم تحاجيهم تحكيلهم حكايات هادفة كيما كانو جداتنا وهما مايرقدوش حتى تحكيلهم ولكن نقلكم والله يبارك كامل الاوائل في اقسامهم من الكبير للصغير
عندها ربع بنات وولد البنات كامل الاوائل ماشاء اله وولد صغير مازال
ان شاء الله نعتامدو حكايات قبل النوم لانها تفتح مخيلة الطفل انتظر رايكم

[ام تينة]

🌹●●•رقائق •●●🌹

🔗🔺ارجع الى الله واطلبه من عينك وسمعك وقلبك ولسانك, ولا تشرد عنه من هذه الأربعة, فما رجع من رجع اليه بتوفيقه الا منها, وما شرد من شرد عنه بخذلانه الا منها .


🔗🔺 مثال تولد الطاعة ونموها وتزايدها, كمثل نواة غرستها, فصارت شجرة, ثم أثمرت فأكلت ثمارها, وغرست نواها, فكلما أثمر منها شيء, جنيت ثمره, وغرست نواه. وكذلك تداعي المعاصي, فليتدبّر اللبيب هذا المثال. فمن ثواب الحسنة الحسنة بعدها, ومن عقوبة السيئة السيئة بعدها.

🔗🔺 ليس العجب من مملوك يتذلل لله ويتعبّد له ولا يمل خدمته مع حاجته وفقره اليه, انما العجب من مالك يتحبب الى مملوكه بصنوف انعامه ويتودد اليه بأنواع احسانه مع غناه عنه.


🔗🔺كفى بك عزّا أنك له عبد وكفى بك فخرا أنه لك رب


🔗🔺ايّاك والمعاصي فانها أذلّت عز {اسجدوا} وأخرجت قطاع {أسكن}.

🌹●●•~~•●●🌹

💎أفق من غفوتك ، وانهض من رقدتك ، فالعمر قليل ، والعمل كثير ، فإلى متى النكوص والفتور والتواني والكسل ، إلى متى هجران الطاعات ؟ وترك المندوبات ؟ بل قل : ترك الواجبات ، وآكد الفرائض المحتمات ، واستمراء المعاصي والسيئات ، والاجتراء على الوقوع في المهلكات .🔘
أنفسكم خيرا , فلقد كتب الله – جل جلاله – سنة من سننه فى خلقه : أن من تقرب إليه تقرب – سبحانه – إليه ومن ابتعد عنه ابتعد – سبحانه – عنه .. " نسوا الله فنسيهم " ( التوبة : 67 )

🌼" فلما زاغوا أزاغ الله قلوبهم " ( الصف : 5 ) .. فمن تاب تاب الله عليه وأحبه , ومن بذل جهده واستفرغ وسعه فى طاعة الله , أعانه الله وسدده .. هذه قاعدة .. سنة مسلّمة .. فلا تنم عن الطاعات ثم تقول : لو كان الله يحبنى لهدانى .. لا .. بل تعال وهو يهديك .

[أريج13]

سلام فراشات
ام تينة شكرا على التذكرة
بالنسبة لموضوع النقاش انا عندي 3اولاد الاكبر 10سنوات الاوسط 7سنوات و الاصغر 3سنوات
عندي ابني الاكبر ما يحبش على صوالحو و الاوسط يديه ياكلوه و هذا السبب اللي يخليهم يدابزو فانا نبدي نسكت فيهم و اذا ما حبوش يتدخل الاب و اذا ما كانش الاب في الدار نفرقهم كل واحد في جيه و لما يهداو نتكلم معاهم و نبحث مع بعض عن الخطاو يطلبو سماح من بعضاهم .... الان ما عنديش مشكلة معاهم الا مرات المشكلة راهي مع الصغير عاد يغير منهم كي يكونو يراجعوا و ياخذ لهم ادواتهم و يبدا الصراخ و الحرب بيناتهم و هوما الاكبر و الاوسط يتحاماو في الصغير

[الطائعة لزوجها]

اهلا فراشات انا ربة بيت ام لبنتين و دورة ام تغاريد اعجبتني لانها تزرع فيك النشاط و الحيوية فاردت ان اشارك معكن رغم تاخري الا ان روتيني اليومي مملوء بالاعمال و الاجتهاد اولا علينا بالصلاة في وقتها و الاعتناء بالنظافة الشخصية و الجمالية و الاعتناء بالاولاد خاصة ان كانو صغار فالله هو المعين انشاء الله و الاعتناء بالزوج طبعا و اقول لام تغاريد مبروك عليك المزيود و مبروك لكل الاخوات و عقبا لكل محرومة انشاء الله

[ام شمسو محمد]

[img]امسينا و امسى الملك لله رب العالمين
[/img]

[omelbanin]

السلام عليكم، شكراً اختنا كورنو، والله غير فكرة هايلة، يعطيك الصحة.
ماريا ملاك مشكورة على المقال،انا نحس العصبية تاعي الزائدة ، هي لي خلاتهم غير يعيطو ويضاربو. ربي يهدينا وخلاص.

[~اسيل ريحانتي~]

سلااااام فراشات
بارك الله فيك اختي كرونو والله فكرة رائعة

انا راني نكتب وولدي مدابز مع اخته راسي راح ينفجر هي تهدر غير بفمها وهو يعرف غير يضرب يقولي مانبغيهاش نكرها وماتلعبش معايا وانا يطلعلي الغاز لراس ونطيح فيه مانقدرش نتمالك نفسي كي نشوفهم يتشاجرو نعطيهم غير بالشنقلا ونبقى نعيط عليهم حتى نبحاح هههه
وخطرات قليلة وين نتمالك نفسي ونفهمهم بلي هوما خوت لازم تتسامحو ولازم الصغير يحتارم الكبير
عندي بنتي الكبيرة لي في عمرها عشر سنين عاااااقلة عليهم مهنيتني والصغار مايشموش بعضاهم الا في بعض الاحيان يولو سمن على عسل

[~اسيل ريحانتي~]

تفكرت اختنا اروى ربي يشفيها وتقوم بالسلامة
اللهم اشفي اروى شفاء ليس بعده سقما ابدا امين يارب العالمين

والغايبات ان شاء الله يكون المانع خير

[ام شمسو محمد]

الروتين الجمالي نص نص
الجانب الديني لاباس
روتينات التنظيف نص نص
التطبيق لم يتم
خطوةفي المشروع تم