ادماج الجامعين المؤدين للخدمة الوطنية

[malakrouhi82]

نحن الجامعيين نريد الإدماج الدائم و في الفور كفاانا والله حرام ناس مقرات ما تعبت ما سهرة ليالي خاكمين مناصب دائمة ونحن الجامعيين ماهو مصيرنا؟؟؟؟؟؟؟؟؟؟؟؟؟؟؟ياناس ياخاوتي احنا مراناش حابين نضرو الجزائر بالعكس حابين نخدموها اعطونا فرصة
نريد ادماج دائم في مناصبنا وعدم التمييز بين القطاعات نريد ان يكون القرار موجه الى مديرية التشغيل لانام و لاداس باش يرسمو الجامعيين خاصة وانشاء قانون يحمينا يا جامعيين فيقو وبدون فوضى نطالب بالإدماج .علاش رسمو غير الي في الولاية والدائرة والبلدية واحنا وين نصيبنا؟؟؟؟الي راهم في اللإدارات الأخرى.
نطلب من فخامة رئيس الجمهورية السيد عبد العزيز بوتفليقة انقاذنا في اقرب الآجال مع تمنياتنا له بالشفاء العاجل إن شاء الله .كما نريده ان يبقى رئيسا دائما للجزائر ولانريد غيرك

[armorkingdz]

كملت ليسانس و كنت انا الاول " الماجور "
زيدلها العسكر 18 شهر تاع ميزيرية بقراد ملازم
زيد الماستر
زيد بلا بلا بلا بلا بلا تاع لي كونكور و مكان واوا غي لبنات اللي ربحوا
زيد درت كونترا تاع وكالة التشغبل بالبسيف و مع التالي السي المدير يقولي سيق ولا ما نسنييش البوانتاج تاعك
زيد الروتين و القعاد
حياتنا ولات كيما هذاك الكتاب السامط مكاش فيه تصاور ..مغبر....و حتى واحد ما يقراه...و الريح يقلب فالصفحات حتى تموت و الحمد لله

[كمال رشيد]

ادعو لي بالموت إن كان الخير في مماتي

[دهامشة]

يجب تثبيت الموضوع
ويجب تكاتل جميع المرشحين في ذلك
لانام وماطارتناش مين تروح تلقاها كومبلي

[طهراوي ياسين]

إن بعد العسر يسرا

[حسان أوراسي]

لماذا مدير المنتدى والمشرفين لا يريدون تثبيت الموضوع هل لاننا طالبنا بالمستحيل ام لاننا لسنا جزائريين ام هناك اسباب أخرى لا نعلمها

[ميساء23]

اخي عندك الحق لازم تثبيت الموضوع ليلقى صدى الجميع انا راني حاملة ل3 شهادات تقني سامي في السياحة ليسانس علوم تسيير و ماستر علوم تسيير و ماكان والو مين نروح لواكلة التشغيل يقولولي ماكان والو لازم انتي لي تلقاي بلاصة تسنيي فيها و كي نلقى ما يقبلوهاش و زيد معظم لي كونكور راهم بور لافورم ماليهم باينين كرهنا واحد جوز عمرو في القراية باطل.

[kas]

وَمَا لَنَا أَلاَّ نَتَوَكَّلَ عَلَى الله وَقَدْ هَدَانَا سُبُلَنَا وَلَنَصْبِرَنَّ عَلَى مَا آذَيْتُمُونَا وَعَلَى الله فَلْيَتَوَكَّلِ الْمُتَوَكِّلُونَ

[ابو محمد بن عبد الله]

كلنا هكذا ...هذا حالنا في بلدنا ...رزقنا الله من فضله الواسع

[حسان أوراسي]

السلام عليكم
لا يا اخواني و1000 لا .......... لا يمكن ان نتخلى على هذا الموضوع بسهولة انا ادعو الكل للمشاركة حتى نثبت للجميع ان الزوالية الي فوتو العامين ادو واجبهم باكمل وجه
اين حقوقهم لا في مال الدنيا فقط مناصب العمل
والله هناك ظلم كبير في حقنا حتى لا اقول اكره البلاد بالعكس انا احبها ومستعد لحمايتها متى اقتضى الواجب
انا متأكد انه لو اطلع الرئيس ربي يحفظه بوتفليقة لأحس بالمعانات ... هل من احد يستطيع ارسال هذه الفكرة له ام انكم لستم مهتمين
والله والله والله ... لن اكملها ..... شكرا لكم

[loko]

رانا معاك نديرو حل في اقرب وقت

[walid81]

السلام عليكم
المعنات واحدة .................
لقد قراة جميع التعليقات ..................
المعنات واحدة بهذا الموضوع ......................
ياصاحب الموضوع لو تغير العنوان الى ضحايا الخدمة الوطنية .................................
كاول خطوة.......................................
يجب ان نوحد الصفوف والراي والمطالب من فئة مضلومة بهذا البلد "" ضحايا الخدمة الوطنية ""
هناك من اد الخدمة الوطنية وهناك من حصل عليها باعفاء او بالفائض بصحتو
اضن يجب توحيد الصفوف للمطالبة بحقنا في العمل بعد اداء الخدمة الوطنية لانه عام ونصف راح من لعمر انا كي خرجت وجذت اصدقائي تزوجو وعندم الاطفال وانا مزال ماد ماريتش نخدم
لازم علينا نطالب بحقوقنا بشكل منظم واكثر تحضر يجب ان جلب اكبر عدد من اصحاب الخدمة الوطنية ونشير تحت مطلب '' ادينا الواجب ادو واجبكم "

[bouha2011]

الله ايجيب الخير
انا تخرجت في 2006 وعندي شهادة مهندس دولة ههههه مي راني نخدم عند روحي في تصليح اجهزة الرسيفر.
يتسمى الشهادة هذيك نديرلها كادر ونخليها في الدار ولا نخبيها خير. باه مانتفكرش بلي قريت في الجامعة اصلا.
5 سنوات في الجامعة راحو باطل
وخلينا من عامين الخدمة الوطنية

[محمد فاروق صحراوي]

أخي الكريم
في الحقيقة المشكل راني اليوم نشوف بلي راهو كامل شباب الجزائر يشكي بنسبة 95 بالمائة

الحل الوحيد هو الخروج للشارع ونديرو الحل بأنفسنا
الله غالب لازم هكا
اما انك تقول ان شالله رسالة توصل الى الرئيس فالرئيس للاسف أكيد راهو عارف هادا المشكل
وحتى هو يمشي بالمعريفة يا خاوا
كي دخل للرئاسة دخل معاه خوه السعيد مستشار وزد وزيد
دزاير ضاعت في هذا المجال ماعادش نطمعو ان الميدان يتصلح
أتمنى لك الحصول على منصب قار وحياة هنيئة . حظ موفق أخي.
وربي يجيب الخير برك ان شاء الله

[محمد فاروق صحراوي]

ونزيد نقوللكم بلي راهو كاين ضحايا أخرين للخدمة الوطنية

أنتم على الأقل كملتوها

نحن المشكل هربنا عليها بالصح لذرك مازال لاحقينا ويعاقبوا فينا

انتم تقدرو تدخلوا للمسابقات واحنا مانقدروش خلوها معلقين بلا ورقة

على هكا قلتلكم راهم اليي شادين الدولة بهايم بدون مستوى

خاصة أصحاب القرار حاشا الضباط لانهم معضمهم جدد ذوو مستوى عالي بالصح الجنرالات الحمير اليي راهم شادين من وقت الثورة المستوى تاعهم 4 ابتدائي وكاين اليي ماقراوش ذات
هادو باه يخمو فينا احنا الجامعيين
المشكل أصلا راهم مش فاهمين الجامعة واش معناها
مايفهموش هادا الشي واليي يفهموه المهم يبات في كرشو كبش كل نهار
على خاطر هكا يا شباب لازم نديرو الحل وحدنا هادوك مايسمعوش بينا بالكل ماراهمش عايشين معانا
راهم دايرينا جرذان ودرك تشوفو قيمتنا عندهم لو كان نوضو نديرو ثورة كيفاش يرجعو الارهاب ويبدو يبعثو فيه للقرى ويبيدوها الكل باه الشعب يخاف ويحبس