جزء 174 من واش طيبتي اليوم كوزينة احلى رفقة طيبة

[ام أمينة]

السلام عليكم ورحمة الله وبركاته صباح الخير
الف الف مبروك الكوزينة الجديدة وان شاءالله تكون فال خير على الجميع
دخلت لقيت لخير لي حطاتو حيوتا وام رحاب يعطيكم الصحة
لبنات كامل يعطيكم الصحة عمرتو الكوزينة بالخيرات مشاء الله عليكم

[ام أمينة]

واش غداكم اليوم راني حيرة وش الندير
انا راني صايمة راكي تسمعي ام ياسين ههههههههههههههه خخخخخخخخخخ
مكيش وحدك
لبنات شكون عندها وصفة تاع خبز التوست تحطهالي بليز

[x ام رحاب x]

صباحكم اسعد حبيباتي
زهرة اللوتس وام هديل وسوسو 16 واش اصبحتو عويناتكم الشابيين
سوسو انحوسلك على الوصفة وانحطهالك من عيوني حبيبتي

[x ام رحاب x]

ام امينة صباح الخيرات وصيامك في الجنة ان شاء الله ادعيلنا معاك حبيبتي

[حياة نور الدين]

ام رحاب اطباقك رزوووووعة يعطيك الصحة

ام امينة اهلااا اختي وربي يخليك والفطور انا عندي ههههه صيامك في الجنة

زهرة اهلااا اختي وبارك الله فيك على كلامك اختي ويعطيك الصحة على اطباقك المميزة

سوسو صباح النور اختي
هدا رابط الوصفة تع ام رحاب

https://www.djelfa.info/vb/showthread.php?t=1532405

نخليكم البنات

سلااام

https://www.djelfa.info/vb/showthread.php?t=1532405

[*سندوسة*]

صباح الخير والمسك والعنبر
ماشاء الله والله كلش يشهي
حبيباتي نروح ندير المسمن ولفطور ونجي نرد عليكم بالوحدة

[mosta*limoges]

ريحة لكرواسون و لقاطو جابتني
صباحكن سعيد يا أغلى لحبايب

[mosta*limoges]

أم سهيل الف الف الف مبرووووووك يتربى في عز والديه و احمد لله على سلاكك وربي يشفيك وربي يرزق كل محروم ذرية صالحة يارب

[x ام رحاب x]

المشاركة الأصلية كتبت بواسطة sousou 16

ام رحاب من فضلك وصفة الطبق الي فيه زيتون و ليبولات

المثوم بالشمبينيو والزيتون
تاخدي طنيجرة اتحطي فيها الجاج طراف واتخليهم على نار قليلة حتا ينشف الجاج وحطي عليه الزيت والدرسة حمرا يعني حبة فلفل ادريس والثوم مرحين مع الملح واتحطي فلفل اكحل وعكري والكمون وسكنجبير خليهم يتقلاو وديري فنجال ماء باه مايتحرقلكش الدرسة وحطي مغرفة طماطم مصبرة و2 مغارف كبار طماطم مرحيين وخليهم يتقلاو مليح امبعد حطي الشمبينو والزيتون وخليهم ايطيبو على نار قليلة هاداك الوقت دوزني اللحم المرحي بالتوابل ملح فلفل اكحل ثوم وكمون وشوية قرفة وحبة بيض وشوية خبز مرحي محمص قيس 2 مغارف كبار وخلطيهم مليح وشكليهم ليبولات وكي قريب ايطيب الجاج حطي ليبولات تاع اللحم ايلا حبيتي تستغناي على طراف الجاج تقدري تستغناي عليهم وكي ايطيبو لازم اتكون المرقة عاقدة وبصحتك ان شاءالله

إضغط هنا لرؤية الصورة بحجمها الطبيعي.

[x ام رحاب x]

صباحو موستا وسندوسة
ربي يعينكم اليوم فطوري ايلا حب ربي سوب خضار مع هاداالبرد ونعجن الخبز سلالالالالالالالالالالالالالالالالالالالالالام

[أم هبوبة]

الف مبروك افنتتاح الكوزينة الجديدة و اله يحعلها عتبة خير على الجميع
ما شاء الله عليكم كل وحدة باسمها تبارك الله

سندوسة هدا عشايا نتاع اول امس و عشايا نتع البارح و باروك الكوزينة الويكاند ان شاء الله نعمل كاش حاجة حلوة نحطها و ان شاء الله ربي يحلي ايامنا لينا و اهلنا و لجميع المسلمين
عشايا نتاع اول اسكالوب مقلي مع خضروا ت مشحرة يعني خويت الفريجيدار من كل الخضرة الي كانت باقية



و عشايا البرارح حمص بطريقة ام ابراهيم و زدت معاه فلفل مشوي و طماطم مقطعة يعني ليقامة نتاعه

[أم يوسف2]

صباح الخير عليكم راني ندير البغرير امبعد نولي نقرعج ههههه

[*سندوسة*]

المشاركة الأصلية كتبت بواسطة صفحة بيضاء

صباح الخير عليكم
سندوسة الف الف مبروك الكوزينة وطيابك ماشاء الله تحف
لي عودة بالباروك الوقت مكانش خلاص ربي يقدرنا ويعينا
تحياتي للجميع واكيد راكم معمرينها ما لذ وطاب ماشفت والو ومنقدرش نشوف حتى نلقى الوقت

صباح نور
الله يسلمك حبيبتي وربي يحفظك
مرحبا بيك ختي الكوزينة كوزينتكم
منورين يا حلوين

المشاركة الأصلية كتبت بواسطة حياة نور الدين

صباح الخيرات

تفضلوا قهوة طاااازة الكرواسون هدا وين خرج من الفرن

صباحك عسل ياعسل
اممم الله يبارك فحلة الله يبارك
كلش يشهي

المشاركة الأصلية كتبت بواسطة ام هدول

احلى صباح على الحلوين

صباحك حلو ياحلو
منورة

المشاركة الأصلية كتبت بواسطة ام هدول

امممممممممممممممممم حيوتة سخفتيني في الكرواسون اليوم لعشية نديروبربي انشا الله

المشاركة الأصلية كتبت بواسطة x ام رحاب x

السلام عليكمورحمة الله وبركاته
صباح الخيرات المسرات والناس الملاح واش راكم
ام هدول وحيوتي وبحورة واش اصبحتو حبيباتي
بحورة شكرا على الاذكار والقهوة
حيوتي اممممممممممممممممم ريحة الكرواصو مع الصباح راهي اتعبق في الكوزينة تسلم ايدك فحولتي
ام هدول الله ايحلي ايامك حنونة وايفرحك بالبنات يارب

وعليكم السلام ورحمة الله وبركاته
صباحك كله عسل منورة حبيبتي
راني في نعمة الحمد لله ربي يدومها

[ام هدول]

صحة غداكم لبنات .....جبتلكم غداءابناتي انا صايمة ..وبقالي الجاري من البارح ..خلتو ليا خخخخخ

[*سندوسة*]

المشاركة الأصلية كتبت بواسطة x ام رحاب x

اكلاتي من الارشيف باه ماتزعفيش مني سندوسة وكي انطيب حاجة جديدة انحطهالك لعيونك
الشريبة




وهادا خص نص لرزيقة اتحبالطعام

مانزعفش من حبيبة قلبي
الله يبارك اطباقك تشهي
اتحفتينا

المشاركة الأصلية كتبت بواسطة omhadil

صباح الخيرات والمسرات ومبروك افتتاح الكوزنية الجدبدة ختى سندوسة بالبركة
ان شاء الله

صباح نور
الله يسلمك حبيبتي
وربي يحفظك

المشاركة الأصلية كتبت بواسطة um alaa

صباحو حبيباتي
ام برهومي و لبات اللي طلبوا الوصفات تفضلو

صباحك فل وياسمين

تسلمي

المشاركة الأصلية كتبت بواسطة x ام رحاب x

ماشء الله تسلم الايادي كلكم تسلم ايديكم راكم زهيتو الكوزينة الله ايزهيكم عجبني كلش من مالح للحلو ربي يحفضلكم رزقكم وايبعد عليكم كل عين

اللهم امين
ديما منورة

المشاركة الأصلية كتبت بواسطة omhadil

وهذا باروكى من الارشيف

الله يبارك
شكرا ربي يحفظك

المشاركة الأصلية كتبت بواسطة x ام رحاب x

صباحو ام هديل وام الاء
ام الاء شكرا على الوصفة
ام هديل تسلم ايدك على الحلويات

المشاركة الأصلية كتبت بواسطة um alaa

المشاركة الأصلية كتبت بواسطة omhadil

صباحك يعيد اختى ام رحاب
ام الاء سكرا على الوصفة كنت نحوس عليها
طليتى على قلبى يعطيك الصحة

المشاركة الأصلية كتبت بواسطة حياة نور الدين

سوسو اهلاا بك والروليب يهبل اختي قتلك راكي ديبتيها لشيفان المطاعم وزدتي الباتسري

فاطمة الموسكوتشو يهبل يعطيك الصحة حنونة

الامنيات اهلاا اختي وهديك كيكة الفرينة والسميد تع ام وليد وادا حبيتي نحطلك الوصفة

عاصمة الضباب يا الله انفضي الغبار والضباب وتفضلي متعينا هههه

ام عبيدة يعطيك الصحة على البريوش وكلامك ليا شهادة نعتز بها اختي وهدا من كرمك وجود اخلاقك اختي وربي يخليني دائما فال خير عليك وعلى كل الاخوات

ام رحاب اهلااا بك وراكي معدورة تريحي شوية تعبتي في كوزنتك يعطيك الصحة

ام سوهيل الف الف مبرووووك حبيبتي ومقلتلناش واش عندك ههه وفي انتظار الباروك حبيبتي وعقبال لكل الحوامل

اهلاهلااا ام وسيم واش راكي حبيبتي توحشناك والله الله على هديك الطابلة المتحوووفة ربي يحفظك

ام اسلام اهلااا وباروكك هاايل تقول نقعد غيى نتفرج ماشاء الله

سندوسة بصحتك الدولمة واطباقك كامل تشهي حبيبتي

رزيقة تامني اكلك يشبه لاكل المطاعم معنتها لوكان مقلتيش نحسبوا تاعك وبدلتي اللوك للطابلة تاعك بصحتك حنونة وربي يفرحك اختي والشوارما جات اممم وامممم برك الخبز رققتوا شوية تقرمشلي المهم البنة هااايلة ههههه حوحو
حقا البارح جربت الشوفلور تاعك وجا تحفففة حتى راجلي عجبوا روحي يا رزيقة يا بنت ام رزيقة ربي يفرحك بواش متمنية يا رب

نوال اهلااا اختي وارشيفك روووعة ويسقسي عليك الخير مازالها مريضة بتنا نعسوا فيها من الحمى غير يروح مفعول الدوا ترجعلها

ام الاء اهلااا اختي منورة غير نشوف اسمك نحوس على الصور هههههه يعطيك الصحة على الوصفات

ام هدول بالشفاء على بنتك وارشيفك يشهي

ام يوسف اهلااا حبيبتي وشكراااا لك نجرب ونقولك حبيبتي

ام هدول اهلااا وصح قهوتكم اختي

ام رحاب صباح الانوار وربي يجازيك على كلامك ودعوتك حبيبتي

بحورة صباح النور الادكار روووعة شكرااا

ام هديل صباح النور منورة بارشيفك

الله يسلمك حبيبتي هذا من ذوقك

المشاركة الأصلية كتبت بواسطة *زهرة اللوتس*

صباح الخيرات لأحلى وأطيب اخوات
سندوسة مبروك افتتاح هاذ الجزء من الكوزينة وان شاء الله تربحي عليها وربي يعطيك ما تتمناي يارب
صباح الخيرات بحورة وشكرا غلى الدعاء آآآمين يا رب العالمين، واحلى صباح للنحلة تاع الكوزينة بسم الله ماشاء الله عليك يا أختي حياة هذاك الكرواسو يسخف يسخف بصحتكم ، وصباح الانوار والمسرات لأحلى ام رحاب شهيتيني على الصباح ماكلتك مميزة جدا غير نشوفها برك نتشهاها ربي يباركلك في صحتك ووقتك وفي اهلك اجمعين
ام الاء صباح الخيرات اطباقك وحلوياتك توب شاف والف شكر على الوصفات ، ام هديل صباح الفل والياسمين وباروكك هايل يعطيك لصحة
ماندخلش يديا فارغين هذا باروكي الحلو من الارشيف منيش نلبز هاذ الايام، لي عودة ان شاء الله المساء اذا كتب ربي



صباح المسرات لكل الملتحقات ويوم موفق ان شاء الله

صباح نور والفرح والسرور
الله يسلمك خيتو وربي يحفظك
واللهم امين شكرا علة دعاء ولك بالمتل
نورتي الكوزينة

المشاركة الأصلية كتبت بواسطة sousou 16

صباح الخير حبيباتي يومكن موفق وسعيد

صباح نور ونتي تاني

المشاركة الأصلية كتبت بواسطة sousou 16

ام رحاب ماشاء الله عليك اطباقك تشهي

المشاركة الأصلية كتبت بواسطة sousou 16

ام رحاب من فضلك وصفة الطبق الي فيه زيتون و ليبولات

المشاركة الأصلية كتبت بواسطة sousou 16

ام الاء يعطيك الصحة حلوياتك متحوفة و متقونة