الصفحة الرسمية الخاصة باللغة الانجليزية تحت اشراف الاستاذة ☆☆ toulay ☆☆

[toulay]

المشاركة الأصلية كتبت بواسطة ☆دعـــــــاء☆

هههههه والله ما شفت الســاعة ... مالا نروح ننعس أنا تاني ... غدوة إن شاء الله .. وشكـــــــــــرا جزيـــــــــلا على كل ما قدمته لـــــــــنا اليوم حقا استفدت كثيـــرا good night

نعم لازم ترقد وتريح مخك ومتتعبش لانو عندك امتحان مهم في نهاية العام الدراسي ان شاء الله ولازم تنجح بامتياز امين يارب العالمين
عفوا مدابيا نعاونكم ونقدم حاجة مفيدة
ليلة سعيدة
بالتوفيق

[toulay]

ليلة سعيدة
من فضلكم متكتبوش بزاف ومتحولوش الصفحة للدردشة لانو هكذا راح تصعبوا عليا الامر ويتخلطولي الصفحات وندوخ
سلام

[☆دعـــــــاء☆]

المشاركة الأصلية كتبت بواسطة toulay

نعم لازم ترقد وتريح مخك ومتتعبش لانو عندك امتحان مهم في نهاية العام الدراسي ان شاء الله ولازم تنجح بامتياز امين يارب العالمين
عفوا مدابيا نعاونكم ونقدم حاجة مفيدة
ليلة سعيدة
بالتوفيق

إن شــاء الله يــا رب

المشاركة الأصلية كتبت بواسطة toulay

ليلة سعيدة
من فضلكم متكتبوش بزاف ومتحولوش الصفحة للدردشة لانو هكذا راح تصعبوا عليا الامر ويتخلطولي الصفحات وندوخ
سلام

حسنـــا أستاذة سأحرص على ذلك .. ليلة سعيدة

[اروى مروى]

استاذ ة ممكن شرح لدرس can و كذلك تعطيني قواعد فيها وكتاه انحطو prifix

[ﻓرَۑدَ]

استاذة صححي لي من فضلكِ

الصفحة الاولى
الصفحة الثانية

[toulay]

المشاركة الأصلية كتبت بواسطة اروى مروى

استاذ ة ممكن شرح لدرس can و كذلك تعطيني قواعد فيها وكتاه انحطو prifix

نعم ممكن
ان شاء الله راني نحاول نفهمكم فالدروس لتقراو
بالتوفيق

المشاركة الأصلية كتبت بواسطة اميرة العلم

انا لم افهم tag questin لان استاذة كانت غائبة و احضروا لنا مستخلفة وما فهمتناش مليح حتى فالفروض اقسام 3 ماجابوش نقاط مليح فالفروض والاختبارات شفتوا رانا سنة 4 متوسط من حقنا انوا يفهمونا واش نقول ربي يهديهم المهم فهموني

اهلا
هذا هو الدرس تاع tag questions
اتفضل
Tag questions
لكان الجملة كانت affirmative السؤال راح يكون negative والعكس بالعكس
مثلا نقولك she sings very well,doesn't she? هنا الجلمة راهي affirmative مثلا كون نرجعوها في negative تولي هكدا
she does not sing very well,does she?

امثلة اخرى
john is handsome,isn't he? وكون الجلمة تكون في negative مثلا john isn't handsome تولي هكدا is he?

it was too hot,wasn't it?
you will make dinner,won't you?
let's go shopping,shall we?
you can play the piano very well,can't you?
they worked hard,didn't they?
بالتوفيق

[toulay]

المشاركة الأصلية كتبت بواسطة nova.ghost

استاذة صححي لي من فضلكِ

الصفحة الاولى
الصفحة الثانية

فيما يخص section one راهي صحيحة فقط ارجع للصفحات لمن قبل وشوف الملاحظة لقدمتها للعضوات امينة واكرام ودعاء لعندها علاقة ب more difficult
نرجع ل section two عندك غلط فالتمرين الثالث الجملة الثانية علاش perhaps will you need راهي مشي سؤال راهي جملة عادية معناها نديروا perhaps you will need وتكمل الجملة
الان الوضعية
قلتي robots وبعدها is بالرغم من انو robots راهي جمع معناها نحطوا are مشي is
most invention عبارة ناقصة لازم وراء most تجي adjective باش توصفنا كيفاش الاختراع هذا
نفس الملاحظة it's علاش ياك رانا فالجمع مشي مفرد وزدتي قلتي وراها machines
الجملة لوراها علاش زدتي عاودتي they بدل دير robots يعني الجملة تولي هكذا Robots can hear,speak and smell
الجملة لبعدها قلتي which prepare والاخرى قلتي which will do كون قلتي can prepare and can do تاني اربط بينتاهم ب and مشي بفاصلة
بالتوفيق

[~ قدس ~]

أستاذتي الكريمة..عدنا درس السيفيكس..sifixe مانيش فاهمتوا بزاف ممكن شرح مفصل بالغة العربية رجاء..وأي أستفسار مني أرجو ان لا توتري مني لأن أسئلتي كثرة هاذا طبعي وشكرا مسبقا أستاذتي الكريمة..

[طالبة رياضيات]

أستاذتي الكريمة..عدنا درس السيفيكس..sifixe مانيش فاهمتوا بزاف ممكن شرح مفصل بالغة العربية رجاء..وأي أستفسار مني أرجو ان لا توتري مني لأن أسئلتي كثرة هاذا طبعي وشكرا مسبقا أستاذتي الكريمة..

اختي هل درستم في الثانية ابتدائي " هذا " تكتب " هاذا " ؟؟؟؟
أو تكتبين كتابة عروضية ؟
عفوا استاذة

[طالبة رياضيات]

استاذة ممكن تضعي لنا التصحيح النموذجي للاختبار

[ﻓرَۑدَ]

شكرا لك استادة
اد يوجد موضوع اخر من فضلك ارسله لنا
ولكن استادة انا ولد اسمي فريد هه للتوضيح فقط

ملاحظة: من فضلكم لا تجعلوا هده الصفحة للدردشة لكي تستطيع الاستادة ان تجيب على اسئلتنا

[toulay]

المشاركة الأصلية كتبت بواسطة amina 2003

استاذة ممكن تضعي لنا التصحيح النموذجي للاختبار

فالمساء ان شاء الله نحط التصحيح هذاك هو باش نمد فرصة لمزالوا محطوش المحاولة تاعهم
بالتوفيق

المشاركة الأصلية كتبت بواسطة nova.ghost

شكرا لك استادة
اد يوجد موضوع اخر من فضلك ارسله لنا
ولكن استادة انا ولد اسمي فريد هه للتوضيح فقط

ملاحظة: من فضلكم لا تجعلوا هده الصفحة للدردشة لكي تستطيع الاستادة ان تجيب على اسئلتنا

عفوا
فالمساء ان شاء الله
علابالي بلي انت ولد وعاشت الاسامي
ملاحظة في الصميم ياريت تمشوا بيها
بالتوفيق

[amani nono]

استاذة اود ان اسالك نحن قال لنا الاستاذ ان درس tag question ما هوش داخل لكن مدنا عليه تلميح كما انه ماجابهوناش لا في الفرض و لا في الاختبار نظرا لخبرته و تصحيحه للشهادة اكثر من عشرة سنوات

[☆دعـــــــاء☆]

نعم نحن أيـــضا لم ندرس tag question و قالتلنا الأستــاذة محذوف ولم تتطرق إليه أبدا .. لماذا درسه الآخرون ؟

[اميرة العلم]

شكرا لك استاذة جزاك الله خيرا