~¤ô¦¦§¦¦ô¤~ بيتك جنتك و رضاء ربك مبتغاك 5 ~¤ô¦¦§¦¦ô¤~

[سمراء الدنيا]

المشاركة الأصلية كتبت بواسطة hibatelrahmane

خلطة طبيعية لتبييض الأسنان

كيف تصبح اسنانك بيضاء كالثلج في 4 ايام فقط؟ باستخدام العسل
الطريقة
فنجان عسل
نفس الكميه من معجون الاسنان من اي نوع لديكم
تخلط جيدا
وتغطى حتى لا ينشف المعجون
تستعمل بصورة يوميه
بفرشاة الاسنان
مرتين الى ثلاث مرات
لمدة 5 دقائق
قبل ان تضعي المعجون في الفم
قومي بوضع 4-6 قطرات عصير ليمون على الفرشاه
اواضغطي الفرشاه في نصف ليمونه واكتفي بالذي يعلق بها
سوف تلاحظي الفرق من اول يوم او يومين
جزى الله صاحبة الوصفة كل خير

بارك الله فيك عزيزتي هبة الرحمن على الوصفات و فعلا هي مفيدة ...... جربت نحط المعجون على الفرشاة و فوقو شوي عسل و نغسل بيه 3 مرات في الاسبوع مش يوميا عندي سنة من للي بديت التطبيق و النتيجة هايلة

المشاركة الأصلية كتبت بواسطة razane2013

مساء الأنوار حبيباتي :
أختي الكريمة سمراء الدنيا جزاك الله خيرا على هذه الصفحة الجديدة التي كنت سببا في فتحها بالنسبة لكل واحدة منا , أختي هذا التحدي الذي بعثتيه فينا غيَر الكثير من جمود أيامنا .......... صحيح نعمل كل يوم داخلا و خارجا لكن بدون رووووووووووووووووح ؟؟؟؟
أما الآن عزيزتي أصبحت الأيام بالألوان ..... لكل يوم لون مغاير ........... لكل يوم تحد جديد ؛ تحد مع الذات .
فبارك الله فيك و في كل من بذلت مجهودا لمساعدتنا .
أخواتي أنا عن نفسي حاولت البدء مبكرا لأنني عاملة ( أستاذة ) بدأت بالجانب التنظيفي خلال العطلة ( يعني نحيت الكثير )
أما فيما يخص الجانب الديني فأنا معكن قلبا و قالبا و ربي يوفقنا .

الجانب الجمالي معدوووووووووووووووووووووما تماما
بالتوفيق لكن جميعا أخواتي .

اهلا بيك معانا استادة رزان .... نفرح بزاف كي نسمع كلام كيما هدا .... انو دورتنا عندها فايدة مش مضيعة وقت و صدقيني العمل الجماعي يعطي حيوية و نشاط اكثر .... و يعطي معنى لكل شيء تقومي بيه .... لكن المرة الجاية فرحيني و قوليلي انك خصصتي وقت لنفسك و لانوثتك ..... انا في الانتظار

المشاركة الأصلية كتبت بواسطة الأمنيات

السلام عليكم وربي يباك فيكم نلشطات تبارك الله
التنظيف مازال ما نديره نسكن في الصحراء وهدا شهور موسم الرياح حتى تحبس شوي
لاني مهما نظفت الي نديره يرجع غدوة كي كان مغبر
المهم الجانب الديني عندي الورد صباح حزب ولا زوج مع اذكار الصباح
وصيام ايام الاثنين والخميس ان شاء الله ربي يقبل منا جميعا
عندي بنتي في الشهادة نحاول نراجع معاها ونقريها

و عليك السلام و رحمة الله و بركاته يا ملكة التطبيقات هههه ..... فعلا في الصحراء تكثر هاد الايام الزوابع الرملية ما تخليكش تنظفي في خاطرك رغم انو التنظيف ما خطاناش لا صيف لا شتا ..... لكن هاد الدورة تمهيدية تنقصي على روحك الشغل تحضيرا لشهر رمضان الكريم لما تجي تنظفي مرة اخرى تلقي كلشي نظيف و ما تتعبيش بزاف
ما شاء الله عليك غيرتيني بالنسبة للصيام يا ريت ديريلي القلب

المشاركة الأصلية كتبت بواسطة نخله.

الجانب التربوي بديت مع ولدي البكر مراجعة سور ونا سمعت البقره وحفت حصتي من سورة لطور وكتبت تسميعيولله الحمد

الجانب التنظيفي ب بعد الميناج اليومي طي وكي الملابس تقريبا يومي ايضا ........ديت بخزانة الاحذيه والمرايا للي عند المدخل بالممسحة و فرشاة الاسنان درتلهم تنظيف عميق ولحق وقت الغدا و تعبت..............هذي حصة اليوم

الجانب التجميلي.............الاستحمام قبل صلاة الظهر و استعمال زين جونسون للجسم وزيت اللوز للبطن ههههههه وديت غمضة



حابة نسأل الاخوات على خلطة طبيعيه للكلف او الدسه للي تجي للحامل؟؟؟؟

ما شاء الله عليك يا نخلة رغم الحمل ناشطة و جايبة روحك ... نتمنى ما تكلفيش على روحك و خدمي غير للي تقدري عليه صحتك اهم
بالنسبة للكلف اعتقد انو يروح بعد الولادة ..... لكن لما كنت صغيرة شفت امي كانت تعاني منو فاستخدمت الودعة الدائبة في الليمون و كانت تدهن بيها و الحمد لله صفا وجهها

المشاركة الأصلية كتبت بواسطة oum radja

السلام عليكم
اليوم الصباح بديت في تطبيق البرنامج التنظيفي
اول حاجة غسلب الباب الخارجي بالصابون و الجافيل و شللته و نشفته باش ما يقعدوش لي طراس
و غسلت الكولوار الحيطان و السقف و قواطع الكهرباء
ومسحت المراة بالما و الخل و نشفتها بالجرنال
و سيقت الدار عادي اضافة الى الروتين اليومي
درت الغدا يطيب و طيبت لامونة و خليتها للعشية
الجانب الديني راني مقصرة فيه بالزاف نظرا لظروف منعتني من متابعة الحفظ
لكن الصلاة و الاذكار الحمد لله

و عليكم السلام و الرحمة الشاف ام راجا ....... مشاركتك معانا في ظل ظروفك تعد تحدي كبير ربي يقويك و يعينك
و ما تنسيش مرة على مرة تونسينا بشوي صور لتطبيقاتك الناجحة

المشاركة الأصلية كتبت بواسطة oum radja

اليوم جبت ليكم تدبيرة رااائعة تنفع العاملات و حتى الماكثات بالبيت و تسلك مع ضيوف الغفلة
كي تبغي ديري المسمن او الملوي كيما نقولو حنا
ديري كمية كبيرة و قرصيها عادي
جيبي الطاجين تاعك و طيبي فقط الكمية لي تحتاجيها
و الباقيين طيبيهم برك نص طياب يعني غير حساب ما تشد روحها من الجهتين بلا ما تحمار
وخليهم يبردو بعاد على بعضهم و جيبي صينية فرشيها بالبلاستيك و دخليها للمجمد حتى يجمدو في هاذ الوقت تقدري تحطيهم في ساشي وحدة و خليهم في المجمد نهار تحتاجيهم سخني الطاجين و طيبيهم يعني في الوقت لي يتفك التجميد يواصلو الطياب تاعهم هنا تكوني وفرتي وقت وتاكلي حاجة جديدة و بنينة
صدقون يجي خير من لي تكونجليه طايب
نتمنى نكون افدتكم بهاذ التدبيرة

ما شي غير افدتيني راكي انقدتيني ..... راني نعاني بزاف من ضيوف الغفلة و هاد التدبيرة مناسبة جدا في حالتي
ربي يعطيك ما تتمني .... عمرك ما بخلتي علينا بخبرتك

[نافلة]

اللهم صل و سلم على سيدنا محمد
اللهم صل و سلم على سيدنا محمد
اللهم صل و سلم على سيدنا محمد
كيراكم اليوم حبيباتي ان شاء الله تكونو بالف خير و سلامة
و ما ننساش نقولكم يعطيكم الصحة و ربي يباركلكم في صحتكم
و ما تنساوش بلي راكم ماجورين خاصة كي تنوو بلي اعمالكم كامل لوجه الله اولا و اخيرا

[ام هاديل وياسين]

الله يبارك فيكم اخواتي على النصائح القيمة

رايحة نمدلكم ماسك للوجه جد عاد هوا ديري طالك تاع لي بيبي قد زوج مغارف ك

وتزيدي عليه مايزينة تاني قد زوج مغارف ك وتخلطيهم بماء الزهر

وتحطيه على الوجه حتى الرقبة مدة 20 د من بعد تغسليه وتنشفيه

يرجع الوجه يبرق لكن مع المداومة

[سمراء الدنيا]

المشاركة الأصلية كتبت بواسطة ouricia

مساءكم سعيد حبيت نشارك معاكم
نبداو بالجانب الدين راني مقصرة في صلاة الفجر نوضني زوجي وراح للمسجد انا وليت رقدت
اليوم سيقت وغسلت المطبخ كامل يعني انهد حيلي ههههههههههه ولغداء بقالي من البارح طاجين الزيتون وضك ريحت شوية وراني رايحة ندير لفطور لزوجي صائم

اهلا بيك معانا اختي اوريسيا ...... راني لاحظت معظم العضوات شكاو من التقصير في صلاة الفجر و حتى انا يحدث معي هدا احيانا .... لكني حسيت انو الشيطان مترصدنا لما شاف حرصنا على ديننا لدلك وجب علينا نشدو الهمة شويا و نتغلبو عل ى النفس و الشيطان و عرفي انو صلاة الفجر هي الخطوة الاولى الصحيحة في يومك ....اطلبي العون من الله و توكلي عليه ...... ربي يباركلك في بيتك و زوجك

المشاركة الأصلية كتبت بواسطة oum aness bba

السلام عليكم أنا في الغد ان شاء الله أبدا أسبوعي معكم البارح و اليوم مريضة والحمد لله على مل حال و صراحة تعمدت ما نشاركش باش نشوف كيف تسير الأمور .. الأخوات ما شاء الله عليكم صراحة حمستوني كثيراااا انتظروني في الغد ان شاء الله .. أعانني الله و إياكن سلاااام

و عليك السلام اختي ام انس و مرحبا بك معنا ...... ربي يتممم شفاءك عاجلا غير اجل .... راني بديت نشوف نشاطك نتمنى تكملي معانا تفيدي و تستفيدي

المشاركة الأصلية كتبت بواسطة الأمنيات

السلام عليكم هادوا كريمات وحده تاع القدمين للتشققات مليحة نفعتني والقدم يرجع رطب
والاخرى نيفيا للجسم روعهه جربوها

بارك الله فيك امنيات فعلا كريمات مفيدة

المشاركة الأصلية كتبت بواسطة شوشو 11

ماشاء الله عليكم بنات
الجانب التنظيفي .....لاشئ جديد عااااادي مسيح خفيف للارضية والمطبخ راكم عارفين معاركه الروتينية وتاني الحمام اعزكم الله
الجانب الديني راني في عدر ومع الاستغفار راااائع والادكار
التجميلي ....قناع العسل للوجه مليييح والماء والعسل
يابنات ...اللي مجربة مرطب للوجه مليح يعني تجربتها الخالصة كرهنا من الاشهار ات
التربوي....نحارب في الفوضى ونحفظ ابنائ قصار السور وبعض الادعية ومرات نكره ثم نرجع
اللهم لك الحمد كما ينبغي لجلال وجهك وعظيم سلطانك

ربي يعينك عزيزتي شوشو ... هدا هو حال العاملة تجاهد في العمل و البيت ... ما تبخليش علينا بخبرتك في التربية .....بارك الله فيك

المشاركة الأصلية كتبت بواسطة om hadil

الله يبارك فيكم اخواتي على النصائح القيمة

رايحة نمدلكم ماسك للوجه جد عاد هوا ديري طالك تاع لي بيبي قد زوج مغارف ك

وتزيدي عليه مايزينة تاني قد زوج مغارف ك وتخلطيهم بماء الزهر

وتحطيه على الوجه حتى الرقبة مدة 20 د من بعد تغسليه وتنشفيه

يرجع الوجه يبرق لكن مع المداومة

شكرا جزيلا ام هديل ........ ماسك بسيط و مكوناته متوفرة ....
هادا هو المطلوب .... اشياء مجربة و في متناول الجميع
بارك الله فيك

[نافلة]

بالنسبة لتطبيقاتي ليوم الاحد كالتالي
الديني الحمد لله و الشكر
التنظيفي اليوم سيقت الدار كاملة بعد ما لميت الغرف و كنستهم و نظفت الدوش و المرحاض حاشاكم
و من بعد فوتت على الغبرة و رحت نصبت لغدا درت لحم مفور و لوبيا خضرة مع لصوص تومات بعد ما فورتها و السلاط و ....
رجعت حكيت النوافذ بلا ما ننسا المدخل و سيقت بالطبع و رجعت كلشي لمكانو و في الاخير بعد الغدا بخرت الدار
الجانب التجميلي بعد الميناج اللي هد حيلي دوشت و شعري خليتو مكريبي قلت نروحو شويا من السيشوار + مكياج خفيف الله الله
الجانب التربوي راني نجاهد مع بنتي في الدراسة و اليوم بالضبط درتلها درس في سلوكياتها و انو الله ميزنا العقل و لهاذا كل انسان عندو مسؤولية خاصة بيه راني نحاول نحملها مسؤولية بعض الاشياء.....

[نافلة]

اه نسييييييييييييييت
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
الجانب النبوي اكيد اكيد العياط ما نستغناش عليه ههههه
رايحة نحاول باذن الله ربي يفقنا لما فيه خير لنا
ميصح الابتسامة ماخطاتنيش

[نافلة]

[fani09]

الصباح هو صفحة الحياة الجديدة ، فأبتسم لتستنشق بياض الصباح و تنسى ما أحزنك بالأمس . صباحكم تفائل !

[fani09]

[fani09]

[الدر المكنون 7]

السلام عليكم ورحمة الله وبركاته
اليوم بحول الله ما عنديش برنامج تنظيف لأني معولة نفتل الطعام
الجانب الديني الصلاة في وقتها،وكذلك رجعت لاتمام حفظ سورة البقرة بعد ما كانت عندي ظروف مانعتني يارب ثبتها في قلبي
الجانب التجميلي تقريبا 0000راني سامحة في روحي
بما أنو حطيتو وصفات للتخسيس ما تنساوش نصيب النحيفات رايحة نحطلكم وصفة خطيرة تتطلب المداومة عليها أكثر من شهر
مشروب الأنوثة
المقادير
كوبين من الماء
كوب من الحلبة
نعناع أخضر
معلقة ينسون
معلقة شمر
معلقة بردقوش
معلقة عرقسوس
كراوية
مريمية
يغلى الخليط من 10 دقائق الى 15 دقيقة ويشرب كوب صباحاً وكوب مساءا لمدة لا تقل 3 اسابيع لمن يعانى من الضغط لا يضع العرقسوس مع العلم ان العرقسوس له نفس تأثير الكورتيزون على الشكل وزيادة الوزن ، مع تناول فول الصويا
حليب الصويا غني بهرمون البروجسترون الذي يجعلك اكثر انوثه بتكبير المؤخرة والارداف وتصغير الخصر وتكبير الصدر ويحسن من نوعية الشعر ويقوي الاظافر ..
سلامي للجميع

[سمراء الدنيا]

المشاركة الأصلية كتبت بواسطة سأحفظ القرآن الكريم

بالنسبة لتطبيقاتي ليوم الاحد كالتالي
الديني الحمد لله و الشكر
التنظيفي اليوم سيقت الدار كاملة بعد ما لميت الغرف و كنستهم و نظفت الدوش و المرحاض حاشاكم
و من بعد فوتت على الغبرة و رحت نصبت لغدا درت لحم مفور و لوبيا خضرة مع لصوص تومات بعد ما فورتها و السلاط و ....
رجعت حكيت النوافذ بلا ما ننسا المدخل و سيقت بالطبع و رجعت كلشي لمكانو و في الاخير بعد الغدا بخرت الدار
الجانب التجميلي بعد الميناج اللي هد حيلي دوشت و شعري خليتو مكريبي قلت نروحو شويا من السيشوار + مكياج خفيف الله الله
الجانب التربوي راني نجاهد مع بنتي في الدراسة و اليوم بالضبط درتلها درس في سلوكياتها و انو الله ميزنا العقل و لهاذا كل انسان عندو مسؤولية خاصة بيه راني نحاول نحملها مسؤولية بعض الاشياء.....

المشاركة الأصلية كتبت بواسطة سأحفظ القرآن الكريم

اه نسييييييييييييييت
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
الجانب النبوي اكيد اكيد العياط ما نستغناش عليه ههههه
رايحة نحاول باذن الله ربي يفقنا لما فيه خير لنا
ميصح الابتسامة ماخطاتنيش

بارك الله فيك يا غاليا ... اشتقنا لنشاطك و تجشيعك لينا و حثنا دائما على تطبيق السنة النبوية

نتمنى هاد الاسبوع يكونو الاخوات نجحو في الحفاظ على الابتسامة

ما طوليش الغيبة محتاجين دعمك لينا

المشاركة الأصلية كتبت بواسطة fani09

اللهم امييييييييييييييييييييييييييين

المشاركة الأصلية كتبت بواسطة fani09

يا حكيمة اللمة مداخلاتك دائما في الصميم ... ربي يجعل كل ما تكتبين في ميزان حسناتك

المشاركة الأصلية كتبت بواسطة الدر المكنون 7

السلام عليكم ورحمة الله وبركاته
اليوم بحول الله ما عنديش برنامج تنظيف لأني معولة نفتل الطعام
الجانب الديني الصلاة في وقتها،وكذلك رجعت لاتمام حفظ سورة البقرة بعد ما كانت عندي ظروف مانعتني يارب ثبتها في قلبي
الجانب التجميلي تقريبا 0000راني سامحة في روحي
بما أنو حطيتو وصفات للتخسيس ما تنساوش نصيب النحيفات رايحة نحطلكم وصفة خطيرة تتطلب المداومة عليها أكثر من شهر
مشروب الأنوثة
المقادير
كوبين من الماء
كوب من الحلبة
نعناع أخضر
معلقة ينسون
معلقة شمر
معلقة بردقوش
معلقة عرقسوس
كراوية
مريمية
يغلى الخليط من 10 دقائق الى 15 دقيقة ويشرب كوب صباحاً وكوب مساءا لمدة لا تقل 3 اسابيع لمن يعانى من الضغط لا يضع العرقسوس مع العلم ان العرقسوس له نفس تأثير الكورتيزون على الشكل وزيادة الوزن ، مع تناول فول الصويا
حليب الصويا غني بهرمون البروجسترون الذي يجعلك اكثر انوثه بتكبير المؤخرة والارداف وتصغير الخصر وتكبير الصدر ويحسن من نوعية الشعر ويقوي الاظافر ..
سلامي للجميع

شكرا جزيلا على الوصفة ..... و بارك الله فيك على المتابعة رغم ظروفك
ما تفكرينيش في الفتيل ههههه
ربي يعينك على تتمة سورة البقرة

[ام تينة]

اختي سمراء يهمني جدا ان تعطيني رايك في مشاركتي واتمنى ان تقبليني معكم انتظر ردك

[سمراء الدنيا]

المشاركة الأصلية كتبت بواسطة ام تينة

اختي سمراء يهمني جدا ان تعطيني رايك في مشاركتي واتمنى ان تقبليني معكم انتظر ردك

يااااااااااااا مية اهلا وسهلا بين اخواتك ..... اعدريني اختي كنت شويا مريضة على بيها ما رديتش و ما حطيتش تطبيقي و راني بادن الله خطوة خطوة حتى نرد عليكم كامل
و انا عندي أعز منكم ؟؟؟؟؟

[fani09]

إلى كل من تشتكي ضنك المعيشة، ومتاعب الحياة،
تأمّلي هذه الصورة ، وإحمدي الله على كل حال