الجزء 171 من واش طيبتي اليوم�� كوزينة اللمة والمحبة والبساطة ����

[جازيا ام البنات]

المشاركة الأصلية كتبت بواسطة زينب 83

السلام عليكم و رحمة الله
دخلت فقط نطمنكم على اختي

الحمد لله دارت العملية ليوم هي كان عندها شلل في اصابع رجلها اليمنى ممتد الى نصف القدم بسبب خطأ طبي
و الحمد لله العملية كانت ناجحة و النتائج كانت اسرع من المتوقع بعد ساعتين حركت صباعها بسهولة
و الفضل اولا لرب العالمين ثم دعاءكم غاليتي
جزاكم الله عنا كل خير

تصبحن على خير

السلام عليكم ورحمة الله صباح الخير والخمير والأخبار السارة الحمد لله طمنتينا أختي زينب لباس على أختك وربي يشفيها ويعافيها

[حياة نور الدين]

المشاركة الأصلية كتبت بواسطة صفحة بيضاء

الف مبروك الكوزينة حياة عمرتوها بالخيرات وجريتو بالصفحات وانا لاخبر
يعطيكم الصحة يا لحراير كل وحدة باسمها
لي عودة بالباروك

صباح النور بحورة الحمد الله انك عرفتي قبل ما تخلاص الكوزينة بارك الله فيك في انتظار اطباقك

المشاركة الأصلية كتبت بواسطة جازيا ام البنات

السلام عليكم ورحمة الله صباح الخير والخمير والأخبار السارة الحمد لله طمنتينا أختي زينب لباس على أختك وربي يشفيها ويعافيها

صباح النور جازية اختي صباحك معطر بانوار النبي حبيبتي

[nanoua7]

المشاركة الأصلية كتبت بواسطة زينب 83

السلام عليكم و رحمة الله
دخلت فقط نطمنكم على اختي

الحمد لله دارت العملية ليوم هي كان عندها شلل في اصابع رجلها اليمنى ممتد الى نصف القدم بسبب خطأ طبي
و الحمد لله العملية كانت ناجحة و النتائج كانت اسرع من المتوقع بعد ساعتين حركت صباعها بسهولة
و الفضل اولا لرب العالمين ثم دعاءكم غاليتي
جزاكم الله عنا كل خير

تصبحن على خير

الحمد لله على نجاح العملية وعلى سلامتها وربي يتمملها الشفاء وجميع مرضى المسلمين

[حياة نور الدين]

هدا عشايا تفضلوا كروكات او صبيعات البطاطا بصوص الجبن وسلطة وليزابا مقليين
وتحلية رووووعة درتها غير بالحليب والكاكاو والنشا والبسكويت خرجت تحففففة والله بنتها هايلة

[ام طيري الجنة]

المشاركة الأصلية كتبت بواسطة حياة نور الدين

هدا عشايا تفضلوا كروكات او صبيعات البطاطا بصوص الجبن وسلطة وليزابا مقليين
وتحلية رووووعة درتها غير بالحليب والكاكاو والنشا والبسكويت خرجت تحففففة والله بنتها هايلة

بصحتك حبيبتي المالح و الحلو يا فنانة كلش شباب و يبان بنين امممم الله يبارك و بصحتكم

تصبحن على الخيرات و المسرات يا احلى صحبة

[حياة نور الدين]

ام نسرين راكي وهرانية ههههههه

زينب الحمد الله اختي طمنتينا ورايحين على الاقل نرقدوا على خبر جميل

[حياة نور الدين]

البنات تغضلوا زوروني في موضوعي للتحلية اللي تحب جربها ولا تقرعج عليها هههههه

https://www.djelfa.info/vb/showthread...post3996229986

ام نسرين تصبحي بخير حنونة وشكرااا على كلامك عويناتك الشابين حبيبتي

[RIMA.87]

السلام عليكم ،
الحمد و الشكر لله أختي زينب 83،جزاك الله خيرا كي طمنتينا و ربي يتمملها الشفاء و جميع مرضى المسلمين،

أختي حياة بصحتكم أصابع البطاطا انتظري تطبيقي قريبا باذن الله ،شهيتيني فيهم بنتهم اكييد هايلة،
اما التحلية اقتصادية و بنيينة يعطيك الصحة و ربي يبارك فيك،

أختي كوثر بصحتكم الجاجة المحمرة و الفريت و ربي يحفظلك اولادك و يبارك فيهم،و ما شاء الله على الاطايب لي حطيتيها ربي يبارك فيك ،

أم نور الهدى بصحتك العصبان من يدين لميمة ربي يحفظهالك و جميع أمهات المؤمنين،

أم أسيل ،عشاك روووووعة و يشهي ،بصحتكم و الصووورة راهي واضحة احسن من الصور السابقيين،،

مريوووومة النشاط و سر قدما ههههه،بسم الله ما شاء الله عليك ،و بصحتكم انت و ضيوفكم السكالوب و ارز توووبة بنتو راها تعيط ،و كملي بالتحلية ربي يجعل ايامك و ايامنا حلوة ،

أختي ام نسرين ،ما شاء الله كيكة منه فيه هايلة و بصحتكم السردين و اللوبيا بيضة و ممكن تاخذيني على قد ثقافتي المطبخية _ان صح التعبيير _و تتفضلي تقوليلي كيفاش ديري و واش هي المكونات ديال الغراتان دوفينوا لاني اول مرة نتشرف بهاد الطبق......،

اختي oum yousra،بصحتكم البيتزا و التحلية تشهي ،ممكن الطريقة و جزاك الله خيرا مسبقا و بصحتكم كرموس النصارى احنا هكدا نقولو و كاين لي يقولو الهندي اما الرمااان شحال ناكلو ما نشبعش منو،

اختي um alaa بصحتكم البكبووكة درتيها بالطبع و اكيبد من يديك بنها تووووب ،و التاي ما شاء الله يغيير .ربي يحفظك و يبارك فيك،

اختي Simassim حقييقة دووون تعلييق ،اطباقك كلها قممة في الرووعة ،بصحتكم و ربي يحفظك،

اختي ام سارة18،بصحتكم اصابع البطاطا ،خرجولك تحفة و اكيييد البنة ما شاء الله ،ربي يحفظك على تعليقاتك الظريفة و المميزة ،

الغالية ام رحاب ،على سلامتك و طهورا ان شاء الله على ميمتك و ربي يشفيها و جميع مرضى المسلمين،

اختي ليزا ،جزاك الله خيرا على وصفة اللوبيا الخضراء مع اللحم و النصائح لي قدمتيها على قاطو اسبانيول راني حابة نجربووو باذن الرحمان،

اختي ام ساجد بسم الله ما شاء الله اطباقك نتاع مطاعم راقية ،و الصور عالية الجودة و بصحتكم و ربي يحفظك لعائلتك و يحفظهملك ،

اختي نانوا مشكوووورة على وصفة القاطو.

اختي ام هدوول مين حطيتي المحاحب شهيتيا فيهم ما دخلتيش .......هههههه وين راكي ما نديرولكش عقوووب،اكيييد رايحيين نتوكلو على الله و نديروهم و نبردو قلبنا ،

اختي amina2003 ربي يعينك اظن مانع تواجدك هو المراجعة ربي ينجحك و جميع أبناء المسلمين ،

ام محمد تاج ،ام البنين،ام رويدة ام عبدو وملاك نورونا بحظوركم

و لي ما ذكرتهاش تسمحلي ،


سبحانك اللهم و بحمدك أشهد أن لا إله إلا انت استغفرك و اتوب اليك

[ام طيري الجنة]

المشاركة الأصلية كتبت بواسطة RIMA.87

السلام عليكم ،


أختي ام نسرين ،ما شاء الله كيكة منه فيه هايلة و بصحتكم السردين و اللوبيا بيضة و ممكن تاخذيني على قد ثقافتي المطبخية _ان صح التعبيير _و تتفضلي تقوليلي كيفاش ديري و واش هي المكونات ديال الغراتان دوفينوا لاني اول مرة نتشرف بهاد الطبق......،


سبحانك اللهم و بحمدك أشهد أن لا إله إلا انت استغفرك و اتوب اليك

وعليكم السلام اختي ريما
الله يسلمك حبيبتي و بالنسبة لسؤالك فبكل سرور نجاوبك و لكن ربما الوصفة تعرفيها غي اسمها ما تعرفيهش المهم هي وصفة بسيطة جدا و لذبذة جدا
[IMG][/IMG]
وصفة غراتان دوفينوا
تاخدي كمية من البطاطا على حساب العايلة حوالي 3 حبات و تقشريها و تقطعيها دوائر متوسطة الى رقيقة باش اطيب بسرعة تاخدي اناء (كسرونة ) تحطي فيها حليب و 2 سنينات بلا ما تبشريهم ثوم و شوي زعتر و تحطيها على النار تسخن من بعد تحطي فيها البطاطا و اضيفي الملح و الفلفل الاسود على النار دائما لمدة خوالي 10 د حتى تشوفيها باللي قريب تستوي تنحيها على النار تنحي البطاطا و تحطيها في مول مدهون بالزبدة تم ترجعي الحليب فوق النار بعد ما تنحي فصوص الثوم و تخليه على النار حتى تنقص نوعا ما الكمية و يتقال يرجع كيما صوص خاترة تفرغيه فوق البطاطا و اضيفي فرماج رابي و ادخليها للفرن تتحمر و اذا حبيتي رشة زعتر من الفوق
[IMG][/IMG]
و شهية طيبة

[صدق العطاء]

صباح الخير لبنات

[طالبة رياضيات]

صباخ الخير مع أني ما نيش نشارك بسبب الدراسة كما قالت أختي ريمة
ولكن نحاول أني نشارك في كوزينة حياة

وهاذي قهوة

[صدق العطاء]

المشاركة الأصلية كتبت بواسطة amina 2003

صباخ الخير مع أني ما نيش نشارك بسبب الدراسة كما قالت أختي ريمة
ولكن نحاول أني نشارك في كوزينة حياة

وهاذي قهوة

مرحبا بيك اختي وينا صف راكي تقراي

[طالبة رياضيات]

المشاركة الأصلية كتبت بواسطة صدق العطاء

مرحبا بيك اختي وينا صف راكي تقراي

أهلا بأختي صدق العطاء
أظن أنكِ جديدة في الكوزينة
أنا نقرى 4 متوسط العام هذا نجوز البيام

[صدق العطاء]

المشاركة الأصلية كتبت بواسطة amina 2003

أهلا بأختي صدق العطاء
أظن أنكِ جديدة في الكوزينة
أنا نقرى 4 متوسط العام هذا نجوز البيام

ايه راني جديدة اختي ههههههه
ربي ينجحك اختي ان شاء الله
راكي صغيرة وتتعلمي في الطياب ماشاء الله
انا جوزب الباك العام الماضي ونجحت والحمد لله

[omhadil]

صباحكم جميل اخواتى توحشكم بزاف
كنت فى درانا وكى جيت لقييت النت ماكاش خلصناها البارح
نتمنى تكونو كامل بخير