الجزء 183 من واش طيبتي اليوم كوزينة القلب الصافي و الذراع الوافي

[طيور الجنان]

صباح الخير ياوجوه الخير جبتلكم شوية براج تشربو بيه الحليب .
اختي فيفي لندن سبقتيني بالمبرجة

[طيور الجنان]

و هاذو من الارشيف حتى نصور الجديد ان شاء الله.

[lwiza2000]

كاين كاميرات كي تصوري فالدار تجي الصورة مش نقية على الاخت التي تعاني من هذا المشكل
ان استطاعت طبعا
اخراج الطبق للضوء اي الشمس وتصويره لتعويض الفلاش

[طيور الجنان]

ماشاء الله عليكم كامل.
امنية عشايا كان خضر بلاصوص هو بقالي اليوم للغدا نزيد معاه مخ الخروف شكشوكة و الحمد لله.
ام هدول واشنو هذا الله الله عليك خاصة كريمة الموز بطبقة تيرامبسو اممممم.
ام يوسف بصحتكم باق باق هههههه تاكلو الصحة و الهنا.
امنية يعطيك الصحة على الوصفات المصورة هكذا نحتفظو بيهم احسن.

[Fifilondon]

طيور الجنان صباح الخير وبصختك لمبرجة راهي تشهي والصراحة احلى من لي عملتها انا الله يبارك
فطوري ان شاء الله جواز لوبيا ماشطو بصحتكم واش طيبتو

[Fifilondon]

لبنات حبيت نشاركم بواحد الوصفة تع صليحة بسكري كانت حطتها في قناة القران المريم عندها شهر تقريبا جربتها والنتيجة روعة
الوصفة عبارة عن مايونيز صحي او صللة للتغميس وتنفعةلاصحاب الريجيم تقدموا مع المشاوي ولا فريت ولا سلطة ماسيدوان بالارز والخضر ولا....
فيها نصف كاس نشاء مع كاس ونصف ماء تخلطي بارد في بارد ثم فوق النار مع تحريك مستمر حتى تعقد تخليها تبرد
كي تبرد دريها وفي وعاء غميق زيدي عليها زوج علب ياغورت طبيعي زيدي نصف كاس زيت (او زيت زتون او مزيج بين الاثنين)زيدي ثوم مبشور او بودرة زيدي ملح وخلطي بالباتور حتى تثقال وتجي كي المايونيز (كي تبرد تعقد اكثر)
و الان راهي واجدة تحبي تخليها هكاك او تضيفي منكهات مثل الخردل والكركم
مثل اعشاب منسمة مثل الزعتر والحبق او معدنوس مقطع رقيق
او عكري حار وشوية هريسة لكي الاختيار

[Fifilondon]

[نتمنى تفيدكم هاد الوصفة انا هنا ظرتها شوي حارة قدمتها مع بطاكا نحمرة في الفرن واصابع السمك المقلية

[ROZLANE ROSE]

صباح الخير عليكم ان شاء الله تكونو كلكم بالف خير
واش هاد البنة اطباق الله يبارك في القمة سخفتوني وانا بالحمل نشوف منا ونزيد منا تخلطت عليا ههههههههه واش نخير وواش نخلي.
ام هدول او امنية ادا ممكن وصفة كريمة الموز .

[nihal159]

صباح الخير يالحراير، الف مبروك افتتاح الجزء الجديد من الكوزينة، أن شاء الله تكون عامرة بالخيرات .
مع الاسف باروكي متواضع لكن عندو قيمة معنوية كبيرة عندي، لانو تطبيق لبريوش المتالقة حياة نورالدين، نشكرها بزااااف.
أنا زينتو باللوز ايفيلي و السكر اناعم و طبعا الناباج و هو سخون غير ماخرج من الكوشة.
و نقول لأمينة انتضري تطبيقي لوصفة السلو هذا الويكاند ان شاء الله .

[nihal159]

لبارح تغذيت في دارنا، دارتلنا ماما بوطاج، واش نقولكم يالبنات بنة رهييييييييييييبة، و الله العضيم تقول مرقتو بالعسل ههههههههه، راهي تسلم عليك كامل.

[nihal159]

هذا عشانا تاع نهار الثلاثاء هههههههه سخفتني فيه ام هدول

[nihal159]

هذا عشانا لبارح، مقرون بصوص بولونيز، و زينت الطبق بالجبن الأحمر

[أمنية غفران]

السلام عليكم و رحمة الله تعالى و بركاته

يا إلاهي ما عنديش العربية في ميكرو الخدمة راني نخدم بكلافييي العربية نتاع النت
أم يوسف صباحك برباحك حبيبتي
فضول طيابك روعة تبارك الله
أم فطوم بصحتكم راني ديت مورصو مسكوتة
فيفي و طيور شهيتونا بالبراج و قيلة نديرهم غدوه إن شاء الله
و يعطيك الصحة فيفي على المايوناز إن شاء الله نجربو
أختي لويزة ربي يهنيك بصح المهم تكون الصورة باينة ما نخبيش عليك عن نفسي ما نقدرش نهز الصحن و نصوره في البالكون ههههه يا يما نولي حكاية قدام أهل زوجي
أختي غزلان شهيناك في الجنة و إن شاء الله العشية نحط لك كريمة الموز
نهولة الزينة ألف مراحب نورتي الحتة ههههه نورتي الكوزينة و البريوش يسخف يعطيك الصحة و ربي يحفظ حيوتة إمممم إن شاء الله يعجبك السلو حبيبتي
و يسلمو على الأطايب
وربي يحفظ الماما الحنونة الله يسلمها و بصحتكم بوطاج أكيد من يديها يخرج أحلى من العسل

[أمنية غفران]

حبيباتي جبت ليكم من وصفات حراير الجلفة في صور كيما لأخت اسمهان و أم إيمان و ياراسمين إن شاء الله تستفادو و هادا أبسط هدية شكر لما قدمنه لنا و في ميزان حسناتهن

[وردة الرمال43]

حبيبتي امنية الف الف مليون ترليون مبروك على افتتاح الكوزينة وان شاء الله تكون اسم على مسمى***** كوزينة القلب الصافي والذراع الوافي ***** وربي يدوم النعمة والصحة واللمة وربي يعطييك ماتتمناي اختي امنية راني في القمة ماشاء الله عليك