واش طيبتي اليوم?الجزء92 كواليس عيد الاضحى***

[x ام رحاب x]

ام كامليا ربي يرفد عليك ها ذالهم بصح نكون تاخدي رايي ماتكسريش راصك بيهم انت الصح في راجلك وبنتك وماديريلهمش احساب الي يقطع فيك راه يخدم عليك وخلي كل واحد بينو وبين ربي هو الي يبين حقك والدنيا راهي طويلة مع الوقت راهو يبان الي مليح والي راه يزوق في روحو وسعي خاطرك حنونة

[أم هبوبة]

صباح الخير على الجميع


جيادا الله يعوضك خير

ام كاميليا كبري خاطرك كل شيئ يفوت غير العيب إلي يبقى و يجي النهار وين يندمو غير ما تزعفيش روحك

قال رسول الله صلى الله عليه وسلم : ما أصاب مسلما قط هم ولا حزن فقال : (اللهم إني عبدك ، ابن عبدك ، ابن أمتك ، ناصيتي في يدك ، ماض في حكمك ، عدل في قضاؤك ، أسألك بكل اسم هو لك ، سميت به نفسك ، أو أنزلته في كتابك ، أو علمته أحدا من خلقك ، أو استأثرت به في علم الغيب عندك أن تجعل القرآن ربيع قلبي ،ونور بصري ، وجلاء حزني ، وذهاب همي ، إلا أذهب الله همه وأبدل له مكان حزنه فرجا ).

توتا 2010 الله يشفيك و يكملك بخير

[om kamilia]

صباحكم خير ام هبوبة , ام رحاب ,بيبا

[om kamilia]

صباحكم ونهاركم مبروووك يالبنات هذا وين فطنت , نروح عندي نخمل و نسيق ونحدد ونرجع ليكم باذن الله , جيادا ام هبوبة , ام رحاب بيبا نخليكم بالخير و سلامي لكل العضوات دون تمييييز

[om kamilia]

انا جربت تع ام انس ختي رندة
https://www.djelfa.info/vb/showthread.php?t=1390399

[randa13]

المشاركة الأصلية كتبت بواسطة om kamilia

انا جربت تع ام انس ختي رندة
https://www.djelfa.info/vb/showthread.php?t=1390399

حبيبتي صباح النور ...شكرا ع الوصفة خرجتلك مليحة

[randa13]

أختي جيادا ما تزعفيش ربي يعوضك إنشاءالله...
لبنات تعيشوا شكون تقدر تعاونني حابة نتعلم بقلاوة بصح نحتاج الطريقة بالتفصيل الممل ، نعرف المضمون بصح خفت من التطبيق ، خايفة نحاول و ما تنجحليش ،، و أكدولي إدا تلمو الفرينة بماء الزهر أو بالماء برك ،، و هل تعجنوها و لا غي تلموها ...تعيشوا راني نستنى الإجابة ،،،

[x ام رحاب x]

انا البارح باه عيدت نهار الاول كان زوجي في الخدمة والبارح كي جا جاوني الضياف درت الشربة والدوارة بالجلبانة مرقة حمرة حارة والسلاطة تاع الفلفل ودرت ملفوف وعصائر والديسار وكي راحو جاوني ضياف وخدوخرين شربو القهوة والحلوة وكي راحو رحت قسمت اللحم تاع الصادقة انا ووليدي الي راح ايصدق باه يتعلم وايحس بمتعة الصادقة وفي الليل درت اللحم قليتو وسلاطة والقازوز والبطيخ والحمد لله امبعد انحط الصور

[الأمنيات]

السلام عليكم
جيادا حسى خير حتى حاجه ما تستاهل الواحد يتقلق عليها حتى نفسيته تنزل استغفري
ام كامليا ام هبوبه ام رحاب ام ياسين ملك الفردوس والاخت الي اسمها طويل بالفرنسيه ما عرفتش نقراه صراحه كي صبحتوا
الاخت رنده جربي بقلاوه ام انس راها سهله وناجحه ما تخافيش الخوف هوالي يخلي الواحد يثقال في التجربه روحي بدي وربي يعينك
توته ربي يشفيك
غدايا حريره واللحم اكيده بصح مازال ما قررت طريقته هههههه
اصبحنا واصبح الملك لله

[randa13]

المشاركة الأصلية كتبت بواسطة الأمنيات

السلام عليكم
جيادا حسى خير حتى حاجه ما تستاهل الواحد يتقلق عليها حتى نفسيته تنزل استغفري
ام كامليا ام هبوبه ام رحاب ام ياسين ملك الفردوس والاخت الي اسمها طويل بالفرنسيه ما عرفتش نقراه صراحه كي صبحتوا
الاخت رنده جربي بقلاوه ام انس راها سهله وناجحه ما تخافيش الخوف هوالي يخلي الواحد يثقال في التجربه روحي بدي وربي يعينك
توته ربي يشفيك
غدايا حريره واللحم اكيده بصح مازال ما قررت طريقته هههههه
اصبحنا واصبح الملك لله

شكرا على التشجيع

[أم ضياء عبد الرحيم]

oumadoumawayoutaام كاميليا ام رحاب بيبا أم هبوبة رندا ملاك فردوس و الامنيات ربي يجازيكم كل خير اخواتي على الردود الطيبة و سامحولي بديت على الصباح بالشكاوي لكن حبيت انحي شوية و نلقى عند من نفرغ قلبي راكم كي خواتاتي شكرا

[x ام رحاب x]

الامنيات صحة عيدك حبيبتي وبصحتك اللحم والفطور
انا الفطور عندي من البارح بقالي كلش مانطيبش راني عيانة

[om kamilia]

لبنات سمحولي نسال عليكم كل واحدة ابسمها نرجع لعشيا ان شاء الله

[قطيطوشة]

صح عيدكم لبنات كل عام وانتم بخير ربي يتقبل كل امانيكم
و الله يعطيكم الصحة يا الفحلات ماشاء الله عليكم

[أم محمد تاج]

صباحووو ياغاليات ونهاركم مبرووووك وصح عيدكم للمرة الثالثة
الحمد لله العيد فات روووعة رووووعة بصح التعب من الذبايح والزيارات والضياف بصح روووعة اجواء هايلة وغاضني الحال كي فات بالخف
توحشتكممم مووووووووووووت
الله يشافي كل مريض ويفك كرب وهم كل مهموووم يارب
نسيت حنونتي بيبا الف الف مبرووووك الكوزينة واجواكم روووعة روووعة والله يعيشك فهمينا مليح في اللسان المخلع