ما هو متوسط المهور في منطقتكم؟

[النجمة القطبية]

المشاركة الأصلية كتبت بواسطة samra3

نحن يقدم نصف مليون مع 30 دورو جبها من السماء او من الارض اي دينار ونصف دينار عادة قديمة لا تزال
والعرس من يستطيع ان يشتري الذهب يشتري
او يكتفي بعقد وخاتم
الملابس مع الفليزة و كبش العرس والخضار
ومن يريد ان يتفاخر لا باس ومن ليس له اي شيء
يدفع فقط نصف مليون و30 دورو المجبر عليه

اعتقد انها اعراف احد الاولياء الصالحين المعروفة اليس كذلك
ويقولون من يدفع يحصل له كذا وكذا ولا اعلم ماذا
هذا لا يجوز شرعا
منين يجيب ثلاثين دورو هاذى

[delpiero16]

ياما نندب عليكم ياالنساء

قبل الزواج ارواح اخطبني ونسكن معاك في قربي
ماتجيب والوا غير اخطبني انا نحبك

الله لاتربحكم من بعد تجي يمها زعمة كي تجي تكون حنينة تقلك وليدي حنا مانتشرطوا مانتكلفوا دير مقدورك
لكن كي يقوللها نسيبتي لعزيزة ماتجيش لازم تقوليلي واش ندير وتبدا هي الله لاتربحها
1- وليدي والله مانتشرط عليك ديرلها كي بنات عمها : وحناماراناش عارفين هذه بنت عمها واش دارت
2- زعمة تخفف تقلك وليدي دير كيما يديرو عندكم
3-يا ما وتبدا فيك وليدي الكسوة ياك حاجة ماكان لانقلك واش الدير ( زعمة جيب جبة وقفطان ولحرير........ وهلم جر )
4- وليدي والله المسكينة ماعندهاش حتى حاجة تلبسها رقبتها عريانة جيبلها كاش حاحة ( تقصد في هذاك المفتاح ماشي صغير نتاع 4 ملاين لالالالالالا هذاك معليش كبير شوية زعمة من 10 ملاين وزيد اطلع
5- وكاينة هذيك الحية انا قلقتني اكتر من اي حاجة وحد اخرى واحد القفة تقول كي البيبي واش تشري وتعمر ماتتعمرش يعني لازم على الأقل 7 ملاين
6- وليدي والله البنية المسكينة معندهاش باش تتحزم شوفلها كاش حاجة( والله أرخص حزام والله والله مايهبط من تحت 12 مليون
7-وزعمة كملت دور لنسيبتها تقلها خيتي انا عندي حباباتي بزاف معليش ديريلهم حاجة حاجة يعني على الأقل 8ملاين
8- وزيد دور ايا ارواح عمي شحال رانا متفاهمين في المهر ياو مايقلك والوا ايا دير كي الناس جيب طالب ونديرو الفاتحة ياعمي غير قول، ياوليدي واش نقلك 10 ملاين وزيدلهم الكتان ورباط العدة (مؤخر الصداق) و.......................
9-المسكين يخدم الشامبرة ديالوا على الأقل 10 ملاين
10- الشامبرة كوشي احكيو عليها نتوما
...................
..............
..........
......
..

هو صح الزواج غالي وحتى أهل العروس يخسرو بالزاف لكن هناك الكثير من العادات السيئة الزائدة التي لامعنى لها


في جيهتنا 7 ملاين مهر 5 ملاين زيادة (ملاك)
الذهب أقل وأفقر واحد يدفع 10
مصاريف اخرى بين أهل العريس وأهل العروس حوالي 10 ملاين
أفقر واحد يذبح 15كبش ب 30 مليون
أفقر واحد يشري شامبرة كوشي 10 ملاين
أفقر واحد الشامبرة ديالوا فيها 5 ملاين
5 ملاين مصاريف العريس
4ملاين مصاريف البارود

يعني قولو 60 و لا 70 مليون لعرس كي الناس كيما يقولوا..............


أيا تزوجوا نتوما يا البنات حنا بطلنا مانتزوجوش

[مختار الامين]

احسنهن بركة أقلهن مهرا
قال سيد الخلق صلى الله عليه وسلم
التمسو خاتما ولو من حديد

اضفر بذات الدين

[djeriou]

المشاركة الأصلية كتبت بواسطة samra3

نحن يقدم نصف مليون مع 30 دورو جبها من السماء او من الارض اي دينار ونصف دينار عادة قديمة لا تزال
والعرس من يستطيع ان يشتري الذهب يشتري
او يكتفي بعقد وخاتم
الملابس مع الفليزة و كبش العرس والخضار
ومن يريد ان يتفاخر لا باس ومن ليس له اي شيء
يدفع فقط نصف مليون و30 دورو المجبر عليه

الله يبارك فيكم و نعم التقليد

[djeriou]

المشاركة الأصلية كتبت بواسطة النجمة القطبية

اعتقد انها اعراف احد الاولياء الصالحين المعروفة اليس كذلك
ويقولون من يدفع يحصل له كذا وكذا ولا اعلم ماذا
هذا لا يجوز شرعا
منين يجيب ثلاثين دورو هاذى

كاين أختي، ليست خرافات و لاشيء، يدفع ما كان يقدم على أنه 30 دورو هاذاك الزمن
يدفع القيمة فقط

[نجمة ساطعة]

في ولايتنا تختلف حسب القرى في قريتنا من 8-10 ملاين هذا متوسط المهور

[djeriou]

المشاركة الأصلية كتبت بواسطة نجمة ساطعة

في ولايتنا تختلف حسب القرى في قريتنا من 8-10 ملاين هذا متوسط المهور

بارك الله فيك

[nassira23]

نحن في منطقتنا في تيبازة المهر 8-10 لي عندو يمد 12 مليون و الطبق فيه 5ملاين و الخاتم و خلاص

[djeriou]

المشاركة الأصلية كتبت بواسطة nassira23

نحن في منطقتنا في تيبازة المهر 8-10 لي عندو يمد 12 مليون و الطبق فيه 5ملاين و الخاتم و خلاص

ما شاء الله، الله يبارك

[soha1987]

حنافي باتنة كل عرش وسيرتو حنا سيرتنا يمدو 10ملايين ويزيد عليهم 4ملايين تاع لملاك هادا الشرط وعندنا حوايج خرين نهار يجي يخطب لازم يجيب خاتم القبول ونهار يدفع يجيب خاتم الخطوبة ونهار الحنة نتاعها يجيب خاتم الزواج وتحني ب2ولا4 ويزات ذهب وزيد كبش للعرس وشكرا على الموضوع

[roumaissa-issou]

hna khalti M 3tawha 30 millions+voiture
w khalti S 3tawha je pense 40 million

w l'ors + hwayej +des cadeaux + kbach + dar +



mé machi hna chratna hna f la famille ndiro koulach latafla w son mec ydir wach yhab w liykdar 3lih lmarto

alger

[nedjema amirazed]

لماذا القبايل ميشرطىش الدراهم يشرطو غير الهناء سؤال حيرني بزاف?

[nidabaize]

المشاركة الأصلية كتبت بواسطة nedjema amirazed

لماذا القبايل ميشرطىش الدراهم يشرطو غير الهناء سؤال حيرني بزاف?

على خاطرش ماشي طماعين وصح الهناء هو كل شيئ

[khaled4]

السلام عليكم بالنسبة للموضوع نعم مهم وانا اقول الرزق على الله.
بالنسبة لمهلا في منطقتنا واد مزاب لا يتعدى7ملايين وتكاليف الغرفة 4-5ملايين ........ والبنسبة للذهب لا توجد هذه اطلاقا عندنا . والحمد لله لهذا والحمد لله تنعدم العزوبة في اوساطنا وكل الشباب يقبل على الزواج في سن مبكرة .

[djeriou]

المشاركة الأصلية كتبت بواسطة soha1987

حنافي باتنة كل عرش وسيرتو حنا سيرتنا يمدو 10ملايين ويزيد عليهم 4ملايين تاع لملاك هادا الشرط وعندنا حوايج خرين نهار يجي يخطب لازم يجيب خاتم القبول ونهار يدفع يجيب خاتم الخطوبة ونهار الحنة نتاعها يجيب خاتم الزواج وتحني ب2ولا4 ويزات ذهب وزيد كبش للعرس وشكرا على الموضوع

الله يبارك