كوزينة واش طيبتي اليوم يا لالــة لحراير الجزء 117 تفضلـوا بالصحة والهناء عليكم

[ام رشدى]

ام ابراهيم يا ام برهههههوم الحقيني بوصفاتك لاشتا كل مرة حطيلى وصفة الله يبارك كل شىء من يدك روووعة
الحمد لله كي سمعنا خبر يفرح وهو نجاح عملية زوج اختنا اسمهان
وربي يشفي كل مريييييييض ويرجعو لاهلو سالم امييين

[ام رشدى]

اختي ام نور الدين عزيزتي ادخلي معانا حتي بدون صور والله كل وحدى تقولنا معلومة راهي تساعد وتساند فينا باه نحاولو نتقدمو ونوليو حرات هههه وكل وحدى عندها اجر وثواب خاصة كاين الي ماتقدرش تخرج لضروف وربي يجازي كل وحدى فيكم اميييين

[ام نوردين]

صباحك فل ام ريمة غدانا حمص راهو قريب يطيب وشلاظة والحمد لله على النعمة بصحتك انت تانى

[ام نوردين]

شكرا ام رشدى على التحفيز حنونة ربي يخليك انشاء الله نكونو مكملين بعضانا ونستفادو حتى من الكلمة الطيبة مانكدبش عليك انا حتى بعض الدعية تعلمتها من هنا فما بالك بالطياب الله يبارك الاخوات كفاو ووفاو الله يجازيهم
نقولك حاجة بصح ماتضحكيش ولا نقولك اضحئ على روحك انا كنت من نقبل نسمع بكلمة الزفيطى والزيراوى وبعض الاسماء تاع الاكلات نحسبهم اسماء اماكن او مدن والله الزيراوى كنت نحسب فية كانش احتفال من العادات يقومو بيه هههههههه حتى فى الاخير ظهر من الماكولات ضحكت على روحى وعاتبت نفي على التقصير لانو لازم علينا نتعلمو كل الاكلات تاع بلادنا ونعلمو اولادنا قبل مانقطعو الحدود ونتعلمو حاجات اخى
خليها بيناتنا ماتقوليش لبنات هههههههههههههه بصح دوكة الحمد لله بفضل الاخوات راهى كل وحدة ماشاء الله تحطنا اكلات المنطقة تاعها وليت نخدمهم فى الدار والحمد لله
طولت الهدرة بصح ماهيش خاجة على الموضوع رانا نتحدثو على الاكل هههههه

[دائمة الشكر]

صباح الخير اخواتي الاطباق راهي روعة اممممممم تشهي يعطيكم الصحة فطورنا لليوم لوبيا وسلاطة ام ابراهيم أرجوكي وصفة الهامبرغر ربي يعطيكم ماتتمناوا كامل مبروك السنين نتاع عمادوا وبالباركة عليه

[lyzzabel]

صح فطووووركم جبيباتي و ماكول الهناااااا

خبيزات درتهم اليوم فالفطور مع الحريرة و السلاطة





و هدا بركوكس درته عنده يومين و الحمد لله 6لى نعمه حمدا كثيرا طيبا مباركا فيه

نحاول نحط شوية صور ادا حالفني الحظ

نراااجع و نرجع بادن الله


سبحان الله و الحمد لله و لا اله الا الله و الله اكبر

[lyzzabel]

ويييييين رااااكم هربتوووو وعععععع

ام يااااسووو الحمد لله غير النت دارتها بيك و بصحتكم تارتولات الليمون راهي تشهيييي خلااااااص بديت اعجب بها هههههههه

ايماااان بصحتكم الفطوووور و ليك بوستين حلوتين على الخدين ههههه راهم وصلوني تاوعك

مطبخ الاحلام مرحبااا و اهلاااا و سهلااااا بك معنا عزيزتي و انشالله يطيبلك المقاااام ،، بصح اعطينا اسم ساهل شوية نعيطولك بيه هههههه ادا ماكانش ماااانع

عاااااازفة ويييينك انشالله يطون سوء تفاااهم بررررك

نرجوووستي اطباقك تشهي كالعااادة مممممم بصحتكم حبيبتي

عطووورتييي مممممم شهيتيني قبل ما نشووووف كلي شوووووق يا الزينة ،، حقا كنت خليتلك سؤال وحد النهار واقيلا ما شفتيهش

شكوووون تعطيني رابط دردشة المسابقة بليييييييز


اللهم انك عفو تحب العفو فاعف عناا

[lyzzabel]

راني نقول شكووون لي نسيتها خخخخخخخ

زينووووبة اسمحيلي تفكرتك حتى حطيت الرد ههههه
خبز الشعير رااااائع مام انا كنت نديره غير هو وحد الوقت كان ن ع جابلي شكارة تاع نخالة تاع عشرة كيلو نظن و مين كملي حبست هههههههه بصح يجي هباااااال احسن من تاع الفرينة الف مرة ،، يعطيك الصحة على الوصفة غاليتي

[lyzzabel]

نامووووستي لوكان نحكمك نبشششششششك علاااااش راكي تطلي و تهربي و وين راهم الاسئلة تاوعك اللامنتهية توحشششششتك يا عمرييييي مواااااااااح

كاااتييي شكراااا حبيبتيييي

طير الرحمة تفكريني بزااااف ببنت خالتك حتى هي كانت صباح و عشية تكتبلنا خواطر و تحطلنا افكار رائعة من النت ،، و وصفة الخبز اصبري عليا غير شوية و نكتبهالك عزيزتي

[دائمة الشكر]

اختي ام نور الدينً أنا ثاني عمري ماسمعت بيهم حتى كي دخلت لهنا عرفتهم واش معناتهم حنا انقولوا بركوكس وهم يقولوا العيش ويقولوا البربوشة احنا انقولوا الطعام الخ بزاف كلمات مختلفين حتى الطياب

[تنهنان تي تي]

صبااااااااااااح الخير

[ام رشدى]

اختي ام نورالدين عندك الحق وتلقاي طياب دار ماشي كيما الدار الاخري انا تزوجت قريب بزاف من دارنا يعني تزوجت جارنا وكي دخلت لعندهم مايديرو حتى حاجة كيما احنا تقول تزوجت لبلاد اخرى
وانشاء الله الاخوات الكريمات مايتقلقوش منا كي نطرحو عليهم الاسئلة وجزاهم الله خيرا

[ام ماسين]

صباح الخير عليكم دخلت ليوم نقلكم شكرا جميعا لدعائكم لوالدتي وربي يحفظكم ويرزقكم
يعطيكم الصحة واش طيبتو راكم فحلات نتاع الصح
طوكيو اختي ام سراج راهي مريضة هاذي ليامات من لقريب عليها ماهيش تدخل بزاف الحمد الله راهي بدات تتحسن شكرا اختي على الرسالة الخاصة والاطمئنان على حال اختي راني وصلتلها سلامك في الهاتف فرحت بزاف وراهي تبلغلكم السلام كامل البارح حتان اتصلت بيها باش دخلت وكتبتلي رد في موضوعي شكرا للجميع مرة اخرى

[طير الرحمة]

[

أَصْـبَحْنا وَأَصْـبَحَ المُـلْكُ لله وَالحَمدُ لله ، لا إلهَ إلاّ اللّهُ وَحدَهُ لا شَريكَ لهُ، لهُ المُـلكُ ولهُ الحَمْـد، وهُوَ على كلّ شَيءٍ قدير ، رَبِّ أسْـأَلُـكَ خَـيرَ ما في هـذا اليوم وَخَـيرَ ما بَعْـدَه ، وَأَعـوذُ بِكَ مِنْ شَـرِّ هـذا اليوم وَشَرِّ ما بَعْـدَه، رَبِّ أَعـوذُبِكَ مِنَ الْكَسَـلِ وَسـوءِ الْكِـبَر ، رَبِّ أَعـوذُبِكَ مِنْ عَـذابٍ في النّـارِ وَعَـذابٍ في القَـبْر.

[تنهنان تي تي]

صباح الخير ام ياسين متشرفين
واش ام ياسين راكي معايا في المسابقة ولا لا