جزء 173 من واش طيبتي اليوم كوزينة احلى رفقة طيبة

[أم هبوبة]

[x ام رحاب x]

احلى صباح ام حبوبة وربي يعينك حنونة واش راكي
مانطفيش اللومبة باه انطل عليكم كل مرة الله ايعينا على الاشغال انوها حسنة باه ربي يكتنبلنا كل خطوة ولا كل عمل يتحسبلكم حسنة ان شاء الله

[أم محمد تاج]

اللهم آمين رب العالمين غاليتي ام رحاب الف الف شكر
ام جوجووو حنووونة ربي يرفع عليك الضر عاجلا غير آجل ويشفيك ويعافيك يارب
شكرا ام هدووول وفاتي على الترحيب الله يحفظكم
نخليكم حبيباتي ربي يعينكم يارب

[nanoua7]

صباح الخير على أحلى لمة و نهاركم مبروك ان شاء اللّٰه

[ام*اكرام]

سلام مبروك عليك افتتاح الكوزينة انشاء الله تكون فال خير عليك وربي يبارك في هادوك اليدين

ماشاء الله اطباقك روعة روعة روعة ربي يزيد تالقا ويبارك فيك

[mosta*limoges]

أحلى صبااااااااح لأحلى حراير لكوزينا

[ام سراج وملاك]

صباح الخير لاحلى شلة بنات
ام رحابو ربي يخليك ياطيبة كلامك عسل امين ربي يحفظ اولادنا كامل ان شاء الله ويفرحونا يارب والله ياغالية شت افتتاحك للكوزينة حبيت ندخل بصح كل مرة نتكاسل وليت نتعب من مراكز التحميل وثاني مانيش نصور بزاف كتلنا التفنين ان شاء الله تكون كوزينة مربوحة للجميع وربي يدومها نعمة يارب والله معزتك ربي لي يعلم بيها
لبنات كامل دون ذكر اسماء يعطيكم الصحة ماشاء الله طيابكم وحلوياتكم ماشاء الله عليكم والجدد مرحبا بيكم معانا يارب ونسيت امينة الصغيرة نقلها ربي يفرحك يارب وتنجحي وتحطيلنا الباروك
هاذي عرضة من عرضاتي وينك ياليزا الصور راهم علاجالك بصح هذا وين كتب ربي باش نحطه صور العرضة

































هذا قاطو عرس جابتو خالتي معاها



الغرير والباتسري جابوه خوتاتي كيما قلتلكم مانيش نصور طول والله صور هزيتهم من فايس بوك كانت حطتهم ختي ثم

[ام سراج وملاك]

لبنات لي يدخلو من بعدي نقلكم صباح الخير ام رحاب ان شاء الله تكون الوالد ة بخير شفت رد بنت خالي لعزيزة نخليكم نروح نكمل شغالاتي كنت رايحة ندير مسكوتشو لعشية رايحة عند عجوزتي والصدفة انو راجلي قالي ليوم عيد ميلادها ربي يحفظها ويطول في عمرها قلت مالا ندورها تورتة ونديهالها مش بنية الاحتفال كيما تقول ام ياسو ربي يحفظها من اجل اللمة والقصرة لحلوة برك هيا مسكينة في عمرها مااحتفلت بيه اصلا وحتى التاريخ متاكدة بلي معلابالهاش ليوم بلي عيد ميلادها اذا جاتني مليحة وتشبه نصورهالكم

[ملاك ملاكي]

يسعد صباحكم بالخيييير يا الفحلات النحولات
ان شاء الله نهاركم زيييييين بحالكم كشروداتي
وااااااع مادرتوا فيا ماقدرتش نراجع دروسي ونستدرك لي فاتني
مي هدا كل بفضل الله وبفصل ام رحاب الفحلة الكوزينة حلوة وخفييييفة بحال حلاوة روحك الله يباااارك ماشاء الله..........والشئ لي عجبني اكثر اكثر طلة وظهور الغوالي نورونا والله توحشتهم
ربي يدوم اللمة والمحبة ياااارب

[ملاك ملاكي]

حباباتي هدا كان عشايا البارح سوب بالخضرة وبوراك وسلاطة خفيييفة
والحمد الله على نعمته وفضله وربي يدومها

[x ام رحاب x]

المشاركة الأصلية كتبت بواسطة أم محمد تاج

اللهم آمين رب العالمين غاليتي ام رحاب الف الف شكر
ام جوجووو حنووونة ربي يرفع عليك الضر عاجلا غير آجل ويشفيك ويعافيك يارب
شكرا ام هدووول وفاتي على الترحيب الله يحفظكم
نخليكم حبيباتي ربي يعينكم يارب
بلا جميل عزيزتي

المشاركة الأصلية كتبت بواسطة nanoua7

صباح الخير على أحلى لمة و نهاركم مبروك ان شاء اللّٰه

احلى صباح حنونة واش راكي

المشاركة الأصلية كتبت بواسطة mosta*limoges

أحلى صبااااااااح لأحلى حراير لكوزينا

صباح الخيرات حبيبتي واش راكي

[x ام رحاب x]

المشاركة الأصلية كتبت بواسطة ام*اكرام

سلام مبروك عليك افتتاح الكوزينة انشاء الله تكون فال خير عليك وربي يبارك في هادوك اليدين

ماشاء الله اطباقك روعة روعة روعة ربي يزيد تالقا ويبارك فيك

اهلا وسهلا صباحك منور بنور النبي حبيبت قلبي واش راكي
هادي اختي الكبيرة وفي مقام امي لعزيزة باه ترحبو بيها
وشكرا على مرورك عزيزتي

[x ام رحاب x]

المشاركة الأصلية كتبت بواسطة ام سراج وملاك

صباح الخير لاحلى شلة بنات
ام رحابو ربي يخليك ياطيبة كلامك عسل امين ربي يحفظ اولادنا كامل ان شاء الله ويفرحونا يارب والله ياغالية شت افتتاحك للكوزينة حبيت ندخل بصح كل مرة نتكاسل وليت نتعب من مراكز التحميل وثاني مانيش نصور بزاف كتلنا التفنين ان شاء الله تكون كوزينة مربوحة للجميع وربي يدومها نعمة يارب والله معزتك ربي لي يعلم بيها
لبنات كامل دون ذكر اسماء يعطيكم الصحة ماشاء الله طيابكم وحلوياتكم ماشاء الله عليكم والجدد مرحبا بيكم معانا يارب ونسيت امينة الصغيرة نقلها ربي يفرحك يارب وتنجحي وتحطيلنا الباروك
هاذي عرضة من عرضاتي وينك ياليزا الصور راهم علاجالك بصح هذا وين كتب ربي باش نحطه صور العرضة

































هذا قاطو عرس جابتو خالتي معاها



الغرير والباتسري جابوه خوتاتي كيما قلتلكم مانيش نصور طول والله صور هزيتهم من فايس بوك كانت حطتهم ختي ثم

اهلا وسهلا بحبيبتي ام سيراج الله ايبارك راكي حسيتي بيا اليوم تفكرتكم جميعا واش راكي حنونة ووليداتك وربي يفرحك دخولك فرحني عزيزتي واطباقك لايعلى عليها كل يوم في تالق ربي يديم الرزق يارب كلش تحفة من المالح للحلو تحفة ربي يبارك وربي يحفضك على الحلوة مسبقا ان شاء الله اجيك تحفة وتفرح بيك عجوزتك في ميزان حسناتك يارب وكل عام وهي بالف خير

[x ام رحاب x]

المشاركة الأصلية كتبت بواسطة ملاك ملاكي

حباباتي هدا كان عشايا البارح سوب بالخضرة وبوراك وسلاطة خفيييفة
والحمد الله على نعمته وفضله وربي يدومها

ملاكي صباحك عسل مصفى يارب وربي يخليك يالفحلة هادا بفضلكم انتوما الشاطرات والفحلات كون ماشي انتوما راني قاعدة وحدي الله ايخليكم وايفرحكم وايعمر بيوتكم بالخيرات وربي يعمر حجرك عن قريب يارب واتولي احلى ام يارب واطباقك كلها اتشهي ياسعدو سي السيد ياكل من تحت ايدك الطيبة شكرا حبيبتي

[أم ياسين الزهراء]

احللى صباح لكل الاحبة

امممممممممممم دخلت على خيرات اختي العزيزة ام سراج الله يبارك ويديم النعمة يالحبيبة امنية حياتي نحضر عرضى من عرضاتك ونشبع شهيوات وقصرة ومانجيبش ام تاج تاكل بزاف نجيبها غير للتمنشير ههههههههههه ربي يعطيك الصحة وربي يعطيك على نيتك فرحي عجوزتك وديرلها تارت خير من تاع برى انا كنت درت لعجوزتي مرة عيد ميلادها وفرحتها وكانت خير من برى ربي يفرحك بولادك

الاخوات الكل سخفتوني وانا صايمة ربي يديم النعمة عليكم الكل

ام رحاب الحوت قتلني قتلني ربي يعطيك الصحة هايل هايل

ليزا وينك توحشناك ياعسل

عندي الغداء تهنيت وراحنديرلهم للقهوة خبز الدار انتاعي وللفطور انا وزوجي طلب فريت واسكالوب ومطلوع وحميص والحمد لله

انا سخفت غير على فنجان قهوة برك واش يصبرني سلام ياحلوت