خطيبتي و الخيانة --- راني مقلق بززاف عاونوني ---

[rouny87]

عليك بصلاة الاستخارة لتتخذ الموقف المناسب .

[aelazer]

دعك من هدا الشك ما دام جارتك هدي محبتش تسجلها فيها ان تدون تكدب صارح خطيبتك أفضل

[haidara28]

المشاركة الأصلية كتبت بواسطة رنوش 2011

السلام عليكم و رحمة الله تعالى و بركاته
خاوتي صحا فطوركم
===================
مشكلتي يا خاوتي اني خطبت بنت نحبها بززاف و هي اوهمتني بالدموع و ماعلاباليش ......
و ليوم تبدلت معاملتها معايا و شكيت بلي دارتها من ورايا و تخون فيا مع واحد
رحت للطفلة جارتنا و صحبتها في نفس الوقت قلتلها تشوفلي هاذ القضية
===================
خطيبتي استعرفت لجارتنا بلي اي تخون فيا مع واحد و كيما قالتلي جارتي ماصدقتش
انا ذركا اني كاره حياتي معاها و زيد هي اي تعامل فيا بطريقة ميش مليحة
مع العلم اني ماصرحتهاش بلي فقت بيها
ذركا اني حاب نفسخ لخطوبة و مازلت متردد
قلت لجارتنا تسجلها فالبورتابل و نسمع لخطيبتي المقطع الصوتي و تعترف بنفسها لكن جارتنا ماقبلتش
===================
ذركا يا خاوتي راني كاره حياتي
دبرو عليا وش ندير باش نلقا دليل قاطع
ولا اعطوني اي حل
===================
انا في انتظاركم يا خاوتي
و بارك الله فيكم

ليكن في علمك أخي أولا يجب أن تتاكد أنت شخصيا من الخيانة وألا تثق في صديقات خطيبتك فمكرهن وغيرتهن كبيرين وذلك عبر تتبع خطواتها خلسة أو مراقبة هاتفها النقال بطريقة ذكية وكذا محاولة الإستفسار عن سبب تغيير معاملتها لك
هذا من ومن جهة أخرى أنصحك يا أخي ان كنت متوترا وقلقا وأصابك الوسواس كثيرا من هذا الجانب فأعلم يا أخي أنك ستعيش طوال حياتك قلقا متوترا يصيبك الشك لأتفه الأسباب
وعليع كن شهما رجلا وابتعد عنها والرزق على الله تعالى فبصراحة بعض فتيات هذا الزمن لا أمان فيهم على الإطلاق
والبعض الآخر والله قمة الأخلاق والتربية وطبعا هذا من صنع الأباء والإخوة الرجال لأن البنت اللتي لها إخوة رجال حقا تأكد بأنها تكون ذات تربية وأخلاق
والله المستعان

[khaoula rouh]

عليك بالمواجهة

[مشكاة الهدى]

مع كل احتراماتي ليك والناس اطباع اول مرة نشوف واحد دمو بارد كيما انت هادي لا تحتاج سؤال او حتى استفسار وانا مرانيش نزيد عليك العكس لازم تتاكد من هاد الشئ وصارح خطيبتك بالموضوع وتهنى من هاد لحكاية وادا لزم الامر حتى تروح تبعها باش تتاكد بنفسك لان بعض الظن اثم ونشالله ربي يسهل امورك ولي فيها الخير ربي يكتبها

[manal130]

و شكون قالكم باللي كي يصارحها تقولو الصح

[manal130]

هدي جارتك راهي تكدب عليك ناكدلك بللي خطيبتك ما تعترفش بحاجة خطيرة كيما هدي و هي على بالها انها جارتك ممكن تقولك و اي وحدة ما تقدرش تعترف بخيانتها و لو كانت اختها و الله اعلم

[charroufaq]

ياأخي أرجو أن تتعرف علي بنت أحسن منها.,وأريد أن أقول للبنات أن الخيانة تغضب الله عز وجل.وشكر لصراحتك

[manal130]

المشاركة الأصلية كتبت بواسطة charroufaq

ياأخي أرجو أن تتعرف علي بنت أحسن منها.,وأريد أن أقول للبنات أن الخيانة تغضب الله عز وجل.وشكر لصراحتك

يا اخ افهم الحكاية و امبعد انصح ما تهدرش برك و ما يحس بالجمرة غير لي كواتو

[^^prIncessA]

يا ايها الذين امنو ان جاءكم فاسق بنبا فتبينو ان تصيبو قوما بجهالة فتصبحو على مافعلتم نادمين
الاولى ان تصارحها واضغط عليها حتى تعترف

[imene english]

هذه من الان راك تشك فيها و normalementما ماتخليش جارتكم تهدرلك فيها و هذه ماشي صحبتها صح حت وتكون هي راهي تغلط او تخون فيك ماتقولكش و تسقمها بيناتكم باش تخرجو بأقل خساير ماشي تزيد تشحنك عليها و زيد شاقتك مديتلها أذنيك تقولك تخربها و بلاك عندها هدف اخر رد بالك لانه الصداقة بين البنات انعدمت ماتخليش وحدة كيما هذيك ثنمامة تدخل رحتا فيكم انت صلي صلاة استخارة و ماتستن حت واحد يجيبلك هدرة عل خطيبتك لانها بنت الناس وحت راهي تخدع فيك انت اجبد روحك بلا ماتوسخها وحت كي تزوج بها مش رح تقدر تعيش معاها عل الثقة لأنك شكيت فيها و ماشي حق عليك تخلي صحبتها تهدرلك عليها عندك الف طريقة باش تتاكد علاه رحت بصحبتها وخليتها تهدرلك في خطيبتك الي ربما غدوا تكون مرتك و زيد حنا البنات كل نهار و كيفاش تكون نفسيتنا و تلحق وين نولو مانحملوش الخطيب او الزوج هكذاك برك بلا مايخدعو انت وضميرك الان لأنك تقول تحبها أتخيل انه هذه البنت ماكانتش تخون اصلا فيك و انت شكيت فيها و فسخت الخطوبة و يرجعو الناس يهدرو فيها مسكينة راح ترتاح؟ و علاه ماتكونش من الان الصراحة بيناتكم و صارحها كل شي حت صديقتها واش قالت عليها خليها تفيق و قولها يا بنت الناس علاه راكي تعاملي فيا هكذا صراحة ماتخلي حت حاجة في قلبك و قولها الي راكي حابتها موافق و نزيدلك نقص م تلفون ماشي كل وقت وانت تعيطلها لانه البنات هكذا يحبو الخطيب يكون ثقيل و رجلة و خليك من الكلام الناس الزائد و اتق الله اخي اسأل الله ان يفرج عليك. *