الجزء 123 من واش طيبتي الييوم * اتحفونا بابداعاتكم *

[ام ساجد]

صباح الانوار والخيرات عليكم كامل لبنات
مبروك كوزينة جديدة ولمة سعيدة امين يا رب
سماح يعطيك الصحة كلشي 44444444وحلويات خالك روعة
ام يسرى "زينب" ام محمداسلام" قمربصحتكم اطباقكم تشهي
هاذم بعض اطباقي البسيطة

المسمن بالخميرة وصفة الاخت امازيغية





خبز ليزا يعطيها الصحةخفيف كي القطن



بوراك في الفرن وصفة زينب عملتهم بديول تاع الدار خرجو44444444













شخشوخة





رشتة



كرمب رولي





تحلية بالليمون



كيكة القرع



والحمد لله على نعمته وفضله

[قمر 77]

البنات وين راكم غير الخير نوضو تقضو شغالاتكم النهار بالخف يجوز

[*سماح 94*]

صباح الخيرات و البركات على الجميع منوريييين ماشاء الله عليكم
نراجع فقط و نرجع

[قمر 77]

ام ساجد على سلامتك
اطباقك دائما روعة يعطيك الصحة هذاك المسمن اللي بالخميرة كيفاش جاك

[قمر 77]

[color="rgb(255, 0, 255)"]البنات درك تدخلو قاع للراتراباج عندكم غياب بدون مبرر خخخخخخخخخخخخخ انا شاطرة هههه[/color]

[wahibaazel]

صباح الخير لكل الملتحقات ،سبحان الله المنوض في الفجر رائع ما نعياش نهائيا وكلشي يجي ساااااهل ،هيا البنات نوضوا لا جي ليكم قممووورة .
ام ساجد ما شاء الله عليك رشتة كتلتني شكلا ومضمونا ،تعيشي اختي ام ساجد التوابل اللي تستعمليها فيها ،كلشي من يدك تححححفة

[ام ساجد]

صباح الانوار اختي قمر الله يسلمك وبصحتك التحويسة والشباتي

المسمن العادي خير هذا تجي فيه طعم الخمير وكل واحد وذوقو

[ام ساجد]

اختي وهيبة صباح الخير بالنسبة لتوابل في الرشتة نعمل فلفل ابيض او اسودوعود قرفة وشوي راس حانوت مانكثرش باش يبقى الصوص ابيض

[ايمان25]

اختي نوكيا الف الف مبروك افتتاح الكوزينة و اطباقك و حلوياتك ما شاء الله

[ام ساجد]

غدانا ان شاء الله ارز راني رايحة للكوزينة باي

[زينب 83]

صباح الخير إيمان ، وهيبة ، قمر ، كاوكا، طالبة الجامعة

ام ساجد يعطيك الصحة كلش رووووعة

اختي نوكيا صباح الخير

كاوكا هذه صورة بلا كتابة او إطار



الاكل في حد ذاتو خلقو ربي بألوان جميلة لكن حنا نغبنوه في التصوير هههههه

شوفي اذا تحبي الصور يخرجو ملاح الضوء هو الصح انا دايما نخير المكان لي فيه الضوء خاصة الطبيعي و نصور فيه ، زيد نصور الطعام هن قرب و من الجوانب لانو كي تصوريه من بعيد مايبانش و من فوق راح تتحصلي على صورة ثنائية الأبعاد لكن من الجوانب راح تكون رايعة ، لذا صوري بهذي الطريقة و ماراحش تحتاجي اصلا لبرنامج تعديل الصور ، على فكرة ههههههه انا نحب نصور في البالكون

حقا القراوش راح نحطهم موضوع بعد قليل علابالي بلي انتوما محترفات لكن ممكن بنات صغار يستفادو منو

[ارزاق]

صباح الخير مزال مراجعتش شفت الخير تاع ام ساجد روائع الله يبارك خاصة هبرة اللحم امممممم وزينب شفت مرة قلتي بلي راكي شويا ناقصة في الحلويات وهذا الفن منين راكي تبعدي في العين هههههه

[أم ياسين الزهراء]

صباح الانوار

مبروك الكوزينا الجديدة ويجعلها عامرة بالخيرات

غدايا مقرونة والحمد لله

[دائمة الشكر]

صباح الخير اخواتي مبروك عليك افتتاح الكوزينة اخت نوكيا ان شاء الله تكون عتبة خير علينا وعليك أطباق وحلويات رائعة ، الأخوات اللي حطوا أطباقهم ماشاء الله عليكم جميعا راكم رائعين ربي يدوم النعم عليكم يارب الفطور مازال نخمم فيه راني غير انّا والأولاد حرت واش ندير ضك نقل على كاش وحدة هنا ههههههه

[kaouka]

شكرا جزيلا زينب على المعلومات بصح صور تاعك يخرجو روعة