مرحبا بكن في ** الجزء90 ** من مطبخ واش طيبتي اليوم - الصفحة 4

omomnia15 · 2014-09-20, 16:47

سلام وصح قهوتكم ومبروك الكوزينة المفاجاة هذو بعض اطباق

وهذا شيبس امنية قاتلي صورتو حطيلي مكلتي في منتجى الجلفةهههههههههه قلتلها جيبي مزال حقك

mounmoun18 · 2014-09-20, 16:50

السلام عليكم ورحمة الله وبركاته
مبروك الكوزينة لجديده
طياباتكم يشهو تبارك الله عليكمhttps://www.m5zn.com/newuploads/2014/...a06b6908f7.jpg
اختي lyzzabelقوليلي واش هدا يبان يشهي

أم هبوبة · 2014-09-20, 16:59

سلام عليكم يومين غبت فيهم و مين جيت روحت نجري نفتح المنتدى غير كل شيئ تبدل كوزينة تغلقت و كوزينة تفتحت
اختي ليزابيل مبروكة علك الكوزينة و ان شاء الله تكون عامرة بالخيرات
الغداء اليوم كان عند عجوزتي كانو عاملين عندهم في البلاد وعدة اي زردة و عملوه كسكس
وهداطبسي مسمن باروك الكوزينة

ام اماني عودة ميمونة للمنتدى و اللله غيبتك طولت و اشتقنا لوصفاتك الرائعة. رانانستنى في الجديد حلوياتي لعيد الفطر هده السنة كانت كلها من وصفاتك و خرجتلي رائعة و كل الي شافها و داقها عجباتوه ربي يخلبك لينا و تزيدي تمتعينا
سلامي لكل الاخوات كل واحدة باسمها
وهده بعض صور من كواليس عند عجوزتي في تحضير الغداء

[IMG]https://im68.gulfup.com/dPdPjj.jpg[/IMG
]

ladymillion · 2014-09-20, 17:01

شاوية حرة ولي عجبهم قاطو طبقات الاسود راهو قاطو القطيفة نتاع المتألقة أليسوووووووووون الحبيبة

هاهي ليك وصفة قاطو القطيفة نتاع أليسون

500غ زبدة
كأس سكر // كأس سكر رطب // كأس زيت // نصف كأس نشا // فاني // باكي خميرة الحلوى // رشة ملح // فرينة

اخدمي المكونات عادي كيما الصابلي ولمي العجبنة بالفرينة
خليها ترتاح شويا واطبعيها وحطيها طيب

مبعد لصقي الحبات بكريمة الزبدة انا درت 3 طبقات اليسون قالت بلي دراتو قبل بــ 3 طبقات وادهني الحبة كامل بالمعجون ومرمديها في (نواد كوكو تكوني اضفتيلو الكاكاو أسود وشوي سكر ناعم برك باش مايكونش بزاف مر )

لي درتو انا الحبة مادهنتهاش بالمعجون كملتها بكريمة الزبدة ومرمدتها في النواد كوكو مسود بالكاكاو

_______________________

امنيات هاذيك راهي غريبية واذا حبيتي الوصفة تفضلي

حبيبتي هاهي وصفة الغريبية ، راهي تجيك تذوب في الفم تبعي برك الخطوات وخاصة بالنسبة للزبدة هاذي غريبية اصلية كاينة بزاف هدرة بصح تبعي برك هههه ماتقلقيش

شوفي كيلي بأي مكيال حبيتي بكأس او غرفية للتجربة ديري غرفية نتاع الحليب وشوفي

المرجلة الاولى -- كيلي 3 كيلات فرينة (( حطيهم في صينية زجاج او حديد مايهمش رصي شوي الفرينة خليها في الصينية /// وشعلي للفرن لاقصى درجة وخليه 45د يسخن ومبعد طفيه وحطي صينية الفرينة فيه واغلقي الفرن خليه انسايها تقعد تما حتى يبرد الفرن مايصرالها والو /// مبعد خرجيها راح تشوفيها تشققت يعني نجحتي في تحميصها خليها بجهة )))

المرحلة الثانية --- بالنسبة للزبدة او المارغارين او زبدة ستار واش تحبي تستعملي
ذوبي في طاوة على نار متوسطة مقدار من الزبدة كي تذوب كيلي بالمكيال لي استعملتيه مع الاول في الفرينة وديري كيلة زبدة ذايبة وحطيها في الثلاجة تجمد /// هنا راح يهبطلها الماء لتحت وبالتالي الغريبية ماتجيش يابسة من بعد /// كي تجمد خرجيها وسيحي الماء هذاك خلي غير الزبدة بدون ماء زبدة فقط
ملاحظة: اذا حبيتي تستعملي السمن ديري ذوبيه برك وخليه يبرد مافيهش الماء كيما الزبدة، لكن انا عطيتلك نتاع الزبدة تجي بنتها احسن وتعطيلك ذوق الغريبية الاصلي

--رشة ملح بالنسبة لمكيال صغير
--م ك فاني
--كيلة ناقص منها حوالي 1سم سكر ناعم

الطريقة:

حطي الزبدة+ رشة ملح + السكر الناعم+ فاني
واخطبيهم ملييييييح بالباتوغ حتان يبياضو مليح ومبعد زيدي الفرينة غربليها راح تلقايها تكعبرت راهي عادي غربليها برك /// زيدي الفرينة بالشوي وحكي العجين بكفوف الايدي أمحريها مليييييح باش تبياض وتجيك طرية استمري في اضافة الفرينة وأمحري العجين راهي لازم هاذ الخطوة /// الفرينة ماديريش الكمية كاملة راح تهزلك حوالي 2 كيلات ونصف انت ماديريهاش ضربة وحدة

ضرك شكلي الغريبية كيما تحبي وحرارة الفرن تكون 150° لا أكثر // الرف يكون لفوق // الفرن يكون سخون قبل بــ20د

الغريبية طيب لمدة 20د بعد ماتخرجيها خليها في الصينية تبرد ماتمسيهاش

___________________________

ام اريام هذاك بوتي فوغ

250غ مارغارين
3م ك سكر ناعم
رشة ملح لازمة
2صفار بيض
م ص فاني + عطر فراولة او عطر اللوز ( درت عطر لوز )
م ك زيت
م ك حليب سائل
315غ فرينة

خلطي المارغارين والسكر ورشة ملح مليييييح بالباتوغ لازم حنى بيياضو ويتكاثفو شوي +فاني + عطر لي تحبيه+ + الزيت + الحليب وزيدي خلطي شوي برك + صفار البيض وزيدي خلطي بالباتوغ شويا ومن بعد ديري الفرينة راح يجيك لاصق باش يخرجلك من لابوش

خرجيه في الصينية مرشوشة بالفرينة وخليه يرتاح نصف ساعة كاملة ومن بعد طيبيها 170° والرف يكون شوي لفوق
ولصقيه بلاجولي ولا بالمعجونبصح بلاجولي يجي يهبل كيما نتاع برا والشوكولا اختياري

اسمحولي طولت عليكم كنت نحوس عليهم في الكوزينة لي فاتت ودرت كوبي كولي

أم ياسين الزهراء · 2014-09-20, 17:01

مبرررررررررررررررررررررررررروووووووووووووووووووووو ووووك الكوزينا القديمة والجديدة ياحلوة كلش بالشان والطبع الله يبارك فيك ويشافيك ويبعد عليك العين

روحي مطمانة مانخلو مانبقو كلش نقضو عليه حتى العضم ههههههههههههههههههههههههه

حبوبتي ام محد الله يخليك غير السردينة اللي نموووووووووووووووووووووت عليها ربي يقنعك ويحفظك

ساندي وين الباتيسري ام ماجد ماخلاتليش كلاتو الكل هايا اممممممممممممممممممممم تسلم ايديك

ام سهام خليتلك سوال في تارت عيد ميلاد بنتك نسيتيني ولا فاشيتيني

ام سراج الله يبارك ويزيد وربي يحفظو ويصلحو ولعقيبة لافراح النجاح انا هكى نحب ندي النجاحات ومنبعد الزواج وقوليلي كيفاش رسمتي سبونج بونج وليدي هبلني بيه وانا مانستعملش عجينة السكر وزيد فناينة وقوليلي هديك يديك الله يبارك باين تاي مانكى هههههههههههههههههه

ليدي كنت راح نحطلك الرابط سبقتني بيبا راح نستنى اسنك الجديد

غدايا كان محاجب وقازوز والعنب والحمد لله العشاء قتلو عيت مانعرف واش يجيب وادا دارها بي كيما المرة اللي فاتت تشوف واش يصرالي ههههههههههههههههه

القهوة كانت عندي كسرة وشوي من حلا المريا

أم ياسين الزهراء · 2014-09-20, 17:04

ام اماني اهلا بيك معنا خليتلنا فراغ كبير وتوحشنا اطباقك ولمستك

ليدي الله يخليك عجبتني قاطو القطيفة تحفة

ام هبوبة بصحتكم

امونية الشربة تسخفففففففففففففففففففففففففففففففف

ladymillion · 2014-09-20, 17:05

ام سراج وصفتي نتاع كروكي

3 بيضات + رشة ملح + كأس ونص سكر + كأس زيت + زاست ليمون + م ك فاني + نصف كأس نشا + باكي ونص خميرة وتلمي بالفرينة

الطريقة واضحة ومن فوق مدهون بالبيض ونيسكافي وتحمريه مليح

اسماء47 · 2014-09-20, 17:06

السلام عليكم
ليزابيل مبروك افتتاح الكوزينة الجديدة ربي يجعلها عامرة بالخيرات
ام اماني مرحبا بيك معانا
هاذو طيابات من الكوزينة اللي فاتت و الايام اللي فاتو

ladymillion · 2014-09-20, 17:09

ام ياسو بصحتك المحجوبة ممممممممممممم شهيتيني يعطيك الصحة يا لالا وبصحتكم مرة اخرى
حقا الاسم رااني قلتقهم ( نور الايمان) واش رايك هههههههه طومة قاتلي ديريه ( ايمان تلعب في الريف) طومة توحشت كتاب القراءة نتاع سنة اولى خخخخخخ

راني شفت كلشي طيابكم ماشاء الله عليكم والله حاولت نتفكر وراني نكتب ونسييييت شوي

أم ياسين الزهراء · 2014-09-20, 17:09

اسماء الله يبارك هدا لي يسخف اممممممممممممممممممم

أم ياسين الزهراء · 2014-09-20, 17:10

ليدي الله ينورك ويحفظك ويطيحك في نفس مومنة وشابة والله ضحكني اسم طومة هههههههههههههههههههههههههه

أم ياسين الزهراء · 2014-09-20, 17:16

اقتباس:

المشاركة الأصلية كتبت بواسطة mounmoun18

السلام عليكم ورحمة الله وبركاته
مبروك الكوزينة لجديده
طياباتكم يشهو تبارك الله عليكمhttps://www.m5zn.com/newuploads/2014/...a06b6908f7.jpg
اختي lyzzabelقوليلي واش هدا يبان يشهي

اختي هديك بيتزا البطاطا تاع دائمة الحمد غير حرفت ليزا زدارت الفينداشي روحي لقسم المقبلات تلقاي الوصفة

ام سهام 02 · 2014-09-20, 17:23

اللهم امسينا وامس الملك لله ولا حول ولا قوة الا بالله والحمدلله

بيبا= شاوية حرة = ليزا=ساندي يعطيكم الصحة هذا من ذوقكن الراقي

ام يا سين اسمحلي لم انتبه والرسم رسمت بالقلاصاج

ladymillion · 2014-09-20, 17:44

لبنات والله يعطيكم الصحة زدت شفت مليييح الاكل والطياب واااااااااااااااااااش نسخف على مالكة الناس والله وتشها اكلكم كامل هههههههه لوكان نجي عندكم خلات علىيكم ههههههههه ربي يدوم عليكم النعم والارزاق ويحفظكم لاولادكم ياااااااااااارب
ام سهام - ساندي - ام محمد تاج - ام امنية - ام هبوبة - واسما هذا كامل ماشفتش محجوبة ام ياسو ( يخي مانست حتى وحدة )

شاوية حرة 05 · 2014-09-20, 17:51

ليدي شكرررررررررررررررررررررررا حبيبتي على الوصفة الله يحفضك

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري