للمتزوجات والمتزوجين و لكل من يعطي رايه بموضوعية

[sali-sali]

المشاركة الأصلية كتبت بواسطة nooriman

عندي سؤال
انت متزوجة ردودك توحي أنكي الزوجة الثانية

لست بمتزوجة لا اولى او تانية
لدى مجموعة اصدقاء تناقشنا في الموضوع و كما قلت ابعدنا صفة الانانية و تناقشنا بشكل موضوعي مع دراسة عدة حالات زواج خيانة زوجية و يطول لي شرح الموضوع
اردت فقط ان اعرف وجهة نظركم

[ابتغي الجنة]

المشاركة الأصلية كتبت بواسطة nooriman

معلومة برك انو لا يجوز لالرجل يقطع النسل التاعو بعدم الانجاب
اذا زوجتو عقيم وهوا سليم واجب عليه يتزوج ثانية للانجاب وهدا كلام اهل العلم وعمو جوجل يفيدك في هدا الموضوع اذا كان عندك شك
صح ما يقطعش النسل نتاعه هدي باينة و حتى الزوجة ما تقطعش نسلها فالحالة العكسية
لكن البيت القصيد هو وفاء و اخلاص الزوجة لزوجها ممكن يخليها ضحي بأغلا الأمور

لالا اختي المرتاح ماراحش يكون عندو مشاكل الانفاق و الايواء عكس المزلووووط

المشكلة ماشي فالمال فقط المشكلة أنوممكن يقسم ماله و داره لكن قلبه و معاملته كيفاه يديرلهم
أنا ماسحقيت لا دار لا شهرية المهم يبقى ليا و حدي

وشبيكي اختي توسوستي ربي يشدلك في راجلك

أمين يارب أنا مخطوبة قوليلي ربي يوفقكم و يسهلكم

أميـــــن و كي يولي راجلي ربي انشاءالله يشدلي فيه

حكمتي ردي شرحتيه مع انو كاين بزاف ردود قبلي
خاطر ردك مميزعجبني فيه قلب كبير و لا ما بغيتيش

لالا حنونة عادي شرحي كيما تحبي
راكي مخطوبة برك علابيها راكي تقولي هكا كي تتزوجي تتبدل العقلية
حاجة برك المراة ماشي واجب عليها الانجاب اذا طاحت في راجل عقيم لها الاختيار بين الطلاق و البقاء بدون انجاب
بصح الرجل واجب يعاود للانجاب
المهم ربي يجمع بينك و بين خطيبك على خير

[sali-sali]

المشاركة الأصلية كتبت بواسطة naiissou89

مستحيل نقبل يتزوج علا زوجي انحبش نفهم و نتقبلش الموضوع نفضل نطلق على تكون عندي ضرة و زوجة ثانية انا دايما نحب نكون الكل في الكل مانقدرش حتى نتخيل الموضوع

ههههههههههه مليحة هدي نتاع مستحيل
علابالك عندي نقاش كبير في الطرح بموضوعية و انظر لعدة جوانب
ولم اطرح الموضوع الا بعد جهد كبير
لهدا ممكن بعد كل ردودكم
اناقش انا الطرح بالموضوعية التي كنت اتمنى ان يناقشها و لو شخص واحد على الاقل

[nooriman]

المشاركة الأصلية كتبت بواسطة sali-sali

هناك اختلاف الناس مش كيف كيف و طريقة التفكير كدلك
ايا نفتارضوا صح حاب يتزوج وانو عندها اولاد تطلق احسن و لا تبقى و خاصة ان كان قادر يعيش الزوجتين
وهدي نتاع نقتله مكاش منها ماتصراش
وواش هو الافضل الرجل يخون زوجته و يعمل الحرام،و لا يصارحها و يقولها حاب ندير حاجة حلال
الموضوع باش طرحته درت عليه بزاااااااااف صبر اراء و تحليل كبير و هناك امثلة كتيرة و ضروف تخلي نساء يقبلوا انو زوجها يتزوج و بدون مايطلقها وهنا ماتقوليش بقايا امراة علاش بقايا امراة و الشرع هو لي حلله هدا الشي
تشرفت بمرورك

انا منتمناش نوصل لهدا الشيء بعيد الشر لكن لا قدر الله و صرا نتفاهم معاه بالعقل يطلقني أحسن و ما سحقيت والو ماعنه يشبع بيها
و غير هو الخاسر
علاه أختي حرام عليك راني عاد ماتزوجتهش باغي تطلقيني منه

موضوعك شباب و فيه جدل كبير بصح انتي انثى كيفنا من الأحسن نحوسو على مواضيع لصالحنا تفيدنا مثل كيف تكوني له الأربع و لا كيف تزيد من حبه لك
مشي تقنعينا نقبلو يتزوجو علينا و نولو نساء باردات القلوب جافات المشاعر

[sali-sali]

مزال مالقيتش رد لى سؤال
ايها احسن الخيانة الزوجية و انو زوجك يعرف بنت غيرك ولا يصارحك و تكون وحدة بالحلال؟؟

ممكن تشوفوا عدة وقائع من المجتمع و عينات مختلفة هنا تفهمو وجهة نظري
ولي تقولك نطلق ان ابغض الحلال عند الله الطلاق
وعلاه كي يتزوج دار حاجة حرام؟؟

هدي موضوعية و لا لا؟؟؟

[sali-sali]

المشاركة الأصلية كتبت بواسطة nooriman

انا منتمناش نوصل لهدا الشيء بعيد الشر لكن لا قدر الله و صرا نتفاهم معاه بالعقل يطلقني أحسن و ما سحقيت والو ماعنه يشبع بيها
و غير هو الخاسر
علاه أختي حرام عليك راني عاد ماتزوجتهش باغي تطلقيني منه

موضوعك شباب و فيه جدل كبير بصح انتي انثى كيفنا من الأحسن نحوسو على مواضيع لصالحنا تفيدنا مثل كيف تكوني له الأربع و لا كيف تزيد من حبه لك
مشي تقنعينا نقبلو يتزوجو علينا و نولو نساء باردات القلوب جافات المشاعر

والله و الله يا اختي انا لم اقصد شيئ من موضوعي
وربي يهنيك و ان شاااااااء الله يكون شريك حياتك وحدك

ولكن ماقلتش التعدد راهو بزااااااااف ولازم كامل نقبلو بيه
انا حطيت موضوع من اجل المناقشة فقط و كل واحد ورايه و الثقافة نتاعه و الجوانب الي يشوف فيها
انا بغيت نوصل لوحد النقطة و لحد الان ماوصلتلهاش

وديما نقول انو فكرة التعدد ماهيش منتشرة بزاف
مجرد جدال واختلاف الاراء لا يفسد الموضوع بل كثرة الانتقاد دليل على ان الموضوع مهم

[nooriman]

المشاركة الأصلية كتبت بواسطة ابتغي الجنة

لالا حنونة عادي شرحي كيما تحبي
راكي مخطوبة برك علابيها راكي تقولي هكا كي تتزوجي تتبدل العقلية

المهم ربي يجمع بينك و بين خطيبك على خير

شكرا ربي يحفظك و يخليلك زوجك برك ما تغامري بيه راه يديرها بصح
كيفاش ما فهمتش هدي
حاجة برك المراة ماشي واجب عليها الانجاب اذا طاحت في راجل عقيم لها الاختيار بين الطلاق و البقاء بدون انجاب
بصح الرجل واجب يعاود للانجاب
اعطيني اختي الدليل فيها

[منهاج]

السلام عليكم

جوابي هو لا اقبل برجل متزوج لماذا ؟بكل بساطة لاني في المستقبل لا احب ان يتزوج روجي بغيري

ما نكدبش عليك هادو مكاتيب من عند ربي بصح نتمنى وندعي ربي الله لا يقدر علي يا رب العالمين

[soso sirin]

المشاركة الأصلية كتبت بواسطة sali-sali

مزال مالقيتش رد لى سؤال
ايها احسن الخيانة الزوجية و انو زوجك يعرف بنت غيرك ولا يصارحك و تكون وحدة بالحلال؟؟

ممكن تشوفوا عدة وقائع من المجتمع و عينات مختلفة هنا تفهمو وجهة نظري
ولي تقولك نطلق ان ابغض الحلال عند الله الطلاق
وعلاه كي يتزوج دار حاجة حرام؟؟

هدي موضوعية و لا لا؟؟؟

هههههههههههه والله العظيم الا ضحكتيني معنتها يا جهنم يا جهنم .و علاه ماتقوليش واش هي الاحسن انو يشد لسانو و يحكم في عينيه و عقلو و قلبو يكادنيه نهار يعقد على الاولى و هو تهنى علاه يجيب تكسار الراس روحو و يدخل روحو في حاجة هو ماشي قدها.شوفي الشرع قال راه سامح باه يتزوجو باربع نساء مي ربي سبحانو قال و لن تعدلو ربي ادرى بعباده.انو يتزوج و يجي يقول هذي مصيبة و انو يدير مرا وخدخرى على مرتو هنا مصيبتان لانو ماراحش يدير مرا وحدا راح يولي مراهق في كل فيراج عندو وحدا.والله يا لالة ابغض الحلال عند الله الطلاق هي نهار قبلت بيه و بظروفو الي هم تحملت الميزيرية و شابت مع ولادو و معاه طلعلها السكر و الضغط من القلق عليه و على ولادو هذا علاه هو ماشافهمش نهار عول يجيب الزاوجة ماتفكرش انو هذا المرة ممكن دارت المستحيل باه قبلو ماليها سمحت في حوايج بزاف باه ماتتحسسوش انو مقصر معاها و تجي كي تطلب الطلاق لانو السيد بغا يجدد حياتو راه ابغض الحلال.شوفي الخلع ماراهش من الشرع علاه الرجال مايقبلوهش جيبيلي راجل يقبل الخلع بلاااااااااااااااااااااااااااااااااااااااااااااك نخمم معاك في الموضوع بكل موضوعية.و باه مانقلكش دار حاجة حرام نهار يروح يخطب الاولى يقلها يا بنت الناس انا نبغي التعدد تقبلي تتزوجي بيا اذا قبلت و تزوج عليها مايلوموهش الناس
اما نهار يروح يخطبها يقولها انتي و لا نموت من بعد يجيب الزاوجة هنا هذا حرام.

[السي محمد]

نتزوج الاولى

و لما تتحسن ظروفي المادية

نزيد الثانية و هكذا دواليك

[السي محمد]

ان شاء الله ,,,,

[sali-sali]

المشاركة الأصلية كتبت بواسطة السي محمد

نتزوج الاولى

و لما تتحسن ظروفي المادية

نزيد الثانية و هكذا دواليك

ربي يرزقك ببنت الحلال الي تهنيك

[sali-sali]

المشاركة الأصلية كتبت بواسطة soso sirin

هههههههههههه والله العظيم الا ضحكتيني معنتها يا جهنم يا جهنم .و علاه ماتقوليش واش هي الاحسن انو يشد لسانو و يحكم في عينيه و عقلو و قلبو يكادنيه نهار يعقد على الاولى و هو تهنى علاه يجيب تكسار الراس روحو و يدخل روحو في حاجة هو ماشي قدها.شوفي الشرع قال راه سامح باه يتزوجو باربع نساء مي ربي سبحانو قال و لن تعدلو ربي ادرى بعباده.انو يتزوج و يجي يقول هذي مصيبة و انو يدير مرا وخدخرى على مرتو هنا مصيبتان لانو ماراحش يدير مرا وحدا راح يولي مراهق في كل فيراج عندو وحدا.والله يا لالة ابغض الحلال عند الله الطلاق هي نهار قبلت بيه و بظروفو الي هم تحملت الميزيرية و شابت مع ولادو و معاه طلعلها السكر و الضغط من القلق عليه و على ولادو هذا علاه هو ماشافهمش نهار عول يجيب الزاوجة ماتفكرش انو هذا المرة ممكن دارت المستحيل باه قبلو ماليها سمحت في حوايج بزاف باه ماتتحسسوش انو مقصر معاها و تجي كي تطلب الطلاق لانو السيد بغا يجدد حياتو راه ابغض الحلال.شوفي الخلع ماراهش من الشرع علاه الرجال مايقبلوهش جيبيلي راجل يقبل الخلع بلاااااااااااااااااااااااااااااااااااااااااااااك نخمم معاك في الموضوع بكل موضوعية.و باه مانقلكش دار حاجة حرام نهار يروح يخطب الاولى يقلها يا بنت الناس انا نبغي التعدد تقبلي تتزوجي بيا اذا قبلت و تزوج عليها مايلوموهش الناس
اما نهار يروح يخطبها يقولها انتي و لا نموت من بعد يجيب الزاوجة هنا هذا حرام.

ههههههههههه انت راني مسمياتك الواثقة
ماتدخليش مواضيع في بعضها
وادا حبيتي نعملك موضوع على الخلع

[sali-sali]

المشاركة الأصلية كتبت بواسطة منهاج

السلام عليكم

جوابي هو لا اقبل برجل متزوج لماذا ؟بكل بساطة لاني في المستقبل لا احب ان يتزوج روجي بغيري

ما نكدبش عليك هادو مكاتيب من عند ربي بصح نتمنى وندعي ربي الله لا يقدر علي يا رب العالمين

ربي يهنيك صديقتي
مجرد موضوع للنقاش

[لينة71]

كرا لكي على الموضوع
بالصراحة لما قريت الموضوع ...صعب الامر بالنسبة لي... ولكن كل شيء بالمكتوب....لا اتقبل الوضع راح نخليه ونقولو كل واحد في طريقو ما نجمش نتقبلها...ونقولو اسمحلتا ادا كنا مقصرين معاك ....وربي يعوضلك ..وانا نحكم طريقي....والله صعب الامر...شكرا وبارك الله فيكي