لماذا يتجه المتفوقون مباشرة نحو الطب ؟ ألا يوجد تخصص غيره ؟ أسئلة للنقاش

[مَجْنُوْنَةٌ أَنَاْ]

المشاركة الأصلية كتبت بواسطة SaRoo

اخت *Black Poisen*
رانا كيف كيف ... معظم التخصصات مثل هندسة كهربائية و الكترونيك و محروقات تنفع للذكور أكثر ... أستاذة و مهندسة ما يعجبونيش ... تبقى الـعلوم الطبيـة

و الله نفس التفكير ،،،

بصح انا مانيش حابة طب خلاااااااااااااااص ،،، بالاك نحط pharmacie و جراحة اسنان في الخيارين الاول والثاني ،،

مالقيت كيفاش نخير و دخت !

[SaRoo]

المشاركة الأصلية كتبت بواسطة *black poisen*

و الله نفس التفكير ،،،

بصح انا مانيش حابة طب خلاااااااااااااااص ،،، بالاك نحط pharmacie و جراحة اسنان في الخيارين الاول والثاني ،،

مالقيت كيفاش نخير و دخت !

انا محتارة بين الطب و جراحة الأسنان ..

زيدى حوسى على المواضيع فى منتديات الجلفة أكيد رايحة تلقاى ما يفيدك

[amirabac2012]

المشاركة الأصلية كتبت بواسطة *black poisen*

و الله نفس التفكير ،،،

بصح انا مانيش حابة طب خلاااااااااااااااص ،،، بالاك نحط pharmacie و جراحة اسنان في الخيارين الاول والثاني ،،

مالقيت كيفاش نخير و دخت !

حتى أنامعاكم
معدلي 16.12 و أنا حابة ندير صيدلة هذا هو حلم حياتي
انشاء الله يتحقق و ربي يوفقكم جميعا
و كتعليق على هذا الموضوع أنا مع التغيير لتحقيق التوازن في جميع المجالات وكل و ميوله .
سلللللللللللللام

[Balsam]

السلام عليكم حبيت نقلكم انو من الصعب تغيير الذهنيات لان الطالب النجيب للاسف مبرمج ملي كان صغير بلى يولي طبيب اللهم اذا كان عندوا رغبة كبيرة في تخصص اخر والكل داير في بالوا بلي الطب هو لي وفر حياة كريمة

[zizou93]

صح يا خاوتي ذرك حتى الاهل يلعبو دور كبيييير
لانو منين يزيد ولدهم و هوما يقولولك هاذا ولدي كي يكبر يخرج طبيب باش يداويني كي نمرض و هاذي هي المهنة العالية فالجزائر اللي نفتاخرو بيها بوليدنا و يلصقولو فكرة الطب في ذهنو منين يكون صغير
انا وحدة من الناس كي كنت صغيرة يقولولي واش حابة تخرجي كي تكبري نقولهم طبيبة كي يقولو علاش نقلهم باش نداوي والدي و امي كي يمرضو و تبالي مانيش غير انا اللي صراتلي
ومازلت راني نعاني منها لحد الان اخي لكبير من بداية العام وهو يقولي لازم ديري طبيبة باسكو هي النيفو اللي نفتاخرو بيك مي انا مابغيتهاش حاسة لوكان نقراها راح نخرج زبرووووووووو فيها لانها ماهيش طموحي زعمة راح نخرج طبيبة كفئ ماشكيتش نولي نقتل لعباد في بلاصة مانداويهم اللي نمدلو دواء نتاع الراس نمدلو تاع القلب هههه
المهم هذا رايي

[بنتا الجزائر24]

مشكورون على المرور

[بنتا الجزائر24]

هنالك الكثير من المتفوقون اللذين يمتلكون الوعي بأهمية و مسؤولية إختيار التخصص المناسب غير الطب
لذلك أتمنى لو يزودنا كل شخص بمعلومات حول تخصص يكون في نظره هو مفتاح الجزائر للتخلص من التخلف و التبعية للغرب
ولتحقيق التقدم
فمثلا أنا سوف أكون اللوحة الإشهارية للesi التي سبقني الكثير إليها
وأتمنى من بقية الأعضاء أن يكونوا لوحات إشهارية لتخصصات أخرى تكون في نظرهم باب التغيير للأفضل
كالطيران و ..........إلخ
أرجوا منكم التفاعل

[algerino1212]

المشاركة الأصلية كتبت بواسطة بنتا الجزائر24

هنالك الكثير من المتفوقون اللذين يمتلكون الوعي بأهمية و مسؤولية إختيار التخصص المناسب غير الطب
لذلك أتمنى لو يزودنا كل شخص بمعلومات حول تخصص يكون في نظره هو مفتاح الجزائر للتخلص من التخلف و التبعية للغرب
ولتحقيق التقدم
فمثلا أنا سوف أكون اللوحة الإشهارية للesi التي سبقني الكثير إليها
وأتمنى من بقية الأعضاء أن يكونوا لوحات إشهارية لتخصصات أخرى تكون في نظرهم باب التغيير للأفضل
كالطيران و ..........إلخ
أرجوا منكم التفاعل

في الحقيقة حتى دراسة الاعلام الآلي أرى بأنها ليست فرعا مستقلا

فأنا مثلا الحمد لله أعرف بعض لغات البرمجة و هناك لغات تمكنت فيها و الحمد لله و لكن وحدي دون أي أساتذة أو أي شيء ، بالاضافة إلى النظام و مشاكل الحاسوب ، الحمد لله

فمدرسة ini ليست كما نراها ، المدرسة التي ستخرجنا من ظلال التخلف و لكن الحقيقة هي أنها كذلك متخلفة فهي لا تضاهي أوربا بتاتا و الدول المتقدمة في الدراسات المختلفة.

أنا بانتظار كل نقد منكم

[mr.berns]

ماااااااااااااا شاء الله كي عادو كل القراي كيفكم هاربين من الطب خلوهالي انا مستعد ل 7 سنوات حفظ انا جبت 13.60ولو جبت معدل اكبر كنت ندير طب

[achwak.1993]

أختي بنت الجزائر أنا تحصلت على نفس معدلك بالضبط
لكني أقسم بالله أني لن أضع الطب في قائمة الرغبات
لأنه ببساطة ليس طموحي و رغم أن الجميع بدأوا يلمحون لي بالطب لكنني سأختار ما أريد أنا
فأنا أعلم أن غايتهم الوحيدة أن يفخروا بكوني طبيبة أمام الناس و أنا أكره ما أكره هو المظاهر

[منير طيبوزة]

كاين حاجة يسموها هجرة الادمغة

[هدير البحر07]

السلام عليكم
البعض يحب ولوج هذا المجال لسبب واحد هو كلمة طبيب لا غير نظرا لوزنها الكبير في مجتمعنا... لدي صديقات يدرسن هذا التخصص وعندما تسالها لماذا الطب بالذات تجيبك اما هو رغبة الوالدين او مكانة هذه المهنة في المجتمع اي انها ليست رغبة شخصية بالدرجة الاولى لذلك انصحكم بالتفكير جيدا قبل الاختيار كما انصحكم باستفتاء قلبكم لانه هو الدليل ....واخيرا اقول لكم بالتوفيق

[بنتا الجزائر24]

مشكورون على المرور و على إبداءآرائكم بكل صراحة
ربي يكثر من أمثالكم
أنتم هم أمل الجزائر في التطور
بأفكاركم

[محب الرياضيات]

صراحة انا تحصلت على 16.74 وستكون اختياراتي

1***طب

2***مدرسةعليا للاعلام الى

3***صيدلة

4***طب اسنان

5***طيران او شيء اخر يكون جيد


بالنسبة لجماعة 18 و17 لديهم 3 اختيارات وجماعة 16 5اختيارات

لان البرنامج بسيف عليه يحقق رفبة من رغباتهم

[yousra13]

jma3at 16 lal foug yrouho haja ghiir lmedcine bassah jma3at l 15 medcine khiir lihom makanch wach yrouho