الجزء 68 من واش طيبتي لتعم الفرحة والبهجة فى بيوتنا - الصفحة 39

ام سراج وملاك · 2014-04-13, 18:22

السلام عليكم اليوم عشايا فيه ريحت رمضان شربة وسلاطة وبوراك خدمت ديول نتاع السميد لي علمتهملي امي ربي يرحمها منذ الصغر كنت حطيتهم موضوع من قبل
بلاماننسى كل من بشرى 2008 نقلها يعطيك الصحة كي مبخلتيش عليا بالوصفة مبروك عليك التحويل الى ولايتك
ونقل لم اياد ورحمة شكرااااااااااااااا لك على الرد و نقلك تشكيلة القهوة و العصير رائعة ممكن تفهمينا واشيه العجينة نتاعها
ام اماني 77 شكرا على الوصفة نتاع الصابلي وانشاء الله مطوليش علينا بفطيرة الشاورما
كما لاانسى الجميع طيباتكم وحلوياتكم روووووووووووووعة لي سماكم حراير الجلفة مغلطش كل يوم نتعلم منكم لجديد

R I A D · 2014-04-13, 18:23

هاو قلب اللوز الي درت قبييل

الحمد لله على نعمه التي لا تحصى و لا تعد و كفى بالاسلام نعمة

2014-04-13, 18:29

روووووووووووووووعة حبيبتي ام رياض بصحتكم قلب اللوز يهببببل من صابني عندك نطير طيران لفرنسا امممممم
الحمد لله على نعمة الاسلام

عطرالذهب · 2014-04-13, 18:31

بشرى الف الف مبروك تهنيتي من التمرميد وتبقي حذا داركم والله فرحتلك
ام رياض بصحتك قلب اللوز يشهيييييييييييييي
سبحان الله والحمد لله والله اكبر

lyzzabel · 2014-04-13, 18:38

ام رياض بصحتك قلب اللوز مممممم بصح علاش ما زدت يش حمرتيه شوية
بشورة الباروك قلتلك باش تحيهلي ليا مشي باش تديه للخدمة هههههههه
افروديت موااااااح و الرفيس وييييي حبيبتي يجي معسل مممممممم هههه راني نغير فيك و الموضوع إذا لحقنا الوقت اليوم نكتبه انشالله sinon غدوة انشالله
ام اماااااني انت لي قدها و قدووووود هههههه شكرا حبيبتنا الغالية و نعاود نقولك بلي قاطواتك قاع لي درتهم روووووعة يعطيك الصحة و ربي يفرحك بوليداتك حتى نتي هاكي موااااااح
ايمان ممممممم البان كيك سخفوني يعطيك الصحة حبيبتي و بصحتكم
Monalis بصحتك الشوربة و البوراك و الله يرحم ميمتك و ميمتي و موتى المسلمين و يلاقينا بيهم فالجنة ااااااميييييين
نتقبل ههههه عرفتيها ههههه البوزلوف ما نبغييييهش بالصحة و الهناء عليكم
وااااع راح عليا الحال و ما دبرتوليش لي قلتلكم نروح ندبر و حدي و خلاص

توكلت على الله ربي و رب السماوات و الارض

R I A D · 2014-04-13, 18:38

يا العزيزة يا الحبيبة يا ام يسرا من صابني من صابني تطلي عليا
و الله نحطك في العين قبل ما نحطك في الفوتاي
تسلمي على الكلام الحلو يا حلو انت يا حلو

سهومةج · 2014-04-13, 18:43

أم أمانيييييييييييييييييييييييييييييييي
راني مازلت نستنى في وصفتك تاع الكفتة وعدتيني عندك شهر أرجوك ادا قدرتي قوليلي فقط كيفاه ما يفسدلكش شكلها

أم محمد تاج · 2014-04-13, 18:45

الله يخليك ام رياااض وام ايااد حبيباتي مواحتييييين ليكم وثلاث مواحات للعسلاية
روووعة طياباتكم الله يبارك ويزيد
ام اياد من عيوني يالغالية ونشالله تعجبك والله تهبل تهبل واقتصادية وبدووون لحم وراه يطيب قريب نطفي عليه والبيتزا راهي تطلع مممممممم
كاشير ام تاجوووووووووو
كيلي خمس مغارف كبار روووز وحطيه يغلي وملحي شوي برك
من جهة خبطي ثلاث بيضات ومعاهم خمس مغارف دقيق وباكي جومبو دجاج ورشة فلفل اسود ومغرف صغيرة كسبر ومغرف صغيرة راس الحانوت ومغرف صغيرة هريسة ونص مغرف كموووون وثلاث سنينات ثوووم كبار ورشة فلفل احمر حاارولي ماتحبش دير الحلو عادي
كي يطيب الروز خليه يبرد شوي وخلطيه مع خليط البيض وضيفي الملون الاحمر وابداي لوحي الخليط في كيس السباغيتي ومرة الزيتون الاخضر ومرة فروماج مثلثات وهكذا حتان تكملي الخليط واغلقيه مليح بالخيط وحطيه يغلي ساعة والحمد لله
بالمناسبة هاذ الكمية تقطعلك باكي سباغيتي بالتماااااااااام

yasmalak · 2014-04-13, 18:46

ليزابيييييييييل وااااااااي سما هو والله نهار دقتو عجبنيييييييي و ما عرفتش وشنوه قلت لماما شوفي كسرة معسلة ههههه علبالي تلحقي علبالي هديك هي باش نديرو غدوة والا بالتلاتا ما نخدمش

ام ريااااص بصحتك قلب اللوز حبييبتي هبة ختي تظل مورايا باش نديرو و مانعرف علاه تفتينت هدا اليمات ما راني ندير والووووووووو

أم محمد تاج · 2014-04-13, 18:50

بشووووورة الف الف مبروووووووك والله اليوم يوم السعد ليك ولام ياسووو الله يدوم لفراح يارب

yasmalak · 2014-04-13, 18:51

ام محمد تااااااج قوليلي كي تديري الروز ما يقعدش يبااان؟؟؟؟؟
و الزيتون انا درتو خطرة هبط قاع لجهة وحدة

nabila222 · 2014-04-13, 18:52

مساء الخير عليكم يا لحراير ،والله بصحتكم طياباتكم كامل يهبلو،والله لي شدني،هذاك الصابلي انتاع ام اماني الله الله عليه والله خموس عليها دايما مبدعة، ونقلها يا ريت كاش جديد في الطبخ لرمضان اكريم راني غير نلم ،في انتضار جديدك في ركن الطبخ يا الفحلة،وصفاتك نديرهم ونا مغمضة عينيا،ربي يخليلنا لمتنا هذي ،ونقول بهذي المناسبة لأخت نينافريت الحمد لله على سلامتك ونشالله ترجعي كيما زمان شاطرة ،

أم ياسين الزهراء · 2014-04-13, 18:54

راح ننتحر كتبت وكتبت ومحيت كلش ييييييييييييييي

زهرتي بالشفاء

ام محمد ربي يعينك غرزة الضل تعي

ام اماني راح نعتمد وصفتك طول العمر كان عندي مشكل في كريمة تارت الفراز

رياض بصحتكم وعلاش مازدتيش حمرتيه شوي

ليزابيل الرفيس ياعيني اممممممممممممممم

ام اياد راح نستنى وصفتك انا عمري لااجربت ندير العجينة المرقة

ام يسرا البان كيك علامة يعطيك الصحة

صاحبة المثلاجات يعطيك الصحة فكرتينا في رمضان اللي فات واش درنا بمثلاجات الهام يشببهلو شوي
بشرى مبروووووووووووووووووووووك ياخي قتلك كوزينتك تاع بشائر ولعقوبة للبشرى الكبرى قولو امين تاع بروقتي

اللي نسيتها تسمحلي راني ندير في العشاء ونطل عليكم

طعام باللبن

اللهم اديمها نعمة

R I A D · 2014-04-13, 18:54

ليزابيل الله يسلمك حبيبة و راه عندي مشكل في الشواية
زوجي او معاها حتى للدوك في الكوزينة كاش ما يريباري

ام تاجو و لو تكرم يا جمييييل

حناان الحبيبة الله يسلمك ابعثي لي هبة و خاطيك الشغل
ندلعها اخر دلع ...
وديريها لها غدوة ان شاء الله راهي اسهل منها ماا فيييش
ام عن انك تفنينتي هذا الايام ف هذا راجع للبروقرام بالاك شارجي و ترجعي عيانة للدار ...
الله يعاونك ان شاء الله

استغفر الله العظيم و اتوب اليه

أم ياسين الزهراء · 2014-04-13, 18:55

ام اياد جربتي كاشير ام راضية الله يدكرها بالخير هدي مدة ماطلتش علينا وماشفناهاش ان شاء الله تكون لاباس

بصحتكم ام محمد

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري