دورة خطواتي الواثقة لأصبح ربّة بيت متألّقة

[loudjaine]

المشاركة الأصلية كتبت بواسطة ام تينة

لا تبحتي اختي الغالية عن اغلى الادوية و انجحهااااااااااااااا واشهرهاااااااااااااااااااا والدواء عندك

هنالك دواء مفعوله اكيد
اسم الدواء:
لاتقلق بعداليوم
مكوناته:
لاإله إلا انت سبحانك إني كنت من الظالمين
طريقة استعماله:
من الأفضل ان تقراه وأنت ساجد .
مردوده السريع :
فاستجبنا له ونجيناه من الغم وكذلك ننجي المؤمنين .
خواصه:
يتميز هذاالدواء بخواص مسكنه تبعث في النفس الطمأنينة والراحه وتطرد الخوف والحزن والقلق والتوتر العصبي ويدفع عنك سرطان الذنوب وأورام المحرمات وسيئ الأخلاق
دواعي الاستعمال :
يستعمل عند احساسك بالظلم والقهر والغم ويعتصر قلبك من منغصات الحياة ومهازلها.
مدة العلاج :
مدى الحياه
لَا إِلَهَ إِلَّا أَنْتَ
سُبْحَانَكَ إِنِّي كُنْتُ مِنَ الظَّالِمِينَ.

جزاك الله خيرا جات في وقتها قلبي معمممممر

[oumnor]

مبارك عليك الولد

[ادرة مكنونة]

باذن الله نبدا من الان الاخت ام تينة بارك الله فيك اروع دواء


لا اله الا انت سبحانك اني كنت من الضالمين

[mariamalak]

اسيل راكي هايلة حنونة كل حاجة في بلاستها ماشاء الله
بالنسبة للعلب ننصحكم لما تشرو اشرو المربع و المستطيل ما تشروش المدورين لانهم يدو مساحة اكبر فالبلاكار انا كنت شاريتهم و غيرتهم و شفت فرق كبير يبان البلاكار منظم اكثر
و حاولو تشروهم شفافين يعني بلا ما تكتبي تبانلك واش فيها و اذا كتبتي احسن باش تبقاي كل مرة تستعمليها لنفس الحاجة
انا البارح نظفت فوق الثلاجة و لابلاك دوكويسو و اليوم راني معولة على لا اوت و الفور ان شاء الله

[arwa alaa]

صباح الخير عليكم يا فراشات توحشتكم

[arwa alaa]

لبنات وين راكم واصلين
كاش ميناج كاش ماسكات هيا قولولي عييت ما نراجع

[جهينة اليقين]

يا عمري اروى الاء وين كنتي والله قلقتينا عليك الحمد لله كي راكي بخير

[جهينة اليقين]

ما شاء الله اسيل

[ام صفصف]

صباح الانوار
امتينة والله كلام يهز القلب،ربي يجمعنا في الجنة وجميع احبابنا
ماريا بارك الله فيك ،طرقة العمل والروتوشات تلعب دور كبير
ام راضيةسلامتك حبيبتي،بشوي على روحك

[ام صفصف]

اهلا اروى والله فرحت كي شفتك

[arwa alaa]

اهلا بيكم يا فراشات انا تان فرحت برجوعي معكم

[مريم*]

مساء الخير حبيباتي ...كيف الأحوال ؟
راكم ناشطات ماشاءالله عليكم حراير ادعيولي نولي كيفكم غير كيما بديت معاكم وراني متحمسة أن شاء الله يدوم هاذ الحماس وميتوقفش. ..المهم
تطبيقاتي كاين لي قمت بيها كامل والحمد لله وكاين لي 00 وهإ الجانب الجمالي ديما مهملاتو وكل مرة نقول من بعد حتى يقعد أن شا االله نقدر نقوم بيه ومانتكاسلش
وعندي مشكلة اني نتقلق على أتفهم الأسباب حتى أثر على صحتي وليت كي المطرق هههههه الشهية مقطوعة كامل

[ام مريم الجزائرية]

صباح الورد والسرور لاغلى فراشات نشيطات
تجملي7\10
دالتي مطبخ نضت على6ونص وجدت الحليب لاخواتي ومشطتلهم وخليتهم يروحو يقراو فرغت ليليمو ومسحتو ورجعت كل شي وغسلت الماعين ونشفت الارضية
واختي نظمت البيت وسيقت
الى الملتقى........سلااااام

[أم فاطيمة]

السلام عليكم
لا اله الا الله سبحانك اني كنت من الظالمين
اسيل يعطيك الصحة فحلة ونص انا اليوم غسلت
الفرجيدار ما لقيتهش ميخ ما غبنيش و نظمتو
و رجعت لبلاكار تحت الحوض فيه المنظفات
خملت النص و جات الجارة لميته و قعدت انا وياها
بعد ما خرجت ناضت بنتي رضعتها و غسلتلها
ووجدت لفطور طعام غسلت لماعين نقيت الكوزينة و غسلت قش بنتي
و قلت نطل عليكم
مرحبا بالجديدات و ربي يعين البقية

[arwa alaa]

لبنات راكم مع الكوزينة