اليوم غيييير انا وحدي لي ندور.... واش كونها عطلة و ويكاند فحتو وخليتونا وحدنا

ربي يشفيك حبيبتي واااااع على الضرسة الحق نحمد ربي ونشكره ماجربتوش مي الكل يهدروا على الوجع نتاعها.... ربي معاك حبيبتي

مساء الانور على لا حراير كامل كامل ويعطيكم الصحة والعافية على واش راكم تحطو من اكلات
ام يوسف كنت نقرا فى سؤلك وحبيت نجوب عليه اكيد تقدري تعجني الشخشوخة وغدا الصباح ديريها كرابع وغطيها تنزل واقضي شوية شغل وطيبيها تخرجلك هايلة انا هذي هية خدمتي دائما فى الشخشوخة ونلقها ساهلة
ملاك ملكي ربي يخليك وحتى انتي ايضا خبيهم فى المجمد كما قاتلك ام يوسف باه كي تجبديهم تلقايهم مقرمشين وكون تحطيهم هكذاك برك يرجعو كما الصابلي رطبين وسلمي اليكم كامل كامل

خسارة عليك ملوكة راني هنا شريكي
هههفكرتيني كي روحت للطبيب قالتلي وحدة ياعمري سنيك شحال شابين وعلاه جيتي قلتلها ماشفتيش ضروسي قتلوني مالداخل راهم قاع حفر حفر خخخخخ ودودانات بصح وعلاه مابانوليش صورك خسارة

اختي امينة وكامل لبنات اسمحولي مانيش نشارك خطر المنتدى راهو متبدل خلاص فى الهاتف عندي وهذي الكتب بسيف وباه جازت ومحبش يتعدل وساعة يتغلق علية كامل نكره نولي نخرج

حبيبتتي فضولة وشراكي على سلامتك توحشناك وشكرا على الاجابة
علابالك انا كي رحت لدارنا درت فالليل وطيبت الصباح لكن في دار شيخي ماشي كيفكيف والسميد ماشي كيفكيف حبيت نتاكد بصح بلامادرت فالثلاجة

ربي يجازيك حبيبتي.... باذن الله الليلة نقول لملاكي يحطهم في المجمد هاهاهاها لاني في دارنا.... وكي عملت لي تارتولات بالتفاح بقاتلي العحينة وانا عندي قاطو بالكابريس نمووووت عليه وملاكي يعشقه هاهاهاها ايا خممت فيه.... ان شاء الله كي نوجده نبعتلك قسمتك على السرييييع هاهاهاها تستاهلي
شكرا موااااااحاااتي

هاهاهاهاها..... والله فكرتني حكايتك سبحان الله نفسها حكاية ميمتي ربي يلطف بيك
وااااع علاااااه مابانوش لغلاه النات قلييييلة عندك.... وزعمة راهي اقتبست امنيتي باه يبانولك

يتوحشك الخير والهناء يارب وماتخافي ماوالو اعجنيه وديريه فى كيس بلستكي وذرك راهو كاين البرد حطيها خارج الثلاجة ووغدو استعمليها عادي

هاني جبتلكم البواك التركي لي قالو عليه زالزال الفيس بوك لمزيا منيش فى الفيس بوك ححححح انا خاطيني انا عشقي غير الجلفة برك هههههههههه

ام هدول ربي يشفي البنوتة ربي معاها كي يمرضو الاولاد تمرض الام تقولي ننرض انا و لا هوما ربي يحفظهم. البيبي راني نخاول مانقدمش ليه بزاف باه مايتعداش مانيش مستعدة لحالة الطوارىء هههههه.
بصحتكم الكيك خرج هايل حتى الشكل يهبل بريزونتابل. و الميني بيتزا تشهي مع الحساء يعطيك الصحة بصحتهم اابنوتات.
ام يوسف يسلمك حنونة و بالشفاء عليك كيما يقولو الضرسة سوسة هههههه. ام يوسف اذا قصدك المسمن اللي يجي مورق انا نديرو في نهارو بصح المسمن العادي احنا نبلوه في الليل و الصباح تلقاي لعجينة طلقت روحها اعجيني و كملي عادي.
اخت فضيلة البوراك التركي خرجلك هايل يبان مقرمش الله الله.
ملاك كيما قالولك الاخوات خبيهم في المجمد كي تجبديهم تلقايهم كلبي هذاك واين طيبتيهم.

اليوم بقينا شبعانين من التليتلي العشاء درت بطبوطات ههههه حشيتهم بالدجاج و الفروماج و الطماطم خفاف ظراف و فريت و الحمد لله.

طيور بصحتكن البطبوطات خهخخ
انا نقصد المسمن والمحاجب

فضيلة بصحتكم البوراك التركي