قالمة

[بيلسان91]

المشاركة الأصلية كتبت بواسطة Adnou Eclypse

قريت في رد بلي انت تخصص فرنسية ؟؟ سبحان الله ، اول مرة نسمعها هادي ، انا في بالي انت sciences naturelles و قبيل قريتها حرت ، اك jamais قلتي بلي اك فرنسية ، علاه ؟؟؟ و انت وش من groupe ؟؟

مساء الخير

مسقسيتينيش قبل وشي هو التخصص تاعي كون سقسيتيني قبل راني قتلك نورمال مي انا علابالي بلي التخصص تاعك لغة فرنسية
حتى هنا كي توانسنا على الكونكور كتبت التخصص تاعي الله اعلم

[Adnou Eclypse]

المشاركة الأصلية كتبت بواسطة بيلسان91

مساء الخير

مسقسيتينيش قبل وشي هو التخصص تاعي كون سقسيتيني قبل راني قتلك نورمال مي انا علابالي بلي التخصص تاعك لغة فرنسية
حتى هنا كي توانسنا على الكونكور كتبت التخصص تاعي الله اعلم

آآآآ سلام عليكم يا معشر الشومارة ،وراء 3 اشهر من القعاد انا نظن لازمنا منظمة تمثلنا في المحافل الدولية ، نسميوها OGC ، تسما Organisation Guelmoise des Chômeurs
المهم، انا اول مرة نعرف بلي اك فرنسي نتي ثاني ، ما نعرف وش من promo نتي ، مهم اك باين 2013 و لا 2014 ، بالنسبة للاستخلاف تاع القلعة ، هادي تمسخيرة ما عندها حتى معنى ، انا يظهرلي حتى و لو عطاولك 3 اشهر ماش bonne affaire ، لانها من جهة بعيدة من جهة اخرى اي متوسطة برك يعني volume horaire بزاف و السلاك 24 برك و يجيك وراء عام و نصف
هو نورمالمو هاد اليامات يكون كاش جديد لانه كيما قتلك يخي كاين ترقية تاع اساتذة و كاين لي راح يخرجو retraite anticipée و هكا كشما يخليولنا شوية خبز معاهم ، انا هادا هو الشئ لي مصبرني ، و حقا ، انا جاوني 3 فرص تاع استخلاف 2 منهم في الثانوية لكن في كل مرة madame dalila هي لي تدي المنصب كي العادة ، صبرنا لربي سبحانه و الرزق بيده و لي يصبر ينال و احنا الحمد لله جبنا ديبلوم و يجي نهار و نلقاوه ، ممكن نخدمو بيه في كاش ادارة و لا مؤسسة و لا ممكن نديروه قرطاش نبيعو فيه الكاوكاو و لا نمسحو بيه الكارو تاع الطوموبيل المهم راح نلقاوه

[بيلسان91]

المشاركة الأصلية كتبت بواسطة Adnou Eclypse

آآآآ سلام عليكم يا معشر الشومارة ،وراء 3 اشهر من القعاد انا نظن لازمنا منظمة تمثلنا في المحافل الدولية ، نسميوها OGC ، تسما Organisation Guelmoise des Chômeurs
المهم، انا اول مرة نعرف بلي اك فرنسي نتي ثاني ، ما نعرف وش من promo نتي ، مهم اك باين 2013 و لا 2014 ، بالنسبة للاستخلاف تاع القلعة ، هادي تمسخيرة ما عندها حتى معنى ، انا يظهرلي حتى و لو عطاولك 3 اشهر ماش bonne affaire ، لانها من جهة بعيدة من جهة اخرى اي متوسطة برك يعني volume horaire بزاف و السلاك 24 برك و يجيك وراء عام و نصف
هو نورمالمو هاد اليامات يكون كاش جديد لانه كيما قتلك يخي كاين ترقية تاع اساتذة و كاين لي راح يخرجو retraite anticipée و هكا كشما يخليولنا شوية خبز معاهم ، انا هادا هو الشئ لي مصبرني ، و حقا ، انا جاوني 3 فرص تاع استخلاف 2 منهم في الثانوية لكن في كل مرة madame dalila هي لي تدي المنصب كي العادة ، صبرنا لربي سبحانه و الرزق بيده و لي يصبر ينال و احنا الحمد لله جبنا ديبلوم و يجي نهار و نلقاوه ، ممكن نخدمو بيه في كاش ادارة و لا مؤسسة و لا ممكن نديروه قرطاش نبيعو فيه الكاوكاو و لا نمسحو بيه الكارو تاع الطوموبيل المهم راح نلقاوه

مهيش حتا متوسطة اي سكولة كي ديت الكراس والكتاب الصباح تعرف وش قلي المدير قلي علاه معولة نوصلوووك
قعدت حايرة فالهدرة قتلو جيت معولة على البيس منيش معولة عليك يكسبو زوز رود يطيروا
شكون هادي مدام دليلة لي داتلك بلاصتك
كما قتلك يا عدنان ربي يعطيك متتتمنا كما يمدو المناصب هادم تاع التقاعد ولا تاع الترقية اعطيني خبر بش نروح نجرب معاهم بلاك يحنووا ويتفكروني بكنتطرا

[عواطف8]

المشاركة الأصلية كتبت بواسطة Adnou Eclypse

آآآآ سلام عليكم يا معشر الشومارة ،وراء 3 اشهر من القعاد انا نظن لازمنا منظمة تمثلنا في المحافل الدولية ، نسميوها OGC ، تسما Organisation Guelmoise des Chômeurs

hhhhhh hadii mlii7a
wech ra7 diir ak sabr 7atan yfaraj rabi

[بيلسان91]

المشاركة الأصلية كتبت بواسطة Adnou Eclypse

قريت في رد بلي انت تخصص فرنسية ؟؟ سبحان الله ، اول مرة نسمعها هادي ، انا في بالي انت sciences naturelles و قبيل قريتها حرت ، اك jamais قلتي بلي اك فرنسية ، علاه ؟؟؟ و انت وش من groupe ؟؟

البارح عدا عليا نهار مكعل
جوايه 11و30 نلقا التلفون يصونيلي حرت منعرفش النمرو كي هزيت قالي اني المدير تاع المدرسة في قلعة بوصبع فالاول فرحت قلت نحكم حتى شهر خير من ماكانش
ظهر لا شهر لهم يحزنون 6 ايام وفرات كي رحت لتم بش قالي فتلفون مفهمنيش هك
المهم دخلت نقري الولاد نورمال كنت معولة نرجع اليوم بصح فالترويحة البارح شطت ازيد من نص ساعة وانا نسنا فالبيس بش نروح لقالمة معدا حتى واحد
بسيييف لقيت بيس هزني من السكولة حتان للدايرة تاع القلعة ومن تم بش جيت لقالمة بسسيييف ديمارا الشوفير ادن المغرب وانا فمحطة المسافرين روحت في نفسية يرتى لهااا حلفت منرجعش
على صباح ربي لقيت المدير يعيط علاش مجيتيش قتلوا مشكل تاع الترونسبور قلي هام كاينين من قالمة ويجيو نورمال
قتلوا هم جاو ليهم ازواجهم وقعدت وحدي على حافة الطريق نسنا ماكانش حتا اغي دبيس
بقالي مشكل الكراس تاع القسم والكتاب تاع واحد التلميد جبتهم بش نشوف وش قراو ونديرلهم الامتحان نخمم فيهم جبل وش يديهملي غدوا
جبتهم وحصلت لازم نرجعهم
كون تشوف استادهم علاش غاب راح 10ايام لفرنسا يحوس وخلا التلاميد هكاك

[بيلسان91]

المشاركة الأصلية كتبت بواسطة Adnou Eclypse

قريت في رد بلي انت تخصص فرنسية ؟؟ سبحان الله ، اول مرة نسمعها هادي ، انا في بالي انت sciences naturelles و قبيل قريتها حرت ، اك jamais قلتي بلي اك فرنسية ، علاه ؟؟؟ و انت وش من groupe ؟؟

ديما يجي فبالي سؤال نسقسيهولك ونترردد
المهم اليوم تشجعت ورح نسقسيهولك
كي كملتي الماستر مخممتيش تعقب كونكور تاع دوكتوراه وتولي تقري فالجامعة
انا حسب وش نسمع قبل يطيحوا وفرات احنا منوصلوا لحتشي وووو نضيعوا غير فالسنوات
بصح اليوم تلاقيت مع صحبتي تقرا تخصص اخر العام هدا راهي سنة اولى دوكتوراه نعتتلي قداه من وحدة صحاباتها لقاو نتائج نورمال وسوتناو الدوكتوراه تاعهم وهام يقريو عادي جدااا
معلاباليش بلاك راني نفضفض تالموا وش شفت من قبل
قريت يخي قتلك فالسكولة كون تشوف لاكاين قاعة اساتدة لا كاين حتشي نقعدو فلاكور وقت فراغنا ولا كي تصب النو نقعدوا فواحد البيت تقول بياندري فيها القراقير والحوايج القديمة تاع السكولة مصدين ووو المهم معدية العالم التالت منهيه
كي طلعت معاها ونعتتلي ليبيرو تاع لي دوكتورو والله خير من تاع الاساتدة الي كانوا يقريوني فالجامعة
وعندها امل توصل لنتيجة بارسكو لونكادرور تاعها ميبخلش خلاااص فالمعلومات

[Adnou Eclypse]

المشاركة الأصلية كتبت بواسطة بيلسان91

ديما يجي فبالي سؤال نسقسيهولك ونترردد
المهم اليوم تشجعت ورح نسقسيهولك
كي كملتي الماستر مخممتيش تعقب كونكور تاع دوكتوراه وتولي تقري فالجامعة
انا حسب وش نسمع قبل يطيحوا وفرات احنا منوصلوا لحتشي وووو نضيعوا غير فالسنوات
بصح اليوم تلاقيت مع صحبتي تقرا تخصص اخر العام هدا راهي سنة اولى دوكتوراه نعتتلي قداه من وحدة صحاباتها لقاو نتائج نورمال وسوتناو الدوكتوراه تاعهم وهام يقريو عادي جدااا
معلاباليش بلاك راني نفضفض تالموا وش شفت من قبل
قريت يخي قتلك فالسكولة كون تشوف لاكاين قاعة اساتدة لا كاين حتشي نقعدو فلاكور وقت فراغنا ولا كي تصب النو نقعدوا فواحد البيت تقول بياندري فيها القراقير والحوايج القديمة تاع السكولة مصدين ووو المهم معدية العالم التالت منهيه
كي طلعت معاها ونعتتلي ليبيرو تاع لي دوكتورو والله خير من تاع الاساتدة الي كانوا يقريوني فالجامعة
وعندها امل توصل لنتيجة بارسكو لونكادرور تاعها ميبخلش خلاااص فالمعلومات

حقا ، نسيت باش نجاوبك على السؤال هادا ، الكونكور تاع الدكتوراه يخي دارو في قسنطينة و باتنة ، عندي 2 صحاي شاركو و قالولي سجل معانا بصح في هذاك الوقت جاني استدعاء تاع l'armée و ما نكذبش عليك ، التقرية في الجامعة ما تساعدنيش انا ، مالا ما نعقب ما نكير راسي
و هي عندك حق ، انا تاني نعرف 2 بنات عقبو في قسنطينة و نجحو و ام يقراو بالقدر و بالمساعدة ، تسما او ماكان والو ، كلشي على الكونكور
هادا ماكان

[بيلسان91]

المشاركة الأصلية كتبت بواسطة Adnou Eclypse

حقا ، نسيت باش نجاوبك على السؤال هادا ، الكونكور تاع الدكتوراه يخي دارو في قسنطينة و باتنة ، عندي 2 صحاي شاركو و قالولي سجل معانا بصح في هذاك الوقت جاني استدعاء تاع l'armée و ما نكذبش عليك ، التقرية في الجامعة ما تساعدنيش انا ، مالا ما نعقب ما نكير راسي
و هي عندك حق ، انا تاني نعرف 2 بنات عقبو في قسنطينة و نجحو و ام يقراو بالقدر و بالمساعدة ، تسما او ماكان والو ، كلشي على الكونكور
هادا ماكان

علاه متساعدكش التقرية فالجامعة
مالا واين تحب تقري انتا
تاع الفرونسي يقرااو كي يديروا الدوكتورا وش يقراوو فبالي فضت القراية فبالي انا الدوكتورا هي تبحت وتجيب حاجة جامي واحد خدمها من قبل وفرات
علابالك صحبتي هادي المستوى تاعها عادي جدا وبلاك حتا لقل من العادي بصح نجحت فالكونكور منعرف كفاش
قلت بلاك مش لازم يكون المستوى جيد جدا بش تنجح فالكونكور تاع الدوكتورا

[بيلسان91]

اني نعول عليك كونسارنو الترقية والمناصب الشاغرة
الوزيرة البارح تهدر زي واليوم زي
البارح قالت كلامي فسروه خطا
واليوم قالت كونكور تاع مارس برك الي يقدروا يعقبوه تاع الجامعات اما منا وهك فالمستقبل القريب يقريوا غير تاع المدارس
منعرف وين نروحوا احنا نقعدوا فالديار وفرات

[بيلسان91]

مساء الخير عدنو
كاش جديد
انا سمعت البارح بلي جابو 2 بوست وعيطو للاحتياطيين الزوز مدوهولهم بوست permanent هدا فالابتدائي
بلاك دك يوصلوا ليك انتا فبالي 4 فالاحتياط فالابتدائي

[Adnou Eclypse]

المشاركة الأصلية كتبت بواسطة بيلسان91

مساء الخير عدنو
كاش جديد
انا سمعت البارح بلي جابو 2 بوست وعيطو للاحتياطيين الزوز مدوهولهم بوست permanent هدا فالابتدائي
بلاك دك يوصلوا ليك انتا فبالي 4 فالاحتياط فالابتدائي

مساء النور بيلسان
هادي درك وين سمعتها ، ، ما نعرف زعما رسمي ولا لا ، لانه من المفروض les postes permanents ماكانش لانه جاي الكونكور ـ و باش يكون في بالك ، جماعة الاحتياط كل راهم ماشيين بالكونترا برك بالاك
و الله اعلم
انا ام يصبروا فيا و يقولولي او قريب نريقلوك و اني بديت نقلق منهم

[بيلسان91]

المشاركة الأصلية كتبت بواسطة Adnou Eclypse

مساء النور بيلسان
هادي درك وين سمعتها ، ، ما نعرف زعما رسمي ولا لا ، لانه من المفروض les postes permanents ماكانش لانه جاي الكونكور ـ و باش يكون في بالك ، جماعة الاحتياط كل راهم ماشيين بالكونترا برك بالاك
و الله اعلم
انا ام يصبروا فيا و يقولولي او قريب نريقلوك و اني بديت نقلق منهم

قلهم تصبروو فيا حتان يوصل الكونكور:confused:
صباح الخير
انا سمعت هك منعرف صح ولا لا

[Adnou Eclypse]

هااا سلام عليكم آآ بيلسان ، واش حوالكم مع المطر هادي ؟ نشا الله راكم لاباس و الامور ماشية مليح

حاب نسقسيك برك : انت نهار خدمتي استخلاف ، واش هم الوثائق لي طلبوهم عليك لتكوين الملف و شهادة العمل ؟؟ انا المديرة قاتلي جيب نسخة على الديبلوم و نقمة و شاك باري برك


انا العام لي فات في ثانوية طلبو عليا ملف on dirait تاع visa لنيويورك ، فيها 3 نسخ ديبلوم و طلب و لاكارت جون و شاك و نقمة و فوطوكوبي تاع كارطة و ....الخ

[بيلسان91]

المشاركة الأصلية كتبت بواسطة adnou eclypse

هااا سلام عليكم آآ بيلسان ، واش حوالكم مع المطر هادي ؟ نشا الله راكم لاباس و الامور ماشية مليح

حاب نسقسيك برك : انت نهار خدمتي استخلاف ، واش هم الوثائق لي طلبوهم عليك لتكوين الملف و شهادة العمل ؟؟ انا المديرة قاتلي جيب نسخة على الديبلوم و نقمة و شاك باري برك


انا العام لي فات في ثانوية طلبو عليا ملف on dirait تاع visa لنيويورك ، فيها 3 نسخ ديبلوم و طلب و لاكارت جون و شاك و نقمة و فوطوكوبي تاع كارطة و ....الخ

مساء الخير وش راك
اليومين هادم ماكانش النو السمانة اللي فاتت عندنا كانت تصب بزااف سمانة كاملة محبستش
المهم
ايه نهار قريت استخلاف فالسكولة شيطت روحي فالبلدية خرجت شهادة اقامة ووو كما اللي خرجتو نهار قريت فالليسي كي ديتهم للمدير تاع السكولةرجعولي محسوب كامل الاوراق اللي ف الدوسييه
حكمو عليا غير اللقمة و الشاك باري وفوتوكوبي على الديبلوم وكي سقسيت المدير قتلو علاه رجعتهوملي الاوراق الاخرى قلي الدوسييه اللي نطلبوه احنا مش كما يطلبو فالليسي
وانتا كاش جديد ولا واالو

[soussou engel]

ana electrotechnique nkari maths w physique malgré karia f annaba double ta wich tkari la fac ta guelma ,,linakraweh f licence takarih guelma master2 lmohem jamais 3aytoli istekhelaf rani min 2011 w jamais khedemt t ta3lim meme l concours ismi manelgahech khelah