شروط الزواج في قسنطينة

[hasse.n]

المشاركة الأصلية كتبت بواسطة زهرة البيت

يا أخي أنا حبيت نشرحلك ساع زدت خلطتك
الصداق وحدو من 6ملاين وروح أنت وقدرتك
الذهب تاع الحنة مش شرط مقياس هو فقط مثال يعني تقدر تشري الحاجة اللي تقدر عليها مسايس أو سلسلة أو بارور وكاين لي عندو يدي مقياس أ, محزمة فهمتني أخي ولا لا ؟

راكى خربطتى السيد ...واش دخل الهدايا تاع المناسبات فى الصداق

والجرية شكون قالك مسايس تاع 20 مليون ..ماشى شرط .

[z.abdo]

من فضلكم اشرحولي معنى مقياس تاع الحنة ؟؟؟ بالتفصيل الممل من فضلكم

[نجمة ساطعة]

اولا ربي يكملك و يهنيك يا رب تستاهل كل الخير
لكن ما اعرفه من المناطق المكلفة في الزواج قسنطينة
و تلمسان
و في الصحراء تامنراست

[z.abdo]

لكن حسب ما قلتي ان خطيبك دفع
12 + ؟؟+ ؟؟ + 20 =اكثر 32
صح أختي ولا راني غالط
يعني مش بزاف عليه ؟؟

[باهي جمال]

في قسنطينة لايوجد عنهم الكبش يوم العقد كما يوجد في مناطق اخرى

[z.abdo]

لكن لم تشرحي معنى مقياس تاع الحنة ؟؟؟؟؟؟؟؟

[z.abdo]

المشاركة الأصلية كتبت بواسطة زهرة البيت

حنا معندناش الكبش ولعشاء يوم العقد بصح كاين لي يطلبوهم
أخي أنا رايحين يجيبولي مقياس يحنيولي عليه لكن كل وحدة كيفاه أنت وظروفك قادر تديلها حاجة خفيفة ونسيت مفتلكش أنو لازم يكونو 2 لويزات هههههه

2 لويزات؟؟؟؟؟؟؟؟؟ خلاص دركا قررت نبطل هههههههههه واش هذا
لكن لم تشرحو معنى مقياس يحنو فيه

[النجمة القطبية]

المشاركة الأصلية كتبت بواسطة زهرة البيت

حنا معندناش الكبش ولعشاء يوم العقد بصح كاين لي يطلبوهم
أخي أنا رايحين يجيبولي مقياس يحنيولي عليه لكن كل وحدة كيفاه أنت وظروفك قادر تديلها حاجة خفيفة ونسيت مفتلكش أنو لازم يكونو 2 لويزات هههههه

هاذى تع زوج لويزات الضربة القاضية هههههه

[z.abdo]

المشاركة الأصلية كتبت بواسطة زهرة البيت

أنا مخربطتش السيد هو سقسا على العادات والصداق والذهب وانا شرحتلو بالتفصيل باه نفيدو مش باه نفسد عليه ومن قبيل وانا نقول كل واحد ومقدورو أ،ا فقط مديت مثال واش هاد الهجوم ياريتني ما رديت

لا بارك الله فيك أختي على التوضيح هكا باش ندير حسابي

[z.abdo]

المشاركة الأصلية كتبت بواسطة زهرة البيت

ياأخي علاه مكبر الموضوع اذا شايف روحك قادر تقدم واذا لا تمهل
نعاود نشرحلك يوم الحنة هو نفسو يوم الجرية فقط الاختلاف في التسمية وهاد النهار يسبق العرس بعدة أيام يعني يروحو نسا من عايلتك يديو حنة يحنيو للفتاة مع الحاجة تاع الذهب الي قدرت تشريهالها كهدية ومن عوايدنا تاع قسنطينة يزيدو 2 لويزات وسني بقلاوة وقشقشة
واذا معنكش و تفاهمت مع أهل العروس تقدر متديش الحاجة تاع الذهب تدي فقط بعض الهدايا فهمتني أخي ولا لا؟

بارك الله فيك أختي على الشرح وعلى أني مكبر الموضوع راني نشوف باللي راح تجيني ظربة كبيرة على الراس

[z.abdo]

المشاركة الأصلية كتبت بواسطة زهرة البيت

تاع 2 لويزات أنا نعرف لقسنطينية كامل يديرو هكا الا لي معندهمش الله غالب مش محتم وشي كامل هادا أخي تتفاهم عليه مع والدين العروس يعني يقدرو يكونوا متفهمين وميشرطوش عليك متكبرش الموضوع أ،ا فقط مديتلك بصفة عامة العادات كيفاه

يا أختي الحين نشرحلك علاش راني مكبر الموضوع
إذا شفت روحي مش قادر من الحين نخبر البنت اني منيش قادر. وما تستنانيش - بلاك يجيها واحد عندو المال أحسن مني علاش نعطلها
فهمتي دركا؟؟؟؟؟؟

[النجمة القطبية]

المشاركة الأصلية كتبت بواسطة z.abdo

يا أختي الحين نشرحلك علاش راني مكبر الموضوع
إذا شفت روحي مش قادر من الحين نخبر البنت اني منيش قادر. وما تستنانيش - بلاك يجيها واحد عندو المال أحسن مني علاش نعطلها
فهمتي دركا؟؟؟؟؟؟

يا اخى متقلقش روحك
باذن الله البنت تقدر ضروفك وتتيسر الامور
ونسال الله لك التوفيق

[z.abdo]

المشاركة الأصلية كتبت بواسطة النجمة القطبية

يا اخى متقلقش روحك
باذن الله البنت تقدر ضروفك وتتيسر الامور
ونسال الله لك التوفيق

يا أختي المشكل مش في البنت بل في الاهل عموما

[z.abdo]

المشاركة الأصلية كتبت بواسطة زهرة البيت

أخي كي تبقا تحسب بزاف قادر تبانلك روحك بلي مش قادر خلاص ولكن ربي يطيحك في عايلة لي متشرطش ويساعدوك على قد ظروفك
لكن أنا نسقسيك وسامحني علة السؤال أ،ت حاب تخطب ومراكش خدام بصح هل عندك على الأقل شوية دراهم باه تتقدم للفتاة ؟ قداه لازم تستناك باه تقدر علة الأقل تمدلها مهر مقبول؟

لا ما عندي والو عني غير ربي سبحانو
لا تذكرت عندي 9000 دج في الحساب الجاري باش نشارك في المسابقات
وراني نتكلم صح هذا واش عندي

[z.abdo]

المشاركة الأصلية كتبت بواسطة زهرة البيت

ربي يخليك أخي ويجعل هاد البنت من مكتوبك و يسرلك أمورك توكل على الله نقولك تصبح بخير واذا عندك أي سؤال أنا في الخدمة وغدا ان شاء الله نعاود ندخل ونرد عليك وان شاء الله يطلع المورال

بارك الله فيك تصبحي على خير