سبب العنوسة معروف

[جزائري 90]

المشاركة الأصلية كتبت بواسطة lamria

mariage de raison تلقاه واحدة فى 1000 وراني نشوف لي راهم يزوجو غير لي كانو معاهم يعني يعرفوهم ولي نعرفو خير من لي منعرفوش
انا شخصيا عرفت واحد عامين وكي بدا يخدم مهندس جا خطبني
أقعدي في الدا وقولي ماجاش مكتوبي انتي حوسي عليه وجبيه وربي يعاونك رانا ناويين لحلال

يا أختي الكريمة المكتوب بيد الله لا بيد العبد
و واحد ما يأخذ مكتوب أحد و اذا مكتوبه سيطول فسيطول مهما فعل
لكن لما واحد يكسب وجه ربي خير و يتبع تعاليم الدين
و المفروض نشجعوا البنات يحفظوا انفسهم كما امر الدين و ليس ان نفعل العكس و نصور ان من تحافظ على نفسها كما امرها الدين تكون على خطأ!! لان ثوابها عند ربها عظيم

على العموم ربي يوفق جميع المسلمين

[سارة البوسعادية]

المشاركة الأصلية كتبت بواسطة lamria

mariage de raison تلقاه واحدة فى 1000 وراني نشوف لي راهم يزوجو غير لي كانو معاهم يعني يعرفوهم ولي نعرفو خير من لي منعرفوش
انا شخصيا عرفت واحد عامين وكي بدا يخدم مهندس جا خطبني
أقعدي في الدا وقولي ماجاش مكتوبي انتي حوسي عليه وجبيه وربي يعاونك رانا ناويين لحلال

حسيت راجل يحكي ماشي انثى
؟؟؟؟؟؟؟؟؟؟
الف علامة استفهام على كلامك
اتقى ربك علابالك بلي راكي مجاهرة بسووووووء
حابة لبنات يعرضو رواحهم على رجال باش يرخصو رواحتيهم
هدا اسمو مكتوب ماشي حظ
وانا مخطوبة لاجنبي مسلم كيفاش تفسري معادلة خطبتي ليه ادا احنا الي نروحو نجيبوهم
وجا على اخلاقي وديني وعائلتي الطيبة وكي شاف هدو كامل قرر يشوفني
والراجل الي يتزوج يوحدة جابتو اعتدر على كلمة راجل لانو ماهوش
وامثال هدو لبنات هما الي قلبو كل شئ وخلاو المرا راجل والراجل مرا وراحت الدنيا
وكيما يقول المثل الي يزرب على كسرتو ياكلها عجين

[LAMRIA]

حبيتو ولا كرهتوووووووووووووووو

[ناصرالدين الجزائري]

المشاركة الأصلية كتبت بواسطة lamria

حبيتو ولا كرهتوووووووووووووووو

كرهنااااا

و حامدين ربي اللي كرهلنا هاد الأفكار

بون شونس فالشكشوكة اللي راكي عايشة فيها

و الله يهدينا اجمعين

[نسائم الهدى]

المشاركة الأصلية كتبت بواسطة big_hammer

كرهنااااا

و حامدين ربي اللي كرهلنا هاد الأفكار

بون شونس فالشكشوكة اللي راكي عايشة فيها

و الله يهدينا اجمعين

يعطيك الصحة خويا في الوصف اللي قلتوا
شكشوكة والله العظيم قالك هم يضحك وهم يبكي
حفظكم الله ورعاكم ورزقكم على حسب نيتكم
والسلااااااااااااااااااااااااااام عليكم

[sousou_tlemcen]

أنت على حق أم ظافر الرجال أصبخوا يتشرطون كثيرا بالنسبة للبنات

[kaderkader1541]

هذي بالنسبة لي عنوسة اختيارية هي اللي اختارتها كان بامكانها المكوث في البيت بعد حصولها على البكالوريا حينها كانت صغيرة و فرص الزواج كبيييييييييرة جدا لكن أظن هي ابت و ارادت الجامعة و العمل وووو الى ان كبرت في السن ان من اهم اسباب العنوسة اليوم هو طموح المراة في تكملة دراستها و بحثها عن عمل الى ان تبلغ من السن 27 سنة دون ان تشعر و تظن ان العمل ينسيها في الزواج و تضل تكذب على نفسها يا اخي انا مثل هؤولاء النسااااء المتحررات أقول لهم ارقدوا في الفراش مع الحساب الجاري البريدي هذاك هو زوجهم و ادعوا الله ان يزوج كل فتاة ماكثة في البيت صغيرة كانت او كبيرة بزوج صالح يخاف الله لان الذي يخاف الله سيحترمها و يكرمها و يحبها و يقوم عليها في كل ما تحتاجه اللهم زوج النساء المسلمات القانتات يا رب اميييييين

[بتول8]

الله ينصر دينك يا ام ضافر
صحيح تعرفي علاش لانو الرجال هبلهم البارابول و النت عايشين فعالم الخيال يحوسو علا الحور العين فالدنيا و ماعمبالهمش بلي هادوك غير دي فوتو و تصاور نتاج عمليات التجميل ... عجيب
و نزيدك ياو البنات عادو يحوسو علا الراجل الزين ...
عشنا و شفنا

[عوماري]

المشاركة الأصلية كتبت بواسطة بتول8

الله ينصر دينك يا ام ضافر
صحيح تعرفي علاش لانو الرجال هبلهم البارابول و النت عايشين فعالم الخيال يحوسو علا الحور العين فالدنيا و ماعمبالهمش بلي هادوك غير دي فوتو و تصاور نتاج عمليات التجميل ... عجيب
و نزيدك ياو البنات عادو يحوسو علا الراجل الزين ...
عشنا و شفنا

احد الاشخاص ذات مرة قال اللهم عجرم نسائنا

[samii83]

السلام عليكم
شكرا لهذا الموضوع فعلا يستحق الاهتمام
أما عني شخصيا فأقول
من الاسباب ما يلي :
1- غلاء المهور : كيف كل واحد منا يحب يزوج بنتو و هو يطالب بمهر عالي مع تردي القدرة الشرائية للمواطن . فأصبحت بناتنا سلع مكدسة نبحث عن مشتريها بأثمان خيالية .
2- تعدد الزوجات : هل بناتنا تقبل بتعدد الزوجات ، جلهن لا يقبلن ذلك و هو حق من حقوق الرجل له 4
3- تغير تفكير نساء اليوم : في الماضي عندما يتقدم الشاب للبنت اذا وجد اهل البنت أن الشاب ذا دين و خلق و انه عامل و لا يهم عمله فيزوجوه
4- التسويف : هنا أقصد البنات يعني تجد البنت اليوم تسوف تقولك انا ما زلت صغيرة نكمل قرايتي ، نزيد نخدم وووو ..... حتى تصبح 28 سنة
5- و في الاخير بدون ما ننسى أن رجال اليوم هداهم الله هم أيضا تبدلوا فأصبحوا يبحثون عن عارضات أزياء و ملكات جمال و ليس عن بنات التي تعينه على مشواره حياته و ذات الدين و الخلق
تقبلوا مني مروري هي مجرد وجهة نظر
و معذرة اذا اسأت أحد ، فهذا من دون قصد و تخصيصا
صح رمضانكم

[اميرة]

والله اختي اذا كانت المرأة مثقفة عندها شغل وساكنة في دار باباها حاجة ماتخصها اذن لماذا تبحث عن رجل وتقبل به مع وجود تمايز في المستوى الدراسي

[faridos]

المشاركة الأصلية كتبت بواسطة اميرة

والله اختي اذا كانت المرأة مثقفة عندها شغل وساكنة في دار باباها حاجة ماتخصها اذن لماذا تبحث عن رجل وتقبل به مع وجود تمايز في المستوى الدراسي

انت تتوهمي لانك نسيتي كلام الناس،فالمراة العانسة اكثر عرضة للكلام ..المال ليس كل شيئ فحنان الرجل لامراته اجمل شيئ تملكه المراة

[همسة مشاعر]

المشاركة الأصلية كتبت بواسطة faridos

انت تتوهمي لانك نسيتي كلام الناس،فالمراة العانسة اكثر عرضة للكلام ..المال ليس كل شيئ فحنان الرجل لامراته اجمل شيئ تملكه المراة

والله كلامك صواب اخي مي منعرف الدنا سعد حظوظ الي تقلك نتمنى انسان غير يكون حنين برك متلقاش لازم حاجة ناقصة

[الامل في الله]

ان سأرد على الاخت كريمة82 هي ليست نادمة على طهارتها هي فضفضت و قالت كل الكلام الدي تقوله بنات جنسها و من هن في سنها لكن نقول لها اصبري فالرزق من عند الله و اقول لك ما منعك الا ليعطيك

[محب السلف الصالح]

السلام عليكم ورحمة الله وباركاته بارك الله فيك موضوع جميل جدا يا أختي

كاين بعض الناس يتكبرووو عن الخاطب أنا خطبت واحدة

خطبتها لأنها فقيرة وعطفت عنها وهي ليست متدينة فقط كيما نقولو عاقلة

ولما رأيتها أصبت بصدمة كبيرة لأنها ليست جميلة فقط كيما نقولو حلوة

ونصحني أخي وزوجة أخي بأن لا تتسرع لكن صممت ولكن أمر بسيط

بسببه فسخت خطبتي ولكن يعلم الله انهم هم الذين فسخو الخطبة بنسبة كبيرة

وقدمت القفة لهم لكن خسرة والحمد لله تأثرت قليلا

وهي تعد من العوانس الآن نسأل الله أن يوفقها



ـــــــــــــــــ

جارنا مسكين خطب جارته هي أحسن منه بالمال

يكبرها بسنتين

دارو عليه رينيو وشبعو عليه ضحك

وهي منالعوانس من الدرجة الأولي

نسأل الله أن يرزق بناتنا وشبابنا الزواج الموفق

وبارك الله فيك