ردود و نصائح افيدوني لا احتمل اكثر

[لقاء الجنة]

و الله يا اخي....صلاة الاستخارة هي حلك الوحيد....

[صمت الوجدآن]

يا أخي
اتق الله في البنت ولاتفكر انك تبعد عليها
علاقتكم دامت 4 سنوات واذا خطيتها رح يبقى العار معاها وانتا تهرب
وهذا مش موقف رجال
أنت لوكان جيت تحبها ماتشكش فيها
بل تعسها وتحميها
وابوك قول لو يراجع الآية تع رمي المحصنات ويعرف خطأو وين راه إذا كان كاذب

نتمنى أنك تفكر مليح وتدير في بالك انو البنت صغيرة وأنت أملها الوحيد

ربي يعاونك خويا

[mostefa82]

السلام عليكم
أخي الكريم.أنت دخلت في بحر بلا عمق.
و الأجدر بك أن تتعلم السباحة.و الله لو أنا جيت مكان صدقيتك من نزيد نشوف في وجهك.لأنك ماتستهلهاش.
كيفاش يا عجبة.تحوس على الحب.و ربي لقاك بوحدة تحبك و تحبك و أركز على هذه الكلمة.و لما الناس كلهم يسمعو بالعلاقة تعكم تروح تقلها بصح هذيك الهدرة كاينة منها؟.أنت مهبول و لا مريض ولا ..... أنت مغفل لأنك صدقت هذاك الكلام.كيفاش تلعب بالشرف تاع بنت الناس و تتمسخر.الا كان هي سمحت فيك و في حقها ربي ما يسمحش في حقو.
زيد في عمرها 17 سنة.يا عبد ربي مازالت ماتعرفش تتصرف.يعني فيها من البراءة اللي استغليتو انت.و لا راك داير في بالك الحب ساهل.
أصلا الحب بلا مشاكل ماهوش حب.الحب تضحيات.ضحي انت بسمعتك و كون راجل كيما ضحات هي بسمعتها و شرفها.لأنها غدا لما يجيها خطاب يقولولو هذيك كان معاها فلان.غير هذه شتى تسوى.
و الحب فيه الهدرة تاع الناس.سقسي الناس الكبار يخبروك.يا أخي راك راجل الله يبارك و عمرك 25 سنة.تعلم كيف تواجه و تصارع المشاكل.لا ان تهرب.صدقني و الله و تزوج يا لعرب غيلا هدرولك في مرتك و تشوف.
لازم ترجع ليها في أسرع وقت.لأنك تخليت عليها في وقت هي كانت بحاجة لواحد يحميها.
يا سيدي نعكسو الأية.لوكان جيت أنت المقذوف.و قالو عليك الناس هذرة مايقبلها لا الله و لا رسول.هل تسمح فيك.أو بالأحرى هل ترضى بانها تجي و تقولك بصح هذيك الهدرة كاينة منها.كيفاش تولي؟
لا تصحح خطأ بارتكاب خطأين.هو أصلا الحب بعد الزواج.لكن مادام وقعت فيه.لا مجال للتراجع .و ليسمح في حبيبتو و كانت معاه صادقة . ما هوش راجل .
*أرجع و اطلب منها السماح مع أنك متستهلهاش.ربي يهديك.لأن الموت لا تشاور.و قبل أن ترتكب هي أي حماقة مثل الانتحار و ماشابه و العياذ بالله.و تولي أنت طول حياتك ماكش هاني.الله يهديك و يهدينا.
نصيحة أخير ليك يا سي البالغ و الراجل:كي تعول تبغي وحدة وقبل ما تلصق وحدة معاك.شاور باباك*
المهم.حاجا درتها مليحة كي اتصلت بالمنتدى هذا و عرضت مشكلتك.الله يسهل.
أنتظر منك الرد و لكن لازم تقولي بلي رجعتها.و اسمحلي الا كان استعملت كلمات لا تعجبك.*زعفتني*و الفائدة ليك.ما نحن الا بشر.الكل يخطىء لكن العيب ان نظل نخطىء.
سلام.

[mostefa82]

لما لا ترد ..................................................

[samasima]

والله ما فهمت شيء غير مشاكل واش من حب هذا عذاب .................الخ
أنا ما نحب ما نعاني هكذا راني مليحة

[اسما88]

والله غير عندك الحق واش من حب هدا خلينا

[fatih84]

يا اخي واش رايح نعمل راني قادر رجعها مبصح المشكل الكبير بابا لو كان يشوفني نشوف عندها و لو من بعيد رايح نسلكها غالية راهو يهدد فيا و يقولي بعد عليها الهدف نتاعو يفرق بيناتنا كرهلي حياتي و ديما يهدر عليها غير الهدرة لي موش مليحة دون سبب راهو إنسان معقد

[بحر الجروح]

المشاركة الأصلية كتبت بواسطة fatih84

يا اخي واش رايح نعمل راني قادر رجعها مبصح المشكل الكبير بابا لو كان يشوفني نشوف عندها و لو من بعيد رايح نسلكها غالية راهو يهدد فيا و يقولي بعد عليها الهدف نتاعو يفرق بيناتنا كرهلي حياتي و ديما يهدر عليها غير الهدرة لي موش مليحة دون سبب راهو إنسان معقد

انت راك قانع بيها وعندك راي في راسك ملا وعلاه راك تعاني اصبر شوية وربي يسهل

[اسما88]

السلام عليكم يااخي الفاضل مزالك صغير اعلاه راك اتعيى فى روحك شوف والدك علاه راه رافضها حاول تعرف السبب ومتنساش هدا والدك مهما فعل يحبلك الخير وانت ايضا مدنب لانك راك تشك فيها وعندها الحق تزعف وقول لوالدك اياك وقدف المحصنات حرام عليك

[fatih84]

راهو رفضها لأسباب تافهة

[امل لا ينتهي]

السلام عليكم ورحمة الله وبركاته


اخي الفاضل
احيانا يعمينا حبنا للاخر عن عيوب وسلبيات ترتبط به او حت بعلاقتنا ككل
لا اقول ان تترك الفتاة فقط لانك سمعت كلاما من هنا وهناك
والله وحده يعلم السر واخفى
لكن

ماخاب من استخار واستشار
استخر وادع الله جل وعلا ان ييسر لك مافيه خيرك وصلاحك وتقاك
وان كان الخير في زواجك منها فسبحانه له وسائله لتذليل الصعوبات

استشر اناسا تعرفهم وتثق بحكمهم ورجاحة عقلهم
والى حين تقريرك الافضل عن تبتعد وتقطع صلتك بها

وربي يجيب الي فيه الخير لكليكما

موفق لكل خير

[الحنين إلى الماضي]

اضن يا اخي من خلال كلامك أنها بريئة ولا يجب ان تعاتبها وتتهمها كثيرا 4 سنوات كافية باش تعرفها من خلال تصرفاتها وكلامها يجب عليك ان تتخذ قرارا حاسما وتستخير الله فإذا ارتحت فاذهب الى خطبتها يا أخي حراااام عليك ضيعتلها 4 سنوات من حياتها راك انت وحدك شهرت بيها عند الناس فلهذا استر عليها وزيد على حكاية الحجاب راهي صغيرة وأغلب البنات هذا هو الوقت لي تدير فيه الحجاب يعني وقت الثانوية ....ربي يهديك بلاك ابوك عندو سبب ممكن عندو عداوة بينو وبين ابوها او أخوها ...
وحتى وان غلطت في شيء فلا تقول عنها انها ليست متخلقة فهذه مرحلة المراهقة ولو كان جات صح على علاقة برجل آخر كانت تبان فيها واصلا هي في روحها ما تستمرش معاك ...أدعي ربي باش أبوك يرضى بيها .....ربي يهدينا ...

[fatih84]

المشاركة الأصلية كتبت بواسطة الحنين إلى الماضي

اضن يا اخي من خلال كلامك أنها بريئة ولا يجب ان تعاتبها وتتهمها كثيرا 4 سنوات كافية باش تعرفها من خلال تصرفاتها وكلامها يجب عليك ان تتخذ قرارا حاسما وتستخير الله فإذا ارتحت فاذهب الى خطبتها يا أخي حراااام عليك ضيعتلها 4 سنوات من حياتها راك انت وحدك شهرت بيها عند الناس فلهذا استر عليها وزيد على حكاية الحجاب راهي صغيرة وأغلب البنات هذا هو الوقت لي تدير فيه الحجاب يعني وقت الثانوية ....ربي يهديك بلاك ابوك عندو سبب ممكن عندو عداوة بينو وبين ابوها او أخوها ...
وحتى وان غلطت في شيء فلا تقول عنها انها ليست متخلقة فهذه مرحلة المراهقة ولو كان جات صح على علاقة برجل آخر كانت تبان فيها واصلا هي في روحها ما تستمرش معاك ...أدعي ربي باش أبوك يرضى بيها .....ربي يهدينا ...

راك فهمتيني مليح راني ديما نفكر هكذا

[بحر الجروح]

ربي معاك ياخويا الي يحب دائما يعاني ومدام 4سنين معناها راك تعرفها مليح خاف ربي في باباك وفيها مزالكم صغار وتقنعوه انا نعرف ناس عاشو فالرفض 11سنة واليوم راهم متزوجين وربي كتبهم لبعضاهم هذا وانصحك ماتفرطش فالعشرة الي تعرفو خير من الي ماتعرفوش حاول تنسي باببك شوية وعاود قلو بلاك يقبل وربي يعاونك .تقبل تحياتي .رايي جاء متاخر اعذرني بصح بلاك ينفع

[البريئة]

عندي حوالي شهر ملي اقريت احكايتك و امنين ذاك اجي في بالي ، مرا انجي امعها مرا مع بابك مي هي اتغيضني بزاف بارسوكو ادا مديتهاش انت اصعيب اعليها الحال ، المهم رب يسهل وانشاء الله برك اتخبرنا وين اوصلتوا