واش رايكم ...سطايفيه

[douda21]

يا اختي يالي كتبتي هداك الكلام في حق الاخت سطايفية والله نقولك عيب كبير، لانك متعرفيش سطايفية و عطائها الامحدود و كرمها ، والله وين تروحي عمرك ما تلقي اخت طيبة و تمد بدون كلل او ملل و بالعكس بفرح و سرور و رانا هنا واحد ما يعرف واحدرانا في عالم افتراضي باه تقولي تجاوب علي الي تعرفهم و الله غير عيب ، ابسط شيء قبل ما تهدري هد الشي كون دخلتي لمشاركاتها او موضيعها تلقايها تاعاون في الجاميع، كانت في محنة و ظرف صعيب و مع دالك تحدات الظروف و جات جاوبت الناس الي محتاجين مساعدة و ديما هدفها انها تعاون لوج الله مشي لوجه العبد او بالمعريفة ، ياختي و الله غير عيب، ياو علي الاقل احترمو ظروف الناس حتي ادا مجاوبتكش اكتارمي انها ممكن ملحقتهاش الرسالة، او مقراتهاش، يا سيدي comem المخلوقة متخلقتش لمنتدي الجلفة برك عندها حياتها و مشاغلها من المفروض نشكروها و نكرموها مش تقوليلها هكدا الله يهديك اختي
سطوفة اعتبارك ديما مرفوع و بلاصتك ديما عالية و غالية حنونة

[mariana1]

أشكرك يا السطايفية فأنت من بعث في الأمل وجبدت ماشينتي بعد ما غبرت سنوات والعام اللي فات خيطت ربع جبب صيفت فيهم فجزاك الله عنا كل خير

[نهال المتالقة]

سطايفية حبيبتي يابنت بلادي سمحيلي واش راكي تتوقعي ماتقوليليش راكي تستناي يعطوك جائزة ولا كاش حاجة جزاء لما تقدمينه من مساعدات لهن ماعلابالكش بلي طول حياتك تخدمي وتجري باه تعاوني الناس ولوكان تغلطي مرة وحدة وماتساعديهمش راحت عليك
قوليلي راكي سخرتي روحك باه تعاونيهم نهار احتاجتيهم في التصويت للطفلة سمسومة اسك بانت كاش واحدة منهم وصوتتلك ............ماتقولوليش ماعلابالكمش الموضوع كان في المثبت وزيد كاين اخت وضعت اعلان في قسم الطلبات والحدة مالقاتها السطايفية ولو بكلمة
انا نقولك ونعاودهالك اختي ارضاء جميع الناس غاية لاتدرك ......ديري واش يمليه عليك ضميرك وماتستنايش يرجعولك خيرك وتوقعي كل حاجة منهم

[دلوعة أبيها]

بارك الله فيك اختي السطايفيةالمنتدى يشهدلك بمجهوداتك وشهود الدنيا هم شهود الاخرة اما المتصلة قولي لها راجعي الاعداد السابقة واحكمي على العباد ياختي السطايفية جزاكي الله كل خير والاخت الاخرى ربي يهديها

[meryem rose]

يا اختي السطايفية انا ما عندي حتى علاقة بالخياطة مي دايما ندخل نشوف لي مودال تاع القنادر ودايما نشوف مواضيعك الله يبارك فيك وعليك دايما في المستوى شوفي اختي ماديري في بالك والو وهادي الي هدرت خليها تهدر الهدرة بلاش وانت الخير الي درتيه راهو في ميزان حسناتك ان شاء الله

[أم حنين97]

من يتوكل على الله فهو حسبه

[ghagha]

حبيبتى حرة الحراير الغالى يبقى ديما غالى وانت من معدن صافى والانسان الناجح ساعة ساعة يطيح فى بعض مواقف محرجة ولهذا مثل ما يقول المثل الباب ليجيك منو الريح سدو وستريح ولهذا كملى فى مسيرتك بكل تالق وازدهاروموفقة انشاء الله

[aya.maya]

روعة لا مجال للكلام انت مبدعة انت قمة الابداع ادعوا الله ان يعطيك على قدر نيتك
اود ان اقول لك شيء اختي عملت زينة العقل لانك لم تجادليها تركتي اعمالك تتكلم بدلا عنك فانا اليوم عرفت انك
فهيمة وذكية الى جانب انك مبدعة شكرا ارجو من كل القراء
نصيحة لوجه الله :
لا تجادل الأحمق , فقد يخطئ الناس في التفريق بينكما

[souheila dz]

حبيبتي السطايفية ماتزعفيش لي مالحقش العنقود يقول عليه حامض ربي يسترك من العين ومن الحساد يا طيبة وخدومة عمرك مابخلتي الدليل الكل يحبك ويقدرك

[ام هناء]

هذا مااقوله لكي اختي سطايفية الغالية
ا

[صفوة عايش]

ادا ترجعي الى التاريخ تلقاي انو الانبياء معظمهم كان جزاءهم من البشر الجحود و النكران فما بالك حنا الناس العاديين واش حيديرو فينا لا تلقي بالا للسفهاء

[موجو جوجو]

يا السطايفية ما يحنش قلبك علينا الدنيا عواشير اطلي علينا هدا ماكان
طمنينا عليك برك
ياك كنتي تقولي من لي لقيت هاد المنتدى عجبني و مانفرطش فيه
ديري ربي و النبي في بالك و اخزي الشيطان،
و الله و الله و الله المنتدى سماط بلا بيك،من غير مانحكي على واش قدمتي ليه لكن هدرتك حكاياتك و صفاتك و اخلاقك ، خفة ظلك الله يبارك خلونا نتعلقو بيك بزااااااااااااااااااااااااااااااااااااااااااف
راني نجيك لسطيف و نوقف في عين الفوارة و نعيط يا السطايفية تاع منتدى الجلفة ارواحيييييييييييييييييييييييييي و مانتحركش حتى تستاجبي للنداء، علابالي ماتخلينيش نطول غير تسمعي بيا تجي تجري باسك قلبي حنييييييييييييييييييييييييييييييين و بالك واسع مايهنيكش قلبك تخليني نعيط وسط الشارع

ام هزار حاوليها تولي لينا توحشناها مووووووووووووووووووووووووووووووووووووووووووووووووو ت



سطايفية،سطوفتي،حنونتي هيا ماما طلي علينا و الله غير تـــــــــــــوحـــــــــــــــــــشــــــنـــــــ ـــــــــــــــــــــــــــااااااااااااااااااااااا اااااااااااااااااااااااااااااااااااااااااااااااااا اااااااك

[KARIMAH]

ماديريش عليهم الغيرة تهدر شافوك طيارة الله يبارك حسدوك
متابعاتك في صمت وتعجبني مواضيعك

الف شكر

[نجمة الرمال]

ربي يهديها و يهدينا و جميع المؤمنين
واحد ما يقدر يتجرا و يقول هك خيرك هنا و المساعدة نتاعك ربي يجزيك عليها و يعطيك ما تتمناي
الف شكر ليك يا سطايفية

[حياة نور الدين]

اهلا انا اظن انه هناك سوء تفاهم وبادن الله يتحل