بيتك جنتك و رضاء ربك مبتغاك 4

[ام امجد14]

اسسسسسسسسسسسسسسسسسسسسسمحلى اختى سمراء سمعت صوتك الصباح و انتى تنادينى دخلت نجريييييي للمطبخ بما انى جيت متاخرة بديت بالحيطان
انا عندى 3 حيطان و الرابع قاسماتو مع غرفة الاكل طلعت فى البوتاجى و جدت رغوة تاع ازيز و حكيت 2 حيطان و لاوت فى مكان السقف لانى داهناتو بلافابل و كل عام نعاود ندهنو بعد رمضان دايما نضيف
ونقيت الجدار تاع الكونطوار و باب الخارجى للمطبخ و باب تاع البالكو و الطاقة و درت الغذاءوالعشاء على طريقة اختنا اريج المسك ربى يشافى بنتها ان شاء الله
درت كسكس بالمرقة للغذاء و طاجين البسباس بالزيتون للعشاء و طيبت القهوة لشيخى تاع العشية والحليب للاولاد و النعناع لجلالة السلطان يحب يشربو عشية قبل ما يذهب للمدرسة والان ما نزيدش ما نزيدش نشوف و جه المطبخ ههههههههههههههههههه
الجانب الدينىو الجمالى و التربوى رانى نبدا معكم ان شاء الله غدا

[oum radja]

السلام عليكم ورحمة الله تعالى و بركاته
هاذا تطبيقي ليوم الاحد يعني اليوم الاول من الدورة
كيما تعرفو فاذا فصل الشتاء مافيهش النشاط بالزاف كيما بقية الفصول اي انو النهار قصير و البرد يخلي الواحد يخمم غير يروح يدفا او يرقد هههههههه


المهم كيما العادة نوضو الصباح نصلي نقرا الاذكار و نسبح
هاذا يوميا الااذاكانت هناك موانع
نفطر زوجي و بنتي و يروحو
انا شعلت الكانون في الكوزينة باش تدفا شوية و رحت فطرت و لميت الغرف على السريع و كنستهم برك راهم نظاف
نقيت التواليت و الدوش و عطرتهم
دخلت للكوزينة درت طاجين كرمب و غسلت السلاطة مسحت الثلاجة من برا ومن الداخل على خاطر ما عنديش بالزاف ملي ذوبت الثلج لي فيها و غسلتها
جبت الفروتوار و نحيت القشور لي في السقف لي جاو بسبب الرطوبة و جبت كرسي و غسلت السقف مليح بالصابون و شللته سيقت الكوزينة من الما و الصابون لي كانو فيها
كي كملت رحت بدلت حوايجي كانو مشمخين
تغدينا و ريحت شوية ودرت مربى السفرجل يطيب
وجدت التعشوية ومن بعد درت العشا يطيب ووجدت طورطة درتها مفاجأة لبنت سلفي كان عيد ميلادها
راجعت مع بنتي واش قرات و حفظتها سورة القارعة وراجعت معاها السور لي حفظتهم من قبل
في الليل غسلت اسناني و درت كريم مرطب ليديا ورجليا

[oum radja]

اليوم بغيت نقدم ليكم وصفة فعالة جدا للوقاية من الزكام و الانفلونزا

تبعو معايا
جيبو 2 حبات ليمون مقطع شرائح




ملعقة كبيرة زنجبيل مطحون



كاس عسل حر



نضع الليمون و الزنجبيل في بوقالة نقية و نزيد عليهم العسل الحر
نغطيهم و نخليهم في الثلاجة مدة يومين
من بعد ناخذ ملعقة من هذاك الخليط و نزيدو عليها كاس ماء سخون و نشربوها كل صباح
ان شاء الله تفيدكم هاذ الوصفة

[ليلى القسنطينية]

يعطيكم الصحة يا سيدات على المجهودات الي تقومو بيها
و ربي يعطينا القوة ان شاء الله

[ليلى القسنطينية]

كيف تتعامل مع ابنك المشاغب


كثيرا ما يعاني الآباء والمربون من تلاميذ كثيري الحركة، نطلق عليهم لقب " المشاغب "، مع العلم أنه إنسان سوي يحب الحركة والنشاط ويملك ذكاء رياضيا – من الرياضة وليس الرياضيات – كبيرا يمكن استثماره في صنع بطل يحمل أمال وأفراح شعوب بأكملها.

إن أحد أكثر أنماط الشخصية صعوبة في التعامل معها النمط الحركي لأننا تعودنا من طريقة تربيتنا وبالتالي برمجتنا عن طريق الآباء والمجتمع والإعلام أن الابن الهادئ المطيع هو الشكل الذي نسعى أن يكون عليه أبناءنا متناسين أن البشر خلقوا مختلفين ولا يمكننا تنميطهم أو تعليبهم بشكل واحد.

إن أجمل وسيلة سمعتها وطبقتها للاستفادة وتوجيه أبناءنا الحركيين هي : حمله المسؤولية (مهمة) ثم وجهه وأخيرا شجعه وكافئه.

إستراتيجية تبدوا بسيطة لكن لها فعل كالسحر على أبناءنا بصفة عامة وعلى الحركيين بصفة خاصة.

حمله المسؤولية أو أعطه مهمات يقوم بها، طبعا مهمات يمكنه القيام بها بشكل جيد؛ إذ لابد من مراعاة سنه وقدراته الجسدية والعقلية وكذلك وقته الحر، كما علينا أن نتخذ مبدأ الاستمرارية وبشكل تصاعدي يعني مهمات سهلة في البداية لتقوية ثقته بنفسه ثم بعد ذلك مهمات أكثر تركيبا وصعوبة لصقل مهارات الفكرية والجسدية.

مع كل مهمة تظهر تحديات وعقبات لذلك كان علينا توجيهه للطريق الصحيح للتغلب على هذه التحديات بأفضل النتائج وأقل جهد – نقل التجربة – كذلك هذه المهمة من الممكن أن تحتاج لمجموعة من المصادر سواء مادية (معينات) أو معلومات، علينا أن نوجهه لمكان الحصول عليها.

أثناء المهمة يمكن أن تثبط همته لذلك لابد من تشجيعه وتحفيزه لإتمام المهمة ، بعد نجاحه في المهمة علينا تحفيزه ومكافئته؛ لأنه ليس هناك دافع للعمل والجد أكثر من نجاح معترف به ومُقدر لذا أحباءنا.

كلمة أخيرة :

لنتعامل مع أبناءنا كما هم لا كيف نراهم أو كيف نريد أن نراهم ، لا تتعامل مع أبناءك بنفس الطريقة لأن الاختلاف في الطباع والأفكار هو الأصل؛ فإن وجدت أن أبناءك متشابهون في طرق تفكيرهم وحركتهم ؛فهناك مشكلة في تربيتهم لأن الله خلقهم مختلفين تأكيدا لاسمه المبدع سبحانه وتعالى فلا يخلق شيئان متشابهان.

[سمراء الدنيا]

اعذروني ساغيب يومين ......وصلني خبر وفاة عمي الوحيد في مدينة تلمسان ........
واصلو النشاط الى حين عودتي ........اسفة.....

[بنت الجزاير الغالية]

أم رجاء يا ريت طريقتك في معجون السفرجل
و وصفة الوقاية من الزكام ناخذوها يوميا لمدة كام ؟؟؟؟؟؟؟و نقدر نمدها لولادي الصغار بما إنه فيها الزنجبيل قلت نشاورك
سمراء عظم الله أجرك إنا لله و إنا إليه راجعون ربي يرحمه و يصبركم
ليلى شكرا على النصائح المفيدة طبعا
أم أمجد الله الله مليحة تاع نطيب غدا و عشاء توفرلنا الوقت

[oum radja]

حبيبتي بنت الجزائر الغالية الوصفة تاع الزكام هي وصفة مغربية لقيتها في النت و عجبتني وحبيت نفيدكم بيها ونظن تقدري تمديها لاولادك خاصة لي يخرجو كل يوم يعني يقراو
هاهو رابط وصفة المربى تاع السفرجل
https://www.djelfa.info/vb/showthread...4#post12415004
سمراء الدنيا عظم الله اجركم و اسكن المرحوم فسيح جناته
انا لله وانا اليه راجعون

[دعاء القلوب]

ان لله وان اليه راجعون اختي سمرا عظم الله اجركم ربي يصبركم

[نايليةوافتخر]

عظم الله اجرك سمراء انا لله وانا اليه راجعون
تطبيقي ليوم الاحد
نظت الفجر وجدت الفطور وبقيت مع الاذكار لاني في عذر شرعي ناض زوجي فطر وراح للعمل بقيت شوية متكاسلة
نضت خملت الشومبرة ودرت المايسخن وجمعت الماعن كنست الارض
نحيت القش تاع الشومبرة وسيقتها وغسلت السرير وطلعت القش للهوا سيقت الصالة والكولوار رجعت القش للشومبرة وغيرة الديكور ومسحت الغبرة وبدلت الكوفرلي والشورة دخلت الحمام نضفتو لمعتو والتواليت اعزكم الله
رجعت للمطبخ غسلت الماعن وفرغت الثلاجة وغسلتها ونشفتها ورديتلها قشها وكنت من مدة ذوبت منها الثلج
وسيقت الكوزينة ومسحت ليزينيموخفيف السقف تاع المطبخ عالي جدا مانلحقش بلكرسي والسلوم نخاف منو خليتو مع انو ماهوش متوسخ ياسر الغدا مادرتش لاني وحدي تهنيت
الاستغفار والاذكار دائما وشغلت سورة البقرة
العشية درت القهوة الحلويات ممنوع
ريحت شوية ورحت درت العشا سلاطة خضرا مع لوبيا ماشطو بالبطاطا وراني متبعة الريجيم تاع اللقيمات
مع شوية رياضة
الجانب الجمالي مكياج خفيف وترطيب اليدين وفرش الاسنان مرتين
ونعمل لزوجي ايضا ترطيب لليدين فاليل لانو حساس من البرد وينشفو يديه
يوم الاثنين
كان عندي ضيوف ماطبقت والو معدا الشغل العادي

[بنت الجزاير الغالية]

تطبيقي ليوم الإثنين
الجانب الديني
الصلاوات في وقتها ماعدا الفجر و العصر
الأذكار و مراجعة القرآن من سورة البقرة
سماع الدرس الديني و قراءة اذكار ماقبل النوم
الجانب التنظيفي راه مازالني بلا كوزيينة كان يومي عاديي من غسيل ماعن و غدا عملت خبزة المرقاز بصح غيرت في الحشوة عملت تاع المحجوبة جات هشوشة و حارة و مع البرد إمممممم و زدت معاها شربات بوفاريك تقريبا للأخت صوامعية
و العشاء دولمة و عملت كانديا شوكو و تفاح و بنان
الجانب التجميلي
راني مركزة على اليدين و الرجلين نحكهم بالقارص مليح و قبل النوم ندهنهم بخلطتي المفظلة ماء ورد و زيت الجليسيرين و النتيجة جد مرضية بالإضافة إلى تفريش الأسنان و تمشيط الشعر
الجانب التربويي راجعت لبنتي شوية قرآن و ركزتلها على سورة الإخلاص

[ماريا205]

السلام عليكم ورحمة الله تعالى
اختي سمراء عظم الله اجركم ربي يصبركم انا لله وانا اليه راجعون
تطبيقي ليوم الاثنين
الجانب الديني التسبيح +الاستغفار+ الصلاة على النبي +تلاوة القران وصلت الحزب 4 +الصلوات في وقتها
الجانب التنظيفي الصباح ما قدرتش نطبق كان عندي ظرف نظفت الدار ووجدت الغداء بعد العصر وجدت العشاء ونظفت الطاقة ومسحت الحيطان الباب ما عنديش
الجانب التجميلي درت عصير البصل لشعري +فرش اسنان وترطيب اليدين والرجلين بالفازلين
الجانب التربوي راجعت لبنتي رياضيات وفرنسية

[بنت الجزاير الغالية]

برنامج يوم الثلاثاء تنظيف الكويزينيار و الحائط الذي خلفه + الفور اليكتريك او الميكرووند

[سمراء الدنيا]

السلام عليكم و رحمة الله و بركاته

تحدي هذا الاسبوع

الصلاة على النبي 1000 مرة ....بما انها ليلة الجمعة

ان شاء الله كل اسبوع يكون عندنا تحدي في الجانب الديني ...لازم نجاهدو انفسنا و نطبقوه و نكتاسبو شوية حسنات

[بنت الجزاير الغالية]

"هل تريد السعاده"الدرس الثالث من سلسلة (لو عايز تتوب)للشيخ / هاني حلمي


قالت::يأس وإحباط وحزن وألم
هموم وهموم تحاصرني وضيق يكاد يخنقني
أحس أن روحي ستقبض
دموعي تنزل وحدها فترسم خطوط لامعه على وجهي
لم أعد أعرف للسعادة طعما
ولا للراحة مذاقا
منذ متي لا أعلم
........
حالتك مشابهه لتلك الحاله
تريد السعاده ولكن لا تعرف من أين؟؟؟
استمع وتعرف علي مفتاح السعاده

استمع لدرس"هل تريد السعاده"الدرس الثالث من سلسلة (لو عايز تتوب) للشيخ/هاني حلمي

لتحميل الدرس رابط صوتي من هنا