بخصوص الطعن امام وزارة الدفاع // كل شيء هنا

[nabil ofc]

المشاركة الأصلية كتبت بواسطة nabil ofc

سلام عليكم الاستئناف هو طرق من طرق الطعن يعني لما تبعثو الملف اكتبو طلب استئناف كما هو موضح اما بخصوص الملفات فهو ملف واحد ولاحظو ان العوانيين هما نفسهما
لي يهمنا ضك انو هذو لي بعثو ملفات الاستئناف كيف كانت حالتهم اتجاه الخدمة الوطنية يا خويا يا جزائري جاوبنا الله يسترك وهل لما رفض ملفهم امام مركز التجنيد كان كتابي او شفهي شكرا ليك

جاوبونا غير هذو برك رانا في حيرا

[keb.abdo]

سلام
انا دفعت ملف كفالة في مارس 2013 علما أني متحصل على دبلوم دراسات عليا في الكيمياء الحيوية + سورسي ديسمبر 2013 جوزت الفحص الطبي الوالدان عندهم مرض مزمن و أكبر من 60 سنة و أخ متزوج و منفصل carte jaune عفو رئاسي مواليد 1978 و أخ متزوج و منفصل ordre d appel و أخ أعزب و منفصل أدى الخدمةالوطنية 2 أخوات متزوجات ةالملف كامل تماما.لكن فوجئت في أكتوبر 2013 برفض الملف كتبولي تجند في الدفعة المقبلة .
أشيروا علي ماذا أفعل.

[safir taider]

خاوتي انا ثان ردوني من عند الباب لأنو انا مدرتش الفحص الطبي الانتقائي كيفاه ندير الله يستركم

[safir taider]

السلام عليكم

خاوتي راني حاصل الله يسترك قولولي كيفاه ندير

انا من البليدة متحصل على شهادة ليسانس 2013
مدرتش الفحص الطبي لكن عندي سورسي يموت في 30 اكتوبر 2013
انا عندي ضعف في النظر لكن الملف تاعي حديد يعني مكونش نتبع عند طبيب من بكري يعني عندي شهر برك ملي روحت لطبيب و دارلي ورقة بلي بدون نظارات نشوف 1/10 و لكن بالنظارات 7/10
خرجتلي لورد ابل واخدة برك في 2009 لكن درت بعدها سورسي
غندي صاحبي نفس الوضعبة كي راح يحوط ملف طبي في مكتب التجنيد في البليدة حاوزوه من الباب قالولو استنا الاستدعاء و روح للتكنة يديرولك لافيزيت

و راكم عارفين بلي كي تروح للثكنة راه ريسك يعني ممكن يلبسوك

دوك خواوتي انصحني واش ندير
حاطاك ادا درت استئناف ميشوفهش خاطاك هنا في البليدة في مركز التجنيد يردوك من الباب

انصحوني
و اجركم على الله

[rafikwood]

وماذا عن الذي تم رفضه من الباب بحجة الفحص الطبي هل يستطيع الاسئناف

[nabil ofc]

علااش حبو يجاوبونا

[جزائري85]

لمن وجد صعوبة في التحميل

انزع الاشارة كما في الصورة

[sinopointic4]

مشكورين على المجهود

[جزائري85]

العفو اخي و بارك الله فيكم