تكوين نساء

[Taki eddine 05]

المشاركة الأصلية كتبت بواسطة redbull

إلى هذا الحد لــــن أجيب على أي استفساار آخــــر ، لأني تعبت من كلام الشوارع اللي راكم تتكلمو فــيه خاوتي ، لوخر يقول واضعين السن 24 سنة باش ما يكونش ازدحام في الملفاات !!!
خاوتي انا دخلت للتكوين الخاص من غير معريفــة ولا توسط ولا الحكايات اللي راكم تحكو فيها
أنا قريت 4 سنوات حقوق كلاسيك علوم قانونية وادارية ، كملت في 2009 ، بعد تحصلي على الليسانس فكرت في التسجيل في الكفاءة المهنية للمحاماة فقط ، ولا مرة فكرت في العمل في النظام العسكري ، فتحو تسجيلات الماستر بكلية الحقوق ببني مسوس ، سجلت وتم قبولي ولحمد لله ، بعتونا نقراو في لافاك سونترال ، خيرت تخصص جنائي وعلم الاجرام لأن اسم التخصص عجبني فقط ، درسنا السنة الأولى ماستر وانتقلنا للثانية ماستر ، في السنة الثانية عميد الكلية وضع إعلان عن وجود convention للتكوين الخاص مع وحدة الدرك الوطني بمجرد حصولنا على شهادة الماستر في التخصص ، لم أعر الاعلان اهتمام حتى كملنا القراية وبعتولي لوردبال تاع لارمي ، اتصل بيا صاحبي بعتولو لوردبال تاني وفكرني في التكوين الخاص المعلن عليه ، توجهنا لقيادة الدرك الوطني بالشراقـة استفسرنا عن التكوين ، وجهونا لمكتب التوظيف عطانا مكونات الملف ، قمنا بتكوين الملف العام الماضي ودفعناه، ودخلنا للستاج في أكتوبر المنصرم ، وكملنا الـ 9 شهور ديالنا في نهاية رمضان برتبة ملازم أول ، والآن مازلنا تكوين آخر خارج الوطن ، وبمجرد الانتهاء منه يتم تلقيننا رتبة نقيب والحمد لله ...
إلى هذا الحد راني حكيت ما الغير ملزم علي أن احكيه ، وربي يوفقكم خاوتي ، ولن يدري أحدكم الخير وين يجيه كل شيء بالمكتوب .

أخي هذه تجربتك الخاصة والفرصة التي اتيحت لك لا تتاح للجميع وأنا معاك بأنو كاين بزاف لي دخلو من غير وساطة لكن حنا نحكيو على الاطار العام كيفاه راهم يمشيو التسجيلات