الجزئ 86 من واش طيبتي اليوم بسم الله تفظلو

[hanane220]

انا سمحولي راني رايحة ما قدرتش نكمل و الله رسالة المرحومة بهاء الاسلام بكتني حتى ماما بدات تعيط عليا الله يرحمها و سمحولي لبنات لي مرديتش عليهم في الغد

[ام سهام 02]

المشاركة الأصلية كتبت بواسطة دائمة الحمد

صحة عشاكم لبنات بقاتلي البيتزا من الغدى وكملت كسرة رخساس والبطاطا تاعي لي تعرفوها وتعرفكم هههههههه

بصحتكم البطاطا والرخساس احنا انقولو لو فطير بصح ما انديروش مع الماكلة انديره مع قهوة حليب

[دائمة الحمد]

ام سهام صحة عشاك
نحنا الرخساس عنا ماكولات تجي غيربيه كيما العدس والجاري غير ساعات نعملوهم بكسرة الفوروالرجال تاعنا يموتو على الرخساس
وثاني يشربو بيها الحليب كيما الكسرة الاخرى

[ام سهام 02]

شكرا حبييتي دائمة الحمد المرة الجاية ان شاء الله انديرو مع العدس

رانا نتعلمو عادات بعضنا البعض

[lyzzabel]

صح عشاكم حبيباتي و يعطيكم الصحة على واش طيبتو وحطيتو ،، ربي يدوم عليكم النعم
اولادي يعطيك الصحة حبيبتي البغرير يشهي مالغري ما نبغيهش بزاف مي تاعك شهاني و بصحتكم لي ميني كيك صالي و الكفتاجي ياك ولا راني غالطة
داءمة الحمد بصحتكم الرخساس و الميني بيتزا حبيبتي
حنان يعطيك الصحة كلشي يشهي
ام سهام بصحتكم الطعام ممممممم شحال نبغي السفة سيييييرتو تاع غيري هي و الطعام بالمرقة مانيش عارفة علاش هههههه ،، حقا بغيت نبهك بلي الرخساس لي يديروه أهل الشرق حاجة و الفطير تاعنا حاجة اخرى ماشي كيف كيف
ام ياسو الغالية شكرا على الرابط حبيبتي ان من قسم الطبخ ما نزيدش و الحمد لله لبنات قاع نعرفوهم ربي يجيب الحفظ و يبعد علينا و على البنات كامل ولاد الحرام
ام سراج و نورهان و جيادا بصحتكم واش طيبتو حبيباتي

راني كاااااوووووو مالتعب و الحمد لله على كل حال ،، شكرا لكل وحدة باركتلي ربي يخليكم يا غاليات ،، دعواتكم بتيسير الأمور و الفرج
تصبحن على الف خير والى الغد بحول الله عز و جل

اللهم لا اله الا انت سبحانك اني كنت من الظالمين ،، أستغفرك و أتوب إليك انت التواب الرحيم

[ام محمد 05]

مساء الخير لبنات ممكن تعطوني وصفة عجينة العشر دقائق والف شكر ام ياسين على الرابط مزية ولهتيني

[انتصار فاطنة]

تفضلي اختي
https://www.djelfa.info/vb/showthread...CF%DE%C7%C6%DE

[R I A D]

صباح النور و الهناء و السعادة
ربي يصبحكم بالصحة و العافية

المشاركة الأصلية كتبت بواسطة lyzzabel

راني كاااااوووووو مالتعب و الحمد لله على كل حال ،، شكرا لكل وحدة باركتلي ربي يخليكم يا غاليات ،، دعواتكم بتيسير الأمور و الفرج
تصبحن على الف خير والى الغد بحول الله عز و جل

اللهم لا اله الا انت سبحانك اني كنت من الظالمين ،، أستغفرك و أتوب إليك انت التواب الرحيم

حبوبتي الغالية راني روطااار ....على واش باركولك؟؟؟ما تقوليليش رحلتي؟؟؟
يا ربي يجعلك تدخلي لدارك بالربح و الهناء و السعادة و الصلاح و الفلاح امين يا رب
و مبروك الف الف مبروك و ما تنسايش تشغلي سي دي تاع صورة البقرة

اللهم انت ربي لا اله الاّ انت
خلقتني و انا عبدك
و انا على عهدك و وعدك ما استطعت
اعوذ بك من شرّ ما صنعت
ابوء لك بنعمتك عليّ
و ابوء بذنبي فاغفر لي
فانّه لا يغفر الذنوب الاّ انت

[Simassim]

صباح الخير والربح ونهاركم مبروك ان شاء الله
ليزا راكي راحلة ان شاء الله تدخلي ها بالربح وديري كيما وصلتك امرياض ديري قران وخليه قبل ما تسكني ربي يعاونك على الرحيل يهلك نظمي صوالحك باش ماتنغبنيش وفرزيهم باش مايتخلطولكش

مازلت نخمم. على الفطور وتلفت واش ندير

[أَوْتَآرُ الأَمَلْ]

صبـــآح الخير

ممكن اعرف ماهو الزبادي بدون نكهة.

[دائمة الحمد]

صباح الخيرات ونهاركم مبروك
اختي الزبادي من غير نكهة هوالياوورت الطبيعي الناتيرال

[انتصار فاطنة]

صباخ الخير دائمة الحمد رياض سماسم اوتار الامل

[أَوْتَآرُ الأَمَلْ]

شكرآ جزيلاآ على الرد ايخي دائمة الحمد

[أَوْتَآرُ الأَمَلْ]

المشاركة الأصلية كتبت بواسطة الحزينة بجدارة

صباخ الخير دائمة الحمد رياض سماسم اوتار الامل

صباح الورد والفل

[أم ضياء عبد الرحيم]

صباح الخيرات و المسرات على احلى لمة
نهار سعيد لكل المتواجدين
دائمة الحمد أمنية غفران awladi hanane بصحتكم كامل الطيبات
hanane حطيلنا الوصفة تاع العصبان جا هايل