دورة خطواتي الواثقة لأصبح ربّة بيت متألّقة

[جهينة اليقين]

شكرا ام شمسو على مجهودك حبيبتي سيي الله يسلكك وتجيبي لنا بوبون شبيب ومعافى

[Sii]

امين اختي براك الله فيك

[ام شمسو محمد]

السلام عليكم.
اليوم التاسع عشر من مراجعة و إدراج أساليب الفراشة ، وحسب مخطط الفراشة الأسبوعي اليوم هو :
الإثنين : يوم التنظيف العميق.


تقسم الفراشة المنزل إلى مناطق من أجل تسهيل عملية تنظيفه و لتضمن المرور عليه كله.
الفكرة العامة هي :تقسيم البيت حسب أسابيع الشهر ،خمسة أسابيع يعني خمس مناطق (الشهر فيه خمسة أسابيع الأول و الأخير ليسا كاملين.)،تخصصين لكل أسبوع منطقة ، بهذه الطريقة تمر كل المناطق في مخطط التنظيف الشهري .
سنرى تقسيم الفراشة للمناطق لاحقا بإذن الله.
كل أسبوع تأخذين منطقة و تخصصين لها ساعة من التنظيف العميق _لا تتجاوزي المدة المحددة _.
لنأخذ غرفة النوم كمثال :
لا بد و أنك ترتبينها كل يوم و ربما خصصت لها بعض دقائق التبريد العشرين....في ساعة التنظيف العميق تقومين ب :
_تهوية الغرفة.
_تنظيف السرير و الأثاث و تلميعهم.
_غسل الستائر و بعض المفروشات.
_إزالة الغبار و إزاحة الأثاث و التنظيف تحته ( لا تنسي المصابيح و الأضواء ).
_تنظيف الزجاج و المرايا.
_تنظيف المساحات المسطحة و التحف :أعلى التسريحة و طاولة المصباح، الأدراج....
_غسل الأرضية.
و لاستكمال الترتيب ضعي لنفسك ثلاثة أهداف :
_الهدف الأول :أرضية صافية...الغسيل في الخزانة أو في سلة الغسيل (إذا كان وسخا )،السيديهات داخل الأدراج ...
_الهدف الثاني :رتبي المساحات المسطحة :رتبي الأغراض و التحف و أدوات الزينة...،الأغراض التي لا تحتاجينها في الغرفة ضعيها في أماكنها التي يجب أن تكون فيها.
_الهدف الثالث : من أجل إنهاء عملية التنظيف رتبي ما بداخل الأثاث.
مفهوم فكرة المناطق هو أن تغيري كل أسبوع المكان الذي تنظفينه،إذا وجدت الساعة غير كافية إستعيني بدقائق التبريد العشرين ،إذا كانت المنطقة صعبة خصصي لها أسبوعا من التبريد اليومي إضافة إلى ساعة التنظيف العميق.20 د في 5 أيام = 100 د تضيفينها إلى ساعتك.
و أخيرا لا تنسي القاعدة الذهبية :" يجب المحافظة و الصيانة لكي لا تعودي إلى البداية من جديد ما قد يؤدي إلى إنهيار العملية "

[arwa alaa]

ام شمسو شكرا على مجهودك انا قصدت انك تفتحي دورة جديدة وتحطي تطبيقات الفراشة كيما راكي تعملي حنا كنا نعانيو من من عدم تواجد المشرفات يوميا وانتي ما شاء الله راكي تحطي اليوم بيومو وكامل مزلنا في البداية وموصلناش للهدف الي حابينو في تنظيف البيت

[ام متين]

اصبحنا واصبح الملك لله والحمد لله

[ام متين]

صباحكم طيب مبارك دافئ مليئ بالخير والبركة والنشاط والحيوية

[جهينة اليقين]

الحمد لله الذي احيانا بعد ما اماتنا واليه النشور

[جهينة اليقين]

صباح الخير فراشات واش الاحوال ام متين

[Sii]

صباح الخير والبركات والنشاط على احلى فراشات

[حياتي كلها امل]

صباحكم الله بكل خير
اللهم صيبا نافعا لاتنسو الدعاء عند نزول المطر ولاتنسو اخواننا في حلب وسوربا والمستضعفين في كل مكان
وشراكي ام متين جهينة وسي
شكرا لك ام شمسو وجعل مجهودك في ميزان حسناتك
انا البارح بديت التنضيف العميق للمطبخ واليوم راح نرتب الاليمو وتحت البوتاجي

[Sii]

الحمد لله اختي حياتي كلها امل وانت كيف حالك
اعانك الله على تنظيف المطبخ رانا تفاهمنا بلاك هههه حتى انا بديتو لبارح

[جهينة اليقين]

رانا غير كيم درنا التنظيف العميق المطبخ نتاعي راه نقي ومرة على مرة ندير لو العشرين دقيقة كل مرة وين وخلاص ام هاجر راه البرد هههه

[جهينة اليقين]

ام شمسو الدقيقتين نفعتني بزاف كنت نديرها كل مرة عشوائيا بلا ما على بالي بلي داخل في نظام الفراشة

[فرحة العمر]

السلام عليكم
الله يبارك عليكم حراير تاع الصح غيرتوني
حبيت نشاوركم وياريت متبخلوش عليا بآرائكم انا حامل والطبيبة قاتلي المشيمة هابطة والبيبي ثاني وعندي مشكل كي نوقف بزاف ولا نقعد بزاف يسيل عليا الماء حاشاكم وعندي طفلة وزوج وعجوزتي معايا ولازم نقوم بالدار زوجي مانعني والطبيبة قاتلي ساسي روحك بصح انا كي نقعد يجيني تأنيب الضمير ونوض نخدم فالدار ونسيق ونفرز وزوجي يزعف والله حرت نقعد ولا نخدم ربي يخليلك العزاز عليكم شورو عليا متبخلونيش

[أريج13]

المشاركة الأصلية كتبت بواسطة فرحة العمر

السلام عليكم
الله يبارك عليكم حراير تاع الصح غيرتوني
حبيت نشاوركم وياريت متبخلوش عليا بآرائكم انا حامل والطبيبة قاتلي المشيمة هابطة والبيبي ثاني وعندي مشكل كي نوقف بزاف ولا نقعد بزاف يسيل عليا الماء حاشاكم وعندي طفلة وزوج وعجوزتي معايا ولازم نقوم بالدار زوجي مانعني والطبيبة قاتلي ساسي روحك بصح انا كي نقعد يجيني تأنيب الضمير ونوض نخدم فالدار ونسيق ونفرز وزوجي يزعف والله حرت نقعد ولا نخدم ربي يخليلك العزاز عليكم شورو عليا متبخلونيش

اختي فرحة انا كان عندي نفس المشكل مع ابني الاصغر منذ دخولي الشهر الثاني و انا نعاني من مشكل المشيمة و البيبي الهابط ....في الاول ماسمعتش كلام الطبيب وعانيت دائما مع المرض و المستشفى و لما شفت باللي الله اعطاني روح و امانة ومارانيش محافظة عليها ضربت فيه صحيح واغمضت عيناي عن الاعمال المنزلية اخذت عطلة مرضية من العمل ومن المنزل و الحمد لله ابني الان عندو ثلاث سنوات و نصف ....
اللي حبيت نقوله ممكن يوجعك قلبك من الاوساخ و لكن تذكري دائما انك تحملين روحا بين احشائك من واجبك الحفاظ عليها
شفاك الله و اتم حملك على خير.......