عاونو خوكم راه رايح للخدمة الوطنية راني نسوفري

[wildfire2068]

ادي معاك الزطلة باش تنسى

[j-med]

lazem trouh tchouf cardiologue

[bachirislam]

يا خويا اسمعني مليح وحط بالك معايا
تنوض على 4 انتاع الصباح ديري السبور وترجع تفطر ومن بعد دير كرفي سيكتور وتضرب الفروطوار بزاف على قلبك
ومن بعد منين تخلص الكرفي ترجع للاناشيد وتعيط بزاف صوتك يبح
ومن بعد طلع العلم على 7.45 وترجع تضرب الرجل حتى لوقت الغداء..تروح تتغدى وتريح حتى 13.30 تخرج تاني وهوما عقابك حتى 16.30 نهاية العمل.تريح شوي وتخرج 17.00 وتضرب الرجل حتى لوقت العشاء 18.00..تتعشى وترجع لوسط الساحة ويزيدو يمرضوك حتى 23.00 ولا 00.00...وهكدا دواليك خويا العزيز...ولكن العسكر احسن فترة فيها فترة الستاج خويا..روح وماتندمش والله العظيم..غير حاجة فور بزاف
انا فوتها رقيب...تدربت 6 اشهرفي المدرسة التطبيقية للدفاع المضاد للطيران الاغواط وفوتت عام من بعد في الكتيبة 85 مشاة مستقلة تيزي وزو...
ربي يوفقك ...روح وتكل على ربي خويا

لقالها خوية اكل صحيح بصح نسا حاجة


حراسة قارطة ليل ونهار
اييييييييييييييييههههههههههه

ولكرفي تاع كوزينا واحدو

ومسؤولية
والمزرية انا فوتتها في افلو
مركز تدريب المشاة ونباعد حولوني للصحرا عين صالح
من برد للسخانة

المهم نصيحة تاعي خوية

توكل على ربي ورجال اكل يقدرو يفوتوها
اما بالنسبة للدخان
مهوش مشكل
روح مهني


كاش تحتاج سقسي راني هنا على جالك

[j-med]

هو قال ما يقدرش يجري.... نتوما كنتو تجرو ولا لالا ؟

[سرب النحل]

ما تروح ما والو وعلاه دزاير راكبة على ظهرك واش راح تخسر عامين من حياتك هذا ماكان

[bachirislam]

ههههههههههههههههههههههه
بالنسبة للجري فيها فيها لازم


تنوض على 4 تاع صباح دير سبور ( بولدار)

حوالي 1 كلم


وترفع لعلام بعد فطور على 8 تاع صباح وبعدها تبدى مادة نظام منظم

هاذي مادة اكل سبور
45 يوم لولا اكل سبور وحركات عسكرية

وحركات رياضية كما يقولو تروح ابيض ترجع اصفر

وفيها عقوبات رياضية قاسية كما وضعية بطة تفشلك



بصح مش كلشي فورساج خوية
تبدا بلعقل حتى يتخدم كول تاعك

وكي تتعب بزاف عادي قول للمدرب راني تعبت بزاف ملا يعاقبك

بوضعية انبطاح ولا لبونب

[j-med]

كنتو تجرو 1 كلم برك ؟ ماهي ( بولدار) ؟

[mahmoud yacine]

شكرا لكم خاوتي ومادابيكم تزيدو تخبروني شكراا شكرااا زيدو خبرو خويا منا اللي قالكم الجري

[j-med]

خويا انا الحمد الله الجري موالفو, الرياضة مليحة للصحة و كذلك للمورال

و للكن اريد بعض التفاصيل

[merwan40]

يا اخي العزيز واحد مايلعبلك على راسك
راني فوت الصطاج وراني عسكري بشهريتي الحمد لله

صح راحو يتعبوكم 15 يوم الاولى هادا ماكان والباقي كامل راهو زهو ودير صحابك جدد
اما بخصوص الجري ماشي محتم عليك تجري بالسيف عليك
نقولهالك بالدارجة داصر الاطارات تواعكم باه متجريش هادا ماكا ن

راني 18 سنة ونتكيف وجريت و تعبت والحمد لله
راهي 15 ولا 20 يوم الاولى برك هادا ماكان
خويا لعزيز

[j-med]

mewan wech kanou yderrboukoum ?

[الباهـ عواس ــي]

السلام عليكم
نصيحة لوجه الله
الحكايات و الخزعبلات و المغامرات و الاساطير على الخدمة الوطنية اللي تعودت تسمعها من الغاشي غير ارميها وراء ظهرك
كل ما في الامر البرنامج الى متعود علية في السيفيل راح يتغير وقت النوم وقت الاكل نوعية الاكل و اشياء اخرى و غادي تدير شوية سبور تلبس كومبا معظم الوقت و هكذا
و لهذا راح ياخذ منك شوية وقت باش تتأقلم ممكن اسبوع او اسبوعين توالف بهاديك المعيشة و توالف هذاك السبور
و صدقني ممكن الامور صعيبة شوية احيانا و على حساب الثكنة لكن عموما ماكانش حاجة خارقة للعادة و رايخ تتعب ساعات و مبعد راح تكره من القعاد
اذا كنت ناوي تروح توكل على الله و لا تلقي بالا لكل الحكايات على لارمي رايح تاكل و تشرب و ترقد و تتلاقى بناس من كل الولايات و تفوتها و ترجع بالسلامة ان شاء الله و تقعد مجرد ذكرى جميلة بكل ما احتوته من خير و شر من راحة و شقاء

[mahmoud yacine]

المشاركة الأصلية كتبت بواسطة brah26

السلام عليكم
نصيحة لوجه الله
الحكايات و الخزعبلات و المغامرات و الاساطير على الخدمة الوطنية اللي تعودت تسمعها من الغاشي غير ارميها وراء ظهرك
كل ما في الامر البرنامج الى متعود علية في السيفيل راح يتغير وقت النوم وقت الاكل نوعية الاكل و اشياء اخرى و غادي تدير شوية سبور تلبس كومبا معظم الوقت و هكذا
و لهذا راح ياخذ منك شوية وقت باش تتأقلم ممكن اسبوع او اسبوعين توالف بهاديك المعيشة و توالف هذاك السبور
و صدقني ممكن الامور صعيبة شوية احيانا و على حساب الثكنة لكن عموما ماكانش حاجة خارقة للعادة و رايخ تتعب ساعات و مبعد راح تكره من القعاد
اذا كنت ناوي تروح توكل على الله و لا تلقي بالا لكل الحكايات على لارمي رايح تاكل و تشرب و ترقد و تتلاقى بناس من كل الولايات و تفوتها و ترجع بالسلامة ان شاء الله و تقعد مجرد ذكرى جميلة بكل ما احتوته من خير و شر من راحة و شقاء

شكرا يا اخي على النصيحة وربي يحفظك

[الباهـ عواس ــي]

نسيت حاجة الشمة و الزطلة و الدخان حكايات تاع ولاد صغار و الله تدير مزية في روحك لو كان تبطل الدخان من ناحية تربح صحتك و ما تتعبش بزاف كي تدير سبور و من ناحية تربح دراهمك لان التبغ راح يستنزف كل دينار يجيك و قبل هذا و هذاك ترضي ربي
ببساطة لما تروح ثم رايح تتاقلم مع الاوضاع وكل شيء راح يولي نورمال و ماكاش حاجة خارقة للعادة ماكان دجاجة تدير لوردرسيري ماكان واحد رايح يعذبك ثم قادر روحك يقادروك الناس اخدم خدمتك واحد ما يلحقك
و كيما راك تشوف كل من راح للارمي عندو اساطير و حكايات و روايات هههه بصح ديما في الاخر يقلك و الله فوتنا نهارات زينة مالقري الميزرية و حتى ان كانت الميزيرية اللي يحكيو عليها الديقوطاج من كثرة الرقاد

[mahmoud yacine]

المشاركة الأصلية كتبت بواسطة brah26

نسيت حاجة الشمة و الزطلة و الدخان حكايات تاع ولاد صغار و الله تدير مزية في روحك لو كان تبطل الدخان من ناحية تربح صحتك و ما تتعبش بزاف كي تدير سبور و من ناحية تربح دراهمك لان التبغ راح يستنزف كل دينار يجيك و قبل هذا و هذاك ترضي ربي
ببساطة لما تروح ثم رايح تتاقلم مع الاوضاع وكل شيء راح يولي نورمال و ماكاش حاجة خارقة للعادة ماكان دجاجة تدير لوردرسيري ماكان واحد رايح يعذبك ثم قادر روحك يقادروك الناس اخدم خدمتك واحد ما يلحقك
و كيما راك تشوف كل من راح للارمي عندو اساطير و حكايات و روايات هههه بصح ديما في الاخر يقلك و الله فوتنا نهارات زينة مالقري الميزرية و حتى ان كانت الميزيرية اللي يحكيو عليها الديقوطاج من كثرة الرقاد

شكرا والف شكر يا خويا العزيز على النصيحة القيمة وربي يجعلها في ميزان حساناتك بارك الله فيك