1/في الثانوية والله مايهمك المعدل تع الفصول...ادا كنتي فحلة جيبيها في الباك صدقيني
2/انك تراجعي للأختبارات حاجة مليحة لكن بش تقراي غير علجال الاختبارات غير اخطيك...ديري الاولى و الثاني و حتى الثالثة محطات مراجعة و تحضير لأهم شئ في المرحلة الثانوية ولي هي الباك
3/متتكليش بزاف على الاساتدة و تعمقي في البحث و متنسايش القراية للتثقف و ليس للنقاط
4/ لو تغيضك النقطة حاجة عادية و العكس تزيد تبين حبك و شغفك للقراية لكن بش تتحطمي و تدمري غير علجال النقطة ماهيش عقلية صدقيني
5/ بلاكي بلاكي بلاكي تبيني للاستاد أو اي شخص أخر انو النقطة تهمك لدرجة كبيرة خاطر مبعد راح يحاربك بيها--كيما سراتلي دوكا--
6/ جيبي ورقة و أكتبي فيها الدروس و الاشياء اللي خلات معدلك يطيح---أدخلي للنت---تعمقي فيها في شأن هادوا الدروس و حنا ا نشاءلله نعاونوك حتى تتعلمي من أخطاءك و من لا يخطئ لا يتعلم
7/ مع احترامي للأساتدة...لكن اي انسان يخطئ ادا ادا قلك حدسك بلي حاجة راهي خاطئة ابحثي و شوفي حتى تتأكدي حتى لا تقعي في الخطأ
8/ الحمدلله كاين أساتدة معطائين ادا مكتيش فاهمة حاجة يفهموك...طبعا نتكلم عن اللي جايين يخدموا خدمتهم صح لأنني أنا شخصيا في هادا الليسي وجدت أنواعا من الاساتدة تحسهم دايرين في بالهم التلاميد أعداءهم
9/ انتي علمية ايمالا كي تدي تحت 15 في العلوم فيزياء رياضيات هيا لي تغيظك مش كي تدي 0 في الاجتماعيات ولا...
10/ يوم الامتحان يكرم المرء أو يهان هاديك برا مش في ديزاد و صدقوني مش الاختبار هو اللي يقيم التلميد... البيام و الباك هوما الصح
السلام عليكم
( تقرير عن مشاركة سيئة )، و الموجودة أسفل كل مشاركة .
2011-11-30, 13:36
العرض العادي
