لحظات مخبرية في الفنون المطبخية

[*أم كوثر*]

السلام عليكم
الف شكر على الفكرة المميزة
الموضوع سيكون ثري ان كان هناك تعاون بين الكل و ياريت اللي تحط وصفة الصور تكون من مطبخها مش من النت
ان شاء الله نقدر نساعد بواش نعرف

[islam1aya]

ام كوثر شكرا على مرورك الطيب والمشجع بلنسبة للصور راه من مطبخي المتواضع مباشرة
اناعندي اقتراح اذا يساعدك نتعاونو ونحط مرة اناوصفة ومرة انت وصفة نعملوه على شكل مذكرة للطبخ اي واحدة تحتاج مساعدة نوجهوها للمذكرة ونسموها لحضات مخبرية في الفنون المطبخية
واحد وحدو مايقدرش يعمل حاجة كبيرة في هذا المجال ويد واحدة ماتسفق
انا لاحظت كثير من الاخوات يطلبن مساعدة ويقلك مانعرفش انطيب هذا هو الي شجعنيي على الفكرة
جاوبيني من فضلك ام كوثر

[islam1aya]

راني ننتضر في ردك ام كوثر

[*أم كوثر*]

شوفي اختي بحكم البيت و الاولا د راكي تعرفي الظروف و ايضا انا مشاركة بدورة تعليم الحلويات
لكن ان كان بالتناوب فانا موافقة لكن تكون طبخة كل اسبوع
يعني مرة من مطبخي ومرة من مطبخك

[islam1aya]

موافقة أ م كوثر حتى انا خممت هكذا كل اسبوع وصفة مرة من مطبخي ومرة من مطخك
وااله اختي رانا كامل مشغولين مع اولادنا ندوهم ونرجعوهم من المدرسة وفي البيت هذا لازم لازم يدير الوجبات والبنت تقولي ماما علميني نكتب ونرسم والبيبي يبكي
ربي يحفظهم ويكونو ذرية صالحة
واعمال البيت منجهة اخرى انا نعذرك ونعذركل الامهات
وانشاء الله ربي يقدرنا على فعل الخير ومساعدة كل اخت

[sasafede]

ممكن وصفة للكرانتيتا من فضلكم

[imi122009]

allah yfarhk okhti ,meme ana rani zawejt jdida w haba na3eref hwayj bezeeeff ,nheb ndir kol youm haja bah nfareh zaweji.merciiiii bcp w rabi yjazik janat elferdaousse

[my lamis]

فكرة هايلة إسلام آية و قتلك حتى أنا حابة نتعلم طواجن بزاف راجلي إموت فالماكل و يحب التنويع و بحكم المنطقة تاعنا ناقصينا حوايج و الله نحصل في كاش ماكلة بارك الله فيك فالمصوع أنت و أم كوثر

[my lamis]

فكرة هايلة إسلام آية و قتلك حتى أنا حابة نتعلم طواجن بزاف راجلي إموت فالماكل و يحب التنويع و بحكم المنطقة تاعنا ناقصينا حوايج و الله نحصل في كاش ماكلة بارك الله فيك فالمصوع أنت و أم كوثر