كيف تقتصدين في حياتكي اليومية.موضوع متجدد

[/زهرة عصفور الجنة/]

فكرة جيدة لمن يجيد الخياطة بوركتي اخيتي

المشاركة الأصلية كتبت بواسطة أم قادة

من الأشياء التي أقتصد فيها الثياب وخاصة السراويل بحيث إذا قدم سروال إبني الكبير أقطعه أنزع منه السحاب والزر وأحتفظ بالقطع الجيدة وأعيد إخاطتها سروال لابني الصغير وتقريبا لا أشتري له سراويل البيت فكلها مخيطة وخاصة أن كل اليوم في البيت وله بطبيعة الحال بدلات جيدة للخروج وهذه وسيلة من وسائل إعادة التدوير النافعة وحتى لانرهق ميزانيتنا بالفائض من الألبسة

[FATY1972]

السلام عليكم ورحمة الله ان خياطة لكني لا اعرف كيف ابعثلكم صور

[ام جزائرية]

المشاركة الأصلية كتبت بواسطة أم القادة

من الأشياء التي أقتصد فيها الثياب وخاصة السراويل بحيث إذا قدم سروال إبني الكبير أقطعه أنزع منه السحاب والزر وأحتفظ بالقطع الجيدة وأعيد إخاطتها سروال لابني الصغير وتقريبا لا أشتري له سراويل البيت فكلها مخيطة وخاصة أن كل اليوم في البيت وله بطبيعة الحال بدلات جيدة للخروج وهذه وسيلة من وسائل إعادة التدوير النافعة وحتى لانرهق ميزانيتنا بالفائض من الألبسة

انا ثاني وحتى جبب الدار يعني القندورة مثلا تتحرقلك او تفسد انعاود انفصلها وانخيطها للبنات الصغار وتخرج روعة .ثاني حاجة الخبز اللي ييبس انهرسو وانطلعو للسطح للعصافير والحمام .وما تتصوروش كيفاش يتلمو ا اعليه .ثالث حاجة لما يبقالي شوية عيش طايب .بالاك اتقولولو البركوكس ؟ومايكلوهش اولادي ويبقى وقت في الثلاجة انصفيه في الكسكاس وانصب اعليه الماء ونطلعو للعصافير والحمام.
ونشكركم بزاااااااااف بزااااف راني استفدت من نصائحكم .بصح مازال ماعنديش غسالة ومازال ماعنديش كليماتيزور

[هاجر 76]

سلام اختى منى وشكرا على الموضوع ان حبيت نشارك معاكم
بالنسبة للاقتصاد لربات المنازل ماشى غير فى الكهرباء والماء حتى فى الطبخ ان دايما مصروف فى رمضان انا نتحكم فيى لخطرش عندى خبرة فى التقسيم مثلا بالنسبة للحم جاتنى فكرة فى رمضان تقريبا كاع النساء يستعملو لحم للشوربة ولحم للطاجين سواء حلو او اخر
ان فكرتى نطح طاجين فيه الماء يغلى تغلى اللحم ونقسم المرقة نصها للحريرة او شوربة ونص للطاجين اخر واللحم اما نقليه ولا نديره بلا

[اكرم10]

جزاك الله خيرا على هذه المعلومات القيمة

[/زهرة عصفور الجنة/]

شكرا لمروركم العطر

[chiraz16]

شكرا لك اختي منى على طرحك للموضوع القيم انا عندي فكرة وهي انو نحب نجرب بعض الكيفيات الخاصة بالحلوة (الحلويات نقراها في الكتاب او نسمع بيها او يحطوها الاخوات بالمنتدى) اومانقدرش في الكثير من المرات نجربها لانو لازم نشري في كل مرة لوازم الحلوى وعليه وليت كل مانروح لكاش ضيافة وخاصتا لعند اهلي وبدل مانشري حق الضيافة من الخارج نشري بهادوك الدراهم لوازم الحلوى او نخدم فكل مرة مودال اتاع حلوى انضيف بيه هكدا نقتصد من جهة ونتعلم حاجة جديدة من جهة ثانية او ندخل بحاجة خير وايلا مانجحتليش الكيفية ياكلوها ولادي او مانخسر والو٠٠٠نتمنى نكون افدتكم هدا واش عندي اليوم تتمساو على خير انروح نرقد

[chiraz16]

واش عندي وحبست وراكم ياوجوه الخير عندي بزاف افكار وحداخرين مادا بيا تشاركوهم معايا

[ملاك7]

بارك الله فيكي على النصائح التدابير القيمة

[هاجر 76]

سلام عليكم وجمعة مباركة للجميع
حاجة وحدخرة نقتصد فيها بالنسبة لملابس الدار (القنادر) كنت نشري القنادر بسومة شوية غالية درك والحمد لله رانى نروح نشوف الموديلات نستسمح صاحب المحل و نصورهم ونخيط وحدي يخرجولى نفس المشريين ولكن سومة تقريبا النصف (القماش + لوازم الخياطة) وحتى القد حسابي والفائدة الكبيرة نتعلم

تحياتى ليك اختى منى ولكل الاخوة

[ام محمد ميدو]

موضوع في القمة لانو كامل نحتاجو افكار تخلينا نرضو اولا ربي سبحانه ثم انفسنا و بالتاكيد ازواجنا
وضركة مع الانترنت تعلمنا حوايج حتى علب الكبريت و ما ترميهمش و تستغليهم
اذا تفكرت كاش حاجة ان شاء الله ندخل نشارك بيها

[bibicha]

بالنسبة لمسحوق الغسيل الماعن وليت نحتفض بعلبة فييم و نفرغ فيها المسحوق هكدا نوفر و نفرغ على قيسي
زيد كي نقلي الفلفل نقليه فالفور ندهن الصينية بلزيت و ندهن الفلفل هكدا نوفر الزيت و ما يطيرش فيا فالمقلا هههههها
وزيد نرابي الصابون حجرة و ندير كمية f led demi bas كي يتقطعو و نحطها في المشينة مع الحوايج هكدا ندير نص كاس مسحوق و يكون بياض روعة

[/زهرة عصفور الجنة/]

بارك الله فيكم على الاضافات الرائعة

[هاجر 76]

سلام عليكم وعام جديد ان شاء الله يكون خير للجميع
حاجة وحدخرة نقتصد فيها وهى الخبز تعرفو تقريبا مكانش بيت جزائري ما يصبحش فيه الخبز وكاين بزاف الي يرموه
انا منرميهش مرات نديره كيكات متنوعة ولا نطحنه ونرمد فيه المعقودة ولا الكفتة ومرات حتى نخدمه سندوتش سيحتو فى رمضان يجي يشهى وهاك نكون تفديت التبدير دخلت البركة للمنزل بطرد الشيطان

[/زهرة عصفور الجنة/]

بارك الله فيك هلا أفدتنا بوصفاتكي في قسم الطبخ

المشاركة الأصلية كتبت بواسطة petra imad

سلام عليكم وعام جديد ان شاء الله يكون خير للجميع
حاجة وحدخرة نقتصد فيها وهى الخبز تعرفو تقريبا مكانش بيت جزائري ما يصبحش فيه الخبز وكاين بزاف الي يرموه
انا منرميهش مرات نديره كيكات متنوعة ولا نطحنه ونرمد فيه المعقودة ولا الكفتة ومرات حتى نخدمه سندوتش سيحتو فى رمضان يجي يشهى وهاك نكون تفديت التبدير دخلت البركة للمنزل بطرد الشيطان