"للأســــــف الشديــــــد هذا سر النــــــــــــــجاح " - الصفحة 2

كريمة* · 2011-01-03, 19:40

اقتباس:

المشاركة الأصلية كتبت بواسطة best.2b

في المسيرة وقفات ... وهذه مجرد وقفة من الوقفات ...

و لولا الأمل و الشدة في ربي لما شاركنا في هذه المسابقات

وعند هذه الوقفات ..نكون في حاجة لمساندات ..حتى ولو ببضع كلمات

لعل كل المسابقات التي اجريت واجرينا لم يكن فيها خير لنا

اتمنى لك النجاح والتوفيق

best.2b · 2011-01-03, 19:29

المشكلة ليست فيمن درس الحقوق والله كلنا في الهوى سوى (أقصد هوى النجاح) ...

لكن أردت فقط إبراز أسباب النجاح و الرسوب بعيدا على ما هو مفروغ منه كالرشوة و المعريفة ...

و من قلبي أتمنى النجاح لكل من يتعب و يقرى و يستاهل المنصب

ahmed76 · 2011-01-04, 15:02

[QUOTE=best.2b;4563264]المشكلة ليست فيمن درس الحقوق والله كلنا في الهوى سوى (أقصد هوى النجاح) ...

لكن أردت فقط إبراز أسباب النجاح و الرسوب بعيدا على ما هو مفروغ منه كالرشوة و المعريفة ...

و من قلبي أتمنى النجاح لكل من يتعب و يقرى و يستاهل المنصب[/QUO

يأخي best فعلا لا يحس بالجمرة الا الذي كوي بها ونحن ندعو لك بالنجاح والتوفيق وانا لا اعرفه ولكن مررت مع هذا الطريق واحس ماتحس ان شاء الله تحصل على منصب عمل وتنسى كل هذه المعاناة

nadou.2b · 2011-01-04, 19:23

السلام عليكم .هي باش نقمولوا ماكاش معريفة رانا نكدبوا.و باش نقولوا في هده المسابقات الزهر يلعب دو.ر’ صح
بصح لازم مانديروهومش أسباب نتوقفوا عندهم .حنا نديروا لي علينا و الباقي على ربي .; و نقولكم الصح انا متخرجة في 2010 يعني ماعنديش خبرة كبيرة في المسابقات .بصح على الرغم من انك تقدر ما تنجحش في المسابقة بصح تعرفت على ناس و عقليات و اكتسبت خبرة ولو صغيرة في الحياة ..سلام

amine mobile · 2011-01-04, 21:16

أنا حسب ما راني نشوف وحسب التجربة نتاعي المعريفة والرشوة.و....... ماشي كيما رانا متصورينها والله راهي مزيرة الحالة وأنا شخصيا نعرف جماعة نجحوا بالمجهود نتاعهم وفقط. لأن الإدارة المعنية بالمسابقة ليس لها أي دخل في التصحيح ووضع الأسئلة وغيرها .
وحسب إعتقادي هناك عاملين للنجاح
أولهما: التوكل على الله وقوة الإيمان
ثانيا: العمل وذلك بالإجتهاد والمثابرة

شذا الربيع · 2011-01-03, 19:33

إن شاء الله ربي يوفقنا كااااااااااااااامل ويهدينا لما يحب ويرضى

OUM AZZOU · 2011-01-03, 19:52

شكرا لهذه التوضحات وماذا عن سر النجاح في مسابقة على اساس الشهادة ايعقل ان لا يعرف المترشح اسمه -عمره -اين يسكن -متى تخرج -كم معدله في ااسنة الاخيرة من مساره الدراسي فهذه هي المسابقات التي اجتزتها هل هذا معقول لكن يبقى الامل و كل واحد يدي مكتوبو ربي يسهلنا و يفرج علينا ااااااااااااااااااااااااااااااااااااااااامين

mourad28009 · 2011-01-03, 19:40

انا في بالي ان المسابقة التي لا توجد فيها النقاط المتحصل عليها مشكوك فيها
كيفاش تعرف بلي راك خدمت مليح ولا لالا
هكذا كي شغل راك تخدم في الظلمة ماراكش عارف اسكو راك صح ولا غالط
الله يهدينا ويهديهم

khire eddine · 2011-01-03, 20:00

السلام عليكم
يا جماعة انا نعطيكم فكرة هايلة .
اخطينا المسابقات ..اخطينا من الخيط الراشي ..الصغير فينا تلقاه فوت اكثر من 20 مسابقة في السنة ..وفي النهاية ماكاين والو ....خلاص بركاكم ..
بحكم اني عندي العديد من الاصدقاء في الجيش ..سواء ضباط في الدرك الوطني او الحرس الجمهوري ..وفي الشرطة .
يا رجالة ..الكل يجتمعون حول مصير واحد .وهو
بالنسبة الى كل من يملك شهادة سواء المهندس.او حامل اليسانس او الماجستير ماكانش خير من الي راح فوت العسكر تاعو كامل لانه من وراءه رايح يتعلم الكثير و الكثير من الامور التي تفيده في الحياة المستقبلية ..فمثلا الخدمة العسكرية تقتل فيك عزة النفس ..نعم تموت فيك عزة النفس ..وبالتالي فانك قادر على القيام بجميع الاعمال ..وهدا الكلام يعني الكثير ويجني لك الكثير من الاموال في بلاد الحق والعدالة ..اوروبا ...
يا جماعة عقبو العسكر تاعكم ..وروحو اطلعو الى بلاد الحق ..راكم قاريين اصحاب الشهادات ..وزيد مفوتين العسكر تاعكم ..تعرفو كل صغيرة وكبيرة .مايجيش واحد يلعبهالكم. ..موحال لاكان الواحد ماينجحش ..موحال . .
سلام .

شذا الربيع · 2011-01-03, 23:08

اقتباس:

المشاركة الأصلية كتبت بواسطة mourad28009

انا في بالي ان المسابقة التي لا توجد فيها النقاط المتحصل عليها مشكوك فيها
كيفاش تعرف بلي راك خدمت مليح ولا لالا
هكذا كي شغل راك تخدم في الظلمة ماراكش عارف اسكو راك صح ولا غالط
الله يهدينا ويهديهم

ايه والله غير صح رانا نخدمو في الظلمة العام اللي فات جوزت مسابقة متصرف باحدى الجامعات بعدما تعلقت النتائج ما لقيتش
اسمي كي رحت نسقسي قالولي كامل علقناهم يا ولدي ما لقيتش اسمي قاللي اللي ما لقاوش اسمائهم هادوك معدلاتهم 2 و3 ههه
تخيلو معدل 2و3 ياوو راهي محااااااااااال وزيد يقوللي روحي روحي هاديك معدلات ماكانش ماكفاتش بلاصة نعلقوها
قتلو معليش عارفة روحي ما نجحتش اعطيني علاماتي نشوفها نعرف مستوى اجابتي قاللي ماناش لاتيين الله غالب
2و3 فاش جبتها؟؟؟؟ في الثقافة العامة؟؟؟؟ ولا اللغة الفرنسية؟؟؟؟ ولا مادة التخصص؟؟؟؟
والله غير يحبسولك راسك ماك ناجح ماك بعلاماتك الحقيقية وابق اقرا واخدم وجوز كونكور
ربي يهديهم ويوفقنا

dadi1 · 2011-01-04, 10:46

السلام عليكم ورحمة الله وبركاته
اظن ان السبب هو في عدم توكلنا على الله
فنحن نذهب لاجتياز الامتحان بروح انهزامية
على مقولة الرشوة و المعريفة و انا مانيش ناجح من درك
لنتوكل على الله وناخذ ما كتبه لنا

عبدالقادر 02 · 2011-01-03, 19:59

أنا أوافقك الرأي والله العظيم عندك كل الحق يا اخي الكريم

sarl02 · 2011-01-03, 20:09

واش من عسكر الي راك تهدر عليه ...الي عليه دعوة الخير ما اروحش اجوز العسكر ..او زيد واش تتعلم في عسكر كيما تاعنا ..عندنا ميليشيات بشمركة حنا ما شي جيش ...ايلا شبعت كرشك فيه راك مليح ..انزيدلك حاجة او ديرها في بالك مليح عمرو السيكتور الي حاكمينو الاميين ايلا تتعلم منو و انظن انو اكبر نسبة امية موجودة في حكام الجيش ..مالا ما تهقش روحك اخي ...كون جاء العسكر مليح ما تسبقش اولادهم اليه.

khire eddine · 2011-01-03, 20:16

اقتباس:

المشاركة الأصلية كتبت بواسطة sarl02

واش من عسكر الي راك تهدر عليه ...الي عليه دعوة الخير ما اروحش اجوز العسكر ..او زيد واش تتعلم في عسكر كيما تاعنا ..عندنا ميليشيات بشمركة حنا ما شي جيش ...ايلا شبعت كرشك فيه راك مليح ..انزيدلك حاجة او ديرها في بالك مليح عمرو السيكتور الي حاكمينو الاميين ايلا تتعلم منو و انظن انو اكبر نسبة امية موجودة في حكام الجيش ..مالا ما تهقش روحك اخي ...كون جاء العسكر مليح ما تسبقش اولادهم اليه.

لا يا اخي ..انا لا اقصد ان العسكر تع الجزاير رايح يردك مقاتل ولا محارب ..
فقط كاين حوايج تهزهم يفيدوك في حياتك خويا ..مثلا تتعلم انه كلش يفوت في الدنيا رغم كل المعانات. ..يقتل فيك عزة النفس الي رباتك عليها ماماك ....توالي قادر تخدم اي خدمة ..يولي يبانلك كلش ساهل وتقدر توصل لوين تحب ..

saif_souf · 2011-01-03, 20:16

شوفو يا جماعة .... باش تنجح لازمك مايلي:

لازم تقرى حتان تهبل وتحضر مليح وتكون ماجور .... بلاك تعمى عينيهم وينجحوك

معريفة قوية ..... كيما صاحبنا اللي نجح في المقتصدين بلا ما يحضر الاختبار وما شافاش حتى ورقة الأسئلة

رشوة كبيرة .... هكا تغضب ربي منك ويولي المال اللي تديه حرام

المشكل انو كاين 3000 مترشح يعقبو ا الاختبار علجال 4 مناصب ومرات منصب واحد ... هنا المشكل مشي فينا المشكل في الدولة موفرتش مناصب عمل ... اليس لنا حقوق في هذا الوطن ومنها توفير منصب عمل لعيش حياة كريمة بعيدة عن الآفات ...... هل يتخرج الشباب باش يشدو الحيط او يحرقو في البحر ......هل الادماج والعقود هي مناصب ؟؟؟ ياك تروح طرنسبور وفطور ولبسة وما تكفيش... الطفلة ممكن تكفيها 12000 دينار لكن الراجل واش ديرلو ..هل تزوجوا مثلا؟

ياك حنا بلاد الرجال زعما ...علاه ما انتفضناش كيما التوانسة .....نعرفو غير نبكو في المنتديات .. السكر 10 الاف والشعب بطال والدراهم يهربو فيها برة ..... تقدرو تقوللي سي شكيب خليل واش دارولو في فضيحتو ...طبعا والو عندو جنسية امريكية ....تقدرو تقولولي علاش اولاد المسؤولين يقراو برة ويعيشو برة ..... اليس هذه المنظمومة التربوية وغيرها من القطاعات الفاشلة في الوطن من صنعها أليس وزرائنا ...ولا حنا الزواولة معليش يفوت علينا كلش .....
المشكل في الشعب راضي الذل هذا هو المشكل 200 مليار دولار والشباب ضايع

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي العرض المتطور الانتقال إلى العرض الشجري