يالي راك خايف من الخدمة الوطنية ادخل

[brotherhood]

المشاركة الأصلية كتبت بواسطة yahia1921

يعطيك الصحة اخي
لكن اسمحلي نقولك حاجة على التحليل تاعك اللي مديتو انو الشخص هذا اللي ماهوش حاب يروح للعسكر "الخدمة الوطنية" راه خايف
لا
انا واحد من الناس ماهيش في طريقي و متهني منها باذن واحد احد
لكن لماذا لم تبررها بضياع عام ونصف من حياتك دون مبرر لا تقل لي خدمة الوطن وما الى ذلك من خزعبلات انا بصدد توضيح مفهوم نشأ عند
كل من اجتاز هذه الرحلة بعد مرور 4 سنوات الى اكثر
لقد اتضح لهعم انهم افنو لحظات واوقات ثمينة من اجل لا شيء
ياو مدرسة الدنيا ماشي ساهلة ممكن انت جديد و مزال ماقاسكش السوفرونس راك تحكي هكا
المهم اخي الكريم ان شاء الله تفوتهم بالصحة والعافية وتتهنى
وتلقا خدمة كي تخرج




ملاحظة
تقبل ردي و مروري ياجندع

بارك الله فيك يا الاخ

انا راني سبقتك للعسكر ب 4 سنوات و فوت السطاج في الشتاء و رحت للعسكر عن قناعة لكن اليوم

راني نادم اشد الندم

واكتر مانمدت عليه في حياتي هي الخدمة العسكرية و الانتخابات

كتخرج من العسكر تشوف الفرق انك انت وواحد هارب من العسكر كيف كيف بل ساعات هو الاحسن منك

و غير نحي من بالك تخرج راجل ووو...هديك خزعبلات كما قال الاخ

كان معانا واحد من يحمل نفس عائلة واحد كان رئيس الحكومة سابق من باتنة جوز العسكر تاعو اسبوع و خرج

و انت و انا و الاخرون نجوزوا عام و نص مع اني رحت عن قناعة و مباشرة بعد انتهائي من الجامعة لكن ...

ندممممممممممممممممممممممممت اشد الندم...

كتخرج من العسكر تشوف العجحب العجاب و تناني في العسكر تشوف العجب العجاب

لما تخلص ان شاء الله و تحب تدخل للشرطة ولا الحماية ولا الجمارك تشوف انك كفوت كمافوت سي كيف كيف

اللي عندو المعريفة ينجح و انت راك موالف بربي يخلف يا خروف ؟؟؟؟؟؟؟؟؟؟؟؟؟؟؟؟

تاني لما يفوتوا تلاث سنوات تروح تجدد البطاقة العسكرية في حين واحد ماجوزش مايجددهاش

و حط في بالك تدير لاشان منك من واحد هارب من العسكر او واحد جاي يجدد السورسي

يعني راك لا شي

انا اتحدى اي واحد يشكك في الوطنية تاعي لكن .....دوماج

الحكام تاعنا حطمونا و مايستناو منا بعد الان حتى حاجة مليحة

[brotherhood]

المشاركة الأصلية كتبت بواسطة الجزائـ عشقي ــر

السلام عليكم
أخي brotherhood ما تعاني منه لا يعني انك لو لم تجتز مرحلة الخدمة الوطنية لكانت ظروفك افضل
و ان تحدثنا عن المعريفة فتلك قصة اخرى لا علاقة للحكام بها بل للشعب العلاقة الاكبر
انا اعتقد انه ان ضاع من عمر الشخص سنة و نصف في فعل شيء و التعلم افضل من ضياعها في لاشيء
ان تندم على النوم شيء و ان تندم على فعل ..امر آخر
فحتى الحياة المريحة لا طعم لها ان لم يكد صاحبها
فالذي تعلم ليس كالذي لم يتعلم

حكاية المعريفة اخي كلنا مشاركون فيها لكننا نلصق التهمة بالحكام فنحول الامر من واقع الى سياسة
احيانا يلجأ الشخص الى المعريفة للحصول على حقوقه
ممن يحصل على حقوقه؟
من مواطن مثله في الادارة
فالخطأ هنا خطأ شخصين كلاهما مواطن عادي
و كلاهما من الشعب
فالموظف من الشعب و من يبحث عن الحصول على حقه من الشعب
ربما خطأ الحاكم انه لم يحمل العصى لكليهما

تقديري لك

راك غالط في يا الاخ

و الله و الله لما كنت رايح للعسكر عيطلي قريب ليا قالي هل اتدخل ام لا قلتلو لا خلني متلي متل اي الناس

لكان قبلوني عادي ولكان رجعوني عليها نحوس لكن هيهات

اليوم رانا نبكيو على منصب شغل و بالاك راك لاحظ واش كتبت في المسابقة المتعلقة بالصحة و المناجمنت

رانا نبكيو على الاستدعاءات و ما احقرها لم ترسل لنا بدون اي وجه للحق و انت تقول ...

صح انا اؤمن انه : كما تكنوا يولى عليكم ...لكن انا لست منهم و الله على ما اقول شهيد

و انا راني ضد المعريفة و لو من اقرب المقربين لكن..

الجزائر قسموها طراف طراف كل واحد اخد منها طرف و قد صدق من قال :

جنرال السكر...جنرال القهوة ...و كدلك المسؤولين

هل سمعت باخر تغيير حكومي ان وزير جديد لما حطوا سيدكم الرايس حط زوج او تلاتة من اولادو يخدموا

في الوزارة ........لما اولاد المسعولين و الوزراء مايعدوش الخدمة العسكرية و سي القسنطيني يعديها

يسال أحدهم ...انا واحد مايناقشنني في الوطنية تاعي لكن باي باي يا الجزائر

راكي مبينة على الظلم و التفرقة بين الشعب و مش راح تتطوري ولا تتقدمي ولا نصف خطوة للامام

فيس الجزائر هناك تلات فئات :

1 - اصحاب الشكارة .

2- الاسرة التورية و اصحاب المعريفة

3- الفئة تاعي و تع القسنطني و ما شابهنا كثير

باي باي جزائر ........الظلم........و الحقرة.......المعريفة....و القتل...السرقة ......الاغبياء

[arsyazid]

قال رسول الله صلى الله عليه وسلم:

عجبا لأمر المؤمن! إن أمره كله له خير وليس ذلك لأحد إلا للمؤمن: إن أصابته سراء شكر فكان خيرا له، وإن أصابته ضراء صبر فكان خيرا له رواه مسلم.

قال رسول الله صلى الله عليه وسلم:
ما يصيب المسلم من نصب ولا وصب، ولا هم ولا حزن، ولا أذى ولا غم حتى الشوكة يشاكها إلا كفر الله بها من خطاياه . متفق عليه

[chaker19]

أنا مع الأخ brotherhood ولادهم ما يعقبوش و + واش تتعلم رانا نشوفو فيهم ياأخي كي يخرج من الثكنة للتجول أول مكان يتجهون إليه ..... لا أعمم لكن أي تعلم تتكلم عنه حدثني عما يقومون به بعد نهاية فترة التدريب غير الجلوس في النوادي أليس هذا مضيعة للوقت أنت الآن جديد لكن هيهات أن يكون هذا رأيك بعد مرور أشهر و أرجو أن تكون صادقا

[brotherhood]

المشاركة الأصلية كتبت بواسطة chaker19

أنا مع الأخ brotherhood ولادهم ما يعقبوش و + واش تتعلم رانا نشوفو فيهم ياأخي كي يخرج من الثكنة للتجول أول مكان يتجهون إليه ..... لا أعمم لكن أي تعلم تتكلم عنه حدثني عما يقومون به بعد نهاية فترة التدريب غير الجلوس في النوادي أليس هذا مضيعة للوقت أنت الآن جديد لكن هيهات أن يكون هذا رأيك بعد مرور أشهر و أرجو أن تكون صادقا

و الله يا الاخ ماتفهم في الدنيا هادي والو

صح انا درك عندي صحابي في جل الولايات و مازالت على اتصال بيهم و كاين منهم بزاف احسن من اصدقاء الطفولة

لكن ...الاستثناء ديما كاين

و نزيدلك و الله نعرف زوج اصحابي راهم هاربين من العسكر و يخدموا في سنطراك وانا عندي 3.5 سنوات من اللي

خلصت ماتسمى بالخدمة الوطنية لكن ...

[chaker19]

ربي يجبلك الخير إنشاء الله لكن أقول اللي يقدر يلقى كيفاه مايعقبش يدير دوسي أنا دفعت كفالة و راني نستنى يعيطولي تاع باب الواد أنا ثاني عندي صحابي فيعدت ولايات لأني قريت في الجزائر و عشت الجامعة العميقة مانيش خايف من لارمي الخوف من ربي سبحانو بصح الرجالة دير في الدراهم و أنا نوض على 4 تاع الصباح نعيط في الساحة pour rien

[brotherhood]

المشاركة الأصلية كتبت بواسطة chaker19

ربي يجبلك الخير إنشاء الله لكن أقول اللي يقدر يلقى كيفاه مايعقبش يدير دوسي أنا دفعت كفالة و راني نستنى يعيطولي تاع باب الواد أنا ثاني عندي صحابي فيعدت ولايات لأني قريت في الجزائر و عشت الجامعة العميقة مانيش خايف من لارمي الخوف من ربي سبحانو بصح الرجالة دير في الدراهم و أنا نوض على 4 تاع الصباح نعيط في الساحة pour rien

مش غير هادي برك

ياو تشوف الظلم اللي التم راسك يحبس واش بيك

تخيل كنت انا ملاز احتياط نسلك 5000 دج نسلك الاكل 1000 الشهر يعني 1/5

و الرائد يعني الكوموندو يسلك 6.5 مليون يسلك 600 دج

المهم انا درك واحد مايزيد يحكلي على الوطينة هادي جوزت العسكر انتخبت في كل الانتخابات لكن الحق تاعي

مكانش ادن...باي باي جزائر الظلم و اللصوصية ...

انا مع روحي راني وطني اكثر من الوزراء السراق و اللي يقول يقول ...

حطمونا و قسم الشعب و اقتسموا الثروة بينهم و السلام

[yahia1921]

brotherhood
*****
علابالك واش تقول فيه هوا الصح
بركينا من احلام اليقضة
انا نعرف كثير من الناس ماعبوش العسكر وماعلابالهمش بيها
وراهم خذامة ويديرو ي الدراهم
والله غير كيما قال الاخ
في سونالغاز وسوناطراك
وانا نلعبها ماعلاباليش شايف وعايف وراجل
لا
كيما قال لطفي
"الرجلة هيا ذراعك اللي تبني بيه دارك"

[yahia1921]

الجزائـ عشقي ــر
****
اختي احترم رايك وكل ما لتيه
لكن كون جيتي في بلاصة اي واحد منا كان راح يتبدل رايك
والله العظيم ماهي ساهلة
وماشي الناس اكل كيما راكي تحسبي يقعدو في المقاهي ويعمرو راسهم بالبنات
انا نعرف انو البابا هي الصح

[brotherhood]

حنا رانا نهدروا غير الصح

لدلك ماراهيش حاكمة لان هادي الدنيا تمشي بالعوج وراك تشوف حكاية فلسطين و العراق

ديجا راهم بعتولي زوج رسائل تحدير

مابقاش بزاف و يحجبوني ...دوماج في بلاد البلطجية

[ouna2006]

ربي يوفق الجميع

[brotherhood]

المشاركة الأصلية كتبت بواسطة الجزائـ عشقي ــر

يعجبني المثل القائل:
لا تنظر الى الجزء الفارغ من الكأس
ما تتحدث عنه و عن معاناتك امر طبيعي فكل من يعاني عليه ان يعبر عما يخالجه
و عليه ان يبحث عن حل لذلك
كل منا يعاني لكن لكل واحد منا معاناته الخاصة
فقد ترى ما لدى غيرك نعيما في حين انه الجحيم بعينه
و قد يرى غيرك انك افضل منه في حين انك غير راض
***
بعيدا عن عيوب الجيش و الوزراء و غيرهم على كل شخص ان يبحث عن حل لنفسه بدل مراقبة هذا و ذاك
هناك الكثير من الشباب من وجدوا حلولا لانفسهم
نعم تعبوا و عانوا لكنهم وصلوا
***
انا معك في ان الجزائر لن تتطور لان من يعمل كمن لا يعمل
فالكل يسعى وراء منصب عمل لكن بمجرد الحصول عليه تجده يبحث عن عطلة او طريقة حتى لا يعمل
يريد راتبا لكن بدون جهد
ففي البداية كان يتمنى منصب عمل و عندما حصل على المنصب بدا ينظر لزملائه و رواتبهم فقل مجهوده لان راتبه اقل
علينا ان نضع قبعات تثبت نظرنا الى الامام فلا ننظر لغيرنا و ما وصلوا اليه
على كل منا ان يحاول التقدم غير مبال بغيره
لكن هذا غير ممكن و بالتالي سيظل الجميع يعانون جراء افكار .. هم صنعوها
***
قبل ان انهي كلامي اقول
ان اجمل الذكريات لكل منا هي تلك اللحظات التي تعبنا فيها لنصل لمبتغانا
لحظات صبرنا و المنا تعذبنا في وقتها لكنها فيما بعد تتحول الى ذكرى جميلة
الله يحقق للجميع ما تمنوه
تحيتي لكم

بارك الله فيك يا الاخ ...

راك صحيح في كل شيء لكن انا اعيب الدولة ومن ورائها المسؤولين فقط

هم اللي غرسوا فينا هذه الافكاء...الهدرة و يوقلك راهي تاع البايلك...راهي تاع الدولة خلي تروح ...

و راك تشوف درك في القوانين اللي تفرق في الشعب...هذا حفيد شهيد اعطيه الدراهم...هدا ابن مجاهد

خفضلوا في الانترنت ...هدا عسكري ...هادي ام عازبة اعطيها شهرية باش توسع النشاط الخيري ديالها ...

سبحان الله...جامي صرا الشيء هدا غير في الجزائر ليس حبا فيها لكن لكي لا تتقدم فحكامنا هم ابناء فرنسا

و راهم يتبعوا في سياسية ديغول الذي عمل بواسطة مشروع قسنطينة على تشكيل مجموعة او طبقة من

البرورجوازية لتكون ناطقة باسم الشعب الجزائري ...راهم كيفوا بل اضلوا سبيلا ...

درك علابلهم الشعب مش راح ينتخب و مش راح يخدم حاجة تصلح...لدلك راهم يقسموا في الشعب

باش يستغلوا تلك الفئة في الانتخابات و في الاعراس و الافراح و الفضائح لتقنينها ...

صح المسؤولين راهم طاعلين من وسط الشعب ...لكن اين يكمن الخلل يا الاخ ؟؟ يسال أحدهم :d

[أسامة الزمالة]

اولا ربي يكون في العون اخ جندع

[tlemsani mahmoud]

sahite hado homa rejal
hata ana licencier w f galbi bech njawzeha
wellah ferahtni
tahya jazayer
li ma yedirche l'armée mechi rajel
sahite

[هزيم 07]

المشاركة الأصلية كتبت بواسطة walid1005

صبر روحك خو نبقس قاعد ومنعقبهمش ولا ولات محتمة ندير كنترا ربع سنين خبر انا عندي لاكرت جون بصح كون دخلت في مارس خير وتخرج في سبتمبر راك غالط

إذا كان الكلام من فضة فالسكوت من ذهب قل خيرا او اصمت
انا كملتو العام الماضي بقدر وحرمة وتعرفت على رجالة من ذهب وتعلمت فيه عدة اشياء رائعة اقلها إستعمال السلاح(سيمينوف, كلاشينكوف’ الاف ام’ الاربيجي.....)