هل انا متاخرة?????

[الدرر البهية]

لا لا حنونة مزال الحال للاستسلام
اولا ادهبي فيديوهات للنت
استاد مولاي عمر و الاستاد شريفي مااااشاء الله
حاولي مع سلسلة الهباج في الفيزياء و العلوم و الرياضيااات و الفرنسية و الله كافية للفهم ماشاء الله
ادا لم تفهمي افتحي لنا موضوع و ان شاء الله رانا معاك
وكاين تاني اساتدتك اكيد لن يبخلو عليك
بعد الفهم استعملي احمد امين خليفة فالعلوم هااايل
و المغني في الفيزياء
و المغني في الرياضيات
اي تمرين او اشكال ضعيه لنا و نتناقش فيه
و حاولي ايضا في البكالوريات و الله افادتني كثيراا
انت لها و تستطيعين ان تحققي الامتياز فقط
ضعي الياس جانبا و اعملي
اسفة كثرة الهدرة امل انني افدتك
بالتوفيق

[الدرر البهية]

بالمناسبة مواد الحفظ ميقلقوكش قاع بيسك وحدة نعرفها في الشهر التالي كملت التاريخ و الجغرافيا مع المصطلحات و الشخصيات
و الاسلامية مع الفلسفة شهر وشوي
لكن لا تفهمي انني اقول لك اجلي الحفظ
باش يطلعلك المورال و تعرفي بلي مزال الحال

[DR.MOHAMMED EL AMINE]

توكلي على الله ثم انطلقي
أنصحك بتدارك الدروس التي فاتتك بتعويضها من دروس من الانترنت حيث يوجد اساتذة كفء حيث الرياضيات هناك الاستاذ نور الدين والفيزياء هناك الاستاذ عمار مولاي والعلوم أستاذة مقدمة من طرف وزارة التربية موجودة في اليوتيوب وذلك مزامنتا مع متابعة دروسك في القسم وباذن الله تعالي ستتداركي هذا الامر لان الوقت كافي لتدارك ما فاتك
وعذرااا عن الاطالة

[المُعادلة الصّعبة]

السّلام عليكم اهلاً سمسومه ان شاء الله تكوني مليحة ؟
اولاً الحمدلله أنك خرجتي من فترة الظروف الصعبه لي واجهاتك نتمنى تكون انتهات كليًا وماتزيدش ترجع اصلاً
احمدي ربي دوما انها انتهت اليوم قبل غدوة
يعني مزال قدامك ياسر باش تعوضي وتتداركي
صح بما أنك شعبة رياضيات لي يهمك رياضيات وفيزيا اكثر شي
فالرياضيات ننصحك تتبعي فيديوهات استاذ نورالدين تاع من الالف الى الياء
قسمي وقتك مليح خلي فتره تفهمي فيها الدوال الاسية مليح من فيديو الالف الى الياء يعني طويل فيه 5 سوايع اعرفي كيفاه تقسميها وتشوفيها على ايام اذا كنت سريعة الملل
وكي تكملي تفهميها حلي سلسلة مصطفاي الرائعه المرفقة بالحل اللي اذا حليتيها تتقدمي جدا فالدوال الاسية وتولي تقدري تحلي اي دالة تقريبا
نفس الشي بالنسبه للدوال اللوغاريتميه بعدما تكملي الاسيه فهمي اللوغاريتميه رح تجيك ساهله لانها شبيهة بالدالة الاسية و هي الدالة العكسية ليها وكذلك حلي سلسلة مصطفاي هايله بالحل تاعها
يعي هاذا كامل لازم في غضون الشهرين هاذو قبل عطلة الشتا !!! وكل ما تقدمتي اكثر كل ما نقصتي عليك اكثر
كي توصل عطلة الشتاء اتهلاي مليح في محور الجبر وخلطي معاه الدوال حلي البكالوريات تاع الدوال الاسية واللوغاريتميه و
التمارين المهم
صح بالنسبة للفيزيا تبعي استاذ شريفي رابح روووعة روووعة و اذا لقيتي فيديوهات ناقصين كملي من استاذ مولاي عمار
لازم في غضون الشهرين هاذو تهتمي غير بالوحدة الاولى والثانية ما تمسيش الثالثه قاع حتى توصل عطلة الشتا
افهميهم مليح و ابداي حلي من المغني والبكالوريات والمراجعه النهائيه وصدقيني تمشي بزاف فالبرنامج
كي توصل عطلة الشتا باشري فالوحدة الثالثه والرابعه لانكم رح تدخلولها نورمالمو
الامتياز مايذهبش يا جميله اذا كنتي قوية وحاباتو صح ، لانو مزال الحال جدا
ما يهمكش فالكلاسا وين وصلت فالدروس وماتهتميش للي يقولك راكي روطار ولا انا حفظت كذا وكذا ولا حليت كذا تمرينات
همك غير روحك انتي ادرى بالظروف اللي واجهاتك وبصعوبتها و عذرك معك
بالنسبه لبقية المواد حاولي تحفظي يوميا زوز دروس اذا كان راسك خفيف
شريعه ساهله جدا احفظي من جمال مرسلي نوضي الصباح احفظي عالاقل زوز دروس فالنهار ولا درس
وكي توصل عطلة الشتاء كثفي المجهود اكثر "زيدي فالريتم"
بقية المواد كيما اللغات والادب والعلوم والفلسفه خصصيلهم وقت معين اللي يخرج عليك مثلا اذا ماتقرايش عشية الثلاث خصصيه كل سمانه لمادة منهم وهاكاالمهم تعرفي كيفاش تقسمي وقتك
علوم ننصحك بفيديوهات استاذ بن خريف مصطفى فالوحدة الاولى مفيده جدا ، وسلسلة ابوالريش تكفيك خلاص
فلسفة منهجية الاستاذ شهاب اقرايها في عطلة الشتا
الادب والانجليزية والفرنسيه اعتمدي على الملخصات ،، انجليزية اذا تقدري استعملي مرجع المراجعه النهائيه "كي تلقايلها وقت"
واخيرا ، نتمنى اني افدتك ؟
غضتيني والله ما شتيتهالك ماتستاهليش ، ولكن ماتدري لعله خير
ربي يسهللك ويسهللنا جميعا باذن الله
تنسايش ادعي برك
بالتوفيق

[الدكتورة الانيقة]

المشاركة الأصلية كتبت بواسطة الريانة الطموحة

السّلام عليكم اهلاً سمسومه ان شاء الله تكوني مليحة ؟
اولاً الحمدلله أنك خرجتي من فترة الظروف الصعبه لي واجهاتك نتمنى تكون انتهات كليًا وماتزيدش ترجع اصلاً
احمدي ربي دوما انها انتهت اليوم قبل غدوة
يعني مزال قدامك ياسر باش تعوضي وتتداركي
صح بما أنك شعبة رياضيات لي يهمك رياضيات وفيزيا اكثر شي
فالرياضيات ننصحك تتبعي فيديوهات استاذ نورالدين تاع من الالف الى الياء
قسمي وقتك مليح خلي فتره تفهمي فيها الدوال الاسية مليح من فيديو الالف الى الياء يعني طويل فيه 5 سوايع اعرفي كيفاه تقسميها وتشوفيها على ايام اذا كنت سريعة الملل
وكي تكملي تفهميها حلي سلسلة مصطفاي الرائعه المرفقة بالحل اللي اذا حليتيها تتقدمي جدا فالدوال الاسية وتولي تقدري تحلي اي دالة تقريبا
نفس الشي بالنسبه للدوال اللوغاريتميه بعدما تكملي الاسيه فهمي اللوغاريتميه رح تجيك ساهله لانها شبيهة بالدالة الاسية و هي الدالة العكسية ليها وكذلك حلي سلسلة مصطفاي هايله بالحل تاعها
يعي هاذا كامل لازم في غضون الشهرين هاذو قبل عطلة الشتا !!! وكل ما تقدمتي اكثر كل ما نقصتي عليك اكثر
كي توصل عطلة الشتاء اتهلاي مليح في محور الجبر وخلطي معاه الدوال حلي البكالوريات تاع الدوال الاسية واللوغاريتميه و
التمارين المهم
صح بالنسبة للفيزيا تبعي استاذ شريفي رابح روووعة روووعة و اذا لقيتي فيديوهات ناقصين كملي من استاذ مولاي عمار
لازم في غضون الشهرين هاذو تهتمي غير بالوحدة الاولى والثانية ما تمسيش الثالثه قاع حتى توصل عطلة الشتا
افهميهم مليح و ابداي حلي من المغني والبكالوريات والمراجعه النهائيه وصدقيني تمشي بزاف فالبرنامج
كي توصل عطلة الشتا باشري فالوحدة الثالثه والرابعه لانكم رح تدخلولها نورمالمو
الامتياز مايذهبش يا جميله اذا كنتي قوية وحاباتو صح ، لانو مزال الحال جدا
ما يهمكش فالكلاسا وين وصلت فالدروس وماتهتميش للي يقولك راكي روطار ولا انا حفظت كذا وكذا ولا حليت كذا تمرينات
همك غير روحك انتي ادرى بالظروف اللي واجهاتك وبصعوبتها و عذرك معك
بالنسبه لبقية المواد حاولي تحفظي يوميا زوز دروس اذا كان راسك خفيف
شريعه ساهله جدا احفظي من جمال مرسلي نوضي الصباح احفظي عالاقل زوز دروس فالنهار ولا درس
وكي توصل عطلة الشتاء كثفي المجهود اكثر "زيدي فالريتم"
بقية المواد كيما اللغات والادب والعلوم والفلسفه خصصيلهم وقت معين اللي يخرج عليك مثلا اذا ماتقرايش عشية الثلاث خصصيه كل سمانه لمادة منهم وهاكاالمهم تعرفي كيفاش تقسمي وقتك
علوم ننصحك بفيديوهات استاذ بن خريف مصطفى فالوحدة الاولى مفيده جدا ، وسلسلة ابوالريش تكفيك خلاص
فلسفة منهجية الاستاذ شهاب اقرايها في عطلة الشتا
الادب والانجليزية والفرنسيه اعتمدي على الملخصات ،، انجليزية اذا تقدري استعملي مرجع المراجعه النهائيه "كي تلقايلها وقت"
واخيرا ، نتمنى اني افدتك ؟
غضتيني والله ما شتيتهالك ماتستاهليش ، ولكن ماتدري لعله خير
ربي يسهللك ويسهللنا جميعا باذن الله
تنسايش ادعي برك
بالتوفيق

مرسي مرسي مرسي مرسي ريووووووونة حليتيلي المشكل تاااعي ربي يحفظك ويوفقك

[مروة المبدعة]

السلام عليكم اختي
كمتحصلة على البكالوريا اريد ان انصحك اختي لا تستسلمي ابدا ابدا هنا ك الكثيرمن الفيديوهات لتبداي دروسك من الصفر اتذكر في العام الماضي انني كنت احضر الدروس من بداية العام الدراسي وحتى الدروس الخصوصية ولكنني لم اكن استوعب شيئا وحتى زملائي كنت اندهش في مشاركاتهم مع الاساتذة ونشاطهم مع الاساتذة ولكن ما ان تسالهم الاستاذة سؤال يحبسوا يعني لا تندهشي منهم حاولي ان تستدركي ما فاتك من خلال الانترنت فهناك كل شيء تحتاجيه اذكر انني اضطررت لاعيد كل دروس الوحداة الاولى في اخر العام الدراسي وقد نجحت بذلك تذكري ان مفتاح النجاح بيدك انت فقط غاليتي وبالتوفيق