اللحم المفوّر و محمّر ..................على طريقة زُخْرُفَةٌ

[zokhrofa]

السلام عليكم و رحمة الله وبركاته


اليوم جيتكم بوصفة في الحقيقة الكثير يعرفوها لكن الخطوات الاخيرة ما ضنيتش كامل لي يديرو اللحم المفور يديروها ههههه

لذلك اقراو حتى الاخير


المهم

الوصفة :

لحم

في قدرة حطي ماء حتى يلحق النصف طبعا على حسب كمية اللحم

اذا قطع كبار من الاحسن حتى 3 لتر او اربعة

حطيها فوق النار كي يبدا يغلي

حطي الكسكاس

لي تكوني حطيتي فيه

اوّلا بصل مقطع دوائر

ثم لوبيا ماشطو

اذا ما عندكش حطي قرعة خضرة

اذا ما عندكش حطي جزر

من بعد حطي اللحم

ذرذري فوقو الملح + فلفل اسود + كمون + بهار خاص باللحم + رند + زعيترة + زعتر و عود قرفة صغييييييييير + سنات تاع الثوم


و خليه يفور حتى تشوفي انو اللحم طاب مليييييييييييييييييييييييح مليح

من بعد نحي اللحم من الكسكاس

في مقلات ديري زيت و زبدة و حمريه حتى يتحصل على لون ذهبي كيما يحب الخاطر

و من بعد نحيه و حطيه في طبق

احكمي هذيك الخضر و حمريها في نفس المقلات

و من بعد حطيها في طبق التقديم و فوقها اللحم

زينيهم بقطع الليمون

الصورة للأسف ما عنديش من بعد ادرجها ان شاء الله


المرحلة المهمة من كل هذا

هو الماء لي يبقالنا بعد ما فار اللحم

خليه في الكوزينة حتى يبرد تماما

دخليه كيما راه في الثلاجة يعني في القدر

غدوة من ذاك او في اليوم لي حابة تستعمليه خرجيه

راح تلقايه دار طبقة من الشحم نحيها

و الماء الباقي ديري بيه شربة او حريرة

يعني زيديلو فقط طماطم مصبرة و ربطة قصبر و كي يغلي مليح ارمي فيه الفارميسال


او تقدري ديري بيه شربة عدس

او حريرة

كيما تحبي المهم ما ترميهش