الذين مروا على المحكمة

[mustapha34]

المشاركة الأصلية كتبت بواسطة net87

بارك الله فيك أخي و إن شاء الله نعفى جميعا.
من فضلك عندي بعض الأسئلة ،أي محكمة ناحية مررت بها ؟
مانوع ملفك الطبي و على ماذا يحتوي ؟!
و هل دفعت النسخ الأصلية أم طبق الأصل ؟!
و كاين لي هزوهم مباشرة ولا ماكنش؟
ربي يجازيك خويا

- مررت عل تاع قسنطينة
- ملفي خاص بامراض داخلية متعلق بالمعدة ههه جبتلو شهادات حتي من 2004
اعطيتلو الاصلية لكن في الاخير قبل ما يعطولي موعد للفحص المضاد احكم غير اخر شهادة طبية تاع 2014 ورجعلي كل الباقي ...يعني يتحقو اسكو مازالك متضرر من المرض لحد الان ...مي انت دير نسخ عل الاصلية في حالة حكمو كلش
- ما ظنيتش كاين لي داوهم ديراكت والله اعلم ما تقدرش تتبين حالة العاصيين اللي ثما

[samsoum_84]

mohammeding

-اخي الكريم انا تاني تابع لمحكمة البليدة وراني عاصي رح ندير عملية جراحية حبيت نسقسي وين يديرو الفحص المضاد في بليدة ولا في الكازيرنة -

-سلام أخي أنا كنت في المحكة البليدة أكتوبر 2014 الاسئلة تاع القاضي علاه مرحتش؟ هدا وش يسكسيك
-و لي جايبين ملفات عائلي او مرضي كلهم مرفوضين ، في الليل كلنا التقينا في الثكنة محبوسين في transite مدة 8 أيام و الفحص المضاد درناه في batna barika اذا طبيب الثكنة قبل الملف يوجهك الي المستشفى قسنطينة و هنا لك أمل كبير 99%
- و الله أعلم لكن تيقن أن العسكر كل صباح و طريقة جديدة كي يتبدل الشخص تتبدل معاه كلش

[net87]

المشاركة الأصلية كتبت بواسطة mustapha34

- مررت عل تاع قسنطينة
- ملفي خاص بامراض داخلية متعلق بالمعدة ههه جبتلو شهادات حتي من 2004
اعطيتلو الاصلية لكن في الاخير قبل ما يعطولي موعد للفحص المضاد احكم غير اخر شهادة طبية تاع 2014 ورجعلي كل الباقي ...يعني يتحقو اسكو مازالك متضرر من المرض لحد الان ...مي انت دير نسخ عل الاصلية في حالة حكمو كلش
- ما ظنيتش كاين لي داوهم ديراكت والله اعلم ما تقدرش تتبين حالة العاصيين اللي ثما

شكرا جزيلا لك أخي
ربي يفرج علينا ، آمين
و لا تنسى تخبرنا بكل جديدك - لي رايح يكون خير ان شاء الله-
شكرا مجددا.

[bibers12]

انا رحت لمحكمة المرسى الكبير وهران اجراءات عادية وكان عندي ملف كفالة ****** متكفل بعمتي وزجها والكفالة استخرجتها من البلدية + توصية خفيفة غير باش ما يهبطونيش لترانزيت وبعدها مويلح المهم
المساعد لي شد من دوسي على 9.00 صباحا قالي بالحرف الواحد مهندس هارب من الخدمة تمسخر بينا امشي تيييييييييييييييييييييت راك عسكري من دورك خفت شوي من غبينة نتاع الترانزيت ومبعد اطلع و اهبط من مكتب لمكتب يعاودولك نفس الاسئلة شحال خاوتك واش يديرو الوضعية نتاعهم اتجاه الخدمة
بعد كل هذا اعطاوني رسالة قالولي ديها للدرك الوطني في بلديتكم واني موضوع تحقيق اجتماعي ومع انو التحقيق كان في صالحي وصلني استدعاء من المحكمة واعطاوني وثيقة حفظ ملف وعدم متابعة معناها البراءة من تهمة العصيان
واعطاوني الملف نتاعي جبتو للمكتب الجهوي تيارت بعد ساعة اخبرني انوا ما ما عنديش الحق فالكفالة وقالي روح لداركم حتى توصلك لوردابل

[mohammeding]

المشاركة الأصلية كتبت بواسطة samsoum_84

mohammeding

-اخي الكريم انا تاني تابع لمحكمة البليدة وراني عاصي رح ندير عملية جراحية حبيت نسقسي وين يديرو الفحص المضاد في بليدة ولا في الكازيرنة -

-سلام أخي أنا كنت في المحكة البليدة أكتوبر 2014 الاسئلة تاع القاضي علاه مرحتش؟ هدا وش يسكسيك
-و لي جايبين ملفات عائلي او مرضي كلهم مرفوضين ، في الليل كلنا التقينا في الثكنة محبوسين في transite مدة 8 أيام و الفحص المضاد درناه في batna barika اذا طبيب الثكنة قبل الملف يوجهك الي المستشفى قسنطينة و هنا لك أمل كبير 99%
- و الله أعلم لكن تيقن أن العسكر كل صباح و طريقة جديدة كي يتبدل الشخص تتبدل معاه كلش

اخي الكريم لما تخرج من عملية جراحية و تروح للمحكمة بعد ايام فقط وانت لم تشفى هل يمكن ان يدوك للترانزيت و يدوك للثكنة هل يمكن ان يمدولك سورسي على الاقل حتى تشفى ويبعثولك اوردابال انا اذا لم اعفى يكفيني سورسي المهم نتهنى من وضعية العصيان

[net87]

المشاركة الأصلية كتبت بواسطة mustapha34

غير الخير أخي ، كيف كانت النتيجة في المستشفى العسكري ؟
إن شاء الله غير الخير.

[nour4]

سلام يا جماعة حاب نسقسيكم انا راني عاصي وقالولي العام اللي فات نعطوك ورقة تروح للبليدة للمحكمة هذا العام عقبوني في الدراسة نكمل ماستر علما اني كنت منقطع في الدراسة من سنة تخرجي 2011 وعندي الان شهادة مدرسية سنة اولى ماستر وووووووووووووووووووووووووواش نعمل دلووووووووووووووني

[net87]

المشاركة الأصلية كتبت بواسطة mustapha34

كيف هي أحوالك أخي ؟ و أي مصلحة مريت عليها في المستشفى العسكري.

[Makhlouf Mysterio]

سلام عليكم
أنا من مواليد 1994اجتزت فحص الطبي الانتقائي 2013
مشكل لحد الان لم يصلني الاستدعاء و لا اي شئ كما لدي مستوى ثانية ثانوي و طولي 1.65 و وزني على ما أعتقد 54 كلغ

[azzoun abdelouahab]

khawti rani inssumé ou 3andi dossier médical ou dossier kafala
mais le dossier médicale trafiqué
1- wache nehat dosssier médicale wala kafala
2- wida hatit dossier médicale ta3 lazme kifah tesra fe tribunal
3- ana taba3 tribunal blida
4- wachnou howa le moment limlih bah nerouh le tribunal

[azzoun abdelouahab]

khawti rani inssumé ou 3andi dossier médical ou dossier kafala
mais le dossier médicale trafiqué
1- wache nehat dosssier médicale wala kafala
2- wida hatit dossier médicale ta3 lazme kifah tesra fe tribunal
3- ana taba3 tribunal blida
4- wachnou howa le moment limlih bah nerouh le tribunal

[jallaljallal]

أخي الكريم قبل مرورك على المحكمة إحرص على أخد ملف صحي قوي وجيد حتى يقنع الوكيل بملفك ومن بعد يعطيك أمر بالخبرة الطبية حيث تذهب إلى المستشفى العسكري وتجري الفحص عند الطبيب المختص. إنشاء الله تخرج إعفاء