انصحوني مادا افعل مع زوجي

[الألماسة]

المشاركة الأصلية كتبت بواسطة عبد الغني 75

السلام عليك يااخت
الأمور التي تعاني منها بسيطة جدا لا تستدعي ابدا هذه الشكوى لا نعطي

الموضوع فوق حقه
سلام

يا اخي الكريم كيفاش مشكل بسيط؟
اخت زوجك اللي ما عندها حتى حق عليك تتحكم فيك و زوجك يشوف و ساكت؟
و هذا الزوج ما هوش راجل اصلا لانه يهدد في زوجتو بالطلاق
راهي الزوجة متحملة اكثر من اللزوم
-عمل في الخارج
-اعمال البيت
-سيطرة نساء
-قهر الزوج اللي هو اكبر شي و يسبب ضغط نفسي
-ممنوعه حتى من الرد عليهم
علاش ؟
هذه عبودية
و انا راني نحكي لاني عايشة الموقف و نعرف واش راهي تحس
حسبي الله و نعم الوكيل في هكذا زوج و هكذا حماة
ترضى لكنتها ما لا ترضاه لابنتها
حسبي الله و نعم الوكيل

[loufa]

المشاركة الأصلية كتبت بواسطة عبد الغني 75

لا حول و لا قوة الا بالله
ما هذا الهيجان الغضب نزغة من نزغات الشيطان
أإسأل ربك كلمة الإخلاص في الرضا والغضب
ماذا تريدين بتدخلك هذا الطلاق و تشتيت الأسرة و تحطيم كيانها
أستغفر ربك يا أخت

وما شانك يا هذا
احدثتك انا ؟
غريب امرك اشققت على قلبي لتعرف نيتي

لا تعلم حجم المعاناة النفسية التي تمر بها هذة الزوجة
لا اريد الطلاق لكن اين هم اهلها نعم اهلها واش يمدو بنتهم ويتهناو والاخرين يتحكمو ويعاودو هذا راجل او تقشير يمشي
وانت شفت غير رايي انا وزوجها اللي يهددها بالطلاق مشفتوش انت

استغفر انت ربك واياك ان تحدثني مرة اخرى والا كانت اجابتي اقسى عليك يا هذا الذي تدعي انك تخاف ربي

[lasasami]

كون تتفاهم لعجوز ولكنة يدخل بليس للجنة

[عبد الغني 75]

المشاركة الأصلية كتبت بواسطة loufa

وما شانك يا هذا
احدثتك انا ؟
غريب امرك اشققت على قلبي لتعرف نيتي

لا تعلم حجم المعاناة النفسية التي تمر بها هذة الزوجة
لا اريد الطلاق لكن اين هم اهلها نعم اهلها واش يمدو بنتهم ويتهناو والاخرين يتحكمو ويعاودو هذا راجل او تقشير يمشي
وانت شفت غير رايي انا وزوجها اللي يهددها بالطلاق مشفتوش انت

استغفر انت ربك واياك ان تحدثني مرة اخرى والا كانت اجابتي اقسى عليك يا هذا الذي تدعي انك تخاف ربي

ان جوابك لباب الشر مفتاح و الأسد تخشى و هي صامتة فلن أجيبك بعد الحين ابدا

[loufa]

المشاركة الأصلية كتبت بواسطة عبد الغني 75

ان جوابك لباب الشر مفتاح و الأسد تخشى و هي صامتة فلن أجيبك بعد الحين ابدا

ومن تكون انت حتى تحكم على رايي هكذا
اخبرتك في ردي السابق ان لا تحدثني وقد فعلتها فنصيحتي لك الاخر


لا تنه عن خلق وتاتي مثله عار عليك اذا فعلت عظيم

فربما انت تشبه زوجها ؟؟؟؟؟؟؟؟؟!!!!

[FATIMANOOR]

نصيحتي ليك هي الصبر ثم الصبر ثم الصبر
_ عندك عام برك زواج صرالك هاك و كيفاه باغيا تتحملي المسؤولية و مازال الاولاد و و و ........ولا حاسبة الزواج قصة حب و ثوب ابيض و سعادة دائمة و خلاص
_بالنسبة للعمل، نهار لي قررتي تخدمي عارفة روحك تجي تلقاي صوالح الدار يسناو فيك سواءا سكنتي وحدك ولا فدار شيخك مالا لازمك تنظمي روحك و ما تتكلي على حتا واحد و توفقي بين دارك و خدمتك وما تقوليش تعبت راها دارك اولى و نتي حابة تخدمي
_اخت زوجك يجي نهار لي تتزوج فيه مالا ديريها ماكانش و ما تحاسبيهاش و كوني ساجيا عمرها الصالحة ما تلصق فاليد
_اختو المتزوجة كي تجيكم عامليها كي ضيفة وجبي معاها و حطي بين يديها قالعزيزة و عمرك ما دخليها بينك و بين راجلك و ديري مشكل علا جالها
_امو عامليها كيما امك و مهما دارتلك ما ديريش عليها و ما تيحيش لقدر بيناتكم و مهما سمعوك كلام ديري روحك ما سمعتيش و خرجي من فمك قا لكلمة الزينة
_شيخك ديريه كي باباك تهلاي فيه و قدريه و لمودة الزينة دايما ليه...
_اهلك عمرك ما توصليلهم لهدرة و دخليهم في مشاكلك قال راني لاباس الحمد لله و ما تزيديش لاخاطر اذا حكيتيلهم المشكل رايح يكبر و القلوب تشيان و النساب يتحاقدو و يطيح العيب ... مالا شدي لسانك و خليهم زينين و ما توصليهمش لبعضاهم
اما بالنسبة لراجلك راه جا بين نارين و تحرق نتي من جيهة و ضغط اهلو من جيهة، ما يقدر ش يعطيك الحق علا حساب اهلو هذيك هي هدك بالطلاق يقول تخاف و تساعفني و تقعد معا دارنا لخاطر كي يعطيك الحق معناها راه يقول اهلي شينين و كي تقوليلو ديرلي دار وحدي ما يوليش عندو عذر و هو ما ينجمش فالوقت الراهن و ما يقدرش يقولك السبب بالاك قالولو ما ديرش كوزينة عدنا ... الله اعلم بصح راني متاكدة بلي في غيبتك يدافع عليك
و ما دامو وعدك يجي نهار لي يوفي و ميش قا حنا نحبو نديرو ديار حتى الرجال يحبو يسكنو وحدهم و يتمتعو بخصوصيتهم و يربو ولادهم كيما يحبو و وو... الضروف برك راها صعيبة
_و نزيد ناكد معاك على الصبر راكي طولي ولا تقصري تاليتك ديري دارك وحدك و كلش يفوت يبقا قا العيب مالا ما تربحيهش
_نتمنى نكون افدتك و ربي يوفقك و يعطيك الهنا و يحفضلك راجلك و يرزقكم ذرية صالحة و السلام عليكم

[الجنة الجنة]

في كل مرة تلقاي الوقت مناسب كلمي زوجك في الموضوع حتى يهديه ربي خاطر يجي وقت وين يفهم الشي راكي تسوفري منو بصح شوفي لاوقت المناسب خاطر كي يكون مقلق اكيد راح يقلك اذا كلمتيني في الموضوع نطلقك وما تنساي تذكريه بواش قال رسولنا الكريم استوصوا بالنساء خيرا ووليلو بلي راك اخلفت وعدك لانو في بداية الامر قتلي راح نسكن في سكن منفرد
ربي ييسر امورك ويرزقك الصبر يا رب

[عبد الغني 75]

المشاركة الأصلية كتبت بواسطة fatimanoor

نصيحتي ليك هي الصبر ثم الصبر ثم الصبر
_ عندك عام برك زواج صرالك هاك و كيفاه باغيا تتحملي المسؤولية و مازال الاولاد و و و ........ولا حاسبة الزواج قصة حب و ثوب ابيض و سعادة دائمة و خلاص
_بالنسبة للعمل، نهار لي قررتي تخدمي عارفة روحك تجي تلقاي صوالح الدار يسناو فيك سواءا سكنتي وحدك ولا فدار شيخك مالا لازمك تنظمي روحك و ما تتكلي على حتا واحد و توفقي بين دارك و خدمتك وما تقوليش تعبت راها دارك اولى و نتي حابة تخدمي
_اخت زوجك يجي نهار لي تتزوج فيه مالا ديريها ماكانش و ما تحاسبيهاش و كوني ساجيا عمرها الصالحة ما تلصق فاليد
_اختو المتزوجة كي تجيكم عامليها كي ضيفة وجبي معاها و حطي بين يديها قالعزيزة و عمرك ما دخليها بينك و بين راجلك و ديري مشكل علا جالها
_امو عامليها كيما امك و مهما دارتلك ما ديريش عليها و ما تيحيش لقدر بيناتكم و مهما سمعوك كلام ديري روحك ما سمعتيش و خرجي من فمك قا لكلمة الزينة
_شيخك ديريه كي باباك تهلاي فيه و قدريه و لمودة الزينة دايما ليه...
_اهلك عمرك ما توصليلهم لهدرة و دخليهم في مشاكلك قال راني لاباس الحمد لله و ما تزيديش لاخاطر اذا حكيتيلهم المشكل رايح يكبر و القلوب تشيان و النساب يتحاقدو و يطيح العيب ... مالا شدي لسانك و خليهم زينين و ما توصليهمش لبعضاهم
اما بالنسبة لراجلك راه جا بين نارين و تحرق نتي من جيهة و ضغط اهلو من جيهة، ما يقدر ش يعطيك الحق علا حساب اهلو هذيك هي هدك بالطلاق يقول تخاف و تساعفني و تقعد معا دارنا لخاطر كي يعطيك الحق معناها راه يقول اهلي شينين و كي تقوليلو ديرلي دار وحدي ما يوليش عندو عذر و هو ما ينجمش فالوقت الراهن و ما يقدرش يقولك السبب بالاك قالولو ما ديرش كوزينة عدنا ... الله اعلم بصح راني متاكدة بلي في غيبتك يدافع عليك
و ما دامو وعدك يجي نهار لي يوفي و ميش قا حنا نحبو نديرو ديار حتى الرجال يحبو يسكنو وحدهم و يتمتعو بخصوصيتهم و يربو ولادهم كيما يحبو و وو... الضروف برك راها صعيبة
_و نزيد ناكد معاك على الصبر راكي طولي ولا تقصري تاليتك ديري دارك وحدك و كلش يفوت يبقا قا العيب مالا ما تربحيهش
_نتمنى نكون افدتك و ربي يوفقك و يعطيك الهنا و يحفضلك راجلك و يرزقكم ذرية صالحة و السلام عليكم

السلام عليك
بارك الله فيك يا طيبة و يا حرة ابنت حر هذه هي النصيحة الحق و الدين نصيحة جعلها الله في ميزان حسناتك
سلام

[اياد حياتي]

يا أختي صبري عندكم عام زواج وأكيد ما زالت تتفاهمو اكيد عاملي زوجك بحسن وخليه يشوف الأمور بعينيه والله راني حاسة بيك الأمر معقد وخاصة انك عاملة حتى انا راني نسوفري خصوصا مع وليد كبري قلبك بصح خلي انت ايضا عندك قراراتك ماشي يتحكمو فيك عاملي عجوزتك باحترام والباقي الله يسهل عليه ماشي حماتك تشرط عليك تروحي بسيف اذا قلت لا يعني لا ابرزي شخصيتك انا منيش نشعل فيك بصح بالتي هي أحسن واخت زوجك يجي مكتوبها اذا حابه زواج وانا الي قاتلي والله مانزوج نقعدك فالدار وماهيش دارك كبري قلبك وربي يفرج عليك وعليك بالاستغفار والله تجيب نتيجة.

[النائلية الأصيلة]

المشكل انو البنت تتحكم في الام و الام تتحكم في الابن و الزوجة هي اللي تخلص و تلقى روحها تحكم فيها وحدة كيما هي وربما اصغر منها وغالبا ما نلقاو الحماة تحس غير ببناتها وتحبلهم يستقروا في سكن خاص واللي في مع اهل الزوج مايحقلهاش مام با تمرض حاشا البعض طبعا الله يعينك

[nadine0159]

ربي يهدينا و يهدي ازواجنا و الله يا اختي كل وحدة وكيفاش كاين وحدة تلقى العجوز ناس ملاح و الشايب تاني و راجلها صعيب كيما حالتي و ساعات تلقاي العكس و تاكدي دائما انو الزوج يرد مع اهلو خاصة في بداية الزواج متى يتبدل كي يكونو عندو اولاد تما يبدا يخمم في الاستقرار
كوني ذكية وماتشكيش لداهلك لانني انا اقترفت خطا كيما هاذا وندمت شوهت صورة زوجي عند اهلي بالشكاوي و من المفروض هو شريك حياتي اليوم يكون مليح ومانستناش كل يوم يكون مليح المهم اصبري لانك ستتحررين يوما و ادعي ربي تخرج نهائيا بدار منفصلة و ما تبقايش تما اما اخوات زوجك اقتليهم بالصماتة اللي قاعدة في الدار اما اللي متزوجة عامليها كضيفة اما شغل البيت انا نقولك ربما انت منذ البداية ولفتيهم بلي ديري كل شيئ لقاوها مليحة و خلاولك كل المسؤولية وربي يسهلك و يزهيلكم ايامكم و الغيرة تاني عندها دور كبير مالا تعاملي مع الامور بحكمة ولازم زوجك ينزع كلمة نطلقك من قاموس حياتو

[nadine0159]

ربي يهدينا و يهدي ازواجنا و الله يا اختي كل وحدة وكيفاش كاين وحدة تلقى العجوز ناس ملاح و الشايب تاني و راجلها صعيب كيما حالتي و ساعات تلقاي العكس و تاكدي دائما انو الزوج يرد مع اهلو خاصة في بداية الزواج متى يتبدل كي يكونو عندو اولاد تما يبدا يخمم في الاستقرار
كوني ذكية وماتشكيش لداهلك لانني انا اقترفت خطا كيما هاذا وندمت شوهت صورة زوجي عند اهلي بالشكاوي و من المفروض هو شريك حياتي اليوم يكون مليح ومانستناش كل يوم يكون مليح المهم اصبري لانك ستتحررين يوما و ادعي ربي تخرج نهائيا بدار منفصلة و ما تبقايش تما اما اخوات زوجك اقتليهم بالصماتة اللي قاعدة في الدار اما اللي متزوجة عامليها كضيفة اما شغل البيت انا نقولك ربما انت منذ البداية ولفتيهم بلي ديري كل شيئ لقاوها مليحة و خلاولك كل المسؤولية وربي يسهلك و يزهيلكم ايامكم و الغيرة تاني عندها دور كبير مالا تعاملي مع الامور بحكمة ولازم زوجك ينزع كلمة نطلقك من قاموس حياتو

[صَمْـتْــــ~]

المشاركة الأصلية كتبت بواسطة bint alisslam

السلام عليكم
انا منتزوجة مند عام تقريبا . ايام خطبتنا اخبرني زوجي اننا سوف نسكن في طابقنا الخاص المتكون من غرفتين و الصالون و مطبخ صغير و انني سوف اكون سيدة المطبخ و نعيش حياة مستقلة عن اهله الساكنين في الطابق الارضي . لكن و مع اقتراب موعد العرس لما سالته متى ننزل نتشتري التلاجة و الطباخة و الة الغسيل اخبرني انه في ضائقة مادية بسبب تكاليف العرس و اننا سوف نمضي الايام الاولي مع اهله الة ان يشتري مايلزمنا من الات كهرومنزلية و نستقل وحدنا .لكن بعد العرس انصدمت بكون ان اهله استولو علي الطالون حيت انه في نهاية الدرج المؤدي لطابقي فتحو باب يدخل للطابق الدي اسكن فيه و الباب الموجود في طابقي و الدي يدخل ايضا للطالون مغلوق دائما بالمفتاج بمعني انه ليس لدي صالون . و ام زوجي تريده ان يسكن معها للابد كما قالت و زوجي راض تماما عن كلامها لدرجة انه اخبرني ادا فتجت له موضوع السكن لوجنا سوف يطلقني .للعلم انني عاملة نصف دوام و لديه اخت غير متزوجة لاتساعد باي شيئ من اشغال البيت حيت بعد دخولي من العمل مباشرو ادخل المطبخ الاقوم بكل اعمال الطبخ و التنطيف و كل اشغال البيت الاخري و بعد الانتهاء اصعد لطابقي و اقوم بنفس الاعمال ماعدا الطبخ بخكم اننا ناكل معهم .كل هدا و اهله غير راضين كل يوم يسمعون لي الكلام و اب زوجي كدللك صعب حيت انه ياملا ابنته بان لا تعمل اي شيء بحكم انها عزباء و انني انا المتزوجة يعني انا اتحمل المسؤولية .
كل هدا و زوجي لايعطيني الحق لما احكي له يقول لي انهم اهلي و يحدرني ان نطقت بكلمة ردا علي الكلام الدي يسمعونني انه سوف يطلقني ...
باختصار امه و اخته هما الامرتان و الناهيتان في البيت و حتي اخته المتزوجة لها الحكم في البيت حيت انها هي من تقرر متلا من تدهب الي العرس و من تبقي في البيت و حماتي تامر زوجي و هو ينفد .لدرجة انني مرة كنت مريضة و كان لديهم عرس و اخبرت زوجي انني لن استطيع الدهاب و لما اخبر حماتي اتصلت بابنتها و لما اخبرتها انني لن ادهب غضبت بحكم ان العروس مقربة اليها و ادا بخماتي تتصل بزوجي لتخبره انه علي الدهاب و كان لها دلك حيت انه تشاجر معي و ارغمني علي الدهاب.
اين هي حريتي هي يد حماتي و ابنتيها الاتنين و زوجي دمية يحركونها كما يشاؤن .
مادا افعل انصحوني

وعليكم السّلام ورحمة الله وبركاته

بِدءا فاضلتي ألفت انتباهك لكونك قد استعملتِ لفظا لا يجوز استعامله مع أهلِ زوجِك..فالاستيلاء يكون بأمرٍ لا يحقّ للشخص الذي استولى عليه أو نهبَه!
أمّا أهل زوجِك وأخصّ والده فهو مالك البيت الذي تسكنينَه إن كانَ من أسَّسه..
ويحقّ له التصرّف فيه كيفما يشاء طبعا دون التعدّي على ما تمّ تحديدُه لكِ كحقّ -مثل غرفتك الخاصّة-أو ما تمّ الاتّفاق بجعله من ضمن حقوقِك.

غير ذلك أختاه فاللّوم يقع على زوجك كونه وعدكِ قبل الزّواج بما لم يستطِع الوفاء به بعدَ اقترانكما.
ومع ذلك فعليكِ أن تكوني حكيمةً في تصرّفِك مع الوضع ومع زوجِك وأن تعذريهِ فلعلّ حبّه لك وسعيه للمحافظة عليك جعله يعدك بأمرٍ وهبكِ الطُّمأنينة قبل الزّواج
أو أنّه كان صادقا حقّا في كلامه وفوجئ يوما بتغيُّر قرارات أهله فما كان عليه سوى الرّضوخ -فهم بالنّهاية أهله- ولا يمكنه الخروج عن طاعةِ والديهِ إرضاءً لله تعالى..فكوني متفهِّمةً مهما شعرتِ بثِقَل الإحباط الذي ألمَّ بك من جرّاء ما اكتشفتِه.
ــــــــــــــــــــــــــــــــــــــــــــــــــ ــــــــــــــــــــ

ثمّ أختاه هوّني عليكِ فحياتنا امتحانٌ نجتازه وما علينا إلاّ أن نعقد العزم على التّعامل مع ظروفِنا برَويّةٍ وبما يهبنا سكينة النّفس..

مثلا بحالتِك لا يجب أن تُبصري من خلالِ عينان تُريانكِ الحياة ظلاما..فتفقدي الأمل في تحسّن أحوالك أو تتّجهين لزاويةِ أحزانك

فكّري في أنّ الفتاة حينما تتزوّج وتخرج من بيت أهلها ستدخل بيتا آخر
قد لا تجد فيه ما تركَته ببيتِ أهلها
فكّري بأنّكِ في مواجهةٍ مع ظروفك الصّعبة التي ستكون عابِرة إن شاء الله
بصبرِكِ وطيبِ معاملتك لزوجِكِ وأهله..
لا تجعلي طيبتك مُتصنَّعةً بل أخلصي فيها..
حاولي كسب زوجك من خلال إرضائه عنكِ وعن معاملتك لوالديه
حاولي كسب والدتِه ولو بأبسط التصرّفات -فحتما هناك ما يمكنك استغلاله لكسبِ مودّتِها-
صاحبي أختَه ولو بإهدائها أشياء بسيطة تدخل قلبها الفرحة..
وحتما ذلك سيُسعد حماتكِ

وأهمّ ما أنصحُكِ به هو الاستنجاد بالخالق، فارفعي يديك إليه طالبةً تيسيرَ أمورك

ونسأل الله تعالى أن يلطف بك ويُحبِّب فيك زوجكِ وأهله ويرزقكِ بكلّ خير.

[*بن عيسى*]

.......................

[seri]

شوفي انصحك نصيحة لانني مرت علي جميع هده القصص كيما تجي من الخدمة اخدمي خدمتك وماتشايخيش معاهم خلاص خطراكش الدخاصة بزاف ماشمليحة ومن بعد اطلعي لدارك اتكاي واتفرجي حتى العشية اهبطي وراجلك ماتشكيلوش بصح ديري رايك كي تعودي ماش حابة حاجة ماديريهاش وكي تقلقي روحي لداركم وراجلك مبعد يتبدل مع مرور السنين مايبقاش هكا