موضوع مميز وهايل كيما صاحبه
صحا خويا
ازول

شكرا جزيلا اختي الغالية ام نور مرورك هو الاروع وبارك الله فيك

ربي يخليك خويا لقبايلي انت الي هايل ماشاء الله عليك شكرا جزيلا على مرورك الاكثر من رائع
ازول

مرورك ايضا رائع اخت سومية 1 ربي يخليك وشكرا على المرور الطيب

السلام عليكم


شكرا خويا
بصح نورمال انا تاني ربيت سبع سلكتو من ايدي الاشرار
ايا ولينا صحاب
هههههههههههههه




سبحان الله مغير الاحوال
هدا منقول سبحان رب الخلق

ههههههه
اييييييييييييييييييه جابك ربي خويا لعزيز تعرف لازم عليك تبعثلي السبع نتاعك ولا تجيبو معاك لانو والله راني عندي عقدة من الكلاب وصحابي استغلوها وصارو كل ما يشوفوني يحرشو عليا الكلاب ههههه راني وليت مورسلي نور الدين يا خويا تعرف كل يوم ندير الماراطون حول قسنطينة والله كرهت حياتي وكل يوم نقولهم اصبرو برك راني نجيب فيها سبع ولا تمساح والي يجيبلو ربي يضحي بالكلب نتاعو يحرشو ههههههههههههههه
جابك ربي وقتاش نتلاقاو

السلام عليكم

هههههههههههههه
مكنتش حاسب تخاف من الكلاب
هههههههههههه
هي هي هي هي هي

والله امرنا عجب

اكي خويا نقلك نمدولك بصح مشكيتش يحضي عليك خاطرشهادي بزاف ما كلا الله غالب السلعة غالية وهو زاوالي
بصح نمدلك حل انا نقولك داك الكلب كي يجي يجري وراك رفد وحد الحجرات يكونو كبار و عطيه ضربة يندام على ليام نتاعو ليعاشهم ورد عليا الا يزيد يجري مراك
ونقلك عملية مجربة وكيما يقولو سال لمجرب ومتسالش الطبيب

بصح الا بغيت نتلاقاو مرحبا بيك خويا نطلاقاو فااوصط بين قسنطينة وتلمسان ونهار الاحد وراء صلاة الجمعة
والا كنت مشغول معليش غادي نبعتلك السبع فميساج ونتهناو


هههههههههه
خويا مرحبا بيك عندي في كل وقت كاش ما بانلك تجي مجهت الغرب مرحبا بيك والله ما يخصك حاجة


شكرا

ههههههههههههههههههههه
خويا الحل نتاعك مليح بصح ماشكيتش نديرو تعرف علاش هههههههههههه اييييييييييييييه حتى يقدر يلحق ياو كي نلوح السانكيام تقول عليا فيراري ولا بورش كاريرا تعرف الريح يديه كون يقرب هههه ياو حوافري يضربو في ضهري راهم حابيني نسابق بولط باه نحطم الرقم القياسي نتاعو
ههههههههههههههه
خويا لعزيز والله انا نحب الغرب وجامي رحتلو وان شاء الله كي نعود جاي راني نقولك انا ثاني باغي نشوفك وانت ثاني خويا اذا جيت هنا مايخصك والو ارواح ونتهلاو فيك ان شاء الله نعشيوك ونغديوك ونرقدوك و اذا حبيت حتى نزوجوك ههههههههههههه

السلام عليكم
ايه صاحبي راك سبورتيف كبير سور راهم يعرفوك فقصنطينة لازم يوروك فاليتيمة وغير متخافش راك فيت بولت وخطيك غير ما تسابقهش مسكين عاد سغير ويبقى خاطره ونويها خير ربي يقبل

واد جيت والله مرحبا
بصح انا مشكيتش تقدر تضيفني الا جيت لعندك غادي تكره لوكان تعرف واش ناكل بصح الله غالب ناكل بزاف بصح ما بين عليا
ههه
شكرا

ههههههههه
الماكلة يا خويا نفس المشكل انا كل ربع ساعة نقلهم راني جيعان هههههه امي تقولي روح رقي كاش جماعة راهي تاكل معاك مي الله غالب ما يبان والو الماراطون مع الكلاب كل يوم وزيد لونترينمو نتاعي وزيد التخمام بيانسور ما يبان والو هههههههههههههه
شمرا جزيلا على مرورك

السلام عليكم


يحسن عونك


بصح معليش نقلك حاجة

نت ماشي الماكلة لي مرهاش تاتر ولا الجري ولونترينمو لي راهم ياترو فيك

نت بطل غير التخمام هو لي راه مكملك

ربي يعاونك خويا
شكرا

اذا جاعت رايحة تاكلو ولا تديرو كرام ديسار

ههههههههههههههه

نقولك حاجة

انا عندي قط كي نخرج برا يتبعني وين رحت وصلت بيه حتى ولا يجمع معايا ومع صحابي

صاحبي تاع بصح خير من بعض العباد

هههههههههههههه


شكرااااااااااااااااااا

هههههههههههههه
ايه ربما
ههههههههههه
ايييييه انا ثاني والله نموت على القطط من بكري نحب نربيهم بصح امي ديما ما تخلينيش لانو راك تعرف يخمجو في الدار بصح انا ثاني كنت كي نجيب نجيب ب 10 قطط ههههه في كارطون
تعرف ربيت قطط غريبة الاطوار حقا هههههه خطرة كان عندي قط سميتو قطوط ههه ياو رايع رايع بالصح كان اعور العين مسكين تقول عليه قرصان ياو مداير شيكور على القطط الاخرى هههههههههههه وخطرة جبت قط كون نقولك تكذبني ههههههههههههههه ياو ما ياكل والو غير القاطو والباتيسري والميلفاي والله وحد المرة فتحتلو فمو لقيت سنيه مسوسين هههههههههههههه
شكرا جزيلا على مرورك الطيب ذكرتني بايام زمان