موقف من متوسطة

[~نسآئم الصبآح ~]

المشاركة الأصلية كتبت بواسطة سلوى بصيود

ههههههههه مواقفي في المتوسطة غير منتهية
اجمل ايام حياااتي فيهاا
رهم بزاف ههههههه تذكرت مرة
في السنة الثالثة متوسط
استاذ الموسيقى كان واعر كيما نقولو
مانحكيوش خلاه عنده هو يدخل و احان نموتو كنت انا و لي قاعدة معايا نتعاركو خخ
انا نقولها اعدلي الطابلة اي معوجة و هي تقولي لا سمعنا الاستاذ قالي اجبدي جيهتك ضرك تتعدل قتلو لا اي هي انا نقولو هي هو يقولي انت
و هاديك الموصيبة كي شافتو هدر معاياا نحات يدها و كي جربت عدلت جيهتي تعدلت ولا يضحك علياا و انا نضحك كيما بنت بوبقرة
انا نضحك و كي سكت قالي كملتي قتله وي قالي لا زيدي زيد وليت نضحك والله حتى صونات باه سكتت
خخخخخخخخخخخخ

ههههههههههههههههههههههههههههه
موقف يضحك أختي سلوى

[Haffoussa]

المشاركة الأصلية كتبت بواسطة سلوى بصيود

ههههههههه مواقفي في المتوسطة غير منتهية
اجمل ايام حياااتي فيهاا
رهم بزاف ههههههه تذكرت مرة
في السنة الثالثة متوسط
استاذ الموسيقى كان واعر كيما نقولو
مانحكيوش خلاه عنده هو يدخل و احان نموتو كنت انا و لي قاعدة معايا نتعاركو خخ
انا نقولها اعدلي الطابلة اي معوجة و هي تقولي لا سمعنا الاستاذ قالي اجبدي جيهتك ضرك تتعدل قتلو لا اي هي انا نقولو هي هو يقولي انت
و هاديك الموصيبة كي شافتو هدر معاياا نحات يدها و كي جربت عدلت جيهتي تعدلت ولا يضحك علياا و انا نضحك كيما بنت بوبقرة
انا نضحك و كي سكت قالي كملتي قتله وي قالي لا زيدي زيد وليت نضحك والله حتى صونات باه سكتت
خخخخخخخخخخخخ

نقولك الصح والله غير ضحكتيني

[~نسآئم الصبآح ~]

أين تفاعلكم
بان راكم مازلكم لاتيين بالتصحيح

[سلـوى♥]

خخخخخخ انا هنـآآآ

تذكرت موقف اخر ..


في الفصل الثاني في الاخر تاعو يديرو الحفلات زعماا

غير القسم تاعنا مادارش حفلة .. قلنا للاستاذ قالنا نتوما ديروها مع ااخير و نعاونكم انا بالصوارد

قلنالوو اوكـي .. و الاستاذ هذا راح يدولي مدير مالا جا يطل علينا قبل ما يروح ..

جيست ما خرج من القسم تاعنا تفكروو التلاميذ واش قالنا سمعنا استاذ الرياضيات و هو مهبول

قالي اجري الحقيه قوليلو وانهوم الصوارد سلفنا و حصلنا

رحت انا ههههههههههههههه نجري كي المهبولة قتلو قالي العشية و نحكيو فيها

العشية كيما دخلت لقيتو يستنى فيا قالي ارواحي قداه نمدلكم

و كان معاه استاذ واحد خلاف قالو ام يديروها بالدجاج قالنا قداه دجاجة تحتاجو

يحكي منو بالصح هههههههههههههههههه قاتله الطفلة نحتاجوهوم صوارد اعطينا 3000 برك

قالها تكفيكم اواه لازم اكتر هههههههههههههههه غاضني قتلو انا نضحكو برك واللخ

خخخخخخ على اساس راح نديرو عرس ولا وليمة خخخخ مايش حفلة

مي مادرناش خلالاصص

[radia rara]

سلام اختى من المواقف الى نتذكرها وحة الخطرة كانت عندنا ساعة فراغ قررت نقعد انا وصحبتى مع صحباتنا تاع النصف داخلى ايا قعدنا في القسم سمعنا حس رحنا نجروا من وحد الباب يطلعنا للاطاج الفوقانى احنا خفنا ايا طلعنا الفوق من الدروج مظلمين والغبرة خفناااااا هههه دخلنا لوحد القسم تبعونا المراقبين درقنا تحت البيروا وكل وحدة وين درقت ايا ما فاقوش بيناا ههههه مغامرة شيقة
وخطرة كنا في السبور قعدنا نلعبوا بالبالون ونرموها في واحد الباب تاع حديد يدير الحس وهذاك الباب قداموا المخابر ايا استاذ الفيزياء سمعنا منعرف لكان يقري ولا قاعد ايا جا مور الباب والباب مسكر ايا طلت صحبتى من تحت قالت *يا صباااااااطو * ههههه ايا سمعنا صوت خشين يقول ايه ايه صباطوا يا هايشة عرفناه ايتاذ الفيزياء وهو قاع ميشتيش صحبتى هذى حاقد عليها مسكينة المهم احنا طرطقنا من الضحك ورحنا نجرووووووااا هههه .
-------------------------------------------
ايا واش رايكم في الموقفين ههههههههههههه
سلوى مواقفك مضحكة ههههههههههههههه تضحكى وقيلا زايدة في الربيع وانتى فرح احكيناااا

[~نسآئم الصبآح ~]

المشاركة الأصلية كتبت بواسطة radia rara

سلام اختى من المواقف الى نتذكرها وحة الخطرة كانت عندنا ساعة فراغ قررت نقعد انا وصحبتى مع صحباتنا تاع النصف داخلى ايا قعدنا في القسم سمعنا حس رحنا نجروا من وحد الباب يطلعنا للاطاج الفوقانى احنا خفنا ايا طلعنا الفوق من الدروج مظلمين والغبرة خفناااااا هههه دخلنا لوحد القسم تبعونا المراقبين درقنا تحت البيروا وكل وحدة وين درقت ايا ما فاقوش بيناا ههههه مغامرة شيقة
وخطرة كنا في السبور قعدنا نلعبوا بالبالون ونرموها في واحد الباب تاع حديد يدير الحس وهذاك الباب قداموا المخابر ايا استاذ الفيزياء سمعنا منعرف لكان يقري ولا قاعد ايا جا مور الباب والباب مسكر ايا طلت صحبتى من تحت قالت *يا صباااااااطو * ههههه ايا سمعنا صوت خشين يقول ايه ايه صباطوا يا هايشة عرفناه ايتاذ الفيزياء وهو قاع ميشتيش صحبتى هذى حاقد عليها مسكينة المهم احنا طرطقنا من الضحك ورحنا نجرووووووااا هههه .
-------------------------------------------
ايا واش رايكم في الموقفين ههههههههههههه
سلوى مواقفك مضحكة ههههههههههههههه تضحكى وقيلا زايدة في الربيع وانتى فرح احكيناااا

قصة لولانية صراتلي وحدة تشبهلها درقنا تاني انا وصحباتي تحت البيرو
لا القصة الثانية هايلة

[~نسآئم الصبآح ~]

أنا صح عندي موقف محزن

نتذكر أنو كان يوم الإنين جمعوا كامل التلاميذ تاع السيام في ساحة وحدة وجاو كامل الاساتذة وبدا استاذ العلوم يقرا القرآن والدعاء خطرش تلميذ من الرابعة متوسط مات
غاضني بزاف هذا الموقف كانو يحكو لنا عليه أسمو يوسف انا صح عمري ماشفتو حتى كي حكاولي عليه مانشفالوش بصح غاضني بزاف خاصة تلاميذ قسمو محبوش يجو وقعدوا في القسم يتفكرو فيه ماننساش وش قاللنا استاذ الموسيقى هاداك اليوم :إذا كنتو تحبو يوسف اقراو وادعولو

ربي يرحمو ويجعل قبرو روضة من رياض الجنة آمين يا رب العالمين

[سلـوى♥]

هههه مواقف مضحكــة فعع ــلـآآ ..

رحح ـمه الله .. وسسد خطـآآآه ..


مواقف تاع كي مانقراش و نبقى في القسم دايما ههههههههههههه لي عودة بمواقف اخرىىى

[siham2001]

مرة كان عدنا حصة التربية المدنية وما حضرش الاستاد دخلنا المستشار للقسم وطبعن حنا قسمنا فوضوي جدا كنا نلعب ونغنو وكي كثرو الفوضا قررة انا وصديقتي نهرب لان كان نصف القسم برا في الفناء طبعا حنا هربنا وصدينا من ورنا لقينا القسم كامل لحقنا للفناء اوالحمدوالله يالي المربية ما ضربوناش بصح عقبنا بساعة كاملة واقفين

حبت نشرك هداك اليوم الان يوم ماننساهش

[~نسآئم الصبآح ~]

.................................................. ...

[abou marouane]

انا بكري في المتوسطة عديت البيام في 2004 في الفصل الأول لحقت متأخر قفلوا الباب ايا دخلت في المساء قالولي معندكش مبرر متدخلش قعدت سمانة غايب ومحكيتش لدارنا ، و في نهاية السمانة الجاية كنت قاعد قدام باب المتوسطة جاز عليا المراقب قال لي واش دير هنا ناس تقرى وانت تتمسخر زعما متربي ، قتلوا راهم قفلوا الباب عليا و محبوش يعطوني تبرير ندخل بيه قالي انت نعرفك متربي ادخل ونعطيك انا تبرير دخلت وعطاني تبرير قريت بيه ، وفي الفصل الثالث لم ادخل سوى لحصتين فقدت وقتها لذة الدراسة كنت نروح لدارنا ونقوللهم مكاش قراية اليوم راه تفلق زيقو (اكرمكم الله ) في المدرسة ومدرستنا يمر عليها زيقو (اكرمكم الله ) و كل عام وهو مبوشي ومفلق . ايا مكتبتش قاع الدروس وكي وصل البيام جبت دروس بكري في الأنترنت وكانو طوال بزاف ايا بديت نحفظ فيهم وكل ما نحفظ درس ننسى الآخر من كثرة الطول . المهم جبت البيام بـ 16 وندمت ندم كبير لأني كنت قادر نجيبها بأكثر لو حطيت راسي في هذاك العام وقريت صح .

[~نسآئم الصبآح ~]

المشاركة الأصلية كتبت بواسطة abou marouane

انا بكري في المتوسطة عديت البيام في 2004 في الفصل الأول لحقت متأخر قفلوا الباب ايا دخلت في المساء قالولي معندكش مبرر متدخلش قعدت سمانة غايب ومحكيتش لدارنا ، و في نهاية السمانة الجاية كنت قاعد قدام باب المتوسطة جاز عليا المراقب قال لي واش دير هنا ناس تقرى وانت تتمسخر زعما متربي ، قتلوا راهم قفلوا الباب عليا و محبوش يعطوني تبرير ندخل بيه قالي انت نعرفك متربي ادخل ونعطيك انا تبرير دخلت وعطاني تبرير قريت بيه ، وفي الفصل الثالث لم ادخل سوى لحصتين فقدت وقتها لذة الدراسة كنت نروح لدارنا ونقوللهم مكاش قراية اليوم راه تفلق زيقو (اكرمكم الله ) في المدرسة ومدرستنا يمر عليها زيقو (اكرمكم الله ) و كل عام وهو مبوشي ومفلق . ايا مكتبتش قاع الدروس وكي وصل البيام جبت دروس بكري في الأنترنت وكانو طوال بزاف ايا بديت نحفظ فيهم وكل ما نحفظ درس ننسى الآخر من كثرة الطول . المهم جبت البيام بـ 16 وندمت ندم كبير لأني كنت قادر نجيبها بأكثر لو حطيت راسي في هذاك العام وقريت صح .

16 معدل رائع بالرغم من اهمالك ههههههه

شكرا جزيلا على مرورك العطر

[radja1999achar]

iههههه أسمعو سمعو لكوارث
واحد الخطرا كنا أنا وصحبتي رايحين للسويام أيا حنا فطغوطواغ واحد طوموبيل جات جايزة ايا جيت مورا صاحبتي وقتلها غي تمشاي ماتخافيش هههه وطوموبيل قريبا منا أيا بالصح هاداك ال..... تع مول الطوموبيل ماحبش يحبس ويخلينا نجوزو أيا حنا حبسنا وكيفات خرجلنا يده مع التاقة وحلف فينا ههه هو يحلف وانا نريشله قريب يحبس الطونوبيل ويهودلي يعطيني الكف ربي ستر
والمشكل أنو المدير تع السويام واقف حدا الباب ويشوف فينا
وكي وصلنا لcem عيطلي أنا وصحبتي وقالنا واش هادا شوية وضربتكم طومو هه صحبتي قاتلو والله لا أنا خاطيني هاهي اللي قاتلي فوتي ماتخافيش قاليها واه علابالي من خدايمها نياهاهاع قتلو أنا والله ما شفته ههه الله يسمحلي نحلف عالكدوب
قاللي لاحول ولا قوة الا بالله روحي تمشي تقراي
ومن هاداك الوقت وانا حالفة فصحبتي علاش شكمتني
كخخخخ

[~نسآئم الصبآح ~]

المشاركة الأصلية كتبت بواسطة radja1999achar

iههههه أسمعو سمعو لكوارث
واحد الخطرا كنا أنا وصحبتي رايحين للسويام أيا حنا فطغوطواغ واحد طوموبيل جات جايزة ايا جيت مورا صاحبتي وقتلها غي تمشاي ماتخافيش هههه وطوموبيل قريبا منا أيا بالصح هاداك ال..... تع مول الطوموبيل ماحبش يحبس ويخلينا نجوزو أيا حنا حبسنا وكيفات خرجلنا يده مع التاقة وحلف فينا ههه هو يحلف وانا نريشله قريب يحبس الطونوبيل ويهودلي يعطيني الكف ربي ستر
والمشكل أنو المدير تع السويام واقف حدا الباب ويشوف فينا
وكي وصلنا لcem عيطلي أنا وصحبتي وقالنا واش هادا شوية وضربتكم طومو هه صحبتي قاتلو والله لا أنا خاطيني هاهي اللي قاتلي فوتي ماتخافيش قاليها واه علابالي من خدايمها نياهاهاع قتلو أنا والله ما شفته ههه الله يسمحلي نحلف عالكدوب
قاللي لاحول ولا قوة الا بالله روحي تمشي تقراي
ومن هاداك الوقت وانا حالفة فصحبتي علاش شكمتني
كخخخخ

كخخخخ باينة نتي مولاة طوايش ههههههه

[radja1999achar]

المشاركة الأصلية كتبت بواسطة farah28300

كخخخخ باينة نتي مولاة طوايش ههههههه

ههه والله لا صح

وواحد الخطرا ثاني فالclasse كانت عندنا الmath هههه وهاد الاستاد تع المات ماعنديش معاه توجوغ نتمسخر بيه وكان ماجيتش نقرا عنده مليح يحلف لي مانزيد ندخل عنده كخخخخ
المهم واحد الخطرا نوضني نرسم شكل هندسي فالسبورة وماكانوش عندنا الادوات أيا رسلني للقاعة باه نجيبله انا رحت مالقيتش أيا وقعدنا حاصلين كيفاه نديرو كيفاه نديرو
أيا والاستاد كان عنده خيط ومع الممساحة تع السبورة وقالينا الحاجة أم الاختراع وقعد غي يعاودلنا فهاد الجملة وانا كرهت وقلت لو الاختراع ابن الحاجة لكلاس كامل قعدو يضحكو هه الاستاد شوية ينحي صباطه ويجيبهلي فالراس على الفهامة الزايدة اللي فيا والحمد لله فاتت سلامات بالصح الرسم مخرجلناش داك وين زدت هبلت بالضحك عالاستاد زعما بغا يلعبها علينا نياهاهاهاع

وواحد الخطرا مع نفس الاستاد أيا كنا مريحين كيما هاك وقعد يقوللنا على الفوت بول باللي حنا كي نكونو نتفرجو نبداو نقولو وكان غي دار لوكان غي ماركا مي كي نكونو في بلاصته مانديرو والو
هههههههههههه تما أنا نخرجله بخرجاتي الرائعة وقتلو استاد هاد الكلام يطبق حتى علينا قتلو نتوما تقعدو تقولولنا قراو ومعلاباليش واش بالصح وكان جيتو في بلاصتنا ماديرو والو
ههههههههه أمنو شوكيته قعد غي ساكت في بلاصته ويشوف فيا هههه

وخطرا مع استاد السبور هههه هاد الاستاد مانتفاهمش معاه خلاص كان توجور يقوللي ضهرك معوج أيا خطرا نيرفاني وقتلو ما شفتش ضهرك نتا
هههههههههههه طار مورايا الساحة تع السبور قاع وانا وياه نجرو مي الحمد لله ماحكمنيش