مشكلتي

[نورالهدى بيولوجيست]

مشكلة مشكوك في امرها ............احساس

يا اختي ربي يهديك عندي خدامة 05 سنين والله و الله والله ماصرالي حتى مشكل ابدااااااااااا و ماعانيتش من حتى رجل ماشاءلله كيفاش غير انتي اللي يتبلاوك؟

انا نقول الطفلة هي تتحكم في نظرة الرجال ليها الدنيا مليانة بنات يتبلاوك غير انتي؟؟؟؟؟؟

الله يهدي النفوس حكاية الخدمة نتاع المرأة خلاص فات وقت الحديث عليها كل واحد يشتغل بنفسو احسن

[أمة الرحمان رقيّة]

السلام عليكم و رحمة الله
شوفي يا اختي راني حا ننصحك بناءا على واش طبقت انا في حياتي
الدنيا راهي دايرة هكا وين تروحي تلقاي لي يشوفو معاك لان معظم الرجال تع ضرك ما يحشموش الا من رحم ربي
انا راني خلصت القراية و قعدت في الدار و عاجبني الحال يعني بمحض الارادة تاعي
انا تاني كيما كنت في الجامعة كنت نلبس الجلباب و خاطيني المداصرة تع الذراري كنت نحكي غير مع البنات بصح كنت نلاحظ بلي العينين كامل متجهين ليا
و ساعات يعاكسوني و الله بكلام قبيح , و ما ننكرش تاني بلي كنت نحظى بالاحترام
رغم ان وجهي عادي جدا ما يفتنش يعني مانيش فائقة الجمال بصح نتلقا المعاكسات
= هذي هي الدنيا المراة وين تروح ما تسلكش
انا ننصحك كاختي الغالية: اذا ماكيش محتاجة العمل في حياتك حبسي الخدمة و اذا جاءك من ترضين دينه و خلقه تزوجيه
واذا عندك ظروف يدفعوك للعمل و محال تقدري تستغناي عليه ننصحك حاولي تبدلي مكان العمل و تحراي مكان اقل فتنة
واذا كنت فائقة الجمال و ماكيش راح تخدمي ديري ستار على وجهك لان الستار راهو سترة ليك و مهما يعاكسوك ما تغيضكش روحك لانهم ما يشوفوش وجهك حتّى
كيما قاللك الاخ محمد جديدي التبسي: نظراتهم تتحول الى نظرة استغراب
انا اول نهار خرجت فيه بالستار حسيت بنظرات الاستغراب
كون تبقاي في الوسط تع الفتنة و المعاكسات راكي تتأثري
ربي يفرج عليك

[AMINA.Z]

الضحك و التتبسم هو اللي يفتح الباب لهادوك المخلوقات

انتي اخدمي عادي و اللي يحتاج حاجة في الخدمة راكي مقيمتو

و اللي يحب يتفيهم راكي حجرة ما تسمع ما تشوف و بسكاتك يعرف قيمتو

المراة كي تخرج من البيت تتوكل على ربي و تقرا الاذكار و ربي وعد المسلم انو يحفظو

خلي ثقتك في ربي كبيرة

بالتوفيق

[khalwi]

في الخدمة نعتيلهم من الاول شخصيتك. يعني لا مصافحة و لا ضحك و لا كلام زائد............. راح بتحاشاوك كامل و يهابو منك

[غربة أهل السنّة]

السّلام عليكم و رحمة الله و بركاته
أختي صاحبة المشكلة: أنا أعلم جيّدا ما الذي يمكن أن تُعانيه الفتاة من العمل وسط الإختلاط و خاصة إذا كان الرّجال الذين تعملين معهم سيّئي الخلق
أنا لا أستطيع أن أنصحك مباشرة بالتوقف عن العمل لأن هناك ظروف لا يعلمُها إلا الله تعالى
و لكن إن كُنت تستطيعين التّخلي عن العمل و القرار في بيتِك فافعلي لأن ذلك يرضي الله تعالى, و إذا جاءك من ترضين دينه و خلقه فتزوّجي حتّى تكوني أمّا صالحة
فتلك والله أعظم مهنة للمرأة
أمّا إذا كنت لا تستطيعين التوقف عن العمل أو أنت مرغمة من طرف والديك أو ما شابه,, أنصحك على الأقل بالبحث عن وظيفة في مكان آخر
لأنك حتّى لو كنت مستقيمة و متحجبة و لكن لا أنا و لا أنتِ من سيضمنُ سلامة قلبك من الفتن
فكم من عفيفة غُرّر بها في وسط الإختلاط و تساهلت في بعض الأمور التّي كانت تعتبرها من الخطوط الحمراء و كلامي هذا من واقع شهدتُهُ
لا تتساهلي في دينك فأحيانا البيئة التي يعيش فيها الإنسان قد تؤثّر فيه سلبا,,
و خلاصة القول إذا كنتِ حقّا تريدين الحفاظ على عفتك و دينك و إستقامتكِ فالزمي بيتكِ إذا لم تكوني في حاجة للعمل, أو إذا كنت محتاجة للعمل غيّري مكان عملك
و إن لم تستطيعي تغيير المكان فتعاملي بجديّة تامة
أسأل الله أن يستُركِ و أن يثبّتنا و إياكم على دينه