زوجي طاح من عيني

[Basketteuse]

المشاركة الأصلية كتبت بواسطة wassvt

يا عزيزتي كما تدين تدان لا تخافي فالله سبحانه و تعالى لا يهمل ، عليك بالمثل مع والديه دون أن تشرحي سلوكك

لزوجك و داومي على ذلك حتى يتفرقعون من الغيظ، هؤلاء الناس لديهم عقدة نفسية ممكن أنهم في مكان عملهم يعاملونهم بما يعاملونك

لذلك كوني أكثر ثقة بنفسك و رحبي بأهلك و كوني مرحة معهم أما مع زوجك غيري طباعك دون أن تفسري له شيئ و بالتوفيق

والله لا استطيع ان اعاملهم بالمثل ، لان أباه يعاملني مليح ويحبني لكنهم فيهم حاجة مش مليحة مايلتاوش بالضبوف .
وادا ماعاملتهمش مليح راح تصرى كارثة في الدار لان خواتاتو صعاب بزاف وانا خاطيني ، وزوجي طيب يحبني لكنو متبع سيرة باباه في الحياة مايعرفش الاصول ...
تصورو مرة جا عندي بابا كان عندو اوراق في مدينتي وانا كنت مدايرة الغداء لدار شيخي باه نهبطو ناكلو كيف كيف رحت قلت لسلفتي مادام درت لغداء لينا كامل . نقول لبابا يتغدى معانا كامل.. وفي نفس الوقت رحت قتلو راهم عرضوك للغداء باه يصفى قلبو من جهتهم . واحنا كنا نتغداو وكان اب زوجي مسافر وروح لقاه في كوزينتهم سلم عليه وشراك لاباس ودار يحكي مع ولادو ، قالولو اقعد تتغدى ( على الاقل كي شاف الضيف يبقى شوي) ، مابغاش يقعد في الطاولة معانا راح دار كاسكروت كلا بالواقفة وراح يدير فوتينق و ماعاشش بابا ... انا ندمت كي نجي ندير حاجة نصفي القلوب نزيد نقسحهم والله مافهمت
وزوجي قتلو مرة لكنو انكر ودار مشكلة وردني انا لي مافياش النية!!!!!!!

[ninacicino]

يا ختي. والله غير راهي على الموضة هاكذا يحبو. يطيحو. قيمت. الماشي. قاريين. يعني لوكان جيتي مرا اهلها قاريين و لا مرفهيين تشوفي كل ما يجيو اهلك يفرشولهم الورد الناس ولاو يحقرو بالعين ربي معاك واش راكي رايحة ديري ربي يهديهم و يهدي راجلك هوا اللي لازم يقيم نسابو

[قمر السلام]

والله غاضوني والديك بزاااااااااااااااااااااااااااااااااااااااااااااااا ااااااف حسيتهم اهلي مذلولين

قولي لراجلك وش علاه راك تعيش فيهم ولا حتان تعاملهم هكدا تحترم اهلي نحرتم اهلك وكل شي كل شي الا والديا خط احمر سبني عيط عني ذلني الا والديا منسمحلكش ابدا انك تهينهم ولا تقلل من احترامهم

[التوليب الجميلة]

3ib 3lih khti ydir haka lwaldik un nmadlek nasiha nti tani mat9aymich kamel 3ayaltou w khalik hakak ki ybadel lmo3amala ta3ou m3a darkoum thama badliha nti tan w khalih ychouf had chi bach la sa9sak tama sah thatihomlou kamel psk li ydir haka grave okan ana fi plastak ndir bazef hwayaj koulech ghir mes parents

[kamilia85]

اختي العزيزة انا نقلك الصح ...كلش من راجلك ...و هو لي لازم يغيضك منو الحال بسكو والديه لو شافوه يرحب بيهم يتبعوه
صدقيني الراجل هو لي يدير قيمة لمرتو و قيمة والديك من قيمتك..اذا كان مقيمهمش معناه حتى انت عندو ماشي مقيمة ....عذرا على الكلمة
انا نقلك حاجة متسكتيلوش و الهدرة مع راجلك ماشي مع واحد اخر

[jory rose]

عادي جداا حبيبتي ما تقلقيش انا زوجي يدير اكثر من زوجك كنت نتقهر مع الاول وأمبعد وليت عادي المهم نزهى مع والديا وبطبيعة الحال دائماً نلقى مبرر للموقف وعااااادي جداااا بالعكس تلاقيني انا الي نضحك وننبسط مع والديا وهو وحدو في غرفته

[ام الاء وسدن]

قسموني والديك اختي فكرتيني في دار شيخ اختي كانو يعاملو نسابهم كااااامل هاكا
على بالك علاش ماهومش متربيين في دار كبيرة ومعقدين مرت لوس اختي دارو فيها وفي ماليها
التير لخاطر بنتهم كانت مطيحة بيهم كانت كيما يقولو ناس الشرق تلحلحلهم بزاف تقول صابو فيها ديفو
تاخدي رايي قيمي روحك مع راجلك وsurtou مع ماليه قصدي خواتاتتو ما تكتريش الهدرة معاهم
باش ما يعرفوش عقليتك تاع الصح واللي تشبعيه هدرة في الدنيا ياكلك
وتاخدي رايي احكميه بالاتي في سا عة صفا وبينيلو بلي زعفتي
بالك ربي يهديه وكاين نسا شافو اكتر من هاكا وصبرو اصبري بالك يتبدل الحال

[ذكرى أبي]

و الله غير راني نغلي منو .....غاضوني والديك على الأخص باباك مسكين بما أنه رجل يحس بلي ما دارلوش قيمة ، انت كيما قالو الإخوة رحبي بوالديك و خليك منو باينين ناس حاسبين روحهم أنا نقول ما اطلعيلو قيمتو ما تسقسيه ابوك أغلى من هذا أبوك تاج راسك و ما تستناي حتى واحد يقيمو لأنه قيمته أكبر من هذا
ربي يحفظلك والديك و يجي النهار الي يعرف قيمتهم

[Basketteuse]

أشكركم جميعا على النصح والدعم المعنوي، ان شاء الله قررت أني سوف اصبر الى ان انتقل الى بيتي الجديد ان شاء الله قريبا وأرى تصرفاته حينئذ ،لانه لا اخته و ولا ابوه معنا ،فان بقي على طباعه ساعتها لكل حادث حديث

[khelaf lina]

السلام عليكم اما بعد يا اختي انت وش همك بيهم انا نظن والديك مهتمين بيك مشي بيهم جاو يشوفوك نتي توحشوك نتي ولا اعني بقولي ليس من واجب زوجك واهله عدم مقابلتهم لا انما هو واجبهم و من حق والديك ان يحظيا ببعض الاحترام من اهل الزوج ولكن من الاحسن ان تقابلي السية بالحسنة هو يعامل اهلك بالسيئة ردي معاملته بالحسنة ولازم كيما يحترمك و يقدرك لازم تاني يحترم اهلك كامل مشي غير والديك لان مقامك من مقام اهلك و ربي يجيب الخير و يهديهم كامل

[sali-sali]

السلام عليكم

مجرد التفكير في الامر يزعجني

انسان عادي و مهما كان فهو ضيف .. فما بالك بالوالدين

اختي لا تبالي بهم .. رحبي انتي بوالديك و افعلي كل ما يفرحهما .. و لا تقحمي نفسك مع زوجك و عائلته المتعجرفة لاسف مستواهم الاخلاقي يعكس مستواهم الثقافي و العلمي


و حتى لا تعامليهم بنفس معاملتهم لكي.. كوني دائما راقية و فاضلة باخلاقك و معاملتك

[مبروكة الصحراء]

ربي يعينك أختي صح مواقف مزعجة راه يديرها زوجك
و لااااااااااااااااازملك تتكلمي معاه و قدر والديك من قدرك إذا يحبك لازم يهتم بيهم شوي
ربي يفرج عليك

[الزبرجد]

السلام عليكم

تصرفات زوجك مهينة ....اذ لزاما عليه أن يقوم بواجب الضيافة و اللي في القلب في القلب

بالنسبة للمعاملة بالمثل لأهله لا اراها فكرة صائبة ....فالانسان ليس الة حتى يعامل بالمثل .....لنا أخلاق تمنعنا و روادع لا نتجاوزها

الحل في نظري و هو لدى زيارتكم لبيت أهلك ....حينها يمكن ان تعطوه درسا بالفعل و التلميح و المعاني عن كرم الضيافة

[Basketteuse]

المشاركة الأصلية كتبت بواسطة الزبرجد

السلام عليكم

تصرفات زوجك مهينة ....اذ لزاما عليه أن يقوم بواجب الضيافة و اللي في القلب في القلب

بالنسبة للمعاملة بالمثل لأهله لا اراها فكرة صائبة ....فالانسان ليس الة حتى يعامل بالمثل .....لنا أخلاق تمنعنا و روادع لا نتجاوزها

الحل في نظري و هو لدى زيارتكم لبيت أهلك ....حينها يمكن ان تعطوه درسا بالفعل و التلميح و المعاني عن كرم الضيافة

للأسف ،،،!!!
لن اعاملهم بالمثل لآني لا استطيع تمثيل ما لست عليه، اظن اننا فعلنا الكثير فيما يخص واجب الضيافة أظن انه مع الوقت وخاصة عندما ننتقل للعيش في بيت مستقل سوف يتحرر من العبودية المعنوية لأهله وسوف أتكلم معه في الامر ان اقتضى الامر

[liyna_24]

السلام عليكم
أختي الاخوات كفو و وفو باراءهم
بصح حبيت نقول حاجة
على حساب ردودك و واش فهمت منك بلي هادو مشكلهم ماشي غير تكبر
بانولي ماهمش مربيين و نعرف ناس بزاف يتعاملو مع نسابهم هاكدا
ما فيهاش حرج لوكان تقولي لوالديك في سياق أحاديث اخرى عن سلوكهم هذا
و بلي ما يعرفوش يتعاملو مع الضياف لي يجيوهم كامل و تخصهم ضرافة
باه على الاقل والديك ما يحسوش بالاحراج كي يكونو عندك فهمتي عليا.........
أما زوجك ما تسكتيش عليه ديما قوليلو بلي تصرفو راه عيب و ماشي من شيم الرجال ..........
و فكريه بلي يجي نهار و يزوج بنتو( و الدنيا كما تدين تدان)
قلو تقبل تروح عند بنتك زيارة و يثقلوك ..........
ودايما قبل ما يجوك الوالدين (الكريمين حفضهما الله لك )ابداي تهدري معاه و تفهميه بالعقل
حتان يحسن سلوكو معاهم
واش تحبي ربيه من جديد و الله غير يتعدل
ربي يسهلك و تتهناي منهم (أقصد ماليه و خواتاتو)
تقبلي مروري