قاطو الليمون - الصفحة 2

أم محمد تاج · 2013-10-27, 20:29

حبيبتي سامحيني والله لاكونيكسيو هبلتني نكتب ومبعد مانلقاهش والله هبلتني
هام ليك ثلاث وصفات روووعة مجربة وهايلة وزاكية
مربعات القارص:
250 غ مارغارين طرية وكاس سكر حرش وزوج ملاعق أكل عسل وزوج ملاعق أكل حليب و50 غ كاكاو أسود تقريبا زوج مغارف كبار وزوج ملاعق كبار بيكاربونات والفرينة لمي بيها أقسمي العجينة الى قسمين وحلي كل طبقة وأثقبيها بالفرشيطة وحطيها طيب على ظهر سنيوة باش يجيك العمل ساهل كي طيب نحيها بجيهة وزيدي طيبي القسم الآخر كي يطيبو حطي بيناتهم الكريمة التالية وزيني الوجه بالشيكولا سوداء ذايبة وخطوط من الشيكولا البيضاء وقصيه مربعات
الكريمة: نصف لتر حليب نقصي منو كاس وعوضيه بعصير القارص وضيفيلو كاس سكر حرش وثلاث مغارف نشاء وزوج صفار بيض وطيبيها حتان تخثار صدقيني روووعة

أم محمد تاج · 2013-10-27, 20:36

الوصفة الثانية:
500 غ مارغارين طرية و5 صفار بيض وكاس سكر قلاصي و80 غ نشاء وزوج خميرة وقشور حبتين قارص والفرينة لمي بيها أطبعيه ورقات وحطي على كل ورقة المورانغ التالي وحطيه يطيب كي يطيب لصقي كل زوج حبات بالكريمة التالية وزيني لحواشي بالكاوكاو مرحي رقيق خلاص ومن فوق زيني بالقلاصاج التالي والصورة توضحلك اكثر درناه في عرس سلفتي هبلو عليه الناس
المورانغ: ثلاث بياض بيض- 200 غ سكر قلاصي
الكريمة: زبدة طرية وعصير القارص حسب الذوق والسكر قلاصي حسب الذوق كذلك وبشور القارص وملون أصفر
القلاصاج: عصير حبة قارص وملون أصفر والسكر قلاصي حتان تجمد وماتسيحش وجربي بالحبة وأعملي شبكة على الورقة تاعك
هاي ليك الصورة

حبيبتي هذاك لي فوقو شبكة راه هايل بالمورانغ

~اسيل ريحانتي~ · 2013-10-27, 20:56

نتي لي سمحيلي تعبتك معايا انشاء الله نجربهم غدا ونردلك الخبر بصح الصورة ما خرجتليش تاع الوصفة 2 على كل حال ربي يفرحك كيما فرحتيني حبيبتي

أم محمد تاج · 2013-10-28, 08:09

أم زكرياء لحبيبة والله سامحيني هبلتني لاكونيكسيو البارح وضرك نحطلك الصورة ونزيدلك الوصفة الثالثة

أم محمد تاج · 2013-10-28, 08:16

الوصفة الثالثة مقروض القارص:

رطل مارغارين دائما صول الأحسن + 400 غ سكر قلاصي + 4 بيضات وكاس كاوكاو وزوج خميرة القاطو ولافاني ورطل زاست تاع القارص والفرينة شيحي بيها شكليه مقروضات وحطيه يطيب كي يطيب وجدي الشاربات تاعك: عصير رطل قارص +كاس ونص ماء وكاس سكر خلطي مليح حتان يذوب السكر وأغطسي الحبة ورديها في كيس فيه السكر قلاصي على مرتين
هاي ليك الصورة:

~اسيل ريحانتي~ · 2013-10-28, 08:38

ام محمد شكرا على الوصفات المنعشة بالليمون انا نعشق كل حاجة فيها ليمون يعطيك الصحة وسمحيلي على التعب

ام سراج وملاك · 2013-10-29, 13:03

ماشــــــــــــاء الله

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري