16 حالة زواج من جزائريين من أجنبيات يوميا

[tateb]

الجزائرى مع الجزائريه هو الاصل

[salamamal]

هوما فالحقيقة كامل ملاح، جزايريات و لا إميقريات، ...ابكي على جيبك برك.

[النجمة القطبية]

المشاركة الأصلية كتبت بواسطة نورسين.داية

لن أتزوج إلا جزائري و نموت على الجزائري .......................................

تموتى

[z.abdo]

المشاركة الأصلية كتبت بواسطة نورسين.داية

لن أتزوج إلا جزائري و نموت على الجزائري .......................................

ان شاء الله يرزقك الله بالزوج الصالح الذي تقر به عينك .................................................. .....................................ويكون جزائري

[اسماعيل الشلفي]

تزوج في الجزائر و تهنى من الميزرية

[knives55]

هذا يبشر بخير للامة الجزائرية

وهذ دليل على وعي شباب اليوم

في وقت رفعت شبه مراة جزائرية مهر وشروط تعسفية و تقلاش وتكسل جاء وقت حل البديل

الى هو زواج من اجنبيات بايرة وحتي لوكان كافرة اصلا لم يعد هناك فرق

ان شاء الله ربي يسهلنا كامل

وهذ طبعا راح ينقص من عنوسة لان كل بنات ريحين يموت من غيرة

[aminerag]

تتزوج بجزائرية ب 100 مليون اذا ضدقت وما تربح ولو معها


وتتزوج باجنبية ب 100 اورو وتربح الاوراق ويمكن تعيش معها لاباس




واش تخير يا الانسان العاقل

[سارةالتلمسانية]

ربي يسهل عليهم فمكانش اللي يكره يتزوج بنت بلاده و يعيش في بلادو بصح الله غالب ظروف الشباب في بلادنا مراهيش ترحم مشفتوش الاغلبية يتزوجو على الفيزا حنا نقولو ربي يحفظ ولاد بلادنا

[thawizat]

ربي يهنيهم
كل واحد واش يحب
مليحة هذي نتاع حاجة أخرى

[enseignant fiévreux]

مرحبا بالجميع
الزواج يرجع للمكتوب هذي ممفيهاش نقاش
يا جماعة الخير
ربع جزائرية خير من 100000000000 مقرية.........
]

[المصطفى السعيد]

نهاركم مبروك .. وصيام مقبول

أولا: القاورية ...
- ما تكبرش بسرعة، مهتمة بروحها بزاف، خصوصا وأنها تستعمل منتجات زينة أصلية "دوريجين" .. ديجا هوما ينتجوها في بلادها ...
- رياضية بطبعها
- صاعبة كي تزعف خصوصا وهي متأكدة بلي القانون انتاع بلادها ينصفها بزاف ...
- جذابة، جميلة في اختياراتها خصوصا الأناقة، على خاطر شكلها يناسب اختياراتها، فالجانب المرفولوجي معروف علميا أن الأوربيين والأوربيات يجو متناسقين في مرفولوجيتهم.
- يقراو مليح والمميز فيهم يبغو يستعملو قرايتهم في حياتهم اليومية ...
- بصحته لي يدخلها للإسلام على خاطر كي تقتنع ما تتراجعش على إسلامها .. وتعاونه على الالتزام وما تكتفيش بواش تسمع برك، تبغي تبحث على الحقيقة بأي ثمن.
- الحياة الاجتماعية ما تهماش بزاف، الراجل معاها ينقطع من شجرته العائلية طولا وعرضا ... من جهة اخرى تبغي ولادها بزاف وتدير المستحيل في خاطرهم، علما أنها عندها الاستعداد باش تعلمهم الاعتماد على ارواحهم.
- كي يريحو القاوريات مع بعضياتهم تعرف بسرعة شكون لي فيهم مثقفة وشكون فيهم لي شوي، شكون لي عندها نيفو عالي وشكون لي عندها نيفو عادي. (على خاطر هوما قاع يجو قاريين)
- تقدس العلم بزاف ... وادا وعدت ما تخلفش أبدا ...
- كي تبغي تبقى عاقلة .. وفايقة واش راه يصرا حولها

ثانيا: الجزائرية
- تكبر ليه ليه، مهتمة بروحها، بصح مطفرتها فيها منتجات الزينة المدرحة "شنوة" هذا "شومبوان" مرة حارق ليها شعرها مرة وجهها ... حيث تصرف بزاف على حاجة رخيصة ما تسواش ...
- تكره ممارسة الرياضية بل تكره كل ما هو رياضي ولو على شاشة التلفزيون ... بلعكس تبغي تكون سمينة مشي رشيقة على خاطر تخاف يعايروها ...
- حنينة تزعف وترضى بسرعة، على خاطر عارفة بلي ادا زعفت غي هي الخاسرة، خصوصا كي تكون متزوجة ولا فرصتها في الزواج ... ولو "الأكسيلانس بوتفليقة" حماها بزاف بالقوانين الجديدة.
- جذابة في البدية ومن بعد تبدا "تتهيلم" والمشكلة ما تترممش، قليل باش تطيح في وحدة أنيقة، اختياراتها المظهرية جزافية دون قيد ولا شرط، ولو ما يساعدهاش شكلها في غالب الأحيان.
- تقرا مليح بصح تنسى استحضار قرايتها في حياتها اليومية حتى راجلها يشك في ذكاءها ولا في بديهية تفكيرها كي تصرا حوايج في الدار.
- مسلمة والحمد لله بصح بالفطرة برك ... ولو كانت متدينة تلقاها توافق على حوايج وحوايج مستحيل تدخل راسها بالآية والحديث خصوصا كي تقولها: باغي نزيد وحدة غي كيفك، على العموم ما تبغيش ولو كان الأمر دينيا يتعارض مع مصالحها.
- اجتماعية كثيرا بصح فمها وتمنشيره الياسر يخليها مرشحة بقوة باش تخسر قاع لي دايرين بيها، حتى والدين زوجها، كي يتزوجو ولادها تجي ضد نساهم "هاذا عندها طبيعي ومرجو بزاف".
- ديما محضنة على ولادها حتى وهو رجالة ... تدافع عليهم ديما حتى يخرجو تُكْلِيين انتاع الصح، في فمها "مازال صغير ومازالت صغيرة" ... تجي مع بنتها كي تتزوج مظلومة قبل ما تكون ظالمة ...
- تلقى مجموعة انتاع بنات مجمعات ما تقدرش تتبين لي تقرا من لي ما تقراش، لي عندها نيفو جامعي مع وحدة سيزيام ... نفس اللغة، نفس التفكير ... وكي يزعفوا ما تقدرش طول باش تحدد المستوى على العموم.
- تأمن في كلش غي العلم لي لا ... على خاطر يبان ليها مشي ملموس، وتعطيك أمثلة من الواقع: "لي قراو واش دارو؟"
- كي تبغي تنسى روحها حتى تفقد لي عندها ولي حولها ...