قصص من القران بلهجتي

[novateen]

المشاركة الأصلية كتبت بواسطة achwak crazy girl

بارك الله فيك جعلها الله في ميزااانك حسناات

وفيك بارك الله شكرا ليك اختي على مرورك
اللهم بلغنا رمضان

[novateen]

السلام عليكم ورحمة الله تعالى وبركاته

ذو القرنين هو انسان عظيم ذكره الله سبحانه وتعالى في سورة الكهف وهو ملك عظيم سحله ربي الأسباب وسلحه بجيش عظيم باش يسهل عليه أداء رسالته واللي هي هداية الناس وارشادهم للتوحيد بالله

كاين منكم اللي يتسائل على سبب تاع تسميته "بذي القرنين" الروايات تختلف لخاطرش القران ما فسرش في سبب التسمية

كاين اللي يقول سموه على خاطر هو المسيرة تاعه بلغت من أقصى مشرق الشمس الى أقصى مغربها وكاين اللي يقول سموه هكا لاخاطرش كان عنده ظفاير كانت تشبه للقرون والله أعلم

ذو القرنين تمشى حتى بلغ مشارق الأرض في بلاصة يسموها "العين الحمئة" وثم حس ذو القرنين بلي هذاك المكان هو اللي تشرق فيه الشمس وأمره الله سبحانه وتعالى باش يطلب من القوم باش يأمنو بالله الواحد ولا يعذبهم

من بعد تمشى أقصى غرب الأرض حتى وصل لبلاصة مافيها لا شجر ولا حجر حتى الأرض ماكانتش صالحة باش القوم يبنو عليها مساكن وكانو هاد السكان كي تطلع الشمس يخزنو (يتخبو) فالماء حتى كي تغرب الشمس يخرجو لاخاطرش ماكانش عندهم حاجة تستر عليهم الحر ولا البرد

ومن أعظم الانجازات تاوعه هو السد اللي بناه باش يمنع الأذية تاع "هاجوج وماجوج" كيما نقولو بالعامية أو " يأجوج ومأجوج" ومن علامات الساعة انو هاد السد اللي بناه ذو القرنين يتجاوزوه " يأجوج ومأجوج" ويخربو الأرض

سلام

[omayoub2]

merciiiiiiiiiiiiiiiiiiiiiiiiiiiiiiiiiiii

[°yassmin°]

المشاركة الأصلية كتبت بواسطة novateen

السلام عليكم ورحمة الله تعالى وبركاته

اليوم جيتكم بموضوع جديد ان شاء الله تكون فيه فائدة للجميع ومن كثرة لي تعجبني قصص الاسلام بغيت نجتهد شوية ونحكيهالكم بلهجتي باش يكون فيها شوية متعة وتشويق

الكل مرحب بمشاركاته بأي قصة

أتقبل كل أنواع النقد والتصحيح بخصوص أي معلومة خاطئة لكن في حدود الاحترام والأدب



أول قصة هي قصة حياة واسلام "سلمان الفارسي" رضي الله عنه

سموه الفارسي لخاطرش النسب تاعه كان من بلاد فارس وهو كان ولد رجل غني وزعيم للفلاحين ومن كثرة اللي بوه كان يبغيه ويخاف عليه كان حابسه وساجنه فالدار

الديانة تاع سلمان الفارسي كانت المجوسية وكانو مقدسينها بزاف لدرجة انهم ماكانوش يخلو النار تطفى

وفي وحد النهار رسله بوه لوحد الضيعة كانت عنده وهو رايح فالطريق فات (مر) على كنيسة سمعهم يصلو عجباته التراتيل اللي كانو يقولو فيها فقرر باش يعرف هاد الديانة ويدخل فيها بصح كي شور للدار خبر بوه بواش سمع وقرر بصح بوه رفض وحطله سلسلة في رجليه وحبسه

سلمان الفارسي بعث للقساوسة باش يروح معاهم للشام ونجح باش يسلك روحه وسافر معاهم ثم عاش مع وحد القس يخدم فيه ويتعلم منه بصح كان يشوف فيه صفات وتصرفات ماكانتش تعجبه مثلا كان يدي التبرعات لنفسه ومايعطيهاش للفقراء

هادا القس مات وجا واحد اخر من وراه بغاه بزاف سلمان لخاطرش كان زاهد فالدنيا وكي بغا يموت وصى سلمان باش يروح عند رجل فالموصل فيه نفس الصفات وهكا قعد سلمان كل ما يجي يموت قس يرسله عند قس في بلاد اخرى حتى في اخر مرة قال له القس نبعثك لرجل مبعوث من دين ابراهيم ياكل الهدية ومايقبلش الصدقة وعنده علامات نبوة وخاتم في كفاه (قفاه) كي تشوفه تعرفه

سلمان كان ورث بزاف البقرات والغنم من ترحاله وخدمته عند القساوسة وفي وحد اليوم شاف قافلة عرض عليهم باش يعطيهم البقرات والغنم بشرط يوصلوه لجزيرة العرب بصح فالطريق خدعوه وباعوه لواحد يهودي في بلاصة يقولولها وادي القرى من بعد زاد اشراه رجل اخر هو تاني يهودي داه معاه للمدينة وكي شافها سلمان عرفها بلي هادي هي البلد اللي وصفوهاله وقعد في قباء حتى بعث الله نبيه محمد صلى الله عليه وسلم وفي وحد النهار دخل (سلمان الفارسي) على الرسول في وحد المجالس كان فيها مع اصحابه قاللهم " عندي طعام نذرته صدقة وكي قالولي على مجلسكم هذا قلت بلي انتوما احق بيه" رد الرسول عليه الصلاة والسلام لصحابه " كولو بسم الله" بصح هو ماكلاش

سلمان قال في نفسه "هادي الصفة اللولة مايكلش الصدقة"

الغدوة رجع سلمان لمجلس الرسول وقاله بلي سمعت بلي ماتكلش الصدقة واليوم جبتلكم هبة (هدية) قال الرسول صلى الله عليه ويلم

"كولو بسم الله " وكلا معاهم

سلمان قال في نفسه هادي الزاوجة ياكل ويقبل الهدية""

فاتت الايام وكان الرسول رجع من جنازة وكان لابس برنوس دايره على كتافه سلمان قعد يحاول باش يشوف خاتم النبوة بين كتاف الرسول صلى الله عليه وسلم وهو عرف نيته راح منحي البرنوس من على كتافه باش سلمان يتأكد

سلمان شاف الخاتم كيما وصفوهله ركع تحت رجلين الرسول صلى الله عليه وسلم وقعد يبكي نوضه الرسول وسقساه على قصته و أسلم

كتب الرسول لسيد سلمان اللي كان مالكه باش يحرره وطلب من الصحابة باش يعاونوه ورجع سلمان مسلم حر وشهد عدة غزوات مع الرسول صلى الله عليه وسلم أشهرها غزوة الخندق واللي فيها نصح سلمان المسلمين باش يحفرو خندق باش يتقو شر الكفار

سلمان الفارسي كان يكره الامارة وقال " إن استطعت أن تأكل التراب ولا تكونن أميرا على اثنين فافعل"

موت سلمان الفارسي

سلمان كان مخبي حاجة عزيزة عليه بزاف عند مرته ونهار قرب يموت طلب منها باش تجيب له واش راه داس عندها وكانت سرة تاع مسك وطلب منها باش تجيبله شوية ماء ورش هاديك الريحة تاع المسك من حوله وقاللها راه حدايا ناس ماياكلوش ومايشربوش بصح يبغو ريحة المسك وطلب منها باش تروح وتبلع الباب من موراها

كي ولات بعد شوية لقاته مات وراحت روحه الطاهرة لمولاها



حكيتكلكم القصة باختصار لطول سيرته وانجازاته وخصاله

ان شاء الله مايكونش فالقصة خطأ عن غير قصد

و ان شاء الله تعجبكم

الى حين قصة اخرى تقبلو مني فائق الاحترام والتقدير

سلام

يعطيكي الصحة اختي عجبتني بزاف مشكوووورة