خطيبي لا يحبني

[hano.jimi]

اجعليه يحبكي اغمريه ببحبكي وحنانكي ورعايتكي وخوفكي عليه مع الوقت سيحبكي

[ياسمين92]

الجمال الخرجي عمرو ما يدوم لكن الجمال الداخلي يدوم
ما تحقريش روحك قدامو
اتزيني و فششي روحك و ما تحقريش روحك
بينيلو بلي انت بنت طيوبة و حنينة و رزينة و تقدري تسعديه بعد الزواج
كاين بزاف بنات ماشي شابات بصح رجالهم يموتو عليهم
ما تقلقيش روحك حنونة
ربي يزينك في عينيه و يولي يحبك و حتى يموت عليك
نتمنالك السعادة ان شاء الله
بالتوفيق

[نسمة تفاؤل]

واش هذا يااختي رانا في 2013 مستحيل واحد يخطب واحدة وماشي حابها الله يهديك صلي استخارة واكثري من الدعاء فالله وحده من يعلم مافي القلوب ربي يوفقك

[youcefas07]

المشاركة الأصلية كتبت بواسطة مشكلتي

اعلم جيدا ان خطيبي لا يحبني وانه يتزوجني ليصون نفسه عن الحرام
وانا خائفة لانني لست جميلة واخاف ان يندم او يخونني في مستقبل
قولولي واش ندير

الله يسترك ان شاء الله
ليس لديك حل سوء الدعاء و الإستغفار

[مناد بوفلجة]

ديري حاجة وحدة

ألعني إبليس

[ريم الوداع]

حنونه يكفي انو اختارك من الف او حب يجي بعد زواج خليك من تكسار راس تاعك تهلي في روحك وفي زوجك واعلمي انك اذا حابه تكسبيه عاملي اهلوا بحسنه سيرتو ماما وبابا وخاوته وراح تشوفي كفاه يحطك في عينوااااااا ربي يهنيك حنونه

[AMINA.Z]

ما تهبطيش من قيمتك يا اختي

اذا ما كنتيش جميلة هو اكيد فيه عيب اخر علابيها تنازل على شرط الجمال في زوجتو


و زيد يا اختي

اذا ماكيش مرتاحة معاه درك في الفترة اللي يقولو انو الراجل يرجع فيها ملاك نازل من السماء

عاودي حساباتك بلاك نتي برك موسوسة

حاولي تتكلمي معاه بصراحة باه كلشي يبان ماتبقايش معلقة

[wiwi la blande]

choufi khti koun madjach yhabak ou ma3adjbo fik walou mayakhtarakch ntiya bach yatzawadj bik rdjal machi kamel yhawssou rir ala zin lazem ntiya jamais wila dali rohak 9odamou au contraire baynilou rir el hadja chaba fik tssema wach habit nwassalak kima nti tchoufi rohak howa hakak ywali ychouf fik rabii yhanik

[المحب للجزائر]

أظن المشكل ليس فيه بل فيك
أنت تنظرين إلى نفسك نظرة احتقار لها
ما كانت السعادة بجمال المرأة أو بقوامها
رايت رجال يبكون على نسائهم عند
موتهم، لأنهم وجدوا في زوجاتهم ما لن يجدوه
في حسناوات الدنيا ، اعلمي أن فيك أشياء
أجمل من المظهر ، فاظهريها لزوجك
الله يوفقكم للخير يارب

[فخورة بحجابي]

الجمال جمال الروح .ولتقرئي قوله تعالى :"يا ايها الانسان ما غرك بربك الكريم الذي خلقك فسواك فعدلك في اي صورة ما شاء ركبك " وليكن ايمانك عاليا وهمك اكبر وشخصيتك اقوى .انصحك بالاطلاع على اكبر قدر من الكتب المفيدة في حياتك المقبلة لتنجحي في تكوين اسرة على القيم ثابتة ولا تهتمي بسفاسف الامور .ووفقك الله

[مريم الصابرة]

السلام عليكم اختي
فهميني علاه خطبك إمالا وكيفاه يصون نفسو من الحرام لو عينو يصون لولو يحوس على الجمال لو راح راهم قدامو إستغفري ربي وغيرك تتمنى فرصتك ما تبقايش تتوسوسي وكيفاه حبيتي تعرفي باليلي يحبك واش يدير مثلا كثر من إنو خطبك واش كاين اكثر لما تتزوجي بيه ثم تعرفي كان يحبك او لا ماشي ضرك وشعال حبو بعضاهم وماتو ومسلسلات وكلام معسول وفالتالي طار الحمام يروح ويخليها راكي مليحة أحمدي ربي وكون كيما قلت ما رانيش شابة وين راكي عارفة إنت حكمت على المظهر لكن هو شاف داخلك ربي يهديك